prathamo'dhyāyaḥ

abhidharmadīpaḥ

vibhāṣāprabhāvṛttisahitaḥ|

prathamo'dhyāyaḥ|

prathamaḥ pādaḥ|

[1] yo duḥkhahetuvyupaśāntimārgaṁ pradarśayāmāsa narāmarebhyaḥ|

taṁ satpathajñaṁ praṇipatya buddhaṁ śāstraṁ kariṣyāmyabhidharmadīpam||

[2] sattvādyananyathābhāve vyaktābhāvaḥ prasajyate|

tadvikārādvikāritvaṁ prakṛtestadabhedataḥ||

[3] na karma svakatotsargāt jñavyaktātmakatā malāḥ|

prākpakṣe muktyabhāvaśca dvitīye'nye'pyupaplavāḥ||

[4] rūpaskandho hi netrādyā daśāyatanadhātavaḥ|

dharmasaṁjñe trayaskandhāḥ sā'vijñaptirdhruvatrayāḥ||

[5] manaḥsaṁjñakamanyo'pi saptavijñānadhātavaḥ|

āyadvāraṁ hyāyatanaṁ dhāturgotraṁ nirucyate||

[6] yogarūpyānukūlyāderdvādaśāyatanīṁ muniḥ|

buddhyādyekatvadhīhānyai dhātūṁścāṣṭādaśoktavān||

[7] ṣaṇṇāmanyo nyatantratvātkāraṇaṁ yaddhi tanmanaḥ|

rūpyarūpāśrayāstitvātpañcānāṁ rūpyudāhṛtaḥ||

[8] skandhāyatanadhātūnāṁ svātmanā saṁgrahaḥ smṛtaḥ|

svātmanā nityamaviyogāt samatvaṁ cittacaitasām||

[9] tadākhyā ye'nyasūtroktāsteṣāmeṣveva saṁgraham|

brūyācchāstranayābhijño buddhyāpekṣya svalakṣa[ṇam]||

[10] anyonyasaṁgraho jñeyaḥ skandhādīnāṁ yathāyatham|

nādhvasvapatanādibhyo nityānāṁ skandhasaṁgrahaḥ||

[11] dharmaskandhasahastrāṇāmaśīterapi saṁgrahaḥ|

jñeyo'vataraṇeṣveva taiḥ sanmārgāvatāraṇāt||

[12] dharmaskandhapramānaṁ (ṇaṁ) tu satyāderekaśaḥ kathā|

tatsatattvaṁ tu keṣāñcidvāṅnāmāpīṣyate paraiḥ||

[13] sattvaprajñaptyupādānaṁ maulaṁ ṣaḍdhātavo matāḥ|

proktāstadbhedato yasmādasminmāro(smimāno) nivartate||

'satkāyadṛṣṭipuṣṭatvāt'

