prathama adhyāyaḥ

svayambhu purāṇa

prathama adhyāyaḥ

svayambhūdharmadhātusamutpatti nidānakathā

om namaḥ śrī dharmadhātuvāgīśvarāya sarva buddhadharmabodhisattvebhyaḥ|

śrīmatā yena saddharmastrailoke saṁprakāśitaḥ|

śrīghanaṁ taṁ mahābuddhaṁ vandeka'haṁ śaraṇāśritaḥ||1||

natvā trijagadīśānaṁ dharmadhātujinālayaṁ|

tatsvayambhūsamuddeśaṁ vakṣāmi śṛṇutādarāt||2||

śraddhayā yaḥ śṛṇotīmāṁ svayambhūtpattisatkathāṁ|

pariśuddhatrikāyāḥ sa bodhisattvo bhaved dhruvaṁ||3||

tadyathā bhūtpurābhijñaḥ jayaśrī sugatātmajaḥ|

bodhimaṇḍavihāre sa bijahāra sasāṁdhikaḥ||4||

tatra jineśvaro nāma bodhisattva mahāmatiḥ|

śraddhayā śaraṇaṁ gatvā jayaśrīyaṁ upāśrayet||5||

tadā dhīmānjayaśrīḥ sa sarvasattva hitārthavit|

saddharmasamupādeṣṭuṁ sabhāsane samāśrayet||6||

tatra sarve mahāsattvā bodhisattvā jinātmajāḥ|

arhanto bhikṣavaścāpi brahmacāriṇaḥ śrāvakāḥ||7||

bhikṣuṇyo brahmacāriṇyo bratinaścāpyupāsakāḥ|

upāsikāstathānye'pi gṛhasthaśca mahājanāḥ||8||

brāhmaṇāstirthīkāścāpi yatayaśca tapasvinaḥ|

rājāno mantriṇomātyāḥ sainyādhipatiśca paurikāḥ||9||

grāmyā janapadāścāpi tathānyavāsino janāḥ|

tatsaddharmāmṛtaṁ pātuṁ śraddhayā samupāgatāḥ||10||

tatra sabhāsanāsīnaṁ tamarhataṁ jayaśrīyaṁ|

abhyarcya sādaraṁ natvā tatsabhāyāṁ yathākramaṁ||11||

kṛtāṁjalipuṭāḥ sarve parivṛtya samantataḥ|

puraskṛtya samudvikṣya samāśrayan samāhitāḥ||12||

tān sarvān samupāsīnān saddharma śravaṇotsukān|

dṛṣṭvā jinaśrī bodhisattvaḥ samutthitaḥ||13||

udvahannuttarāsaṁgaṁ sāṁjali samupāśritaḥ|

jānubhyāṁ bhūtale dhṛtvā sampaśyannevamavravīt||14||

bhadantoharṣamicchāmi carituṁ bodhisaṁvaraṁ|

tadādau kiṁ vrataṁ dhṛtvā saṁcareya samāhitaḥ||15||

tad bhavān samupādisya sarvānasmān prabodhayan|

bodhimārge samāyujya cārayituṁ śubherhati||16||

iti saṁprārthitaṁ tena śrutvā ca sugatātmajaḥ|

jayaśrīstaṁ mahāsattvaṁ sabhāmantraivamādiśat||17||

śrṛṇu vatsāsti te vāṁchā sambodhisaṁvare yadi|

yathākramaṁ pravakṣāmi saṁbodhivratasādhanaṁ||18||

yo vāṁchā tatra saṁsāre carituṁ bodhisaṁvaraṁ|

sa ādau śaraṇaṁ gatvā sadguruṁ samupāśrayeta||19||

tadupadeśamāsādya yathāvidyi samāhitaḥ||20||

tīrthe snātvā viśuddhātmā triratnaśaraṇaṁ gatāḥ|

yathāvidhi samabhyarcya saṁbodhi nihitāśayaḥ||21||

upoṣadhaṁvratamādhāya samācarejjagaddhite|

evaṁ yaścarate nityaṁ saṁbodhimānasaḥ sudhīḥ||22||

pariśuddha trikāyaḥ sa bodhisattve bhaved|

bodhisattvo mahāsattvaḥ sarvvasattva hitārthabhṛt||23||

kramātsaṁbodhi saṁbhāraṁ saṁpūrayet samāhitaḥ|

etatpuṇyābhiyuktātmācaturbrahma vihāradhṛk||24||

niḥkleśo nirjjayanmārona saṁbodhiḥ samavāpnuyāt||25||

evaṁ sarvatra lokeṣu saddharma saṁprakāśayan|

samāpya saugataṁkārya sunirvṛtimavāpnuyāt||26||

tato'rhaṁ sugato bhūtvā sarvvānsattvānpravodhayan|

bodhimārge pratiṣṭhāpya saṁvṛttau saṁpracārayet||27||

evaṁ sarve'pi saṁbuddhāḥ yetītā apyanāgatāḥ|

varttamānāśca te hayetad vratapuṇya vipākataḥ||28||

bodhiprāpya jinā āsanbhaviṣyanti bhavantyapi|

evaṁ sarve mahāsattvā bodhisattvā jinātmajāḥ|| 29||

arhanto'pi thā sarve pariśuddhatrimaṇḍalāḥ|

bodhiṁ prāpya sunirvāṇaṁ yātā yāsyanti yāntyataḥ||30||

evaṁ yūyaṁ parijñāya yadecchatha sunivṛtiṁ|

triratnaśaraṇaṁ gatvā saṁcaradhvamidaṁ vrataṁ||31||

iti tena samādiṣṭaṁ śrutvā sa sugatātmajaḥ|

jineśvaraṁ tamarhantaṁ sampaśyannevamavravīt||32||

bhadanta śrotumichāmi tad vratasthānamuttamaṁ|

etad vrataṁ caretkutra taddeśaṁ samupādiśat||33||

iti saṁprārthite tena jayaśrīḥ sa mahāmatiḥ|

jineśvaraṁ mahāsattvaṁ taṁ paśyannevamādiśat||34||

śṛṇu vatsa samādhāyaṁ vratasthānasamuttamaṁ|

munīśvarairyathākhyātaṁ tathā vakṣāmi te'dhunā||35||

puṇyakṣetreṣu tīrtheṣu vihāre sugatāśrame||

buddhānāṁ nivṛtānāṁca caityeṣu pratimāsu ca||36||

buddhakṣetreṣu sarvatra vratasthānaṁ samuttamaṁ|

eteṣvami samākhyātaṁ svayambhūcaityaṁ uttamaṁ||37||

evaṁ vijñāya yo dhīmānvrataṁ caritumicchati|

sa svayambhū jinakṣetraṁ āśritya caratāṁ vrataṁ||38||

svayambhūkṣetramāśritya yaścarati vrataṁ mudā|

sa labhet tanmahat puṇyamakṣayaṁ bodhisādhanaṁ||39||

etat puṇyaṁ viśuddhātmā bhadraśrī sadguṇāśrayaḥ|

bodhisattvo mahābhijñā bhavajjinātmajo dhruvaṁ||40||

durgatiṁ na brajet kvāpi saṁsāre sa kadācana|

sadā sadgatisaṁjāto bodhicaryāvrataṁ caret||41||

evaṁ sa saṁsaralloke kṛtvā sarvatra bhadratā

saṁbodhi praṇidhiṁ dhṛtvā saṁcare tadjagaddhite||42||

evaṁ ca bodhi saṁbhāraṁ pūrayitvā yathākramaṁ|

trividhāṁ bodhimāsādyaḥ nirvṛtipadamāpnuyāt||43||

evaṁ yūyaṁ parijñātvāḥ svayambhūsthāna āśritā|

triratnaśaraṇaṁ gatvā saṁcaratha vratottamaṁ||44||

etattenārhatādiṣṭaṁ śrutvā sa sugatātmajaḥ|

jayaśriyaṁ tamarhantaṁ sampaśyannevamabravīt||45||

bhadanta bhavatā diṣṭaṁ śrutvā me rocate manaḥ|

svayambhūcaityamārādhya carituṁ vratamābhavaṁ||46||

svayambhū caityarājaḥ śrīdharmadhātu jinālayaḥ|

kutrāstyatra mahīloke tat samādeṣṭumarhati||47||

iti saprārthitaṁ tena śrutvāṁ so'rhan yatiḥ sudhīḥ|

jayaśrī staṁ mahāsattva samālokyaivamādiśata||48||

vidyate'tra mahīloke uttarasyāṁ himālaye|

nepāla iti vikhyāteḥ gopucchākhyernagottamaḥ||49||

tadgirernāma cāturdhya caturyugeṣu vartate|

tadyathābhūdyuge satye padmagiririti smṛtaḥ||50||

tretāyāṁ vajrakūṭākhyo gośṛṁgo dvāpare smṛtaḥ|

idānīṁ tu kalau'sau gopuccha iti viśrutaḥ||51||

so'piśailo idānītu lokai nepāla deśakaiḥ|

sāmheguriti vikhyāta stathāsaṁprasthito bhuvi||52||

sa sarvadhāturalādi sarvadravyamayoktamaḥ|

aśvattha pramukhairsavairpādapaiḥ saṁpraśobhitaḥ||53||

sarvatra kusumairkāntaḥ saṁrvoṣadhiphaladrumaiḥ|

sarvapakṣivirāvaiścaḥ bhramadbhramaranisvanaiḥ||54||

jantubhiḥ sakalaḥ sneha nivaddhamaitramānasaiḥ|

tapasvivaddhayā bhadracāribhiḥ saniṣevitaḥ||55||

aṣṭāṁga guṇasaṁpanna saṁśuddhāmṛtanirjharaiḥ|

śobhitaḥ puṣpagaṁdhādhi saṁvāsitaiḥ samīraṇaiḥ||56||

saṁsevitaḥ sadā divya mahotsāhairvivājitaḥ|

sarvalokādhipairnityaṁ saṁsevitaḥ samādaraiḥ||57||

tatra ratnamaya padmaḥ karṇṇikāyāṁ samāśritaḥ|

divya sphaṭikaratnābhajyotirūpo nirañjanaḥ||58||

ekahastaḥ pramānoccaścaityarūpo jināśrayaḥ|

svayambhūḥ sarvalokānāṁ bhadrārtha samavasthitaḥ||59||

brahma śakrādibhirdevaiḥ sarvaillokādhipairapi|

sarvairdaityādhipaiścāpi nāgendraiḥ garuḍairapi||60||

siddhai vidyādharaiḥ sādhyairūryakṣagandharvakinnaraiḥ|

rākṣasendraiśca rudraiśca grahaistārāgaṇairapi||61||

vasubhiścāpsarobhiścaḥ sarvaiśva tridaśādhipaiḥ|

ṛṣibhiryatibhiḥ sarvai yogibhi brahmacāribhiḥ||62||

sarvaiśca tīrthikai vijñaistāpasaiścāpisajjanaiḥ|

divāniśaṁ catuḥ saṁdhyaṁ dṛṣṭvā smṛtvā pravanditaḥ||63||

nityakālaṁ samāgate samabhyarcya samādarāt|

saṁstutibhiḥ mahotsāhaiḥ saṁmānitābhivanditaḥ||64||

evaṁ sa trijagannāthaḥ svayambhū dharmadhātukaḥ|

sarvaloka hitārthena saṁbhāṣayansamāsthitaḥ||65||

idānīntu kalau lokā duṣṭāḥ krūrāśayā śaṭhāḥ|

dṛṣṭavedaṁ dharmadhātuṁ hi hariṣyanti na saṁśayaḥ||66||

ityasau śilayāchādya gupti kṛtvā prakāśitaḥ|

tadupariṣṭīkābhiśca vidhāya caityamuttama||67||

chātradhvajapatākābhiralaṁkṛtyādhyatiṣṭhataṁ|

tatrāpi sarvalokaiśca sarvalokādhipairapi||68||

samāgatya samārādhya samabhyarcyābhivanditaḥ|

satkāraiśca mahotsāhaiḥ stutipradakṣiṇādibhiḥ||69||

praṇāmaiśca samārādhya sevito mānito'rcitaḥ|

evaṁ sa trijagannātho dharmadhātu jinālayaḥ||70||

sarvasattva śubhārthena saṁśobhitā vyavasthitaḥ|

tatra ye śaraṇaṁ gatvā yānti śuddhayā mudā||71||

durggatiṁ te na gachanti saṁsāre'tra kadācana

sadgatāveva saṁjātā dharmmaśrī saṁghaśobhitā||72||

bodhisattvā mahāsattvāḥ pariśuddhatrimaṇḍalāḥ|

bhadraśrī sadguṇadhārā sarvasattva hitaṁkarāḥ||73||

bodhicaryāvrataṁ dhṛtvā saṁcare jagaddhite|

evaṁ yūyamapi jñātvā śraddhayā śaraṇa gatāḥ||74||

svayambhūcaityamārādhya saṁcaradhvaṁ vrataṁ sadā|

evaṁ kṛtvātra saṁsāre bhadraśrī sadguṇāśrayā||75||

bodhisattvā mahāsattvā jinātmajā bhaviṣyathaḥ|

tataḥ saṁbodhisaṁbhāraṁ pūrayitvā yathākramaṁ||76||

trividhāṁ bodhimāsādya saṁbuddhapadamāpsyathaḥ|

iti tena samādiṣṭaṁ niśaṁmya sa mahāmatiḥ||77||

śāstāraṁ taṁ samālokya punarevamavocata|

bhadanta śrotumicchāmi yatsvayambhū jinālayaḥ||78||

kadā svayaṁ samutpannaḥ kathaṁ ca tadupādiśa|

iti saṁprārthita tena śrutvā so'rhan yatiḥ sudhīḥ||79||

jayaśrīstaṁ mahāsattvaṁ saṁpaśyannevamādiśat|

sādhu śrṛṇu mahābhāga yathā mayā śrutaṁ guroḥ||80||

tathāhaṁ te pravakṣāmi svayambhūtpattisatkathāṁ|

tadyathā pāṭalīputre pure'śoko narādhipaḥ||81||

saddharma sādhanotsāhī triratnasevako'bhavat|

sa tatra kukkuṭārāme vihāre sugatāśrame||82||

upaguptaṁ mahābhijñaṁ vandituṁ samupācaret|

tadā so'rhan mahābhijñaḥ sarvasaṁghapuraskṛtaḥ||83||

sabhāmadhyāsanāsīnastasthau dhyātvā samāhitaḥ|

tamarhataṁ sabhāsīnaṁ sarvasaṁghapuraskṛtaḥ||84||

dṛṣṭvāśokaḥ sa bhūmīndro muditaḥ samupācarat|

tatra sa sahasopetya sāñjalirarhato yatīn||85||

sarvānnatvopaguptaṁ tamaṣṭāṁgaiḥ prāṇamanmudā|

tatastaṁ gurumarhantaṁ mahotsāhaiḥ yathāvidhiṁ||86||