[14] kliṣṭameva hi vijñānaṁ [draṣṭavyaṁ] janmaṇi (ni) śrayāt|

khadhātuḥ pṛthagākāśādrūpāyatanasaṁgrahāt|

[15] nabhaḥ khalu nabho dhātorāsanno hetureṣa tu|

bhūtānāṁ tāni tajjasya rūpasyaitattu cetasaḥ||

[16] pratyakṣavṛttiryattatprāgaprāptagrāhyato'pi yat|

tato'pi yaddavīyo'rthaṁ paṭiṣṭhamitarādapi||

abhidharmadīpe vimāṣāprabhāyāṁ vṛttau prathamā(mā) dhyāsya dvitīyaḥ pādaḥ||

prathamādhyāye

tṛtīyapādaḥ|

[17] sanidarśaṇa (na) ādyārthaḥ mūrttāḥ sapratighā daśa|

anyatra rūpaśabdābhyāṁ ta evāvyākṛtā matāḥ||

[18] śeṣāstridhā iha sarve'pi rūpadhātau caturdaśa|

rasagandhau savijñānau dhātū hitvā trayontimāḥ||

[19] sāsravāṇā (nā)stravā antyāstrayaḥ śeṣāstu sāsravāḥ|

sālambaprathamāḥ pañca sopacārāstrayastridhā||

[20] nirvikalpaguṇasvārthāḥ asmārādanirūpaṇāt|

manobhaumī smṛtiḥ pūrvo dvitīyo ghīrṇi(rni)rūpikā|

[21] vijñānapañcakaṁ kāmeṣvekena savikalpakam|

tasmādanyat tribhiḥ dhyāne prathame cāsamāhitam||

[22] dvābhyāmavyagraṁ ekena cakṣuḥśrotratvagāśraya[m]|

dvābhyāṁ taduparivyagraṁ ekenaiva samāhitam||

[23] ucchinnaśubhabījasya darśaṇaṁ(naṁ) savikalpakam|

kuśalaṁ nāsti vijñānamanyatra pratisandhitaḥ||

[24] kāmebhyo vītarāgasya bālasyāhānidharmiṇaḥ|

dvidhāpyakuśalaṁ nāsti kliṣṭaṁ cāryasya nottamam||

[25] nākliṣṭāvyākṛtaṁ kiñcidūrdhvabhūmivikalpakam|

kliṣṭaṁ vikalpakaṁ cāpi nāstyadhobhūmigocaram||

[26] tridheha dvayamāryasya rāgiṇaḥ saśubhasya ca|

na śubhaṁ nāpi ca kliṣṭaṁ dvitīyādiṣu darśakam||

[27] prayogādaṅgasānnidhyātsabhāgatvācca santateḥ|

prāgvijñānānubhūte'rthe cetasyutpadyate smṛtiḥ||

[28] etadviparyayāt māndyātkleśarogābhibhūtitaḥ|

jñātapūrveṣu vismṛtiḥ saṁprajāyate||

[29] dṛṣṭaṁ dvitricatuḥpañcaprakāreṇāpi cetasā|

smaryate sattadanyaiśca nānyo'nyaṁ vyoghadṛkkṣaye||

[30] vijñānānāṁ tu pañcānāṁ yadekenānubhūyate|

tatsmaryate'pi cānyena tena khalvitarairapi||

[31] dvyavyākṛtānubhūtaṁ yaccittaṁ dvādaśakādiha|

vyārūpyarūpaṇi(ni)vṛteḥ smaryate'ṣṭābhireva tat||

[32] rūpārūpyāptanivṛtaśubhābhyāṁ tu kramena(ṇa) yat|

kāmāptāvyākṛte hitvā smaryate daśakena tat||

[33] rūpe tvanivṛtākhyena dṛṣṭamavyākṛtena yat|

ārūpyāvyākṛte hitvā tadanyaiḥ smaryate punaḥ||

[34] ārūpyāvyākṛtajñātaṁ yaśceto navakena tat|

kāmāptāvyākṛte hitvā rūpāptānivṛtaṁ tathā||

[35] cittākhyāḥ sapta sālambā dharmākhyaḥ saṁprayuktakaḥ|

amūrtā dhvaninā sārdhamanupāttāḥ nava dvidhā||

[36] spṛśyaṁ dvidhā sadharmāṁśāḥ saha tā nava bhautikāḥ|

daśa sāvayavā mūrtāḥ ta eva daśa saṁcitāḥ||

[37] rūpagandharasasparśāścchetṛcchedyātmakā matāḥ|

dāhakāstolakāścaite dāhyāstolyāsta eva vā||

[38] pañca rūpīndriyātmāno vipākopacayātmakāḥ|

amūrttā naupacayikāḥ tridhā śeṣāḥ dhvanirdvidhā||

[39] cakṣustadupalabdhiśca pṛthagvā saha vā'pnuyāt|

dvādaśādhyātmikā jñeyāḥ bāhyāṣṣaḍviṣayātmakāḥ||

[40] trayo'ntyāstrividhāḥ śeṣā bhāvanāpathasaṁkṣayāḥ||

na rūpamasti dṛgdheyaṁ nākliṣṭaṁ nāvikalpakam||

[41] sabhāga eva dharmākhyaḥ śeṣāstūbhayathā smṛtāḥ||

sabhāgastatsabhāgatve svakriyābhāktu tulyate||

[42] cakṣuḥ sadharmadhātvaṁśaṁ navadhā dṛṣṭirūcyate|

pāñcavijñānakī prajñā na dṛṣṭiraṇi (ti) tīraṇāt||

[43] sameghāmegharātryahnordṛśyaṁ cakṣuryathekṣate|

kliṣṭākliṣṭadṛśau tadvacchaikṣāśaikṣe ca paśyataḥ||

abhidharmadīpe vibhāṣāprabhāyāṁ vṛttau prathamasyādhyāyasya tṛtīyaḥ pādaḥ||

prathamādhyāye

caturthapādaḥ|

[44] cakṣuḥ paśyati vijñānaṁ vijānāti svagocaramṛ|

ālocanopalabdhitvādviśeṣaḥ sumahāṁstayoḥ||

[45] ekasya cakṣuṣaḥ kāryaṁ vijñānamathavā dvayoḥ|

aprāpyārthaṁ manaścakṣuḥ śrotraṁ ca trīṇyato'nyathā||

[46] aprāptagrāhiṇaḥ siddhā dūrāsannasamagrahāt|

pradīpādiprabhāvaścet na samaṁ tatsamudbhavāt||

[47] sarvagrahaprasaṁgaścennāyaskāntādidarśaṇā(nā)t|

sarvagatvādadoṣaścennāyogāttilatailavat||

[48] na hyū rdhvaṁ cakṣuṣaḥ kāyo na rūpaṁ nākṣijaṁ manaḥ|

vijñānasya tu netrārthastau ca kāyasya savaṁtaḥ||

[49] nopariṣṭācchru teḥ kāyo na śabdo na svakaṁ manaḥ|

vijñānasya tu nihrādastau ca kāyasya sarvataḥ||

[50] trayāṇāṁ(ṇāṁ) trīṇyapi svāṇi(na) tanorvijñānamapyadhaḥ|

manastvaniyataṁ yogivaiśvarūpyaṁ pradarśitam||

[51] sāsravānāsrāḥ skandhā ye tūpādānasaṁjñitāḥ|

sāsravā eva te jñeyāstatsācivyakriyādibhiḥ||

[52] adhvādyāḥ skandhaparyāyāḥ dharmādyā vastunaḥ sataḥ|

ye tu sāsravasaṁjñāste proktā duḥkhādināmabhiḥ||

[53] svātmyagocarakāryānāṁ(ṇā)mekatvādekadhātunā|

cakṣurādidvibhāve'pi dvyutpattiḥ karmatṛ(tri)tvaśāt||

[54] [asādhāraṇa]vaiśiṣṭyādaiśvaryādāntaraṅgaytaḥ|

satyapyaṇe (ne) kahetutve vijñānaṁ tairviśeṣyate||

[55] nityatvātkuśalatvācca nirvāṇaṁ dravyamañjasā|

sāradravyena tenaiko dharmākhyo dravyavānmataḥ||

[56] prathamaṁ nirmalaṁ cittamasābhāgyātkṣaṇaḥ smṛtaḥ|

tenādbhutakṣaṇenaite kṣaṇikāḥ paścimāstrayaḥ||

[57] ghrāṇaṁ jihvā ca kāyaśca tulyārthagrāhyadastrayam|

paścimasyāśrayo'tītaḥ pañcānāṁ taiḥ sahāpi ca||

[58] niśritya khalvanāgamyaṁ niśrayāṁścaturo'tha vā|

anāsravena (ṇa) mārgeṁṇa cakṣurdhāturnirudhyate||

[59] anāgamyaṁ tu niśritya gandhadhāturṇi(rni)rudhyate|

manodhāturaṇā(nā)gamyaṁ yadi vā saptaniśrayāt||

[60] anāgamyaṁ tathaivādyaṁ cakṣurvijñānasaṁjñakaḥ|

dharmadhātorvicitratvādyathāyogaṁ vinirdiśet||

[61] cakṣurdhātuṁ hi rūpāptaṁ parijānan pṛthagjanaḥ|

kṛtsnādrūpamayāddhātorvairāgyamadhigacchati||

[62] tasmādanuśayāndhātorekartriśajjahāti ca|

paryādatte na kiñcittu saṁyojanamasau tadā||

[63] rūpavairāgyamāpnoti jahātyanuśayatrayam|

tadā saṁyojanaṁ tvāryaḥ paryādatte na kiñcanā||

[64] cakṣurvijñānadhātuṁ tu parijānaṁstameva ca|

parijānātyavaśyaṁ ca brahmalokādvirajyate||

[65] na tu saṁyojanaṁ kiñcitparyādatte tadā hyasau|

gandhadhātuṁ rasākhyaṁ ca parijānan pṛthagjanaḥ||

[66] kāmavairāgyamāpnoti dhruvaṁ hyanuśayānapi|

tadā jahāti ṣaṭtriṁśadvartisaṁyojanatrayam||

[67] āryastu kāmavairāgyaṁ karotyanuśayānapi|

caturaḥ parijānāti paryādatte'pi ca trayam||

[68] parijānanmanodhātumārūpyebhyo virajyate|

jahātyanuśayāṁstrīṁśca paryādatte trayaṁ tathā||

[69] parijānankhalu prītiṁ tāmeva prajahātyasau|

ābhāsvarācca vairāgyaṁ yāti hanti tu nāsravān||

[70] parijānansukhaṁ yogī prajahāti tadeha ca|

śubhakṛtsnācca vairāgyaṁ yāti kleśānna hanti tu||

[71] dvivijñeyāḥ guṇāḥ pañca hetuḥ sarve kṣarākṣarāḥ|

anyatra dharmadhātvarthā(dhī)cchaḍbāhyā nendriyātmakāḥ||

abhidharmadīpe vibhāṣā [prabhāyāṁ vṛttau prathamo'dhyāyaḥ|]

Technical Details

Text Version: 

Romanized

Input Personnel: 

DSBC Staff

Input Date: 

2007

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

dvitīyo'dhyāyaḥ

dvitīyo'dhyāyaḥ|

prathamaḥ pādaḥ|

[72] dvāviṁśatiprakārasya kṛtsnasyendriyaparvaṇaḥ|

saṁkṣepeṇābhidhāsyante dharmā ṇi(ni)rvacanādayaḥ||

[73] nāmnā dvāviṁśatistāni dravyato daśa sapta ca|

yasmānnānyaddvayaṁ kāryā(yā)tsukhādinavakatrayam||

[74] nāmasallakṣaṇābhāvāttannāmnaḥ sārthakatvataḥ|

trayānāṁ(ṇāṁ) vargavṛttitve'pyarthamabhyeṣyate paraiḥ||

[75] viśiṣṭabuddhihetutvādādhipatyaviśeṣataḥ|

kāyendriyādviśiṣṭatvaṁ dvayorṇe(rne)trendriyādivat||

[76] aiśvaryārtho vipaścidbhirindriyārtho'bhidhīyate|

svārthavyaktiṣu pañcānāṁ caturṇāṁ tvarthayordvayoḥ||

[77] svagocaropalabdhyādāvīṣi (śi)tvamapare viduḥ|

svārthavijñāna evānya āhuḥ paṇḍitamāninaḥ||

[78] kleśotpattau sukhādīnāṁ śraddhādīnāṁ guṇāptiṣu|

phalasaṁkleśasaṁbhāraviśuddhitvādanukramaḥ||

[79] sattvākhyā sattvavaicitrya(tryaṁ) dhṛti(tiḥ) kleśodbhavaśca yaiḥ|

mārgopāyaḥ phalaprāptisteṣāmindriyatā matā||

[80] sparśāśrayodbhavādhārasaṁbhogatvāccaturdaśa|

svargāpavargahetutvāt tadanyadvendriyāṣṭakam||

[81] chandaṁ vīryāṅgabhūtatvāt sparśo vittyanubṛṁhaṇāt|

saṁjñā prajñābhibhūtatvānnendriyaṁ munirabhyadhāt||

[82] śraddhādīnāṁ vidāṁ caiva doṣaḥ śuddhau malodaye|

pradhānatvānmanaskāro nendriyaṁ samudāhṛtam||

[83] saṁbhāvanānukūlatvādadhimokṣo'pi nendriyam|

kālāntaraphalotpādasaṁdehābhyāṁ na cetanā||

[84] nāpramādo'pyasau vīryāt, na hrīḥ prāgalbhanigrahāt|

nopekṣā nāpi cālobho vīryaśraddhābhibhūtitaḥ||

[85] na prasrabdhirvidautkaṭyādvinindyatvācca nāsravāḥ|

jātyādayo na pārārthyāt niṣkriyatvānna nirvṛtiḥ||

[86] kāyasya bādhanaṁ duḥkhaṁ daurmanasyaṁ tu cetasaḥ|

sukhaṁ ca sumanastā ca sātaṁ śārīramānasam||

[87ab] vaiśiṣṭyānmānasaṁ sātaṁ sukhaṁ kvacidudāhṛtam|

[88] ṣaṭsu bhūmiṣu vijñeyaṁ nīrajaskādyamindriyam|

tadanye nirmale tvakṣe draṣṭavye navabhūmike||

[89] daurmaṇa(na)syaṁ dvihātavyaṁ manovittitrayaṁ tridhā|

navābhyāsapraheyāni(ṇi) dvidhā [pañca] na tu trayam||

[90] pūrvaṁ kramodbhavaiḥ kāme vipāko [labhya] te dvayam|

anyaiḥ ṣaṭ sapta vā'ṣṭau vā ṣaḍ rūpe antye tu jīvitam||

[91] mriyamāṇai(rni)rodhyante trīṇyante aṣṭau tu madhyame|

daśāṣṭau nava catvāri kāme pañca śubhāni vā||

abhidharmadīpe vibhāṣāprabhāyāṁ vṛttau dvitīyasyādhyāyasya prathamaḥ pādaḥ||

dvitīyādhyāye

dvitīyapādaḥ|

[92] ādyantalābho navabhiḥ saptāṣṭābhiśca madhyayoḥ|

ekādaśabhirāptistu phalasyāntya[sya] hānitaḥ||

[93 ab.] svasya dhātoḥ parijñānaṁ svavipakṣadṛśā pathā|

[94] kāmadhātuparijñānaṁ prāyaḥ saptabhiriṣyate|

samalairnirmalaistvarthairaṣṭābhirabhidhīyate||

[95] rūpadhātuparijñānamiṣṭaṁ daśabhirindriyaiḥ|

antyadhātuparijñānamekādaśabhirucyate||

[96] sarvasattvāstridhātusthā upekṣāyurmaṇo(no)'nvitāḥ|

tvakstrītvavyañjanaiḥ kāme rūpiṇaścakṣurādibhiḥ||

[97] kāminaḥ khalu duḥkhena tadrāgī durmaṇa(na)stayā|

ūrdhvajastu sukhenāryaḥ śubhāhvādharajau tathā||

[98] pratītyā(prītyā) bhāhvādharodbhūtau śubhaiḥ sa śubhamūlakaḥ|

śaikṣābhyāṁ mokṣamārgasthau [aśaikṣo'rhan] svamārgagaḥ||

[99] upekṣāyurmaṇo(no) yukto'vaśyaṁ trayasamanvitaḥ|

caturbhiḥ kāyasukhavān cakṣuṣmānapi pañcabhiḥ||

[100] strīndriyādyanvito'ṣṭābhiḥ duḥkhī yuktastu saptabhiḥ|

ekādaśabhirantyābhyāṁ sapta ṣaḍbhistadādyavān||

[101] tridvīpanarakotpannā mithyātvaniyatā api|

[bahubhiḥ] hyekānnaviṁśatyā svalpairaṣṭābhiranvitāḥ||

[102] antarābhavikapretatiryakśraddhānusāriṇa [:]|

tryadhikairdaśabhiryuktā daśabhirvā navādhikaiḥ||

[103] samyaktvaniyatā ye tu ye ca śraddhādhimuktikāḥ|

ta ekādaśabhiryuktā daśabhirvā navādhikaiḥ||

[104] prajñāvimuktanāmārhat kāyasākṣyubhayāhvayāḥ|

akṣaikādaśakopetā yadi vā'ṣṭādaśānvitāḥ||

[105] kāmadevā mṛtāḥ svalpairdaśabhiḥ saptakādhikaiḥ|

ta evaikonaviṁśatyā yuktā bahubhirindriyaiḥ||

[106] [dvirdhyāna] jāstu sarvālpairdaśabhiḥ pañcakādhikaiḥ|

daśabhiḥ sacatuṣkaistu śubhakṛtsnāḥ samanvitāḥ||

[107] bṛhatphalā hi atyalpaistrayodaśabhiranvitāḥ|

yuktāḥ ṣoḍaṣa(śa)bhistvete sarvabhūribhindriyaiḥ||

[108] aṣṭābhirdaśabhiḥ saikairārūpyāḥ svalpabhūribhiḥ|

sadevakauravāḥ sattvāstrayodaśabhiranvitāḥ||

[109] aṣṭābhirniḥśubho yukto daśabhirvā trayādhikaiḥ|

dviliṅgāḥ paścimaiḥ svalpairviśatyāpyekayā param||

[110] saptadravyāvinirbhāgī paramāṇurbahirgataḥ|

kāmeṣvekādhikaḥ kāye dvaydhikaścakṣurādiṣu||

[111] evaṁ rūpe'pi vijñeyo hitvā gandharasadvayam|

cittaṁ caitasikaiḥ sārdhaṁ saṁskṛtaṁ tu svalakṣaṇaiḥ||

abhidharmadīpe vibhāṣāprabhāyāṁ vṛttau dvitīyasya [adhyāyasya] dvitīyaḥ pādaḥ||

dvitīyādhyāye

tṛtīyapādaḥ|

[112] daśadharmā mahābhaumā vitsaṁjñācetanāsmṛtiḥ|

chandaḥ sparśo'dhimokṣaśca dhīḥ samādhirmanaskṛtiḥ||

[113] śraddhāpekṣā'pramādaśca prasrabdhirhrīrapatrapā|

mūlavīryamahiṁsā ca śubhabhūkā daśasmṛtāḥ||

[114] styānaṁ pramattirāśraddhyamālasyaṁ mūḍhiruddhati[:]|

kliṣṭe ṣaṭ aśubhe tu dve āhrīkyamanapatrapā||

[115] māyāśāṭhyamadakrodhavihiṁserṣyāpradaṣṭayaḥ|

sūkṣmopaṇā(nā)hamātsaryāṇyalpakleśabhuvo daśa||

[116] pṛthivyādi yathā dravyaṁ nīlādiguṇayogataḥ|

taistairviśeṣyate śabdaiścaittayogānmanastathā||

[117] bhūtabhautikanānātvaṁ svarūpehākṛtaṁ yathā|

tathaiva cittacaittānāṁ pṛthaktvamupadhāryatām||

[118] yathā saṁbandhisaṁbandhādvikāro'mbhasi lakṣyate|

tathā saṁsargisaṁsargāccetovikṛtirīkṣyatām||

[119] guṇo viśeṣaṇaṁ dharmo mātrāvṛttistathāśrayī|

ityevamādayaḥ śabdāḥ pradhānāpekṣavṛttayaḥ||

[120] cittaṁ pradhānameteṣāṁ vastu mātragrahādibhiḥ|

bījaṁ caitatpravṛttīnāṁ śuddhisaṁkarayorapi||

[121] abhyudgacchati kāmāptaṁ dharmairdvādaśabhiḥ saha|

akliṣṭāvyākṛtaṁ cittaṁ raśmivāniva raśmibhiḥ||

[122] tathāṣṭādaśabhiścittairnivṛtaṁ jāyate manaḥ|

dvāviṁśatyā sahāvaśyaṁ śubhaṁ bhavati mānasam||

[123] cetasossaha viṁśatyā cittamutpadyate'śubham|

dṛṅmohamātrayuktaṁ yat krodhādyaistvadhikaṁ vadet||

[124] sarvatra saṁbhavānmiddhaṁ yatra syāttatra nirdiśet|

tadvadeva ca kaukṛtyamadhikaṁ gaṇayetkvacit||

[125] sāśubhaṁ middhakaukṛtyaṁ rūpadhātau na vidyate|

dhyānāntare vitarkaśca vicāraścāpi nopari||

[126] saṁprayuktaḥ saṁskāraḥ samatā yasya pañcadhā|

viprayuktaśca boddhavyaḥ samatā yasya nāstyasau||

[127] viśiṣṭāṇā (nā) masadbhāvātprasaṁgo nāsti rūpiṇām|

saṁskāragrahaṇāccaiva khādīnāṁ ṇa(na) prasajyate||

[128] prāptyādayastu saṁskārā viprayuktāstrayodaśa|

āptoktisvakriyāliṅgā liṅgameṣāṁ gadiṣyate||

[129ab.] prāptiḥ samanvitirlabdhirdharmavattā vyavasthitiḥ|

[130cd.] śrutacintāmayānāṁ ca samāpattidvayasya ca|

[131] ni[:]kleśasaṁskṛtāpūrva(rvaṁ) śubhānāṁ tu rajasvatām|

ādilābhe saha prākca tadūrdhvaṁ vā tridheṣyate||

[132] kliṣṭāṇāṁ kuśalānāṁ ca tadanyeṣāṁ tridhā matā|

nivṛtāvyākṛtā jñānanirmāṇamanasāṁ tathā ||

[133] nirvāṇasyādito lābhe nityasyānyasya sarvadā|

ajā tavartamānā ca kadācittu tridheṣyate||

[134] ekārtharuciheturyaḥ sattvānāṁ sa sabhāgatā|

āsaṁjñikaṁ vipāko yaccittopacchedyasaṁjñiṣu||

[135] śubhā'saṁjñisamāpattirdhyāne'ntye cittarodhinī|

niḥsṛtīcchāpravṛttitvāt nāryasya āpyā prayogataḥ||

[136] nirodhākhyā tu vijñeyā vijihīrṣorbhavāgrajā||

śubhā'ryaṁsya prayogāpyā dvivedyā'niyatā matā||

[137] cetaścatuṣṭayāyogādāgamādupapattitaḥ|

nirveditamanobhāvātsiddhyatīyamacittikā||

[138] gatiprajñaptyupādānamāyuścittoṣmaṇoḥ sthitiḥ|

āgamādyuktitaścaiva dravyatastatsadiṣyate||

[139] jātiḥ sthitirjarāṇā(nā)śaḥ saṁskṛtāṅkacaṣṭatuyī|

catvāri sthitināstitve hetutvādyaprasiddhitaḥ||

[140] śaktihānerjarāsiddhiḥ nānyatvāt pariṇāmitā|

ekakāritranāśābhyāṁ śaktihāniḥ prasiddhyati||

[141] sati janmani tadbhāvād dravyakāritranāśataḥ|

āgamādupapatteśca vināśo'pi sahetukaḥ|

[142] vākchabdādhīnajanmānaḥ svārthapratyāyanakriyāḥ|

saṁjñādyaparaṇā(nā)mānastrayo nāmādayaḥ smṛtāḥ||

[143] anye nāmādayaḥ śabdādaprāptārthaprakāśanāt|

anityāste tu vijñeyāḥ sāpekṣārthavibhāvanāt||

[144] svarūpaṁ vedayaṁścchabdo vyañjanā dīni ca dhruvam|

arthapratyāyakaḥ prājñarbhaktikalpanayocyate||

[145] paramānu(ṇu)svabhāvatvād ghoṣaikatvaṁ na yujyate|

tādātmyaṁ pratighātitvāt tatsiddhirvaraṇādibhiḥ||

[146] sphoṭākhyo nāparo ghoṣācchabdo nityaḥ prasiddhyati|

kramavṛtterṇa(rna) śabdena kaścidartho'bhidhīyate||

[147] na śrutyā śrūyate śabdastadanyā ca gatiḥ śruteḥ|

yo brūyātsa svamātmānaṁ vidvadbhirapahāsayet||

[148] pratidyotyaṁ yathāyogaṁ niyatāniyatāśca te|

niyatodbhāvanād buddhaḥ sarvajña iti gamyate||

[149] sattvākhyāḥ kāmarūpāptā niṣyandā'vyākṛtāstathā|

tathaiva ca vipākaśca sābhāgyaṁ[prāptayo dvidhā]|

[abhidharmadīpe vibhāṣāprabhāyāṁ vṛttau dvitīyasyādhyāyasya tṛtīyaḥ pādaḥ||]