samabhyarcya praṇatvā ca dharmaṁ śrotumupāśrayat|

tathā tatmantriṇaḥ sarve sāmātyasacivo janāḥ||87||

tamarhantaṁ yatinnatvā tatraikāntamupāśrayat|

tataḥ so'rhan mahābhijño dṛṣṭvā sarvā samāśritān||88||

ādimadhyāntakalyāṇaṁ saddharmasamupādiśat|

tatsaddharmāmṛtaṁ pītvā sarve lokāḥ pravodhitāḥ||89||

dharmaviśeṣamājñāya saṁbodhivratamīcchire|

tataḥ so'pi mahārājaḥ śrutvā taddharmamuttamaṁ||90||

saṁbodhisādhanocaryā saṁcarituṁ samaicchata|

tataḥ sa nṛpatī rājā sāñjaliḥ samupāśritaḥ||91||

tamarhantaṁ mahāsattvaṁ natvā paśyaṁ mudāvadat|

bhadanta śrotumicchāmi saṁbodhisādhanaṁ vrataṁ||92||

kutra puṇyatamaṁ kṣatraṁ yatrāśu sidhyate vrataṁ|

tad bhavān samupādiśya sarvāṁllokān prabodhayan||93||

bodhimārge samāyujya saṁcārayitumarhati||

iti saṁprārthite rājñā śrutvā so'rhan mahāmatiḥ||94||

tamaśokaṁ mahīpālaṁ sampaśyannevamabravīt|

sādhu śṛṇu mahārāja yathā me guruṇoditaṁ||95||

tathāhaṁ te pravakṣāmi bodhivrataṁ yadīcchasi|

sarvakṣatrottamo rājannuttarasyāṁ himālaye||96||

nepāle iti vikhyāto yatrāśu sidhyate vrataṁ|

tatrāpyati mahatpuṇyakṣatraṁ buddhaiḥ praśaṁsitaṁ||97||

svayambhūcaityarājasya dharmadhātoḥ samāśrayaṁ|

tatra yadyatkṛtaṁ karma tattatsaṁsidhyate dutaṁ||98||

iti sarvai mahāsattvaiḥ saṁsevitaṁ jinairapi|

iti vijñāya rājendra sambodhiṁ yadi vāñchasi||99||

taccaityaśaraṇaṁ gatvā saṁcarasva susaṁvaraṁ|

etatpuṇyaviśuddhātmā bhadraśrī sadguṇarddhimān||100||

bodhisattvo mahābhijño bhaveḥ sarvahitārthabhṛt|

tataḥ kramena sambodhiṁ saṁbhāraṁ paripūrayan||101||

niḥkleśo'rhañjagannāthāḥ sambuddhapadamāpsyasi|

iti tenārhatādiṣṭaṁ niśamya sa nṛpo mudā||102||

upaguptaṁ guruṁ natvā papracchaivaṁ samādarāt|

bhadanta śrotumichāmi svayambhūtpatti satkathāṁ||103||

kadā svayaṁ samutpannaṁ statsamādeṣṭumarhati|

iti saṁprārthitaṁ rājñā śrutvā so'rhan yatiḥ surdhīḥ||104||

aśokaṁ taṁ mahīpālaṁ sampaśyannevamādiśat|

sādhu rājan yathādiṣṭaṁ guruṇā me śrutaṁ mayā||105||

tathāhaṁ saṁpravakṣāmi śṛṇuṣva tatsamāhitaḥ|

tadā cāsau jagacchāstā śākyamunistathāgataḥ||106||

sarvajño dharmarājo'rhan munīśvaro vināyakaḥ|

sa sarvaḥ sāṁdhikaiḥ sārddhaṁ janapadeṣu saṁcaran||107||

ekasmin samaye tatra nepāle samupācarat|

gopucchaparvvatapārśve paścime śrīsvayambhūvaḥ||108||

pucchāgro'bhidha caityasyasaṁnnidhau sugatāśrame|

sarvasattvahitārthena pūrṇanduriva bhāsayan||109||

saddharmma samupārdeṣṭuṁ vijahāra sasāṁdhikaḥ|

yadā sa bhagavāñchāstān sattvānāṁ dharmma vṛddhaye||110||

saddharmma samupādeṣṭuṁ sabhāsane samāśrayat|

taṁ dṛṣṭvā tadā tatra mañjuśriyaḥ mamāśrame||111||

vihāre vāsinī cūḍābhidhānī brahmacāriṇī|

arhantī bhikṣuṇī bhadrā saddharmmaguṇavāñchinī||112||

suprasannāśrayā śuddhā kāṣāya cīvarāvṛtā|

divyapūjopacārāṇi samādāya pramoditā||113||

tatsaddharmāmṛtaṁ pātuṁ tatrāśu samupācarat|

tadā tatra mahāsattvā bodhisattvā jinātmajāḥ||114||

maitreyapramukhāḥ sarve taddharma śrotumāgatāḥ|

arhanto bhikṣavaścāpi śrāvakā brahmacāriṇaḥ||115||

bhikṣuṇyo brahmacāriṇyaḥ cailakā vratino'pi ca|

triratnaśaraṇāsīnāścopāsakā upāsikāḥ||116||

bauddhabhaktiratāḥ sarve taddharmaśrotumāgatāḥ|

sarve te samupāyātāstatra sabhāsanāśritaṁ||117||

saṁbuddhaṁ taṁ samālokya muditāḥ samupācaran|

te sarve'bhyarcya taṁ nāthaṁ natvā sāñjalayormudā||118||

tatsaddharmāmṛta pātuṁ tatsabhāyāṁ samāśrayan|

brahmaśakrādayā devāḥ sarve lokādhipā api||119||

grahāstārāgaṇāścāpi siddhā vidyādharā api|

sādhyā rudrāśca gandharvā yakṣaguhyakakinnarāḥ||120||

daityendrā rākṣasendrāca nāgendrā garuḍā api|

evamanyepi lokendrāḥ sarve tatra mudāgatāḥ||121||

taṁ munīndraṁ samabhyarcya natvā tatra samāśrayan|

hāritī yakṣiṇī cāpi bodhisattvānupālinī||122||

sā bhavantaṁ tamānasya tatsabhāyāṁ samāśrita|

atha sa bhagavānañchāstā dṛṣṭvā sarvān samāśritān||123||

maitreyaṁ samupāmantrya sampaśyannevamādiśat|

maitreyemaṁ jagannāthaṁ svayambhūvaṁ jinālayaṁ||124||

dharmadhātuṁ triratnāyaṁ paśyadhvaṁ yūyamādarāt|

bhajadhvaṁ śraddhayā nityaṁ gatvātra śaraṇaṁ mudā||125||

bodhicaryāvrataṁ dhṛtvā saṁcarante jagaddhite|

śraddhayā ye bhajantyatra śaraṇaṁ samupāśritāḥ||126||

bodhicaryāvrataṁ dhṛtvā saṁcarante jagaddhite|

sarve vimuktapāpāste pariśuddha trimaṇḍalāḥ||127||

bodhisattvā mahābhijñāḥ bhaveyuḥ sadguṇāśrayāḥ|

bhadraśrīsukhasampannaścaturbrahmavihārikāḥ||128||

sarvasattva hitodyuktāḥ saṁbodhivratacāriṇaḥ|

na kvāpi durgatiṁyāyuḥ sadā sadgatisaṁbhavāḥ||129||

triratnabhajanotsāhāḥ saddharmmasādhanodyamāḥ|

tataḥ pravrajyā saṁbuddhaśāsane śaraṇaṁ gatāḥ||130||

brahmacaryāṁ vrataṁ dhṛtvā saṁcareran samāhitāḥ|

tataste nirmalātmāno niḥkleśāḥ vijitendriyāḥ||131||

trividhāṁ bodhimāsādha sambuddhapadmāpnuyuḥ|

evaṁ vijñāya ye martyā vāñchanti saugataṁ padaṁ||132||

te bhajantu sadātraiva śraddhayā śaraṇāśritāḥ|

ityādiṣṭaṁ munīndreṇa niśamya te sabhāśritāḥ||133||

sarve lokāḥ pramodantastathā bhajitumīcchīre|

maitreyaḥ sa tato dhīmān bodhisattva hi moditaḥ||134||

samutthāya munīndrasya purataḥ samupācaran|

udvahannuktarāsaṁgaṁ praṇatvā taṁ munīśvaraṁ||135||

jānubhyāṁ bhuvi saṁghāya sāñjaliretamavravīta|

bhagavān nāthaḥ sarvajña dharmadhātujinālayaḥ||136||

kadāyaṁ svayaṁmutpanna stansamādeṣṭumarhati|

iti saṁprārthite tena maitreyeṇa mahātmanā||137||

bhagavantaṁ mahāvijñaṁ saṁpaśyannevamādiśata|

sādhu śṛṇu samādhāya maitreyo'sya svayambhūvaḥ||138||

samutpattikathāṁ vakṣe sarvalokābhibodhane|

purāsmin bhadrakalpe'bhūd vipaśvī nāma sarvavit||139||

jagachāstā munīndro'rhan dharmmarājastathāgataḥ|

aśīti varṣa sāhasra paramāyūṁṣi yadā nṛṇāṁ||140||

tadāhaṁ satya dharmmākhyā bodhisattvā'bhavaṁt kila|

yadā sa bhagavāñchāstā vandhumatyāḥ puro'ntike||141||

vihāre dharmmamādiśca vijahāra sasāṁdhikaḥ|

tadāhaṁ taṁ jagannāthamārādhya samupasthitaḥ||142||

tadātrā bhūtsaptakośa vyāyāmavistaro hradaḥ|

tadanuśāsanāṁ dhṛtvā prācaraṁ bodhi samvaraṁ||143||

aṣṭāṁga guṇa sampannaḥ jalāśrayo nagāvṛtaḥ|

padmotpalādi saugandhi nānā puṣpa praśobhitaḥ||144||

haṁsa sārasa kāḍamba pramukha pakṣimaṇḍitaḥ|

tīropāntanagāruha sarvarttu puṣpitairdrumaiḥ||145||

phalauṣadhādi bṛkṣaiśca samantāt parimaṇḍitaḥ|

mīnakacchapamaṇḍūkapramukha jalavāsināṁ||146||

jantūnāṁ nilayo'gādhaḥ sarvanāgādhipālayaḥ|

tatra sarvāhirājendraḥ karkkoṭakābhidho mahān||147||

evaṁ tadā mahā tīrthaḥ puṇyāmṛtāśrayo vabhau|

sadā tratridaśāḥ saddharmapsarobhiḥ pramoditāḥ||148||

snātvā saṁkrīḍamānāḥ satsaukhyaṁ bhuktvā divaṁ yayuḥ|

tathā brahmādayaḥ sarve maharṣayastapaśvinaḥ||149||

snāna saṁdhyādikaṁ karmma kṛtvā saṁsevire sadā|

evaṁ lokādhipāścāpi snātvātra sarvadā mudā||150||

svasva kule samabhyarcya mahotsāhairnisevire|

evaṁmanyepi lokāśca vratino brahmacāriṇaḥ||151||

snātvātra saṁvaraṁ dhṛtvāḥ pūtātmāno divaṁ yayuḥ|

bodhisattvā tathānaike snānadānavrataṁ mudā||152||

kṛtvātra vimalātmānaḥ samācārañjagaddhite|

evaṁ sarve munīndraiśca snāna vratādi bījaṁphalaṁ||153||

mahatpuṇyataraṁ śreṣṭhamākhyātaṁ bodhisādhanaṁ|

yatra snātvā triratnānāṁ śaraṇe samupāśritāḥ||154||

bodhicaryā vrataṁ dhṛtvā prācaranta jagaddhite|

te āśu vimalātmāno bhadraśrīsatguṇānvitāḥ||155||

bodhisattvāḥ mahāsattvā vabhūvuḥ sugatātmajāḥ|

kecinniḥ kleśitātmāno bhavasaṁcāre nispṛhāḥ||156||

śrāvakabodhisattvamāsādya babhūvu brahmacāriṇaḥ|

kecicca nirmalātmāno saṁsāre viratāśrayāḥ||157||

pratyekabodhimāsādya sunirvṛtiṁ samāyayuḥ|

kecit saṁbodhicittaṁ ca prāpya saddharmalālasāḥ||158||

bodhicaryāvrataṁ dhṛtvā samācarañjagaddhite|

kecit sarve bhuktvā divyakāmasukhānyapi||159||

saddharmaguṇasaṁraktāḥ prācaran sarvadā śubhe|

kecit sarve mahīpālāḥ sunīti dharmacāriṇaḥ||160||

kṛtvā sattvahitārthāni yayurante jinālayaṁ|

ahamapi tadā tatra snātvācaraṁ vrataṁ sadā||171||

etatpuṇyaviśuddhātmā drutaṁ sambodhimāptavān|

yaiścāpyasya jalaṁ pītaṁ te'pi nirmuktapātakāḥ||162||

pariśuddhāśayā bhadrā babhūvu bodhibhāginaḥ|

evamasau mahātīrthaḥ sarvairapi munīśvaraiḥ||163||

samadhiṣṭhāpito'dyāpi praśaṁsito mahītale|

tatra paścāt svayaṁ dharmadhāturutpatsyate dhruvaṁ||164||

ityādiśya munīndrau'sau bhūyā erevaṁ samādiśat|

tadā tatra samupanne dharmadhātau jinālaye||165||

nirutpātaṁ śubhotsāhaṁ pravartiṣyati sarvadā|

sarve lokāśca taṁ dṛṣṭvā dharmadhātuṁ svayambhūvaṁ||166||

śraddhayā śaraṇaṁ gatvā prabhajiṣyanti sarvadā|

tadetatpuṇyaliptāste sarve lokāḥ śubhendriyāḥ||167||

bhadraśrī satsukhaṁ bhuktvā yāsyantyante jinālayaṁ|

ityādiṣṭaṁ munīndreṇa vipaśvinā niśamyate||168||

sarve sabhāśritā lokāḥ prābhyanandan pravodhitāḥ|

iti vipaśvinā śāstā samādiṣṭaṁ śrutaṁ mayā||169||

tathā yuṣmatprodhārtha samākhyātaṁ pravuddhyatāṁ|

ityādiṣṭaṁ munīndreṇa śrīghanena niśamyate||170||

maitreyādi samālokāḥ sarve'pi saṁprasedire|

iti svayambhūdharmadhātu samutpatti nidānakathā prathamo'dhyāyaḥ samāptaḥ|

Technical Details

Text Version: 