[dvitīyo'dhyāyaḥ samāptaḥ||]

Technical Details

Text Version: 

Romanized

Input Personnel: 

DSBC Staff

Input Date: 

2007

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

tṛtīyo'dhyāyaḥ

tṛtīyo'dhyāyaḥ|

caturthapādaḥ|

[150] sattvākhyopadravābhāvānna caturthe'sti sūtrataḥ|

vimānasya sama(sa)tvasya pradhvaṁsānnityatā kutaḥ||

[151] sapta tejobhirekā'dbhirgate'dbhiḥ saptake punaḥ|

tejasā saptakāntyaikā vāyu[saṁvartanī tataḥ]||

[152] āgneyātsaptakādeka[:] pāvanīkimanantaram|

āyuṣparigrahādevaṁ śubhakṛtsnāyuredhanam||

[153] vātādidoṣasādharmyā[tsattvā]ṇā(nāṁ) [tadvināśakāḥ]|

ādhyātmiketi sārūpyānna bhūsaṁvartaṇī(nī) matā||

abhidharmadīpe [vibhāṣāprabhāyāṁ vṛttau tṛtīyasyādhyāyasya ca] turthaḥ pādaḥ samāptaḥ||

[tṛtīyo'dhyāyaḥ samāptaḥ]||

Technical Details

Text Version: 

Romanized

Input Personnel: 

DSBC Staff

Input Date: 

2007

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

caturtho'dhyāyaḥ

caturtho'dhyāyaḥ|

prathamaḥ pādaḥ|

[154] sattvopapattihetūnāṁ [vipatsaṁpa]dvidhāyiṇā [nā]m|

lokavacitryakartṝṇāṁ karma heturitīṣyate||]

[155] kāyikaṁ vāṅmayaṁ caiva cetanākhyaṁ ca mānasam|

karmāṇyetāni lokasya kāraṇaṁ neśvarādayaḥ|

[156] vaiśvarūpyātkramotpādāttadvadanyatprasaṅgataḥ|

nānyāpekṣā tapoyogo pakṣahānyādidoṣataḥ|

[157] karmaṇāṁ bodhyate śaktirvidhikālagrahādibhiḥ|

yato'tasteṣu tācchabdyaṁ gaunyā(ṇyā) vṛttyā prayujyate||

[158 ab.] pūrve vijñaptyavijñaptī cetanā mānasī kriyā|

[abhidharmadīpe vibhāṣāprabhāyāṁ vṛttau caturthādhyāyasya prathamaḥ pādaḥ]