Romanized

Input Personnel: 

DSBC Staff

Input Date: 

2008

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

dvitīya adhyāyaḥ

dvitīya adhyāyaḥ

pūjāphalavarṇano nāma

atha dhīmān mahāsattvo maitreyaḥ sa jinātmajaḥ|

bhagavantaṁ punarnatvā sāñjalirevamabravīt||1||

bhagavacchrotumicchāmi svayambhūtpatti satkathāṁ|

tadbhavānsamupākhyātuṁ lokānāṁ saṁpravodhane||2||

iti saṁprārthitaṁ tena maitreyeṇa sudhīmatā|

bhagavānstān sabhālokān sampaśyannevamādiśat||3||

sādhu maitreya sarve'pi sabhālokāḥ samādarāt|

śṛṇudhvaṁ saṁpravakṣāmi svayambhūtpattisatkathāṁ||4||

tadyathā nirvṛtiṁ yāte vipaśvini munīśvare|

cirakālāntareṇātra jagacchāstābhavat punaḥ||5||

śikhi nāma munīndro'rhan dharmarājastathāgataḥ|

sarvajñaḥ sugataḥ sarvavidyādhipo vināyakaḥ||6||

tadā saptativarṣāṇāṁ sahasrāryunṛṇāmabhūt|

ahaṁ kṣemaṁkaro nāma bodhisattvo bhavaṁ kila||7||

yadā sa bhagavāñchāstā śikhidharmādhipo jinaḥ|

aruṇākhyapuropānte vyaharat saugatāśrame||8||

tadā sarve mahāsattvā bodhisattvā jinātmajāḥ|

śikhinastasya śāstuḥ saṁprābhajan samupasthitāḥ|

ahamapi tathā tasya śikhinastrijagadguroḥ||9||

śaraṇe samupasthāya prābhajaṁ sarvadā mudā|

tatraika samaye so'rhan bhagavān sarvavicchikhī||10||

saddharma samupādeṣṭuṁ sabhāsane samāśrayet|

tadvīkṣya bhikṣavaḥ sarve śrāvakā brahmacāriṇaḥ||11||

bhikṣuṇyo vratinaḥ sarve upāsakā upāsikāḥ|

tatsaddharmāmṛtaṁ pātuṁ samupāgatya taṁ muniṁ||12||

natvā sāñjalayastatra parivṛtya samāśrayet|

tadā brahmāmarendrādi tridaśāḥ sarve āgatāḥ||13||

sarve lokādhipāścāpi dharma śrotuṁ samāgatāḥ|

siddhā vidyādharā sādhyā yakṣagandharvakinnarāḥ||14||

garuḍā rākṣasendrāśca daityā nāgādhipā api|

ṛṣayo brāhmaṇāścāpi tīrthikāścāpi tapasvinaḥ||15||

yatayo yoginaścāpi nirgranthāśca digambarāḥ|

rājāno kṣatriyā vaiśyā amātyā mantriṇo janāḥ||16||

śilpino vaṇijaḥ sārthavāhādayo mahājanāḥ|

paurā jānapadā grāmyāstathānyadeśavāsinaḥ||17||

tatsaddharmāmṛtaṁ pātuṁ saṁharṣitāḥ samāgatāḥ|

tatra te samupāgatya samīkṣya taṁ munīśvaraṁ||18||

yathākramaṁ samabhyarcya kṛtvā cāpi pradakṣiṇāṁ|

kṛtvāñjali puṭo natvā parivṛtya samantataḥ||19||

puraskṛtya samudvīkṣya samādarādupāśrayan|

tān sarvān samupāsīnāṁ dṛṣṭvā sa bhagavāñchikhī||20||

ādimadhyāntakalyāṇaṁ saddharma samupādiśat|

tatsaddharmāmṛtaṁ pītvā sarve lokāḥ pravodhitāḥ||21||

saddharmasādhanodyuktā vabhūvu bodhibhāginaḥ|

tasminneva samaye tatra puṇyajalāśraye hrade||22||

maṇinālaṁ mahaddīptihīrakeśaramuttama|

pañcaratnamayaṁ divyasarojarājakarṇṇikaṁ||23||

prādurbhūtaṁ mahāpadmaṁ sahasradalakāśitaṁ|

tasya ratnasarojasya karṇṇikāmadhyamaṇḍale||24||

svayambhūtsamutpanno dharmmadhāturjinālayaḥ|

ekahastapramāṇāṁśuḥ śubhraratnamayojjvalaḥ||25||

sambodhiśrīguṇādhāraḥ sarvalakṣaṇamaṇḍitaḥ|

jyotirūpo jagajjeṣṭha pañcatathāgatāśrayaḥ||26||

jagadīśo jagat vandyo jagatpūjyo jagatprabhuḥ|

anādinidhano'jīrṇṇo mānyaḥ sarvaśubhārthabhṛt||27||

samantabhadrarūpo'graḥ śreṣṭhaḥ saddharmaratnabhṛt|

trailokyasadguṇādhīśaścaturvarggaphalapradaḥ||28||

tasmiṁścaitye samutpanne sāvdhinagā rasācalat||29||

divyasugandhipuṣpāṇi saṁnipetuḥ surālayāt|

suradundubhayo neduḥ diśaḥ sarvāḥ prasedire||30||

vahnayo dakṣiṇāvarttā bhadrābhāḥ saṁprajahvalaḥ|

suśītalāḥ sugandhyādyā dhīraṁ vavuḥ samīraṇāḥ||31||

vavarṣuḥ surasāmbūni meghā gambhīranisvanāḥ|

graha tārenducandrābhāḥ sabhāsitā virejire||32||

stutimaṅgalasaṁgītiśabdā vyomni pracerire|

sarvatrāpi sumāṅgalyamahotsāhaṁ nirantaraṁ||33||

subhikṣaṁ śrīguṇorbhāvaṁ saddharma bhadrasādhanaṁ|

nirutpātaṁ śubhācāraṁ prāvarttata samantataḥ||34||

tamevaṁ svayambhūtpannaṁ dharmmadhātuṁ jinālayaṁ|

samīkṣyeśādayaḥ sarve ārupya bhuvanāśritāḥ||35||

yogadhyāna mahānanda saukhye'pi viratotsavāḥ|

svayambhuvaṁ tamīśānaṁ vandituṁ samupācaran||36||

tathā brahmādayaḥ sarve munayo brahmacāriṇaḥ|

evaṁ svayambhuvaṁ draṣṭuṁ muditā samupācaran||37||

evaṁ śakrādayaḥ sarve tridaśāḥ sāpsaro gaṇāḥ|

pūjāṅgāni samādāya draṣṭumenaṁ mudā yayuḥ||38||

tathāgnidharmarājo'pi naiṛto varuṇo marut|

śrīdo bhūtādhipaścaivaṁ sarve lokādhipā api||39||

svasvaparijanaiḥ sārddha mahotsāhaiḥ pramoditāḥ|

evaṁ svayambhuvaṁ caityaṁ saṁdraṣṭuṁ samupāyayuḥ||40||

dhṛtarāṣṭro mahārājo gandharvaiḥ saha moditaḥ|

saṁgītivādanotsāhaiḥ sahainaṁ draṣṭumāyayuḥ||41||

viruḍhako mahārājaḥ kumbhāṇḍasahitā mudā|

svayambhuvaṁ tamālokya mudā vanditumāyayuḥ||42||

virupākṣo'pi nāgendraiḥ sarvai nāgādhipaiḥ saha|

ratnapūjopahārāṇi dhṛtvainaṁ draṣṭumāyayuḥ||43||

kuvero yakṣarājo'pi yakṣaṇībhiḥ samanvitaḥ|

nānādravyopahārāṇi dhṛtvainaṁ draṣṭumāyayuḥ||44||

vajrapāṇiśca guhyendrasarvaguhyakasaṁyutaḥ|

divyabhogyāpahārāṇi dhṛtvainaṁ draṣṭumāyayuḥ||45||

drumaḥ kinnararājo'pi sarvaiḥ saha hyānanaiḥ|

tūryasaṁghoṣaṇotsāhaiḥ sahinaṁ draṣṭumāyayuḥ||46||

tathā sarvārthasiddhākhyaḥ sarvavidyādharādhipaḥ|

divyapūjopahārāṇi dhṛtvainaṁ draṣṭumāyayuḥ||47||

garuḍaḥ pakṣirājo'pi sarvaiḥ pakṣigaṇaiḥ saha|

svasvarddhiśrīmahotsāhairenaṁ saṁdraṣṭumāyayuḥ||48||

evaṁ siddhāśca sādhyāśca vasavaśca grahā api|

sarvāstārāganāścāpi sarvāścāpyapsarogaṇāḥ||49||

evaṁ daityādhipāḥ sarve svasvaparijanaiḥ saha|

mahāsamṛddhiprātsāhaiḥ sahasā samupācaran||50||

evaṁ lokādhipāḥ sarve daśadikṣu vyavasthitāḥ|

dṛṣṭvā taṁ svayambhūtpannaṁ vandituṁ sahasācaran||51||

sarve'pi te samāgatya dṛṣṭvā taṁ jagadīśvaraṁ|

saṁharṣitāśayā dūrāt praṇatvā samupācaran||52||

tataste jagannātha sarve'bhyarcya yathākramaṁ|

aṣṭāṁgaiḥ praṇatiṁ kṛtvā prābhajanta samādarāt||53||

keciddavyasugandhaistaṁ prābhilipyābhajan mudā|

kecinnānāvidhaiḥ puṣpaiḥ keciddhūpairmanoharaiḥ||54||

kecicca puṣpamālābhiḥ kecicca divyacīvaraiḥ|

kecicca dīpamālābhiḥ kecidāratidīpanaiḥ||55||

keciddivyāmṛtaiḥ bhogyaiḥ keciddivyauṣadhairapi|

kecinnānāvidhairdivyaratnālaṁkārābhūṣaṇaiḥ||56||

kecicchatradhvajaivalivyajanaiśca vitānakaiḥ|

kecit saṁgītisaṁvādyairmṛdaṅgamurajādibhiḥ||57||

kecit tauryatrikai vaṁśaiḥ śaṁkhaiḥ śṛgaiśca kecana|

kāhāraiśca tathā kecit vīṇādītatavādanaiḥ||58||

tālādighanavādyaiśca bheryānakamardalaiḥ|

tathā nānāvidhairmaḍḍurḍiṇḍimajharjharādibhiḥ||59||

kecitnṛtyaiśca gītaiśca hāhākāraiśca kecana|

evaṁ nānāvidhotsāhaiḥ prābhajanstaṁ jinālayaṁ||60||

kecit pradakṣiṇānyeva kṛtvā bhajan sahasraśaḥ|

kecicca dhāraṇīvidyājapastotrādibhirmudā||61||

evaṁ nānāprakāraiste sarve lokā dvijādayaḥ|

śraddhayā samupāśritya prābhajanstaṁ svayambhuvaṁ||62||

etaddivyamahotsāhaiḥ saṁpravṛttiṁ prasāritāṁ|

śrutvā sarve sabhālokā vismayaṁ samupāyayuḥ||63||

tat samīkṣya mahāsattvā ratnapāṇiḥ purogataḥ|

śikhinaṁ taṁ muniṁ natvā sāñjalirevamabravīt||64||

bhagavan yatmahī sarvā kampitā divyamutsavaṁ|

prasāritaṁ ca kasyedaṁ hetu tat samupādiśa||65||

iti saṁprārthitaṁ tena sudhiyā ratnapāṇinā|

sa śikhi bhagavān paśyan ratnapāṇiṁ tamabravīt||66||

sādhu śṛṇu mahāsattva yat sarvā calitā mahī|

divyotsāhaiḥ pravṛttaṁ ca taddhetuṁ saṁnigadyate||67||

tadyathātrāsti bhūloka uttarasyāṁ himālaye|

aṣṭāṅgaguṇasampannapuṇyajalāśrayo hradaḥ||68||

tatra ratnamaye padme sarojarājakarṇṇike|

svayameva samutpanno dharmadhātujinālayaḥ||69||

tadutpanne mahī sarvā racitā saṁpramoditāḥ|

sarvatrāpi śubhotsāhaṁ prāvrarttate bhavālaya||70||

taṁ samīkṣya maheśānabrahmāśakrādayo'marāḥ|

grahāstārāśca siddhāśca sādhyā vidyādharā api||71||

maharṣaśca sarve'pi savismayapramoditāḥ|

sarve lokādhipāścāpi daityā nāgāḥ khageśvarāḥ||72||

yakṣakinnaragandharvvaguhyakarākṣasā apiḥ|

etatprabhṛtayaḥ sarve samīkṣya taṁ svayaṁbhuvaṁ||73||

saṁharṣitāḥ samāgatya prabhajante mahotsavaiḥ|

etatpūjāmahotsāhasaṁpravṛttiḥ prasārita||74||

etasyedaṁ mahadbhanimittaṁ saṁprajāyate|

ityādiṣṭaṁ munīndreṇa śikhinā saṁnisaṁmya saḥ||75||

ratnapāṇimahāsattvāḥ savismayapramoditaḥ|

suprabuddhamukhāmbhojā mahāsaṁharṣitāśayaḥ||76||

bhūyastaṁ śikhinaṁ natvā sāñjalirevabravīt|

bhagavan taddhijānīyādyanmano me samīcchate||77||

tadanujñāṁ pradatvātra saṁprasādayatumarhati||

ahamapi jagacchāstaḥ svayambhuvaṁ tamīśvaraṁ||78||

śraddhayā samupāśritya prabhajāmi mahotsavaiḥ||

iti saṁprārthite tena śrutvā sa bhagavāñchikhi||79||

ratnapāṇiṁ mahāsattvaṁ saṁpaśyannevamādiśat||

kulaputra prayāhi tvaṁ yadyāśu bodhimicchasi||80||

śraddhayā samupāśritya prabhaja taṁ jinālayaṁ|

ye tatra samupāśritya bhajeyuḥ śraddhayā mudā||81||

teāśu prāpya saṁbodhiṁ sambuddhapadamāpnuyuḥ|

ityādiṣṭaṁ munīndreṇa ratnapāṇi niśamya saḥ||82||

sāñjalistaṁ muniṁ natvā muditaḥ prācarat tataḥ|

tatastena sahāneke bodhisattvā jinātmajāḥ||83||

śrāvakā bhikṣavaścāpi bhikṣuṇyaścāpyupāsikāḥ|

upāsakā bhaktimanto vratinaḥ puṇyalālasāḥ||84||

ṛṣayo brāhmaṇāścāpi yatayo yogino'pi ca|

tīrthikāstāpasāścāpi nirgranthā brahmacāriṇaḥ||85||

rājānaḥ kṣatriyā vaiśyā amātyā mantriṇo janāḥ|

śilpino vaṇijaḥ sārthavāhāścāpi mahājanāḥ||86||

paurā jānapadā grāmyastathānyadeśavāsinaḥ|

evamanyepi lokāśca saddharmaguṇavāñchinaḥ||87||

sarve tatra mahotsāhaistena sārddha mudā carat|

evaṁ sa ratnapāṇistaiḥ sarvaiḥ lokai samanvitaḥ||88||

pūjāṅgāni samādāya mahotsāhai mudācarat|

evaṁ sa pravarañchrīmān sarvāṁllokān vinodayan||89||

sahasā tatra prāgatya dadarśemaṁ jinālayaṁ|

dṛṣṭvainaṁ sa mahāsattvaḥ muditaḥ samupāsaran||90||

yathāvidhi samabhyarcya praṇatvā prābhajanmudā|

evaṁ sarve'pi te lokāḥ sahāyāstasyamaharṣayaḥ||91||

yathāvidhi samabhyarcya mahotsāhai mudābhajan|