caturthādhyāye

dvitīyapādaḥ|

[159] annamatyagniṇi(ni)rdagdhaṁ yathā sthālī ca saṁskṛtā|

pāpadṛṣṭestathā śīlaṁ śāṭhyerṣyādikṣatātmanaḥ||

[160] saṁvṛtsaddṛṣṭyupetāto bhikṣutvaṁ paramārthataḥ|

ekasampattu saṁvṛtyā dvayābhāve dvidhā'pi na||

[161] vigatāvaṇe jñāne buddhoktermukhyakalpanā|

tadāśraye phale cāpi vijñeyā guṇakalpanā||

[162] śāśvatatvaśubhatvābhyāṁ sarvāṇa (na)rthanivṛttitaḥ|

mukhyakalpanayā tadvaddharmo nirvāṇamucyate||

[163] āryāḥ śiṣyaguṇāḥ saṁghastathaiva paramārthataḥ|

etānyo yāti śaraṇaṁ sa yāti śaraṇatrayam||

[164] mithyācāraḥ satāṁ garhyātparatrākaraṇāptitaḥ|

pāpiṣṭhatvānmṛṣāvādo madyapāṇaṁ(naṁ) smṛtikṣayātū||

[165] sarvebhyo vartamānebhyo dvividhebhyo'pi kāmajaḥ|

trikālebhyastu maulebhyo labhyete bhāvanāmayau||

[166] sarvebhyaḥ sattvajātibhyaḥ saṁvaro vāṅgakāraṇaiḥ|

sarvebhyo saṁvarāṅgebhyaḥ sattvebhyaśca na kāraṇaiḥ||

[167] kriyayā[']saṁvarapraptiḥ sa hābhyupagamena vā|

avijñaptirato'nyasyāḥ kṣetrāṅgādiviśeṣataḥ||

[168] kāmāptasaṁvaratyāgaḥ śikṣāṇi(ni) kṣepaṇādibhiḥ|

patanīyarapītyeke tannetyanye tvayogataḥ||

[169] ayogā(go) nāṁśuvidhvaṁsātpaṭadravyaṁ vinaśyati|

sūtre dhvaṁsoktiranyārthā yatherṣyāśaṭhanādiṣu||

[170] saddharmāntarddhito'nye'nye nāpūrvāpratilambhataḥ|

bhūsaṁcāreṇa hānyā ca tyajyate dhyānajaṁ śubham||

[171] tathā''rūpyāptamāryantu phalāptyakṣavihānibhiḥ|

asaṁvaro damaprāptirjīvitotsarjaṇā(nā) dibhiḥ||

[172] cittavegādivicchedairavijñaptistu madhyamā|

kāmāptaṁ kuśalaṁ nāma tribhirmūlacchidādibhiḥ||

[173] pratipakṣodayātkliṣṭaṁ tridhātvāptaṁ vihīyate|

sarve kāmeṣu rūpe dvādhe(ve)ko'rūpiṣu lābhataḥ||

[174] yadiṣṭaphaladaṁ karma kuśalaṁ tadudāhṛtam|

viparyayeṇākuśalamavyākṛtamato'nyathā||

[175] kāmāptaṁ prathamaṁ puṇyamapuṇyamaśubhātmakam|

ūrdhvabhūmikamānejyaṁ vipākaṁ pratyanejanāt||

[176] sukhavedyaṁ śubha(bhaṁ) karma dhyānādarvākturīyakāt|

upekṣāvedyamanyatra duḥkhavedyantu pāpakam||

[177] adho'pi madhyamaṁ karma dhyānenā ntyepi nirvṛteḥ|

yugapattrivipākeṣṭerdhyānāntaravipākataḥ||

[178] punaścaturvidhaṁ karma dṛṣṭavedyādibhedataḥ|

janmanastribhirākṣepo dṛṣṭadharmāhvayādṛte||

[179] caturṇāmapi cākṣepaḥ sarvatra narakādṛte|

na tatreṣṭaphalābhāvācchubhaṁ yasmādvipacyate||

[180] notpadyavedyakṛttatra yadviraktaḥ pṛthagjanaḥ|

sthiro nāparakṛccāryaścalo'pi bhavamūlayoḥ||

[181] yadārtraraudracittena karmābhīkṣṇaṁ niṣevyate|

satkṣetre kriyate yacca phalaṁ tasya niyamyate||

[182] kṣetrāśayaviśeṣācca phalaṁ sadyo vipacyate|

nirodhavyutthitādau ca sadyaḥ kālaphalakriyā||

[183] tadbhūmyapunarutpatteḥ vipākaniyataṁ ca yat|

tacca dṛṣṭaphalaṁ vidyāt karmādaḥ paripūrakam||

[184] kuśalasyāvicārasya caitasikyeva vedanā|

vipākaḥ kāyikī tviṣṭā duḥkhavedyasya karmaṇaḥ||

[185] sapākamaśubhaṁ kṛṣṇaṁ sapākaṁ rūpajaṁ sitam|

śubhāśubhaṁ dvidhā kāye(me) nirmalaṁ tatprahāṇakṛt||

[186] casasro dṛkpathā dṛṣṭau cetanābhāvanāpathāt|

ānantaryapathāḥ kāme karmaitatkṛṣṇanāśakṛt||

[187] navame cetanā yā tu sā kṛṣṇākṛṣṇayā [ghā]tinī|

antānantaryamārgasthā dhyāne dhyāne sitasya tu||

[188] kāyādyakuśalaṁ karma sarvaṁ duścaritaṁ matam|

abhidhyādīnyapi trīṇi manoduścaritatrayam||

[189] śubhaṁ tatsā'nabhidhyādi proktaṁ sucaritatrayam|

dvayaṁmaulamadaḥ karma mārgā daśa śubhāśubhāḥ||

[ abhidharmadīpe vibhāṣāprabhāyāṁ [vṛttau] caturthādhyāyasya dvitīyaḥ pādaḥ|

caturthādhyāye

tṛtīyapādaḥ|

[190] kāritāḥ ṣaḍavijñaptidvaryātmaikaste'pi ṣaṭ kṛtāḥ|

śubhāḥ sapta dvidhā jñeyā ekavai(dhai)te samāhitāḥ||

[191] yā sāmanteṣvavijñaptiḥ pṛṣṭheṣu tu viparyayaḥ|

prayogastu trimūlotthaḥ [abhidhyādyāstrimūlajāḥ]||

[192] [kuśalāḥ prayogapṛṣṭhāśca kuśalatrayamūlajāḥ]|

dveṣeṇa vadhapāruṣyavyāpattīnāṁ samāpanam||

[193] steyasyānyāṅganāyāterabhidhyāyāśca lobhataḥ|

mithyādṛśastu mohena tadanyeṣāṁ tribhirmatam||

[194] caturṇāmapyadhiṣṭhānaṁ jñeyameṣāṁ yathākramam|

prāṇinaścātha bhogāśca nāmarūpaṁ ca nāma ca||

[195] prāṇātipāto dhīpūrvamabhrāntyā paramāraṇam|

atyaktā'nyadhanādānamadattādānamucyate||

[196] parastrīgamanaṁ kāmamithyācāro vikalpavān|

arthajñāyā'nyathāvādo drohabuddhyā mṛṣāvacaḥ||

[197] dṛṣṭyā śrutyādibhiścākṣairmaṇa(na)sā yacca gṛhyate|

dṛṣṭaṁ śrutaṁ mataṁ jñātamityuktaṁ tadyathākramam||

[198] paiśunyaṁ bhedakṛdvākyaṁ pāruṣyaṁ tu yadapriyam|

kliṣṭaṁ saṁbhinnalāpitvamanye gītakathādivat||

[199] parasvāsatspṛhā'bhidhyā vyāpā[daḥ] sattvagocaraḥ|

vidveṣānā'nantadṛṣṭistu mithyādṛṣṭi [rahetukā]||

[200] cetanā na kriyāmārgastaistu sattā pravartate|

yugapadyāva[daṣṭā] bhiraśubhaiścetanaiḥ saha||

[201] [śubhaistu] daśabhiryāvatsārvaṁ(rdhaṁ) naikāṣṭapañcabhiḥ|

vilāpadveṣapāruṣyāṇyu(ṇi)ṣa (sa)nti narake dvidhā||

[202] tadvadeva matā'bhidhyā mithyādṛṣṭistathaiva ca|

abhidhyāditrayaṁ tadvatkurau pralapanaṁ dvidhā||

[203] aśubhāstu daśānyatra sarvatra kuśalāstrayaḥ|

ārūpyā'ryā'saṁjñināṁ ca rūpiṇaḥ sapta lābhataḥ||

[204] kurūnsanarakānhitvā sarvatrānyatra te dvidhā|

sarve vipākaniṣyandādhipatyaphaladā daśa||

[205] duḥkhopasaṁhṛterduḥkhamalpāyuṣṭvantu māraṇāt|

tejonāśātkṛśaujastvamidaṁ tattrividhaṁ phalam||

[206] ānantaryapathe karma phalavatpañcabhiḥ phalaiḥ|

caturbhistvamalenāryaṁ tadvadanyacchabhāśubham||

[207] tato'nyannirmalaṁ jñeyaṁ tribhiravyākṛtaṁ tathā|

phalaṁ śubhasya catvāri dvetrīṇi ca śubhādayaḥ||

[208] śubhādyāstvaśubhasya dve trīṇi catvāri ca kramāt|

avyākṛtasya te tu dve trīṇi trīṇi śubhādayaḥ||

[209] sarve catvāryatītasya madhyamasya ca bhāvinaḥ|

madhyamā dve svakasyaiva trīṇyanāgāmijanmanaḥ||

[210] catvāryekabhuvo dve vā trīṇi cāparabhūmikāḥ|

śaikṣādyāstrīṇi śaikṣasya ta evāśaikṣakarmaṇaḥ||

[211] ekaṁ trīṇi dvayaṁ caiva śaikṣādyāḥ paścimasya tu|

dve dve pañca yathāsaṁkhyaṁ dṛggheyasya tu karmaṇaḥ||

[212] trīṇi catvāri caikaṁ ca dṛṣṭiheyādayaḥ smṛtāḥ|

te tvabhyāsapraheyasya dve catvāri tridhā matāḥ||

[213] kramādekadvicatvāri te tvaheyasya karmaṇaḥ|

ekenākṣipyate[janma] bhūribhiḥ paripūryate||

[214] kuśalaṁ vā'thavā pāpaṁ yadatītaṁ dadatphalam|

svaṁ kāyavāṅmanaskarma sā karmasvakatā matā||

[215] saṁvṛtyā skandhasantāne tatkriyāphaladarśaṇā(nā)t|

karttṛtā bhoktṛtā coktā niṣiddhā śāśvatasya tu||

[216] syātkarmasvakatā nāsti tasya ceti catuṣkikā|

prathamā tatphalasthasya vihāṇā(nā)ttasya karmaṇaḥ||

[217] dvitīyā tatphalasthasya karmaṇā tena cānvayāt|

tṛtīyobhayayuktasya caturthyanubhayasya tu||

[218] syātkarmasvakatā nāpi tatphalaṁ vedayiṣyati|

tatphalāvasthitasyādyā jñeyā taccarame phale||

[219] dvitīyā dhruvapākasya tadvipākānavasthite|

tṛtīyā dvayasadbhāvā caturthī tūbhayaṁ vinā||

[220] syātkarmaṇānvitaścaiva no ca tatphalavedanam|

ādyā dattavipākena niruddhānāgatādinā||

[221] dvitīyā tu vihīṇe(ne)na dhruvapākena karmaṇā|

tṛtīyā dvayamuktasya caturthī tu dvayādṛte||

[222] ayuktavihitaṁ karma kleśopakleśadūṣitam|

śikṣāliṅgādyapetaṁ ca kecidāhurvipaścitaḥ||

abhidharmadīpe vibhāṣāprabhāyāṁ vṛttau caturthasyādhyāyasya tṛtīyaḥ pādaḥ||

caturthā'dhyāye

caturthapādaḥ|

[223] bodhisattvaḥ kuto yāvadavivartyamanā yataḥ|

baghnāti bodhisannāhamaṅgīkṛtvā jagaddhitam||

[224] yadā lākṣaṇikaṁ karma prakarotyanapāyagaḥ|

mahākulaḥ samagrākṣaḥ svaparṣatsaṁgrahe rataḥ||

[225] pumāñjātismaro vāgmī prajñāvīryakriyānvitaḥ|

tadā devamanuṣyāṇāmabhivyaktiṁ nigacchati||

[226] sa hi tribhirasaṁkhyeyairdharmakāyaguṇārṇavam|

pracinoti tadādhāraṁ kāyaṁ kalpaśatena tu||

[227] dvātriṁśallakṣaṇopetamaśītivyañja nojjvalam|

dviṣatāmapi yaṁ dṛṣṭvā manaḥ sadyaḥ prasīdati||

[228] yugāntavāyuṇā(nā) meruḥ vahniṇā(nā) varuṇālayaḥ|

vajreṇa dhvasyate vajramavikāri tu tanmanaḥ||

[229] kāmāptaṁ ṣaṣṭhajaṁ tredhā kṛpāśraddhāparamparam|

buddhotpāde naraḥ strī vā tadādyaṁ cittamaśnute||

[230] sarvebhyaḥ sarvadā sarvaṁ vadato dānapūraṇam|

maraṇe'pi damātyāgaḥ śīlasyotkṛṣṭirucyate||

[231] vīryasya tiṣyasaṁstutyā dhiyo vajropamātparam|

'sarvāsāṁ tu kṣayajñāne paripūrirvidhīyate||'