evaṁ te sakalā lokā stutvā japtvā ca dhāraṇī||92||

pradakṣiṇāni kṛtvoṣṭa praṇatvā prābhajan mudāḥ|

evamanye mahāsattvā bodhisattvā jinātmajāḥ||93||

daśadigbhyaḥ samāgatya prābhajannimamīśvaraṁ|

ahamapi tadā tena sahetya ratnapāṇinā||94||

śraddhayā samupāśritya prābhajanimamīśvaraṁ|

etatpuṇyānubhāvena bodhiṁ prāpya kalāvapi||95||

jitvā māragaṇān sarvān dharmādhipo bhavāmyahaṁ||

ye yesya samupāśritya bhajeyuḥ śraddhayā mudā||96||

te te sarve'pi saṁbodhiṁ prāpya syuḥ sugatā drutaṁ||

evaṁ mahattaraṁ puṇyasya sevāsamudbhavaṁ||97||

bhadraśrīsadguṇāpannaṁ sambodhijñānasādhanaṁ|

iti sarvai munīndraiśca samākhyātaṁ samantataḥ||98||

yūyamapi parijñāya bhajatāsya samādarāt|

munīndrā api sarve'sya catuḥsandhyaṁ divāniśaṁ||99||

dṛṣṭvā dhyātvā smṛtiṁ dhṛtvā prābhajantaṁ samādarāt|

bhajanti sāmprataṁ sarve buddhāḥ sarve digāśritāḥ||100||

anāgatāśca sarve'pi bhajiṣyanti tathā sadā|

asya darśanamātreṇa praduṣṭā api pāpinaḥ||101||

nirmukta pātakā hyāśu bhaveyu nirmalendriyāḥ|

tataste nirmalātmāno niḥkleśo brahmacāriṇaḥ||102||

durgati naiva gaccheyuḥ kutrāpi hi kadācana||

saṅgatāveva saṁjātā bhadraśrīsadguṇāśrayāḥ||103||

bodhisattvā mahāsattvā bhaveyuḥ sugatātmajāḥ|

tataste bodhisambhāraṁ pūrayitvā yathākramaṁ||104||

trividhāṁ bodhimāsādya nirvṛtiṁ padamāpnuyuḥ|

iti natvā sadāpyasya kṛtvā darśanamādarāt||105||

anumodyābhyanusmṛtvā dhyātvānubhāvya sarvadā|

nāmāpi ca samuccārya śraddhayā bodhivāchibhiḥ||106||

yathāśakti prakarttavyā bhaktisevā sadādarāt|

ityādiṣṭaṁ munīndreṇa śrīghanena niśamyate||107||

maitreyapramukhāḥ sarve sabhālokāḥ prabodhitāḥ|

tathetyabhyanumodanto dharmmadhāto svayambhuvaḥ||108||

śraddhayā samupāśritya saṁbhajituṁ samīcchire|

atha sarvve sabhālokā dharmmadhātoḥ svayambhuvaḥ||109||

pūjāphalaviśeṣāṇi saṁśrotuṁ punarīcchireḥ|

tanmatvā sa mahāsattvo maitreyaḥ sugatātmaja||110||

bhagavantaṁ munīndrantaṁ prārthayadevamānataḥ|

bhagavannasya pūjāyā viśeṣaphalavistaraṁ||111||

sarvve ime sabhālokāḥ śrotumicchanti sāmprataṁ|

tadbhagavān samupādiśya pūjāphalaviśeṣatāṁ||112||

imāṁ sarvān sabhāsīnāṁ saṁbodhayitumarhati|

iti saṁprārthitaṁ tena maitreyeṇa niśamya saḥ||113||

bhagavānstān sabhālokān sampaśyanaivamādiśat|

śṛṇudhvaṁ sakalā lokā asya pūjāphalaṁ mahat||114||

viśeṣeṇa pravakṣyāmi sarve lokābhibodhane|

pañcāmṛtaiḥ sahāmbhobhiḥ saṁśobhitasunirmmalaiḥ||115||

ye mudā snāpayantimaṁ dharmmadhātuṁ jinālayaṁ|

mandākinyāṁ sadā snātvā te viśuddhatrimaṇḍalāḥ||116||

divyasukhāni bhuṁjāno prānte yāni jinālayaṁ|

saurabhya dravyasaṁyukti yatra caityai svayambhuvi||117||

modayanto jagaccittaṁ dhūpayanti mudā sadāḥ|

te sugaṁdhitasaumyāṅgā mānyā devā surairapi||118||

śrīmantaḥ susvasaṁpannā bhavanti ratnasannibhāḥ|

pañcagandhairmudā yatra dharmmadhāto jinālaye||119||

liptārādhya samāśritya prabhajanti sadādarāt|

saptaratnasametāste bhadraśrīsadguṇāśrayāḥ||120||

sarvve lokā hitodyuktā bhavanti kṣitipādhipāḥ|

ye cātra munirājendrā vicitra cīvarāmbaraiḥ||121||

pravārya śraddhayā bhaktyā saṁbhajante samādarāt||

te divyadṛṣya kauśeya ratnābharaṇabhūṣitāḥ||122||

sujñā dharmādhipāḥ santo bhavanti bhadracāriṇaḥ|

ye caimaṁ kusumaiḥ sarvvai jalajai sthalajairapi||123||

arccayitvā samāśritya saṁbhajante pramoditāḥ|

mahīndraśrīsamṛddhāste śakrādhikaprabhānvitāḥ||124||

bhadraśrīsukhasaṁpannā bhavanti bodhibhāginaḥ|

yacainaṁ puṣpamālābhi racitābhirmanoharaiḥ||125||

sarvvapuṣpaiḥ pralambābhiḥ śobhayitvā bhajanti ca|

bhavanti śrīsamṛddhāste dharmmakāmāḥ suradhipāḥ||126||

satkīrttirguṇasaṁraktāḥ śubhagā bodhicāriṇaḥ|

ye ca puṣpāṇi sarvāṇi mudātra sugatālaye||127||

avakīrya samārādhya bhajanti śaraṇāśritāḥ|

te'pi devādhipā svarge gatā mahyāṁ nṛpādhipāḥ||128||

mahacchrīguṇasampannā bhavanti bodhibhāginaḥ|

dhṛtasugandhitailādisaṁpradīptāṁ tamopahāṁ||129||

jvālayanti mudā ye'smiṁ dharmmadhātau jinālaye|

suduṣṭayaḥ surupāste jñānadīpatamopahāḥ||130||

bhūpārcitapadāmbhojā bhavanti bodhibhāginaḥ|

praṇītaṁ surasaṁbhojyaṁ valbhagandhasamanvitaṁ||131||

ye cāsminnupaḍhaukitvā prabhajanti samādarāt|

ṛddhimanto nṛpeṁdrāste saptaratnasamanvitā||132||

svargge devādhipāścāpi bhavanti bodhibhāginaḥ|

ye cāsmiṁ surasaṁpānaṁ suvarṇṇagandhasaṁyutaṁ||133||

upaḍhaukya samārādhya prabhajante samāhitāḥ|

te valiṣṭhā mahīpendrāḥ śrīsamṛddhā nirogiṇaḥ||134||

svarge gatāśca devendrā bhavanti bodhibhāginaḥ|

ye cāsmiṁ skandamūlāni bījapatraphalāni ca||135||

śraddhayā samupasthāpya saṁbhajante samāśritāḥ|

te prabhuktvā yathākāmaṁ bhogyāni vividhānyapi||136||

saddharmmasādhanā raktāḥ saṁyāntyante jinālayaṁ|

ye cāsmiṁ sugatādhāre pathyauṣadhagaṇānyapi||137||

samarpya śraddhayā nityaṁ prasevyante samādarāt|

te valiṣṭhā supuṣṭāṅgāḥ saumyendriyā nirāmayāḥ||138||

rājyaśrīsukhamābhujya saṁyātyante sukhāvatī|

ye cāpyatra jinādhāre dharmmadhātau svayambhuvi||139||

vitatyoccai vitānaṁ ca sasevyante samādarāt||

dhanyāste guṇino vaṁdyāḥ śuddhavaṁśā vicakṣaṇāḥ||140||

sarvvārthasiddhisampannāḥ prayāntyante jinālayaṁ|

ye cāsmin sugatāvāse vicitrānucchritāndhvajān||141||

avaropya mahotsāhaiḥ saṁbhajante'bhinanditā|

śrīsadguṇasukhadhārā bhūtvā bhūpādhipā bhuvi||142||

svarge devādhipāścānte saṁprayānti jinālayaṁ|

sauvarṇṇaratnapuṣpādi chatrāṇi vividhāni ye||143||

āropyatra mahotsāhaiḥ saṁbhajante pramoditāḥ|

te narendrāḥ surendrāśca chatropamāḥ sadā bhave||144||

mahatsukhāni bhuktvānte saṁprayānti jinālayaṁ|

ye cāsmiṁ sugatāvāse patākāḥ pañcaraṅgikāḥ||145||

samāvalaṁvayitvāpi saṁbhadrante mahotsavaiḥ|

te bhūtvātra mahīpālāḥ sadā devādhipā api||146||

bhadraśrīsatsukhaṁ bhuktvā saṁyātyante jinālayaṁ|

ye cāsmin vividhairvādyaiḥ saṁgītimurujādibhiḥ||147||

tauryai vaṁśādibhiścāpi saṁsevyante mahotsavaiḥ|

te manojñasvanādivyaśrīśrīśrīsadguṇāśrayāḥ||148||

saddharmmasādhanaṁ kṛtvā vrajanti sugatālayaṁ|

salājākṣatapuṣpāṇi ye cāsmiṁ sugatālaye||149||

prakṣipya śraddhayā bhaktyā saṁbhajante samādarāt|

durgatinte na gacchanti saṁjātāḥ saṅgatau sadā||150||

sarvasattvahitaṁ kṛtvā saṁprayānti jinālayaṁ|

sadhātudravyaratnādi dakṣiṇānyatra ye mudā||151||

śraddhayā pariḍhaukitvā saṁbhajante sadādaraṁ|

divyaśrīsukhabhuṁjānā bhadraśrī sadguṇāśrayāḥ||152||

sarvasattvahitaṁ kṛtvā saṁprayānti jinālaye|

ye cāpi stutibhistathyairenaṁ buddhālayaṁ mudā||153|

padyairgadyamayaiścāpi stutvā bhajanti sādaraṁ|

bahuratnasamṛddhāste sarvvavidyāvicakṣaṇāḥ||154||

bhūpāḥ svargādhipāścāpi bhūtvānte yānti saugataṁ|

śraddhayainaṁ jagannāthaṁ samāśrayaṁ svayambhūvaṁ||155||

natvāṣṭāṁgaiḥ prasannā ye saṁbhajante samādaraṁ|

saptaratnasametāste nṛpādhipā mahardhikāḥ||156||

saddharmmasādhanāraktā bhavanti bodhicāriṇaḥ|

ye cainaṁ caityarājendramanekaśaḥ pradakṣiṇāṁ||157||

kṛtvā dhyātvāpyanusmṛtvā nāmoccārya bhajantyapi|

jātismarāścirāyuṣkā matimantaḥ suvarṇṇinaḥ||158||

vandyāḥ pūjyāśca mānyāste bhaveyurbodhicāriṇaḥ|

śuddhāśca bhasmasaṁkṣālaiḥ samālipya samantataḥ||159||

samabhyarcyamahotsāhai ye bhajantyenamīśvaraṁ|

śokakleśāgnisaṁtāpavivarjitāścirāyuṣaḥ||160||

nīrogāḥ sukhino devā bhaveyu bhūmipāśca te|

ye ca nirmālyamākṛṣya śodhayitvātra sarvataḥ||161||

śramupāśritya sevyante sambuddhabhaktimānasāḥ|

nirmuktikleśaśokāste darśanīyāḥ śubhendriyāḥ||162||

śrīmantaḥ puṇḍarīkāsyā bhaveyurbodhicāriṇaḥ|

jīrṇe śīrṇe vibhagne'smin pratisaṁskṛtya ye mudā||163||

pratiṣṭhāpya mahotsāhaiḥ saṁbhajante samādarāt|

sarvasampatsamṛddhāste puṣṭendriyā nirāmayāḥ||164||

dharmakāmāḥ śubhācārā bhaveyurbodhicāriṇaḥ|

jalpitvā yasya mantrāṇi dhāraṇīśca samāhitāḥ||165||

dhyātvā smṛtvā samuccārya nāmāpi prabhajanti ca|

te'pi sarve mahāsattvāḥ pariśuddhatrimaṇḍalāḥ||166||

bhadraśrīsadguṇādhārā bhaveyurbodhicāriṇaḥ|

evaṁ mahattaraṁ puṇyamasmiṁ dharmmādhipālaye||167||

śraddhābhajanasaṁbhūtamityādiṣṭaṁ munīśvaraiḥ|

mayaitatpuṇyasaṁkṣiptamātraṁ tu kathyate'dhunā||168||

samagraṁ vistarenātra samākhyātuṁ na śakyate|

evaṁ matvāsya satkārapūjāphalaṁ mahattaraṁ||169||

śraddhayā śaraṇaṁ gatvā kartavyaṁ bhajanaṁ sadā|

yepyasmiṁñcharaṇaṁ gatvā śraddhayā samupāśritāḥ||170||

suprasannāśayā bhaktyā bhajanti bodhimānasāḥ|

na te gacchanti kutrāpi durgatiṁ ca kadācana||171||

saṁjātāḥ sadgatiṣveva bhaveyurbodhicāriṇaḥ|

sadā te sukule jātā bodhisattvā vicakṣaṇāḥ||172||

sarvasattva hitā dhānaṁ careyurvratamābhavaṁ|

tataste bodhisaṁbhāraṁ pūrayitvā yathākramaṁ||173||

trividhāṁ bodhimāsādya nirvṛtipadamāpnuyuḥ|

na hicitta prasādaspa svalpābhavati dakṣiṇā||174||

tathāgateṣu saddharmma saṁbuddha śrāvakeṣvapi||

evaṁ hyacintyāḥ saṁbuddhāḥ buddha dharmāśca nirmalāḥ||175||

acintyohi prasannānāṁ vipākaśca mahāphala|

evaṁ matvā triratneṣu bhaktipūjā phalaṁ mahat||176||

kāryābhaktiṣu sadātraiva dharmmadhātau jinālaye|

ityādiṣṭaṁ munīndrena śrutvā sarve samāśritāḥ||177||

lokāstatheti vijñapya prātyananda pravodhitāḥ|

iti me guruṇādiṣṭaṁ śrutamayā tathocyate||178||

tvamapyevaṁ sadā rājan bhaja tatra jinālaye|

tatpuṇyena te bhadraṁ nirutpātaṁ sadābhavet||179||

bodhicitta rasaṁ ca saṁprāpya bodhisattvo bhaverapi|

tataḥ sambodhi saṁbhāraṁ pūrayitvā tathākramaṁ||180||

mārānnirjjitya saṁbodhi prāpya buddhapadaṁ labheḥ|

iti śāstārhatā diṣṭaṁ samyakanarādhipaḥ||181||

aśokaḥ sasabhālokaḥ prābhyanandaṁ prabodhitaḥ|

iti śrī svayambhūtpatti kathāyā śrī svayambhū bhaṭṭārakoddeśa pūjāvarṇanā nāma dvītīyo'dhyāya samāpta|

Technical Details

Text Version: 

Romanized

Input Personnel: 

DSBC Staff

Input Date: 

2008

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

tṛtīya adhyāyaḥ

tṛtīya adhyāyaḥ

mahāhradaśoṣaṇadharmadhātupadmagiri sampratiṣṭhāpanno nāma

athāśoko mahīpālaḥ sāñjaliḥpura āśritaḥ|

tamarhantaṁ yatiṁ natvā prārthayedevamādarāt||1||

bhadanta śrotumicchāmi tad bhūmi satkathāṁ|

tatsamyak samupādiśya saṁbodhayituṁ no bhavān||2||

iti saṁprārthite rājñā so'rhanyatirmahāmatiḥ|

upagupto narendraṁ taṁ sampaśyannevamādiśat||3||

sādhu śṛṇu mahārāja yathā me guruṇoditaṁ|

tathāhaṁ te pravakṣyāmi sarvalokābhivodhane||4||

tadyathātha mahāsattvo maitreyaḥ sa jinātmajaḥ|

bhagavantaṁ punarnatvā sāṁjalirevamabravīt||5||

bhagavannāvāsosaumahā jalāśrayo hradaḥ|

kadā bhūmi pradeśo'tra kathaṁ jalāśrayo bhavet||6||

kasya ca samaye deśāgrāmādayaḥ pravarttitāḥ|

tatsarvaṁ samupādiśyansarvānasmānpravodhayan||7||

iti saṁprārthite tena maitreyena saḥ sarvavit|

bhagavānstaṁ mahāsattvaṁ sampaśyannaivamādiśat||8||

sādhu śṛṇu mahāsattvaṁ yadatrābhūt mahītale|

tatpravṛttiṁ samākhyāmi sarvalokābhibodhane||9||

tadyathā bhūvilokānāṁ varṣa ṣaṣṭī sahasrakā|

purābhūt bhagavāñchāstā viśvabhūrnnāmasarvavit||10||

dharmarājo munīndro'rhastathāgato vināyakaḥ|

sarva vidyādhipastāpī saṁbuddha sugato jinaḥ||11||

so'nupamānāma pūryāṁ upakaṇṭhe jināśrame|

sarvasattva hitārthena vijahāra sasāṁdhikaḥ||12||

maitreyo'haṁ tadā bhūvaṁ viśvabhū upāsakaḥ|

parvatākhyo mahāsattvo bodhisattvo hitārthabhṛt||13||

tatra sa bhagavāñchāstā saṁbhāsayaṁ sudhāśuvata|

saddharmma samupādeṣṭuṁ sabhāsane sabhāśrayat||14||

taṁ dṛṣṭā bhikṣavo sarve śrāvakāḥ brahmacāriṇaḥ|

pratyeka sugatāścāpi bodhisattvāścacailakāḥ||15||

bhikṣuṇyā brahmacāriṇyoyatayo'yogino pica|

triratna bhajanāraktā upāsaka upāsikāḥ||16||

evaṁ manyepi lokāśca saddharmma guṇalālasāḥ|

bhadraśrī sabhāṇāraktā saṁbuddha darśaṇotsukā||17||

tatsudharmmāmṛtaṁ pātuṁ samatyena munīśvaraṁ|

yathākramaṁ samabhyarcya natvā sāñjalāya mudā||18||

parivṛtya puraskṛtya samudvikṣya samādarāt|

tatsabhāyāṁ samāśritya saṁniṣedu samāhitāḥ||19||

evaṁ brahmādayaḥ sarve ṛṣayo brahmacāriṇaḥ|

tīrthikā api sarve tatsaddharmaṁ śrotumāgatāḥ||20||

śakrādayoyidāvāśca sarvalokādhipā api|

grahāstārāgaṇāḥ siddhāḥ sādhyā vidyādharā api||21||

sarve'pi te sasāgatya bhagavantaṁ yathākramaṁ|

samabhyarcya praṇatvā tata sabhāyāṁ samupāśrayat||22||

evaṁ ca brāhmaṇā vijñā rājāna kṣatriyā api|

vaiśyāśca mantriṇo'mātyā gṛhasthāśca mahājanāḥ||23||

śilpino vaṇijaścāpi sārthavāhāśca paurikāḥ|

grāmyā jānapadāścāpi tathā nye deśavāsinaḥ||24||

sarve te samupāgatya bhagavanta yathākramaṁ|

samabhyarcya praṇatvā ca kṛtvā pradakṣiṇānyapi||25||

guru kṛtya puraskṛtya parivṛtya samantataḥ|

tatsadharmmāmṛtaṁ pātumupatasthuḥ samāhitāḥ||26||

tāndṛṣṭvā samupāsīnān viśvabhūrbhagavāṁjinaḥ|

ādi madhyānta kalyāṇaṁ saddharma samupādiśat||27||

tatsaddharmmāmṛtaṁ pītvā sarve lokāḥ sabhāśritāḥ|

dharmmaviśeṣamājñāya prāpyananda pravodhitāḥ||28||

tasminkṣaṇe mahī sarvā ca cāraddhi saparvatāḥ|

suprasannā diśaḥ sarvā rejuravīndra vahnyaḥ||29||

suradundubhayo nendurnipetuḥ puṣpavṛṣṭayaḥ|

nirutpātaṁ mahotsāhaṁ prāvarttata samantataḥ||30||

tad vilokya sabhālokāḥ sarve te vismayānvitāḥ|

śrotuṁ taddhetu sarvajñamudvīkṣya tasthurāditāḥ||31||

tadā gaganagañjākhyo bodhisattvaḥ samutthitaḥ|

uddhahannuttarāsaṁga purataḥ samupāśrita||32||

sarvajñaṁ taṁ mahābhijñaṁ dharmmarājaṁ vināyakaṁ|

viśvabhuvaṁ muninnatvā sāṁjalirevamabravīt||33||

bhagavantadranaimityaṁ kasyedaṁ jāyate'dhunā|

tadbhavānsamupādiśya saṁbodhayatu no guroḥ||34||

iti saṁprārthite tena bhagavānsa munīśvaraḥ|

gaganagaṁjamālokya taṁ sabhācaivamabravīt||35||

kulaputra mahad bhadra nimittamidamācarat|

tadahaṁ sapravakṣāmi śṛṇudhvaṁ yūyamādarāt||36||

tadyathā triguṇābhijñā mañjuśrīḥ sugatātmajaḥ|

uttarasyāṁ mahācīne viharati nagāśrame||37||

tasya bhāryā ubhejyeṣṭākeśinī śrīvarapradā|

vidyā sadguṇa saṁbhartrī dvitīyāḥ copakeśinī||38||

ekasmin samaye tatra maṁjuśrīḥ sadguṇodadhiḥ|

lokaṁ saṁdarśana nāma samādhiṁ vidadhe mudā||39||

dhyāna dṛṣṭā dadarśātra mahāhradasaroruhe|

ratnamayaṁ samutpannaṁ dharmmadhātuṁ jinālayaṁ||40||

svayaṁbhuvaṁ tamālokya maṁjudevaṁ susanmatiḥ|

saṁharṣitaḥ purnadhyātvā manasaivaṁ vyacintayet||41||

aho svayaṁ samudbhūto dharmmadhātu jinālayaḥ|

nirjane jalamaye jyotirūpaḥ saṁbhāṣayan sthitaḥ||42||

tat tathāhaṁ kariṣyāmi gatvā tatra mahāhrade|

śoṣayitvā tadambhānsi yathā pṛthvītalo'bhavat||43||

tadā tatra mahībhūtre nirjale supratiṣṭhite|

śiloccaye pratiṣṭhāpya bhajiṣyāmi tamīśvaraṁ||44||

tathā tatra mahībhūte grāmādi vasatirbhaveta|

tadā sarve'pi lokāśyaḥ bhajeyustaṁ jinālayaṁ||45||

tathā tat puṇya bhāvena sarvadā tatra maṁgalaṁ|

nirutpātaṁ bhavennūnaṁ lokāśca syūḥ subhāvinaḥ||46||

tataste mānavāḥ sarve tasyaiva śaraṇāśritāḥ|

yathāśakti mahotsāhaiḥ prabhajeyuḥ sadā mudā||47||

tatastatpuṇyaśuddhāste saddharma guṇalālasāḥ|

bodhisattvā mahāsattvāścareyurbodhisaṁvaraṁ||48||

tataste bodhisaṁbhāraṁ purayitvā yathākramaṁ|

trividhāṁ vidhimāsādya nivṛtipadamāpnuyuḥ||49||

evaṁ kṛtvā mahatpuṇyaṁ prāpyāhaṁ trijagatsvapi|

kṛtvā dharmmamayaṁ bodhiprāpya nivṛttipadamāpnuyāṁ||50||

iti dhyātvā viniścitya mañjuśrīḥ sajinātmajaḥ|

mañjudevābhidhācāryarūpaṁ dhṛtvā maharddhimān||51||

keśinī varadā nāma mokṣadākhyo'pakeśinī|

bhūtvānekaiḥ mahāsattvaiḥ sahasarve'pinecarat||52||

tataścaran sabhāryāsau mañjudevaḥ sasāṁdhikaḥ|

sarvatra bhadratāṁ kṛtvā mahotsārhaiḥ samācarat||53||

tatra te samupāgatya dūrataḥ saṁprabhāsvaraṁ|

mahāhradāvjamadhyasthaṁ dadṛśustaṁ jinālayaṁ||54||

tatra te taṁ samālokya jyotirūpaṁ samujvalaṁ|

praṇatvā sahasopetyaḥ kṛtvā pradakṣiṇāni ca||55||

tattīre parvate ramye sarve'pi te samāśritāḥ|

taṁ caityameva saṁvīkṣya nyavasanta pramoditāḥ||56||

tataḥ prātaḥ samutthāya mañjudevaḥ sa ṛddhimān|

bhaktayā paramayāstauṣijjinālayaṁ svayaṁbhuvaṁ||57||

jyotirūpāya caitanyarūpāya bhavate namaḥ|

anādi nidhanāya śrīdātre praṇavarūpiṇe||58||

viśvatomukha rūpāya svāhāsvadhārūpiṇe|

pṛthvyādibhūtanirmātre mahāmahasvarūpiṇe||59||

jagatsraṣṭe jagatpātre jagad dhartre namo namaḥ|

jagat vaṁdyāya jagatamārādhāya ca te namaḥ||60||

atisthūlāya sūkṣmāya vikārāya vikāriṇe|

nirākṛtikṛte tubhyaṁ saccidānaṁdamūrttayai||61||

vaṣaṭkāra svarūpāya hutabhuje svayaṁ namaḥ|

hotre havana rūpāya homadravyāya te namaḥ||62||

bhaktilabhyāya somyāya bhaktavatsalāya te namaḥ|

dhyānagamyāya dhyeyāya catuvargapradāyine||63||

agraratnāya niḥsīmamahimne sarvadā namaḥ|

guṇātītāya yogāya yogine ca sadā namaḥ||64||

evaṁ stutvā mañjudevaḥ punaḥ kṣamārthatāṁ vyadhāt|

prasīda bhagavan yadahaṁ hadaṁ saṁśoṣituṁ yate||65||

ityuktvā candrahāsaṁ sa sajjīkṛtya samaṁ tataḥ|

tridhā pradakṣiṇīkṛtya samantato vyalokayat||66||

vilokya sa mahāsattvo yāmya diśāvṛtaṁ nagaṁ|

candrahāsena khaḍgena chitvā jalāśrayaṁ vyadhāt||67||

tacchinnaśailamārgeṇa tajjalāni samantataḥ|

pranirgatyāśu sarvāṇi gaṁgāsaṁgamamāyayuḥ||68||

tadārabhya nadā nadyo babhūvurbhūtale hradāḥ|

digvidikṣu malāṁbhobhistad dvīpaiḥ paripūritāḥ||69||

tatra nirudhya ye'mvuni yatra ye śilāḥ sthitāḥ|

tatra tatra satānsarvāśchitvā svūnica cārayet||70||

evaṁ sa sarvataḥ chitvā kṛtvā tajjalanirgamaṁ|

trirātreṇāpi na jalāni sarvāṇi niracārayet||71||

tajjalā dhānamekantu hradaṁ dhanādahābhidhaṁ|

karkkoṭakanāgasya samasthāpa yadāśramaṁ||72||

siṁhenopadrutā yad vada gajendrobhaya vihvalāḥ|

mahārāvai rudanto vai vidravanto diśo daśaḥ||73||

evaṁ tajjalasaṁghātaścandrahāsāsichedanāt|

mārgāntarānniragamata paṁkaśeṣaṁ yathābhavat||74||

tajjalādhānamekentu hradaṁ dharādrahābhidhaṁ|

karkkotakasya nāgasya samasthāpayadāśrayaṁ||75||

tatastasmin jale śuṣkeyadādhārasaroruhaṁ|

tadeva parvatābhūya dharmadhātorvyavasthitaḥ||76||

mañjudevānubhāvena sa sarvaparvatoktamaḥ|

abhedyā vajravaktena vajrakūṭa iti smṛtaḥ||77||

tadāsau bhūtaloramyaḥ samantato nagāvṛtaḥ|

upachandoha ityākhyā himāla yo'picocyate||78||

sudurjayā svarūpābhūḥ prajñā jñānānubhāvinī|

herukamaṇḍalākārā bhūtvā samavatiṣṭhate||79||

tatrāpi ca pradhānā śrī mahādevī khagānanā|

dharmmodayā samuhutā saṁtiṣṭhate jagaddhite||80||

taṁ dṛṣṭvā sa mahācaryā mañjudevo maharddhimāna|

bodhisattvo mahāsattvaḥ pratyatyānandito'bhavat||81||

tataḥ sa tāṁ mahādevī samālokya pramoditaḥ|

urasā śirasā dṛṣṭayā vacasā manasā tathā||82||

padbhyāṁ karābhyāṁ jānubhyāṁ aṣṭāṁgo'pi iti smṛtaḥ|

aṣṭāṁgai praṇītā kṛtvā sāṁjaliḥ samupāśrayan||83||

suprasanna mukhāmbhojaḥ suprabuddho śayāmbujaḥ|

saṁpaśyastāṁ mahādevīṁ stotrairevaṁ mudābhajaṁ||84||

bhagavati mahādevī bhavatyāḥ śaraṇaṁ vraje|

vande pādāmvuje nityaṁ bhajāmi tanprasīdatu||85||

jananī sarvabuddhānāṁ tvameva bodhidāyinī|

sarveṣāṁ bodhisattvānāṁ mātāhitānupālinī||86||

sarvahitārtha saṁbhakti sarvapāpaviśodhanī|

duṣṭa māragaṇākṣobha mahānanda sukhapradā||87||

saddharmmasādhanotsāhavalavīrya guṇapradā|

niḥkleśastimitedhyāna samādhi sukhadāyinī||88||

prajñāguṇa mahāratna śrī samṛddhi pradāyinī|

tad bhaktyāḥ padāmbhoja śaraṇastho bhajāmyaham||89||

iti saṁprārthya sa prājño mañjudeva sa samvarī|

tasyā bhaktī prasannātmā samārādhitumaicchat||90||

atha tatra sa ācāryaḥ sagaṇaḥ saṁpramoditaḥ|

mārga śīrṣaiśitaiḥ pakṣai navamyāṁ ravivāsare||91||

prātaḥ snātvā viśuddhātmā śucivastrāvṛtaḥ sudhīḥ|

poṣadhasamvaraṁ dhṛtvā devīmārādhayaṁ sthitaḥ||92||

rātrau jāgaraṇaṁ kṛtvā dhāraṇī mantrajalpanaiḥ|

stutibhiśca samārādhyaṁ prābhajatāṁ jineśvarīṁ||93||

tataḥ prātaḥ daśamyāṁ sa snātvā gandhodakairmudā|

datvā dānaṁ yathākāmaṁ pariśuddhatrimaṇḍalaḥ||94||

yathāvidhisamabhyarcya tāṁ devīṁ parameśvarīṁ|

mahotsāhaiḥ stutiṁ kṛtvā tridhā pradakṣiṇāni ca||95||

suprasanna mukhāmbhojaḥ saddharmaguṇamānasaḥ|

bhūyo'ṣṭāṁgaiḥ praṇatvaivaṁ prārthayātsāṁjalimudrā||96||

prasīdatu jaganmātarbhavatyāḥ samupāśritaḥ|

saṁbodhi sādhanotsau bhajāmi sarvadā mudāṁ||97||

iti saṁprārthya saṁprājñau natvāṣṭāṁgairmudā ca tāṁ|

tatpadmāmṛtamādāya tridhyamañjulinā pivet||98||

tadamṛtaṁ nipīyāsau saṁviśuddhatrimaṇḍalaṁ|

aṣṭākṣaṇavinirmuktaḥ saṁbuddhakṣaṇamāpnuvān||99||

evaṁ kṛtvā sa ācārya devyā bhaktiparāyaṇaḥ|

saṁbuddhakṣaṇamāsādya sarva dharmmādhipo'bhavat||100||

tataḥ śrīmān sa ācāryo bodhisattva jagaddhite|

sa saṁghānyavasat tatra dharmadhātaurūpāśramaiḥ||101||

tatsamabhyaṣitatvāt saṁpradeśaḥ śrī manoharaḥ

syātsarvatrāpi mañjuśrīparvata iti viśrutaḥ||102||

tatra śritaḥ sadāpyaspa dharmmadhātorūpāsakaḥ|