[232] tripuṇyakṛtivastvādyāstallābhopāyadeśanāḥ|

tathā caturadhiṣṭhānaṁ saptasaddharmaśāsanam||

[233] saptayogāstrayaḥskandhā striśikṣādyāśca deśitāḥ|

tathā pāramitāścāpi catasro vinayoditāḥ||

[234] bodhipakṣyāśca kaṇṭhoktāḥ saptatriṁśatsvayaṁbhuvā|

hetavaḥ sarvabodhināṁ trividhā mṛdutādibhiḥ||

[235] tasmānna bodhimārgo'nyaḥ sūtrādipiṭakatrayāt|

ato'vyamiha yo brūyātsa bhavenmārabhāṣitaḥ||

[236] kalpānāṁ mahatāmetadasaṁkhyeyatrayaṁ matam|

sthānāntaramasaṁkhyākhyamadaḥsaṁkhyopari sthitam||

[237] apakarṣe jinotpattiryāvacchatasamāyuṣaḥ|

dvayoḥ pratyekabuddhānāmutkarṣe cakravarti ṇā(nā)m||

[238] nādho'śītisahastrāsau (yo) statsamutpattiriṣyate|

te hemarūpyatāmrāyaścakrāḥ puṇyaprabhāvataḥ||

[239] tulye'pi sādhanopāye tadbhedo'kṣādibhedataḥ|

bhavamokṣārthinormātroḥ pradānaphalabhedavat||

[240] karuṇābhāvanodrekātsvasaṁviccittayostathā|

parasaṁvidgurostadvattadviśeṣo vidhīyate||

[241] hetutattvaphalodbhūtaṁ mahattvaṁ śāsitustridhā|

vimuktāvapi tulyāyāṁ trayāṇāṁ bodhi lambhanāt||

[242] buddhasya saṁmukhīnasya bauddhamākṣipyate vapuḥ|

saikapuṇyaśatodbhūtamekaikaṁ lakṣaṇaṁ muneḥ||

[243] yathākarmapathāstadvatpuṇyāditrayamiṣyate|

dānaṁ hi dīyate yena svaparārthādyapekṣayā||

[244] kāyādikarma tattattvamavijñaptiḥ kvacitpunaḥ|

prādhānyānmuninā proktaṁ mahābhogaphalaṁ hi tat||

[245] svānyobhayārthasiddhyarthaṁ dānaṁ dadati kecana|

sādhuvṛttyanuvṛtyarthaṁ nobhayārthāya cāpare||

[246] dātṛvastvādivaiśiṣṭyāttatphalātiśayaḥ smṛtaḥ|

śraddhādibhirguṇairdātā datte'taḥ satkriyādibhiḥ||

[247] satkārādiguṇopetaṁ phalaṁ tasmādavāpnute|

vastu varṇādisaṁpannaṁ saurūpyādi phalapradam||

[248] guṇaduḥkhopakārākhyarṁdharmaiḥ kṣetraṁ viśiṣyate|

āśayādi mṛdutvādermṛdutvādīni karmaṇaḥ||

[249] dharmadātre'pi bālāya pitre mātre'tha rogiṇe|

ameyaṁ bodhisattvāya dānamanyabhavāya ca|

[250] bodhisattvasya yaddānna(na)manyasyāpi yadaṣṭamam|

vipaścidbhistadākhyātaṁ śreṣṭhaṁ yaccārhato'rhate||

[251] saṁpradhārya yadākṣiptaṁ pūraṇādidṛḍhīkṛtam|

vigatapratipakṣaṁ ca tatkarmopacitaṁ matam||

[252] svasmāttyāgaguṇāpekṣāścaittāścaityārcatādiṣu|

vinā pratigṛhītrāpi phalaṁ maitrīvihāravat||

[253] dharmadānasvabhāvo vāktattvanāmādigocaraḥ|

avyākṛtasvabhāvatvānna nāmādyannadānavat||

[254] śīlaṁ śubhamayaṁ rūpaṁ vyākhyātaṁ tatprabhedataḥ|

śāstre tu tappradhā natvātproktaṁ svargopapattaye||

[255] dauḥśīlyāśubhamūlādyairdoṣairyanna vidūṣitam|

tadvipakṣaśamāṅgaṁ ca yattacchaddhamihocyate||

[256] puṇyaṁ samāhitaṁ tvatra bhāvanā cittabhāvanāt|

pradhānyādapavargāya taduktaṁ sarvadarśinā||

[257] puṇyanirvāṇabhāgīyaṁ nirvedhānuguṇaṁ tathā|

śāsane'sminsamāsena śubhamūlaṁ tridheṣyate||

[258] lipimudrā'tha gaṇanā kāyavākkarmalakṣaṇā|

saṁkhyā khalvapi vijñeyā manaskarmasvabhāvikā||

abhidharmadīpe vibhāṣāprabhāyāṁ vṛttau caturthādhyāyassamāptaḥ||

Technical Details

Text Version: 

Romanized

Input Personnel: 

DSBC Staff

Input Date: 

2007

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

pañcamo'dhyāyaḥ

pañcamo'dhyāyaḥ|

prathamaḥ pādaḥ

[259] akāryapravaṇo loko duḥkhabhāgī ca yadvaśāt|

rāgādīn bhavasaṁbandhānkleśānvakṣyāmi tānaham||

[260] svaśaktijakriyodbhūtairviśeṣaiste tu nāmabhiḥ|

āttasāmānyasaṁjñākāścodyante'nuśayādibhi[:]||

[261] rāgapratighasaṁmohamānakāṅkṣākudṛṣṭayaḥ|

ṣaḍete'nuśayāḥ proktāḥ śreyodvāravibandhinaḥ||

[262] rāgadvedhāt matāḥ sapta dṛṣṭibhedāddaśa smṛtāḥ|

bhūyo'ṣṭānavatirjñeyā dhātvākārādibhedataḥ||

[263] kāmarāgo bhavākhyaśca dvidhāḥ rāgaḥ prabhidyate|

prāyo bahiṣpravṛttatvādantarvattyādibhedataḥ||

[264] satkāyāntadvayagrāhau mithyādarśaṇa(na)meva ca|

dṛṣṭiśīlavratāmarśāvityetāḥ pañca dṛṣṭayaḥ||

[265] daśeha duḥkhadṛggheyāḥ sapta hetvīkṣaṇakṣayāḥ|

saptāpavargadṛggheyāḥ aṣṭau mārgekṣaṇakṣayāḥ||

[266] dṛṣṭiheyāvalambitvātsadākāraparigrahāt|

rāgādayastu catvāro jñeyā mārgadvayakṣayāḥ||

[267] pratikalpavaśotpatterdṛṣṭikāṅkṣetu dṛkkṣaye|

rūpepyevaṁ tathā'rūpye pratighānuśayādṛte||

[268] bhavāgre kṣāntiheyā ye dṛggheyā eva te matāḥ|

jñānavadhyāstu ye tasminnabhyāsenaiva tatkṣayaḥ||

[269] ahaṁ mameti yā dṛṣṭirasau satkāyadṛk smṛtā|

taducchedadhruvagrāhau yau sāntargrāhadṛṅmatā||

[270] phalahetvapavādo yaḥ sā mithyādṛṣṭirucyate|

jñeyo dṛṣṭiparāmarśaḥ hīnavastūttamagrahaḥ||

[271] ahetāvapathe caiva taddhi śīlavratāvhayaḥ|

duḥkhabhrāntyapathādānāttaduṣṭyutsārya eva saṁ||

[272] satkāyadṛṣṭyavacchedo dharmamātrekṣaṇādyataḥ|

duḥkhābhisamaye tacca taddṛggheyaiva so'pyataḥ||

[273] dvayaṁ dṛṣṭiparāmārśādekaḥ satkāyadṛṣṭitaḥ|

antargrāhārdhamanyastu viparyāsaḥ prakalpyate||

[274] nitīraṇasamāropaviparītapravṛttitaḥ|

viparyāsoktireṣveva dṛgvaṣā(śāt) cittasaṁjñayoḥ||

[275] sapta mānavidhāstribhyo nava mānavidhāstridhā|

tridhā'tyunnamanādibhyaḥ svotkarṣādyasti nāstitā||

[276] va dhādiparyavasthānaṁ kaukṛtyamaśubhaṁ vidhāḥ|

vibhavecchā ca nāryasya jāyante hetvabhāvataḥ||

[277] duḥkhātsamudayāccaiva sarvagānāṁ vyavasthitiḥ|

taddṛṣṭiheyajātināṁ sarvāsāṁ dvipadasthiteḥ||

[278] kāṅkṣā pañca dṛśo'vidyā tadvyāmiśrā'tha kevalāḥ|

sapta sarvatragā duḥkhaddhenorebhyaścatuṣṭayam||

[279] dravyato daśa caikaśca nāmnā sapta tu te matāḥ|

rāgapratighamānāstu paricchedapravartiṇaḥ (naḥ)||

[280] prakārāntaravartitvātsakṛtsarvasvabhūgatiḥ|

dhātvantarāvalambitvātpūrvoktā eva sarvagāḥ||

[281] navordhvadhātukāsteṣāmādyā dṛṣṭidvayādṛte|

teṣāṁ sahabhuvo dharmāḥ prāptivarjyāśca sarvagāḥ||

[282] kāṅkṣāmithyādṛgābhyāṁ ca miśrā'vidyātha kevalā|

nirodhamārgadṛggheyāḥ ṣaḍete nirmalekṣiṇaḥ||

[283] svabhūmereva nirvāṇaṁ mārgastha (rgaḥ ṣa)nna(ṇṇa)vabhūmikaḥ|

taddṛśyaviśa(ṣa)yo'nyo'nyo hetutvāddhetubhāvataḥ||

[284] na rāgaḥ śaktyahetutvānna dveṣo[']naparādhataḥ|

namāno'tipraśāntatvānna bhāvatvād dṛśo'parāḥ||

[285] sarvago'nuśayaḥ kṛtsnāmanuśete svadhātugaḥ|

svāmālambanato bhūmiṁ svanikāyaṁ tvasarvagaḥ||

[286] asvīkārādvipakṣatvānnordhvabhūmārgagocaraḥ|

saṁprayogini(ṇi) tu svasminnahīne saṁprayogataḥ||

[287] dhātrīvastramalanyāyaiḥ khacarāmbucarakramaiḥ|

ete'nuśerate yasmāttasmādanuśayāḥ smṛtāḥ||

[288] svairiṣṭādibhinā (rā)kāraiḥ paramāṇukṣaṇeṣvapi|

yato'nuśerate caiti(te) tataścānuśayā matāḥ||

abhidharmadīpe vibhāṣāprabhāyāṁ vṛttau pañcamasyādhyāyasya prathamaḥ pādaḥ||

pañcamādhyāye

dvitīyapādaḥ|

[289] ādyaṁ dṛṣṭidvayaṁ kāme nivṛtāvyākṛtaṁ matam|

dhātudvaye tu sarve'pi nivṛtāvyākṛtā malāḥ||

[290] kāmeṣvakuśalāḥ śeṣāḥ rāgadveṣatamāṁsyataḥ|

trīṇyevāśubhamūlāni pañcakāraṇayogataḥ||

[291] avyākṛtadvayasyāpi trīṇi mūlāni tatsamāḥ|

avidyā dhīśca tṛṣṇā ca na kāṅkṣāmānadṛṣṭayaḥ|

[292] calatvādūrdhvavṛttitvādavyāpitvādyathākramam|

sūtrasyārthāparijñānādaheturdhyāyivodanāt||

[293] praśnavyākaraṇānyākhyaccatvāri vadatāṁ varaḥ|

śiṣyānāṁ(ṇāṁ) vādaśikṣārtha sthitīnāṁ ca catuṣṭayīm||

[294] ekāṁśākhyaṁ vibhajyākhyaṁ pṛcchākhyaṁ sthāpyameva ca|

maraṇaprasavotkarṣajīvadravyānyatādivat||

[295] sthānavāditvasaṁjñaikā parikalpāvhayā parā|

anyā pratipadākhyā'nyā jñānavāditvasaṁjñitā||

[296] mānapratighasaṁrāgairvartamāno'jjhitakriyaiḥ|

jātā yatrāprahīṇāśca saṁyuktastatra vastuni||

[297] ajātairmāṇa(na)sairetaiḥ sarvatrānyaiḥ svakādhvikaiḥ|

sarvatrājaistathā śeṣaiḥ saṁyuktā skandhasantatiḥ||

[298] dvayamevātra niṣpannaṁ tṛtīyaṁ tūpacārataḥ|

sadasaddhetuno(tā) yasmānmadhyasthaiśca parigrahāt||

[299] sarvamasti pradeśo'sti sarvaṁ nāstīti cāparaḥ|

avyākṛtāstivādīti catvāro vādinaḥ smṛtāḥ||

[300] ebhyo yaḥ prathamo vādī bhajate sādhutāmalau|

tarkābhimāninastvanye yuktyāgamabahiṣkṛtāḥ||

[301] icchatyadhvatrayaṁ yasmā[t] kṛtyataśca dhruvatrayam|

sarvāstivāda ityuktastasmādādyaścaturvidhaḥ||

[302] bhā[vāṅkā']nyathikākhyau dvāva[va]sthā'nyathiko paraḥ|

anyathā'nyathikaścānyaḥ tṛtīyo yuktivādyataḥ||

[303] kāritreṇādhvanāmepa vyavasthāmabhivāñchati|

tatkurvanvartamāno'dhvā kṛte'tīto'kṛte paraḥ||

[304] buddhyā yasyekṣyate cinhaṁ tatsaṁjñeyaṁ caturvidham|

paramārthena saṁvṛttyā dvayenāpekṣayā'pi ca||

[305] sadatītāsamutpannaṁ buddhoktervartamānavat|

dhīnāmagocaratvacca tatsattvaṁ vartamānabat||

[306] nāsadālambanā buddhirāgamādupapattitaḥ|

anyāpekṣye'tha saṁbandhapratiṣedho'śvaśṛṅgayoḥ||

[307] rūpādau vastuni kṣīṇe satyevotpadyate matiḥ|

sā jñānasyāsanākārā śāstustathānyacittavat||

[308] harṣotpādabhayodvegasmṛtyutpatya(ttya)ṅgabhāvataḥ|

sāṅgasya śaktyabhivyakteḥ sadīpaghaṭarūpavat||

[309] janīhākartu sādhvatvātpañcabhāvavikāravat|

sataḥ kṛ(kri)yāṅgatādṛṣṭervikārya prāpyakarmavat||

[310] dvitīyaṁ janma jātasya vastuno nopapadyate||

mukhyasattā guṇābhāvādgaunī(ṇī)sattā na vidyate||

[311] sādharmye sati tadvṛttervyāhāraṁ madhuroktivat|

āviṣṭaliṅgamukhyasya janmeṣṭaṁ dārakādivat|

[312] syātkhapuṣpaiḥ khamutphullaṁ syāñjaṭālaśca darduraḥ|

svabhāvo yadi bhāvanāṁ prāgabhūtvā samubhdavet||

[313] sthitiśaktiparityaktāndharmānnāśānvitodayān|

vada somya kathaṁ yāti pratītyā vastu vastutām||

[314] loke dṛṣṭaḥ satoreva parasparamanugrahaḥ|

tadvadevopaghāto'pi nāśvaśṛṅgāhivā(pā)dayoḥ||

[315] yatpratītyasamutpannaṁ tatsvabhāvānna vidyate|

na vidyate svabhāvādyadvidyate tattato'nyathā||

[316] prakurvanti daśāmātraṁ hetavo vastunaḥ sataḥ|

rājatvaṁ rājaputrasya sātmakasyaiva mantriṇaḥ||

[317] dharmāṇāṁ sati sāmagrye sāmarthyamupajāyate|

citānāṁ paramānū(ṇū) nāṁ yadvadātmopalambhane||

[318] karmātītamasadyasya phalaṁ bhāvi karotyasat|

vyaktaṁ vandhyāsutastasya jāyate vyantarātmajāt||

[319] nāmasallakṣaṇābhāvād dravyasatyāṅkasiddhitaḥ|

anāgatābhyatītasya nāsti prajñaptisatyatā||

[320] ko vighnaḥ aṅgavaikalyam na tatsarvāstitā sadā|

tatkathaṁ śrūyatāṁ sadbhyaḥ durbodhā khalu dharmatā||

[321] vartamānādhvasaṁpātāt sāmagryā'ṅgaparigrahāt|

labdhaśakteḥ phalākṣepaḥ kāritramabhidhīyate||

[322] na vartamānatā rūpamatītājāna(ta)tā na ca|

yato'to nādhvasaṁcārād rūpātmānyathateṣyate||

[323] avasthā jāyate kācidvidyamānasya vastunaḥ|

tathā śaktistathā velā tathā sattā tathā kriyā||

[324] parikalpairjagadvyāptaṁ mūrkhacittānurañjibhiḥ|

yastu dvidvanmanogrāhī parikalpaḥ sa durlabhaḥ||

[325] anyasarvatragairbaddhaḥ prahīṇe duḥkhadṛkkṣaye|

prahīṇe prākprakāre'pi śeṣaistadavalambibhiḥ||

[326]dharmāḥ ṣoḍāṣa(śa) vijñeyāḥ pratyekaṁ tribhavātmakāḥ|

pañcadhā nirmalāścaiva vijñānāni tathaiva ca||

[327] dhātvāyatanasatyeṣu prakāreṣu ca lakṣayet|

dharmasaṁgrahavijñānajñānānuśayacoditaḥ||

[328] saduḥkhahetudṛggheyāḥ kāmāptā bhāvanākṣayāḥ|

svakatrayaikarūpāptivirajāścittagocarāḥ||

[329] atmīyādhastrayaikordhvanirmalānāṁ tu rūpajāḥ|

ārūpyāptāstridhātvāptatrikanirmalagocarāḥ||

[330] sarve svādhikavijñeyāḥ samaniryāṇadṛkkṣayāḥ|

nikleśāstribhavāptāntyatrayanirmalagocarāḥ||

[331] kāmāpta(ptaṁ) pañcaviṣayo rūpāptaṁ tvaṣṭagocaraḥ|

ārupyāptaṁ daśānāṁ tu daśānāmeva cāmalam||

[332] kāmāptamūrdhvadharmārthe vijñāne svabhuvastrayaḥ|

rūpāptā bhāvanāheyāḥ sarvagāścānuśerate||

[333] catvāraḥ parivṛtte sve rūpāptāḥ khalvapi trayaḥ|

ārūpyāvacarāḥ sārdhaṁ sarvagairbhāvanākṣayāḥ||

[334] tadvadeva dvitīye'pi pañcame'pi tathaiva ca|

sāsravālambanāḥ sve ca tṛtīye'pyanuśerate||

[335] parivṛtte tu kāmāptāḥ saṁskṛtārthāvalambinaḥ|

śeṣaṁ pūrvavadākhyeyam caturthe'pi tṛtīyavat||

[336] parivṛtte tu kāmāptāścatvāro'nyatra pūrvavat|

rūpāpte prathame'dhastāt trayaḥ sve khalvapi trayaḥ||

[337] ārūpyāḥ sarvagāḥ sārdhaṁ bhāvanāpathasaṁkṣayai[:]