sarvasattva hitārthena prābhajansa jinātmajaḥ||103||

tatsamīkṣāmalā sarvebrahmendrapramukhāapi|

sarvelokādhipāścāpi mudā tatra samāgatāḥ||104||

tatraivo poṣaḍhaṁ dhṛtvā kṛtvā jāgaraṇaṁ niśi|

uṣitvā dhāraṇī mantraḥ dhyātvā tāṁ śrī jineśvarīṁ||105||

yathāvidhi samabhyarcya kṛtvā pradakṣiṇāni ca|

kṛtvāṣṭāṁga praṇāmāni stutibhiścā bhajaṁ mudā||106||

evaṁ tasyāmahādevyāḥ sarve tai śaraṇāśritāḥ

dharmaśrīguṇasaṁpatti maharddhisiddhimāpnuvan||107||

tataste cāmarāḥ sarve sendra brahmādayādhipāḥ|

vajrakūṭaṁ nagāvjaṁ taṁ samīkṣyante jinālayaṁ||108||

anumodyābhinandante stasyāpi śaraṇe gatāḥ|

mahotsāhaiḥ samabhyarcya prabhajanta samādaraṁ||109||

tataḥ sarve'marāstaica sarvailokādhipāśca te|

asyāpi mañjuedevasya vajrācāryasya sadguroḥ||110||

śaraṇe samupāsṛtya divya pūjopahārakaiḥ|

samabhyarcya mahotsāhaiḥ prābhajanta pramoditāḥ||111||

evaṁ manvādayaḥ sarve manuyopiyaḥmaharṣayaḥ|

yatayoginaścāpi bhikṣavo brahmacāriṇaḥ||112||

cailakā bodhisattvāśca mahāsattvā jinātmajāḥ|

te sarve samupāgatya tasyā devyā upāsakāḥ||113||

yathāvidhi samabhyarcya prābhajanta pramoditāḥ|

tataste dharmmadhātauśca sarve'pi śaraṇāśritāḥ||114||

samabhyarcya mahotsāhaiḥ natvā kṛtvā pradakṣiṇāṁ|

suprasanna mukhāmbhojānta pramoditanaḥ||115||

tataste ca mahāsattva mañjudevaṁ mahaddhiṁkim|

ācārya samutsāhaiḥ samarcayaṁ pramoditāḥ||116||

pratyeka sugatāścāpi sarve tatra samāgatāḥ|

tāṁ devī dharmmadhātuṁ tamācāryaṁ ca samārcayaṁ||117||

sarve tathāgatāścāpi pūjāmeghasarjanaiḥ|

tāṁ devīṁ dharmadhātuṁ tamācāryaṁ ca samācaryaṁ||118||

evaṁmanyepi lokāśca praduṣṭvā samupāgatāḥ|

tāṁ devīṁ dharmadhātuṁ ca tamācāryaṁ ca prābhajan||119||

etatpuṇyānubhāvena calitā sāvdhinagā mahī|

puṣpavṛṣṭiḥ śubhotsāhaṁ pravarttate samantataḥ||120||

ityādiṣṭa munīndreṇa viśvabhūvā niśamyate|

sarve samāśritā lokā vismayaṁ samupāyayuḥ||121||

tataḥ sarve'pi te lokāstāṁ devīṁ śrīmaheśvarī|

dharmmadhātutamācāryaṁ draṣṭumabhiva vāñchire||122||

tadāśayaṁ parijñāyaḥ gagaṇagañja utthitaḥ|

bhagavantantamānaspaśyannevamavravīt||123||

bhagavan sarvamicchanti draṣṭuṁtāṁ sugeśvarīṁ|

dharmmadhātuṁ tamācāryaṁ tadanujñāṁ dadātu naḥ||124||

iti saṁprārthitaṁ tena bhagavānsa munīśvaraḥ|

gagaṇagañjamātmajña taṁ paśyannevamādiśat||125||

sādhu sādhyāmahādevīṁ khagānanājineśvarīṁ|

dharmadhātuṁ tamācāryamapirdaṣṭuṁ yadīcchatha||126||

tatra himālaye gatvā tāṁ śrī devīṁ khagānanāṁ|

dharmadhātuṁ tamācāryaṁ saṁbhajadhvaṁ yathā vidhi||127||

ityādiṣṭaṁ munīndreṇa viśvabhuvā niśamyate|

sarve lokā mahotsāhai ratrāyayuḥ pramoditāḥ||128||

ahamapi munīndrasya prāpyānujñāṁ pramoditaḥ|

taiḥsārddhaṁ prasthitau dūrātpaśyannimaṁmāyayau||129||

atra prāpno'haṁ samālokya dharmmadhātunnimaṁ mudā|

samabhyarcya mahotsāhaistai lokaiḥ prābhajaṁ saha||130||

śraddhayā śaraṇaṁ gatvā kṛtvā cainaṁ pradakṣiṇāṁ|

stutvāṣṭāṁgaiḥ praṇatvā ca prārthayaṁ bodhisamvaraṁ||131||

tato'haṁ mañjudevākhyaṁ tamācārya samīkṣya ca|

samabhyarcya mahotsāhaiḥ prābhajadhvaṁ sahānujaiḥ||132||

tatastasyopadeśa tāṁ śrīdevīṁ khagānanāṁ|

yathāvidhi samārādhya mahotsāhaiḥ samarcayaṁ||133||

kṛtvā pradakṣiṇāṁ cāpi natvāṣṭāṅgaiḥ pramoditaḥ|

stutvā dhyātvā ca saṁbodhiṁ saṁprārthaya jagaddhite||134||

etatpuṇyānubhāvena pariśuddha trimaṇḍalāḥ|

aṣṭākṣaṇa vinirmukto bodhisattvo bhavaṁ kṛtī||135||

tataḥ sambodhisaṁbhāraṁ pūrayitvā yathākramaṁ|

jitvā māragaṇān arhan kalāvapi jinobhave||136||

evamasyā mahādevyāḥ ye ye śaraṇa āśritāḥ|

yathāvidhi samārādhya bhajeyu bodhimānasāḥ||137||

te te sarve mahāsattvāḥ pariśuddha trimaṇḍalāḥ|

bodhisattvā mahābhijñā bhaveyu striguṇādhipāḥ||138||

kutrāpi te nagacchet durggatiñca kadācana|

sadāsaṅgatisaṁjāta bhaveyuḥ śrī guṇāśrayāḥ||139||

yathābhivācchitaṁ dravyaṁ datvārthibhyo samādarāt|

yathākāmaṁ sukhaṁ bhuktvā sañcarerañjagaddhite||140||

tato viśuddhaśīlāste caturbrahma vihāriṇaḥ|

bodhisattvasamvaramādhāya saṁcareran sadā śubhe||141||

tataste syu rmahāsattvāḥ saddharmma sukhalālasāḥ|

svaparātmahitādhārakṣāntivratasamāratāḥ||142||

tataste sadguṇādhārā vīryavanto vicakṣaṇāḥ|

saddharmma sādhanodyuktā bhaveyu striguṇādhipāḥ||143||

tataste sudhiyo dhīrā niḥkleśā vijitendriyāḥ|

samādhi guṇasampannā bhaveyubodhiyoginaḥ||144||

tataste vimalātmānaḥ sarvavidyā guṇādhipāḥ|

prajñāśrī ratna saṁprāpto bhaveyuḥ sugatātmajāḥ||145||

tataśca te sahāsattvāḥ sarve sattvā hitotsukāḥ|

sarvāpāya vidhi prājñā bhaveyuśtriguṇādhipāḥ||146||

tataste bodhisaṁbhāra praṇidhiratnasāgarāḥ|

sarvasattvahitaṁ kṛtvā saṁcareraṁ sadāśubhe||147||

tataśca te mahābhijñāḥ bhadraśrī satguṇānvitāḥ|

valiṣṭhā duṣṭa jetāro bhaveyu stribhaveśvarāḥ||148||

tataste trividhāṁ bodhimāsādya bhadracāriṇaḥ|

sambodhijñānasadrantasamṛddhāḥ syu rmunīśvarāḥ||149||

tataste sugatāḥ buddhāḥ daśabhūmīśvarājināḥ|

bodhimārge pratiṣṭhāpya kūryuḥ sarvānsudharmmiṇaḥ||150||

evaṁ dharmamayaṁ kṛtvā sarvatra bhuvaneṣvapi|

sunivṛrtipadaṁ prāpya saṁprayāyurjinālayaṁ||151||

evamasyā mahādevyā bhajano hūtamuktamaṁ|

puṇyaṁ mahattaraṁ siddhaṁ sambuddhapadasādhanaṁ||152||

iti satyaṁ samākhyātaṁ sarvai rapi munīśvaraiḥ|

vijñāyāsyā mahādevyā bhajadhvaṁ śaraṇe sthitā||153||

asyāpi dharma dhātauśca bhajanodbhūtamuktamaṁ|

puṇyaṁ mahattaraṁ siddhaṁ sambuddhapadasādhanaṁ||154||

asyāpi mañjudevasyaḥ bhajanod bhūtamuktamaṁ

puṇyaṁ mahattaraṁ siddhaṁ sambuddhapadasādhanaṁ||155||

matveti yadi vo vāṁcchā vidyate saugate pade|

sarve yūyaṁ samādhāya bhajatāntra jinālaye||156||

khagānanāsyāyā mahādevyāḥ śaraṇe ca samāśritāḥ|

dhyātvā smṛtvā samuccārya nāmāpi bhajatābhavaṁ||157||

ya eṣāṁ śaraṇe sthitvā dhyātvā smṛtvā samāhitāḥ|

nāmāpi samudāhṛtya bhajanti sarvadābhave||158||

te sabhadrā nagacchanti durggatiṁ ca kadācana|

sadā sadgati saṁjātā bhaveyuḥ śrī guṇāśrayāḥ||159||

bodhisattvā mahāsattvā saddharma bodhi cāriṇaḥ|

sarvasattva hitodyuktā bhaveyuḥ sugatātmajāḥ||160||

evanteṣāṁ mahatsaukhyaṁ bhadraśrī sadguṇānvitaṁ|

sarvadāpi nirutpātaṁ pravarktate samāhitaḥ||161||

daivotpātabhayanteṣāṁta vidyate samantataḥ|

yaktāndṛṣṭvā surāḥ sarve rakṣantīndrādayomudā||162||

agnyutpātaṁbhayaṁ teṣāṁ vidyate na kadācana|

yat tāndṛṣṭvā prasīdanto rakṣeyurvahnayaḥ sadā||163||

akāla maraṇād bhītisteṣānnavidyate kvacit|

yadyamopi samalokya rakṣati tāṁ prasāditaḥ||164||

rākṣasasyābhayaṁ teṣāṁ vidyate na samantataḥ|

yad vāyavo'pi tā vījya rakṣeyuḥ sarvadānugāḥ||165||

yakṣasyāpi bhayaṁ teṣāṁ vidyate na sadā kvacit|

yakṣā samīkṣya rakṣeyuḥ sarve yakṣādhipā api||166||

bhūtebhyo'pi bhayanteṣāṁ vidyate na samantataḥ|

yadīśānopi tānpaśya saṁrakṣetsaṁpramoditāḥ||167||

gandharvotpati to bhītisteṣānnavidyate kvacit|

dhṛtarāṣṭo'pi tānpaśyat saṁrakṣetsaṁ prasāditaḥ||168||

kumbhāṇḍebhyo'pi nāstyevaṁ bhayanteṣāṁ kadācana|

viruḍhakohitān paśyanabhirakṣan prasādataḥ||169||

nāgebhyo'pi bhayanteṣāṁ vidyate na sadā kvacita|

virupākṣo hi samyaśyantānrakṣansamprasāditaḥ||170||

yakṣebhyo'pi sadā teṣāṁ vidyate na bhayaṁ kvacita|

kuvero hi samālokya saṁrakṣastān prasāditaḥ||171||

bhayaṁ na kinnarebhyopi teṣāmasti kadācana|

drumo hitān mahāsattvā saṁvīkṣavat prasāditaḥ||172||

guhyakebhyopi nāstyeva bhayanteṣāṁ sudharmmaṇāṁ|

vajrapāṇirhitānvīkṣya prasāditā bhavet sadā||173||

tathā vidyādharebhyo'pi bhayanteṣānna vidyate|

yataḥ sarvārthasiddho'pi samyaśyanstān vetsadā||174||

grahotpāta bhayanteṣāṁ vidyate na kadācana|

grahādhipā'hi sarve'pi samīkṣya tānavetsadā||175||

tathā tārāgaṇotpātabhayaṁ teṣānnavidyate|

sarvāstā rāhi tānvīkṣya sarvatrā veyurābhavaṁ||176||

siddhāḥ sādhyāścarudrāśca vīkṣyāveyuḥ sadāpi tān|

tattebhyopi bhayaṁ kvāpi teṣāṁ nāsti kadācana||177||

tathā ca mātṛkotpātaṁ bhayaṁ nāsti kadācana|

sarvāhi mātṛkān dṛṣṭvā rakṣeyu stāṁ prasāditāḥ||178||

mahākālo gaṇeśa skandaśca bhairavā api|

sarvadā tānsamālokya rakṣeyuḥ saṁprasāditāḥ||179||

pretā bhūtāḥ piśāścāśca vetāḍā ḍākinīgaṇāḥ|

api tānsarvadālokya saṁrakṣeyuḥ prasāditāḥ||180||

tebhyo'pi bhayanteṣāṁ vidyate na kadācana|

sarve'pi rtesahāyāḥ syu saṁvodhi dharmmasādhane||181||

siṁhādi sarvajantubhyoḥ pakṣibhyo'pi samantataḥ|

sarpādi kṛmikīṭebhyo bhayanteṣāṁ sadāpi na||182||

duṣṭa pratyarthikebhyo'pi taskarebhyopi sarvataḥ|

śatrubhyo'pi bhayanteṣāṁ vidyate na samantataḥ||183||

yadetatpuṇyaliptāstāṁ samīkṣya te prasāditāḥ|

sarve maitrī kṛpā sneha nivaddhāḥ syuhitārthinaḥ||184||

evaṁ sarve'pi satvāstāndṛṣṭvā saṁprasāditāḥ|

snigdhaciktāprasannāsyāḥ paśyeyu maitrībhāvataḥ||185||

rājāno'pi ca tāndṛṣṭvā maitrī snehasabhāvitāḥ|

suprasannāśayāḥ prītā mānayeyuḥ sadā mudā||186||

mantrīṇo'pi sadā teṣāṁ maitrīsneha sabhāṣitāḥ|

mānayeyuḥyathākāmaṁ saddharmma vratasādhanaṁ||187||

brāmhaṇā api sarve ca teṣāṁ saddharmma sādhanaṁ|

dṛṣṭvānumoditātmāno dadhu bhadrāśivaṁ sadā||188||

ṛṣayo'pi tathā sarve tāṁ dṛṣṭvā saṁprasāditāḥ|

paśyantaḥ kṛpayā dṛṣṭvā modayeyuḥ subhāśiṣā||189||

evaṁ ca yoginaḥ siddhā yatayo bramhacāriṇaḥ|

tīrthikāstāpasāścāpi vratinaścāpyupāsakāḥ||190||

cairakā bhikṣavoścāpi bhikṣuṇyaścāpyupāsikāḥ|

api tāṁ sudṛśālokya nandayeyuḥ śubhāśiṣāḥ||191||

evaṁ ca śrāvakāḥ sarve pratyeka sugatā api|

bodhisatvāśca sarve'pi tān dṛṣṭvā saṁprasāditāḥ||192||

kṛpayā dṛṣṭavānupaśyanto maitrī snehasubhāvinaḥ|

rakṣitvā bodhimārgeṣu niyājeyuḥ sadā bhavaṁ||193||

evaṁ sarve'pi saṁbuddhā dṛṣṭvā tāṁ saṁprasāditāḥ|

sarvadā kṛpayā rakṣyucārayeyurjjagaddhite||194||

evaṁ teṣāṁ mahatpuṇyaṁ sambuddha padasādhanaṁ|

bhadraśrīguṇasaṁpatti samṛddhi siddhisaṁpradaṁ||195||

evaṁ yūyamapi jñātvā sarvadā śaraṇāśritāḥ|

yathāśakti samabhyarcya bhajataitāṁstriratnikān||196||

smṛtvā dhyātvāpi nāmāpi samuccārya sadā mudā|

eṣāmeva triratnānāṁ bhajadhvaṁ śaraṇe sthitā||197||

etatpuṇyaviliptā ye pariśuddhatrimaṇḍalāḥ|

bhadraśrīguṇasaṁpannā bhaveste śubhāśayā||198||

durgatiṁ te na gaccheyuḥ sadā sadgatisaṁbhavāḥ|

bodhisatvā mahāsatvā bhaveryubhadracāriṇaḥ||199||

tataste sarvasatvānāṁ hitārtha sādhanodyatāḥ|

sudhīrā bodhisambhāraṁ pūrayitvā yathākramaṁ||200||

tato māragaṇāñjitvā niḥkleśā vijitendriyāḥ|

arhanta trividhāṁ bodhiṁprāpya yāyu jinālayaṁ||201||

etsarva mayā khyātaṁ sarvairapi munīśvaraiḥ|

śrutvānumodanāṁ kṛtvā pracaradhvaṁ sadāśubhe||202||

ityādiṣṭaṁ munīndreṇa niśamyate sabhāśritāḥ|

sarve tathānumodantaḥ prāpyānandatpravodhitāḥ||203||

iti śrī svayambhūtpattisamuddeśa mahāhrada śoṣaṇa dharmmadhātu padmagirisaṁprasthāpano nāma tṛtīyo'dhyāyaḥ|

Technical Details

Text Version: 

Romanized

Input Personnel: 

DSBC Staff

Input Date: 