parivṛtte trayo'dhastāt catvāraśca svadhātutaḥ||

[338] ārūpyāptāśca catvāro ṇi(ni)kāyā anuśerate|

tadvadeva dvitīye'pi pañcame'pi tathaiva ca||

[339] sāsravālambanāḥ sve ca tṛtīye'pyanu[śera]te|

parivṛte tu rūpāptāḥ saṁskṛtārthāvalambinaḥ||

[340] anyattu pūrvavajjñeyaṁ caturthe'pi tṛtīyavat|

tṛtīyavatparāvṛtte ārūpyādye nibodhaye[t]||

[341] sve trayaḥ kāmadhātvāptā rūpāptāśca trayastrayaḥ|

rūpāptavatparāvṛtte dvītīye pañcame tathā||

[342] tṛtīye khalvapi sve ca sāsravārthāvalambinaḥ|

parāvṛtte svadhātvāptāḥ saṁskṛtārthāvalambinaḥ||

[343] anyattvādyavadākhyeyaṁ caturthe'pi tṛtīyavat|

ādyavattu parāvṛtte vijñāne nirdiśed budhaḥ||

[344] bhāvanāpathahātavyo nikāyaḥ sarvagaiḥ saha|

anuśete dvidhātvāpto vyārūpyāścakṣurindriye||

[345] nikāyāḥ kāmarūpāptāścakṣurindriyagocare|

duḥkhahetudṛgabhyāsaprahātavyāstrayastrayaḥ||

[346] ārūpyā bhāvanāheyāḥ sarvagāścānuśerate|

parivṛtte tu catvāraḥ samadṛkkṣayavarjitāḥ||

[347] duḥkhendriye tu kāmāptaḥ svaireva saha sarvagaiḥ|

tadgocare tu vijñāne nikāyā anuśerate||

[348] kāmāpannāstrayo rūpā[:] sarvagābhyāsasaṁkṣayāḥ|

paravṛtte tu catvāraḥ kāmāptā anuśerate||

[349] trayo rūpabhavādantyābhdāvanāheyasarvagāḥ|

sakalā dviṣparāvṛtteścatvāraścānuśerate||

[350] sukhendriye tadālambe citte tadgocare'pi ca|

kāmādyāptāḥ yathāyogaṁ sarvagāścānuśerate||

[351] tridhātusaṁgṛhītāstu sakalā manaindriye|

tadālambini vijñāne sarvasaṁskṛtagocarāḥ||

[352] saṁskṛtālambanā eva parivṛtte'nuśerate|

viśeṣo dviḥparāvṛttau vidyate'tra na kaścana||

[353] duḥkhaṁ darśanaheyādeścittāccittāni kāminaḥ|

bhavatyanantaraṁ ṣaḍ vā tasyodardhvaṁ pañca pañca vā||

[354] rūpadhātūpapannasya cittāni tu vinirdiśet|

ekaṁ vā pañca vā ṣaḍ vā sapta vā yadi vā daśa||

[355] ārūpyadhātujātasya cittānīmāni lakṣayet|

svadhātukāni pañcaiva cyutikāle daśānyataḥ||

[356] sācivyādanuśāyitvāccittaṁ sānuśayaṁ matam|

dvidhā vā kliṣṭamakliṣṭamekadhaivāpadiśyate||

[357] mohātsatkāyadṛktasyā antagrāhekṣaṇaṁ tataḥ|

kāṅkṣāmithyekṣaṇaṁ tasyāḥ śīlāmarśastato dṛśaḥ||

[358] rāgaḥ su(sva)dṛśi mānaśva dveṣo'nyatra pratāyate|

jñeyaḥ pravṛttibāhulyādevameṣāmanukramaḥ||

[359] sadasanmitrayogāttu tadvṛttyaniyamo mataḥ|

kleśa utpadyate kaścitsaṁpūrṇaiḥ kāraṇaistribhiḥ||

abhidharmadīpe vibhāṣāprabhāyāṁ vṛttau

pañcamasyādhyāyasya dvitīyaḥ pādaḥ||

pañcamādhyāye

tṛtīyapādaḥ|

[360] vyavidyāḥ sakalāḥ kleśāḥ kāme kāmāsravo mataḥ|

styānauddhatye ca hitvordhvaṁ samānatvādbhavāstravaḥ||

[361] avidyā khyastu mūlatvādavidyā sārvadhātukī|

tathaughayogā dṛgvarjja tatpṛthaktvantu pāṭavāt||

[362] sā'vidyā dve upādāne yathākto(ktau) dve tu dṛṅmaye|

catasro'pyekamantyaikaṁ kumārgādisamāśrayāt||

[363] śeṣāstraidhātukāstvantye sātmabhāvapravṛttitaḥ|

saṁyojanādibhiḥ śabdairdarśitāḥ pañcadhā punaḥ||

[364] nava saṁyojanānyasminnīrṣyāmātsaryameva ca|

dravyāmarṣaṇasāmānyād dṛśaḥ saṁyojanadvayam||

[365] śeṣānya(ṇya)nuśayāḥ pañca pañcadhā pañcadhā punaḥ|

jagādāvarabhāgīyamūrdhvabhāgīyameva ca||

[366] ādyantye dve dṛśau kāṁkṣā(kāṅkṣā)kāmacchando dvireva yaḥ|

dvābhyāṁ kāmānatikrāntiḥ punarāṇa(na)yanaṁ tribhiḥ||

[367] dvyekadṛggheyakāryokterdṛṣṭiheyamukhagrahāt|

sarvadṛggheyabhāktve'pi trayametadudāhṛtam||

[368] sarvānarthanidānatvānmārgapratyarthibhāvataḥ|

tathyohāvidhuratvācca trisaṁyojanadeśanā||

[369] dvau rūpārūpajau rāgau mānamohoddhavāstrayaḥ|

trivedanānuśāyitvād dṛḍhatvādbandhanatrayam||

[370] dvipakṣagranthanād granthāścatvāraḥ samudāhṛtāḥ|

abhidhyākhyāstathā dveṣaḥ parāmarśadvayaṁ tathā||

[371] upakleśāstu vijñeyāḥ saṁrambhādyā yathoditāḥ|

sarve vā caitasāḥ kliṣṭāḥ saṁskāraskandhasaṁjñitāḥ||

[372] mūlakleśamalāstvanye ṣaḍupakleśasaṁjñitāḥ||

śāṭhyopanāhapradāśamāyāmadaviheṭhanāḥ||

[373] mrarkṣyerṣyāhryanapatrāpyastyānamiddhoddhavakrudhaḥ|

mātsarya kukṛtatvaṁ ca daśadhā paryavasthitiḥ||

[374] ebhyo'nunananiṣyandā āhrīkyauddhatatādayaḥ|

mrakṣānapatrapāstyānamiddhādya mohasaṁbhavāḥ||

[375] kaukṛtyaṁ vicikitsotthaṁ krodhādyā dveṣasambhavāḥ|

pra[mā]dastambhamārdva (?)kṣya māyāśāṭhyavijṛmbhikāḥ||

[376] kāyaduṣṭhūlatādyāśca jñeyā vyāmiśrasambhavāḥ||

pradāśo dṛkparāmarśaniṣyandaḥ śaṭhatā dṛśaḥ||

[377] saumanasyena rāgasya saṁprayogaḥ sukhena ca|

dveṣasya daurmaṇa(na)syena duḥkhena ca nigadyate||

[378] sarvairmohasya vittibhyāṁ caitasībhyāmasaddṛśaḥ|

kāṅkṣā ca daurmaṇa(na)syena śeṣāṇāṁ sumanastayā|

[379] upekṣayā tu sarveṣām kāmāptānāmayaṁ vidhiḥ|

ito'nyadhātujānāṁ tu pratibhūmyantaraṁ svakaiḥ||

[380] īrṣyāyā daurmaṇa(na)syeṇa(na) kaukṛtyasya tathā krudhaḥ|

pradaṣṭeścopanaddheśca vihiṁsāyāstathaiva ca||

[381] mātsarya daurmaṇa(na)syena saumanasyena kasyacit|

dvābhyāṁ māyā tathā śāṭhyaṁ mrakṣo middhaṁ tathaiva ca||

[382] madastu sumana[:]skandhasukhābhyāṁ saṁprayujyate|

āhrīkyamanapatrāpya(pyaṁ) styānauddhatye ca pañcabhiḥ||

[383] āhrīkyamanapatrāpyaṁ styānamiddhaṁ tathoddhavaḥ||

..........[abhidharmadīpe vibhāṣāprabhāyāṁ vṛttau pañcamādhyāyasya tṛtīyaḥ pādaḥ||]

..........[pañcamodhyāyaḥ samāptaḥ||]

Technical Details

Text Version: 

Romanized

Input Personnel: 

DSBC Staff

Input Date: 

2007

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0