2008

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

caturtha adhyāyaḥ

caturtha adhyāyaḥ

śrīsvayambhūcaityasamutpattikathā vītarāgatīrtharāṣṭrapravartano nāma

athāsautha mahāsattva maitreya sugatātmajaḥ|

bhagavantantamānaṁmya prāhaivaṁ sāñjalimudrā||1||

kadātra bhagavān grāma nagarapaṅaktādayaḥ|

pravarttitā mahārāṣṭrāḥ tatsamādeṣṭumarhati||2||

iti saṁprārthite tena maitreyena niśasya sa|

bhagavāntaṁ mahābhijñaṁ samālokyaivamādiśat||3||

sādhu śṛṇu mahāsattva maitreya tvaṁ samāhitaḥ|

tatkālaṁ saṁpravakṣyāmi yadātra vasatirabhūt||4||

yadāyuṣnṛṇāṁ varṣacatvāriśatsahasrake|

dharmmarājo jagannāthaḥ krakuchando munīśvaraḥ||5||

sarva vidyādhipaḥ śāstā traidhātuka vināyakaḥ|

sarvajño'ha mābhijñestathāgato jino'bhavat||6||

ma saṁbuddhā jagallokahitārthena sasāṁdhikaḥ|

kṣemāvatyā mahāpuryyādupārāme manorame||7||

vihāre saugatāvāse saddharmmasamupādiśat|

ādimadhyāntakalyāṇaṁ vijahāra prabhāsayan||8||

tadā saṁbodhisattvo'haṁ jyotipālābhidhaḥ sudhīḥ|

śāstārantaṁ krakucchandaṁ samārādhya sadābhajaṁ||9||

tadā sa bhagavāñchāstā krakucchando jagaddhite|

janapadeṣu saddharmmaṁ samupādeṣṭumaicchataḥ||10||

tataḥ sa bhagavān śāstā sarvasaṁghaiḥ samanvitaḥ|

sarvatra bhadratāṁ kṛtvā saṁbhāṣayansamācarat||11||

evaṁ sa sañcarañchāstā sarvatra dharmmamādiśat|

krameṇehasamātaḥ sandadarśa samantataḥ||12||

dṛṣṭvemaṁ dharmmadhātuṁ saṁprajvalita jinālayaṁ|

sasaṁgha samupāśritya prābhajadvidhinā mudā||13||

tataḥ sa prasthitotraiva śaṁkhabhidhe śilāccayaṁ|

mahachuddhaśilāyāṁ ca vijahāra sa sāṁdhikaḥ||14||

tatra taṁtri jagannāthaṁ krakuchando munīśvaraṁ|

sabhāmadhyāsanāsīnaṁ bhikṣusaṁghaiḥ puraskṛtaṁ||15||

samālokya mahāsattvā jinātmajāḥ|

tatsaddharmmāmṛtaṁ pātuṁ saṁharṣitāḥ samāgatāḥ||16||

bhikṣuṇyāpi śuśīlādyā ścailakāścāpyupāsakāḥ|

cailakā vratinaścāpi sarve upāsikā api||17||

bodhisattvā mahāsattvā saddharmma guṇalālasāḥ|

tatsaddharmmāmṛtaṁ pātuṁ sarve te samupāgatāḥ||18||

bhagavantantaṁ samabhyarcya kṛtvā pradakṣiṇānyapi|

natvā sāṁjalayastatra paśyantaḥ samupāśrayan||19||

tathā brahmādayaścāpi maharṣayastapasvinaḥ|

yatayo yoginaścāpi munayo brahmacāriṇaḥ||20||

evaṁ śakrādayo davāḥ sarve lokādhipā api|

grahāstārāgaṇāḥ siddhāsādhyā vidyādharā api||21||

gandharvā kinnarā yakṣā guhyakā rākṣasā api|

dānavā garuḍā nāgāstathānyeha samāgatāḥ||22||

bhagavantaṁ sasaṁghantaṁ samabhyarcya pramoditāḥ|

natvā dharmmāmṛtaṁ pātumupatasthuḥ samāhitāḥ||23||

evaṁ ca brāhmaṇā vijñā rājānaḥ kṣatriyā api|

vaiśyāśca mantriṇo'mātyāḥ sainyā bhṛtyā janānyapi||24||

gṛhasthe| dhaninaḥ śreṣṭhāḥ sādhavaśca mahājanāḥ|

śilpino vanijaścāpi sārthavāhaśca paurikāḥ||25||

prajā jānapadāśrāmyāḥ kārpaṭikāśca śailikāḥ|

evaṁmanye'pi lokāścasarvadigbhyaḥ samāgatāḥ||26||

bhagavantantamālokya praṇatvā samupāgatāḥ|

yathākramaṁ samabhyarcya kṛtvā pradakṣiṇānyapi||27||

kṛtvāṣṭāṁga praṇāmañca kṛtāṁjali puṭo mudā|

tatsaddharmmāmṛtaṁ pātuṁ tatsabhāyāṁ samantataḥ||28||

parivṛtya puraskṛtya samāśritya samāhitāḥ|

gurukṛtya munīndrantaṁ samudvīkṣya niṣedire||29||

tataḥ sa bhagavāndṛṣṭvā sarvāstānsamupasthitān|

āryasatyaṁ samālakṣya saddharmmaṁ samupādiśat||30||

tatsaddharmmāmṛtaṁ pītvā sarve'pi te pravodhitāḥ|

bodhicaryā vrataṁ dhartuṁ samecchanta prasāditāḥ||31||

tadāśayaṁ parijñāya bhagavān sa munīśvaraḥ|

bodhisattvātma mārmetyaḥ sampaśyannevamādiśat||32||

kulaputra mudāyepi śraddhayā saugatevṛṣe|

pravrajituṁ samīcchanti tatra pravrajitādritāḥ||32||

atra ye hyupachando'ha sarva dharmmārthasiddhide|

pravrajyā śāsane bauddhe caranti bodhisaṁvaraṁ||34||

te sarve pātakā muktāḥ pariśuddha trimaṇḍalāḥ|

niḥkleśā vimalātmāno bodhisattvā jitendriyāḥ||35||

jitvā māragaṇānduṣṭān hantā brahmacāriṇaḥ|

trividhāmbodhimāsādya sambuddhapadamāpnuyuḥ||36||

iti matvātra saṁsāre ye vāṁchanti sunirvṛtiṁ|

tatra pravrajyā sānbauddhaṁ carantu śraddhayā vrataṁ||37||

ityādiṣṭaṁ munīndreṇa niśamya te pravodhitāḥ|

sabhāsīnā mahāsattvāḥ pravrajintu samīchire||38||

tato guṇadhvajādīnāṁ brāhmaṇānāṁ catuḥśataṁ|

tathā bhayaṁ dadānāma kṣatriyāṇāṁśatatrayaṁ||39||

tathāneka mahāsattvā vaiśyāśūdrāśca sajjanāḥ|

sarve'pi suprasannāste pravrajituṁ samīcchire||40||

tataste sarva utthāya sāñjalayaḥ purāgatāḥ|

bhagavantaṁ tamānamya prārthayannevamādarāt||41||

bhagavannātha sarvajña dhṛtvājñā bhavatāṁ vayaṁ|

pravrajyaśāsana bauddhecartumichāmahe vrataṁ||42||

bhagavansta bhavānasmān sarvān paśyan kṛpā dṛśā|

samanvāgatya saddharmma niyojayitumarhati||43||

iti taiḥ prārthite sarvairbhagavānsa munīśvaraḥ|

sarvānstān sanmatin paśyan samāmanbhyaivamādiśat||44||

yadyatra saugate dharmma pravrajituṁ samīcchatha|

etat pravrajya sarvatra caradhvaṁ saugataṁ vrataṁ||45||

ityādiśya sa saṁbuddhaḥ pāṇinā tacchiraḥspṛśan|

tānsarvānsaugate dharme samanvāharadādarāt||46||

tato'vatārya te keśān rakta cīvara prāvṛtāḥ|

khikhirī pātramādhāya sarve'pi bhikṣuvo bhavan||47||

tataḥ sa bhagavāntebhyoḥ yatibhyo saṁmyak saṁbodhipākṣikān|

saddharmmānsamupādiśya pradadau bodhisamvaraṁ||48||

tataste vimalātmāno niḥkleśā vimalendriyāḥ|

satkāraṁ lābha niḥkāṁkṣā vītasaṁgā niraṁjanāḥ||49||

svaparātma samācārāḥ saṁsāragatiniḥspṛhāḥ|

māracaryā nirāsaktāḥ samaloṣṭa suvarṇṇikāḥ||50||

kleśā nirmalātmāno pariśuddha trimaṇḍalāḥ|

arhanta bhadrakā cārā babhubu brahmacāriṇaḥ||51||

tatassarve'pi te bauddhā yatayo bodhicāriṇaḥ|

sarvasattva hitaṁ kṛtvā saṁpracāransadāśubhe||52||

tataste ti viśuddhātmāḥ pañcābhijñā maharddhikāḥ|

vandyāḥ pūjyāḥ sadevānāṁ lokānāṁ guravo bhavan||53||

tasmiṁśca samaye tatra gireḥ śaṁkhasya mūrddhani|

vajrasattva karāṅguṣṭhānniścacārāmbu nirmmalaṁ||54||

tademānvadbhuti spandaṁ puṇyatīrthamahatsarit|

yadabhūt sarvalokānāṁ catuvargaphalapradā||55||

bhūyo'pi sādadī tasyaḥ krakuchanda spatāyinaḥ|

saddharmma deśanā vākyāvabhūvā ti pavitratā||56||

tenāsau sarvatīrthāgrā vāgmatītiprasiddhitā|

bhadraśrī guṇa saṁbhartrī sarvapāpa viśodhanī||57||

ye tatra vidhinā snātvā pitṛ devāditarpaṇaṁ|

kṛtvā dānādikaṁ datvā vrataṁ cāpi prakurvate||58||

te saṁghavimalātmāno bhadraśrīsadguṇānvitāḥ|

yathākāmaṁ sukhaṁ bhutvā saṁprayānti jinālayaṁ||59||

iti matvā sadā tatra snātvā pitrāditarppaṇaṁ|

dānādi saṁvaraṁ kṛtvā sacarantāṁ jagaddhite||60||

tasyā darśanamātreṇa pītāmvu vimātrake|

sparśanādapi naśyante sarvāṇi pātakānyapi||61||

prakṣālyāpi ca tatrāsyaṁ gaṁgā snāna phalaṁ labheta|

śilasiṁ ca mātreṇa śuddhānte indriyāni ṣaṭ||62||

evaṁ mahattaraṁ puṇyaṁ vāgmatī bhajanodbhavaṁ|

sarve tīrthottamākhyātaṁ te nāsau vāgmatī jinaiḥ||63||

iti matvātra saṁsāre icchanti ye sadāśubhaṁ|

vāgmatī śrī sukhādhārāṁ bhajantu sarvadāpi te||64||

bhūyopyanyā sarijjātā tasyaiva karasaṁbhavā|

sāpi pavitritā bhūtā krakuchandasya vākyataḥ||65||

tatra pravrajitānāṁ yat śmaśrukeśanakhāni ca|

kṛtvā bhāgadvayaṁ tatra bhāgamekaṁ pracikṣipuḥ||66||

tadā keśāvatītyāsītprasiddhā sā mahānadī|

eka bhāgantu tatraiva saṁsthāpitaṁ śilātale||67||

yāvanti śmaśru keśāni tāvantyapi śilātale|

prādurbhūtāni caityāni tāṁnyadyāpi vasaṁti hi||68||

sāpi nadī mahātīrtha vāgmatī va prasīddhatā|

teṣāṁ pravrajitānāṁ hi mahatpuṇyānubhāvataḥ||69||

teṣāṁ pravrajitānāṁca bhikṣuṇāṁ brahmacāriṇāṁ|

tadāpuṇya mahākīrti śabda sarvatra prāsarat||70||

tadanantaramaṣṭau ca vītarāgā nirāśrayāḥ|

jyotirūpā nirākārāḥ prādurbhūtā jagaddhite||71||

ekaḥ śaṁkhagireḥ pārśve maṇicūḍāśramāntike|

maṇiliṁga iti khyātaḥ so'dyāpi saṁpratiṣṭhitaḥ||72||

dvitīyo bhucca gokarṇa sthale jyotirṣayākṛtiḥ|

cārugirau tṛtīyaśca kumbhatīrthe caturthakaḥ||73||

paṁcamaḥ phaṇiśailaśca ṣaṣṭhaśca gartakasthale|

saptamo gandhavatyāṁ ca aṣṭamo vikramasthale||74||

ete'ṣṭau mahādevāḥ vītarāgā niraṁjanāḥ|

jyotirūpā nirāṁkārāḥ prādurbhūtā jagaddhite||75||

atraiṣāṁ vītarāgānyanubhāvāt samantataḥ|

manoramāmahī jātā sarva pīṭhoktamāvanau||76||

tadāyobhū mahāsvo mahāsaṁmata vaṁśajaḥ|

kṛpākāruṇya bhadrātmā bodhisattvo nṛpo'bhavat||77||

tatra sa nṛpa rājendraḥ krakuchandena tāyinā|

sahātra draṣṭumāyātaḥ svayaṁbhuvaṁ khagānanāṁ||78||

dūrātsa yenamālokya svayaṁbhuvaṁ jinālayaṁ|

praṇatvā samupāgatya cakre pradakṣiṇātrayaṁ||79||

tato'bhyarcye mahotsāhaireṇaṁ pañcajinātmakaṁ||80||

aṣṭāṁgaiśca praṇatvā ca prābhajaccharaṇāśritaḥ|

tatastathā ca rājendro mañjudevaṁ ca saṅguruṁ||81||

yathāvidhi samabhyarcya prābhajatsaṁpramoditaḥ|

tatastathā sa rājendraḥ khagānanāṁ jineśvarīṁ||82||

yathāvidhi samabhyarcya mahotsāhairmudābhajat|

tato'ṣṭau vītarāgāśca sarvānatā tsvayaṁbhuvaḥ||83||

dṛṣṭvā samudito rājā mahotsāhaistathā bhajat|

etatpuṇyānubhāvaiḥ sa mahatpuṇyāśayaḥ kṛtī||84||

sarvadharmmādhi rājendraḥ sarvalokādhipo vabhau|

sarva vidyādhipo rājā bhadraśrī sadguṇāśrayaḥ||85||

tena dharmākaro nāmno prasiddhau'bhūdvirājiteḥ|

tataḥ so'tra mahārājaḥ saṁsthāstuṁ kāma ātmanā||86||

krakuchandaṁ munīndrantaṁ praṇatvaivaṁ nyavedayat|

bhagavanyaha vāṁchāstā vijānīyāt mamecchitaṁ||87||

tadanujñāṁ padatvāmenugrahaṁ kartumarhati|

iti saṁprārthite tena bhagavānsa munīśvaraḥ||88||

dharmmākaraṁ narendraṁntaṁ sampaśyannevamādiśat|

sādhu rājan mahāsattva yadevaṁ tvaṁ samīcchasi||89||

tathātvamiha san sthitvā pālayaṁ bodhayan prajāḥ|

tathātrasakaralāllokān saṁsthāpya saṁprabodhayan||90||

bodhimārge pratiṣṭhāpya cārayasva sadā śubhe|

dharmmeṇa pālayan sarvāllokān svayaṁ samācaran||91||

yathākāma sukhaṁ tu prāsacarasva jagaddhite|

dharmmanītyā samādhāya kṛtvā lokahitaṁ sadā||92||

sādhayanvodhi sambhāraṁ sadeha nivasāśritāḥ|

sadāsya śaraṇe sthitvā dharmmadhātoḥ svayambhuvaḥ||93||

śraddhayā bhajanaṁ kṛtvā saṁcarasva jagaddhite|

asyāḥ khagānanāyāśca devyāḥ śaraṇa āśritaḥ||94||

sarvadā bhajanaṁ kṛtvā carasva bodhisaṁvaraṁ|

asyāpi mañjudevasya sadguroḥ samupāśritaḥ||95||

buddhānuśāsanaṁ dhṛtvā saddharmme saṁcaraṁsva sa|

eṣāṁ ca vītarāgānāmaṣṭānāmapi sarvadā||96||

śraddhayā bhajanaṁ kṛtvāḥ sādhaya dharmmamuktamaṁ|

vāgmatī pramukhānāñca tīrthānāṁ samupāśrayena||97||

snāna dānādikaṁ kṛtvā pittṛndevāñca toṣayan|

labdhā trikāya saṁśuddhiṁ dhṛtvā saṁbodhimānasaṁ||98||

sarvasattvā hitaṁ kṛtvā nivasasva yathāsukhaṁ|

evaṁ rājendra lokāṁśca sarvānapi pravodhayaṁ||99||

eteṣāmapi sarveṣāṁ saṁsthāpya śaraṇe sadā|

pūjā bhakti mahotsāhaiḥ cārayitvā samādarāt||100||

bodhimārge pratiṣṭhāpya cārayasva sadā śubhe|

evaṁ kṛtvā mahārāja saṁbodhi nihitāśrayaḥ||101||

bodhicaryāvrataṁ dhṛtvā saṁcarasva jagaddhite|

etatpuṇyābhiliptātmā bhaviṣyasi jinātmajaḥ||102||

bodhisattva mahābhijñā bhadraśrī sadguṇāśrayaḥ|

kadācidapi naivatvaṁ durgatau ca kvacitsareḥ||103||

sadāsadgati saṁjātoḥ samṛddhi siddhimānsudhīḥ|

śrīmānsarvaguṇādhīśaḥ sarvalokādhipaḥ kṛti||104||

krameṇa bodhisaṁbhāraṁ pūrayitvā samāhitaṁ|

triratna bhajanotsāha mahānandasukhaṁ sadā||105||

bhuṁjānā nirmmalācāraścaturbrahma vihāriṇaḥ|

niḥkleśo nirjayan mārān sarvānarhantvamāptavān||106||

trividhāṁ bodhimāsādya saṁbuddhapadamāpnuyāḥ|

lokāḥ sarve'pi caivaṁhi pariśuddhatrimaṇḍalāḥ||107||

bodhisattvā mahāsattvāḥ sadā sadgati saṁbhavāḥ|

bodhicaryā vrataṁ dhṛtvā saṁcaranto jagaddhite||108||

jitvā māragaṇānsarvāśvaturbrahma vihāriṇaḥ|

niḥkleśā nirmmalātmānaḥ saṁsāragati niḥspṛhā||109||

arhanta trividhāsambodhiṁ prāpya buddhatvamāpnuyuḥ|

eṣāṁ ca vītarāgānāṁ aṣṭānāmapi sāmprataṁ||110||

pūjāphala viśeṣatvaṁ va kṣyāmi śṛṇu tannṛpaḥ|

vāgmatisalile yastu snātvā nityaṁ samāhitaḥ||111||

aṣṭāvetān maheśān vītarāgān sadā bhajet|

yatatpuṇya viśuddhātmā śrī samṛddhi sukhānvitaḥ||112||

saṁsāre sarvadā saukhyaṁ bhuktvā yāyācchivālayaṁ|

ghṛtena snāpayet yastu vītarāgān svayaṁbhūvaḥ||113||

śivālayaṁ vrajet so'pi madhurā brahmamandiraṁ|

dadhnā yaḥ snāpayed devān vītarāgān svayaṁbhuvaḥ||114||

sa yāyād vaiṣṇavaṁ lokaṁ śrī samṛddhi sukhāśrayaṁ|

snānādikṣurasenāpi vidyādharaṁ padaṁ vrajet||115||

gandhodakena gāndharva kṣīreṇa śaśinaḥ padaṁ|

śītodakena śuddhātmā niṣpāpā nirmalendriyaṁ||116||

eṣāṁ pūjāṁ ca yaḥ kuryānnānāpuṣpaiḥ sugandhitaiḥ|

sarva kāma sukhaṁ bhuktvā modate manujādhipaḥ||117||

vilvapatrāṇi śreṣṭhāni rohaṇarccaṁ atandritaḥ|

śivaṁ sarvatra prāpnoti yajñānāṁ ca sahasrakaṁ||118||

naivedyaṁ ḍhokayedyaḥ sa dīrdhāyuḥ syād vali nṛpaḥ|

dīpamālāṁ ca yo dadyāttejasvī syātsudṛṣṭimān||119||

gugguruṁ yo dahettasya naśyate sarvapātakaṁ|

tilapātraṁ ca yodadyādurggati sa vrajennahi||120||

suvarṇaṁ ye pradadyācca sa yāyāt saṅgatau sadā|

tiladhenuṁ pradadyādyoḥ sa saṁ yāyācchivālayaṁ||121||

raupyakhurāṁ hema śṛṁgī raṇad ghaṇṭhāvalaṁ vinā|

savatsāṁ kapilāṁ dadyādyaḥ sa yajñaphalaṁ labhet||122||

yo ratnakaṁcukaṁ dadyāt sa bhaved bahuratnavān|

vastravān vastradānena bhūmidānena bhūmivān||123||

tūryasaṁgīti nṛtyādi mahotsāhaṁ pracārayet|

yaḥ sadivya śrutiprāptaḥ śivapārśvacaro bhavet||124||

nīlotpalārkapadmāni yo dadyāt sa śriyaṁ labhet|

yo'rcayed vilvapatreṇa sa baliṣṭho bhavet kṛtī||125||

dhatturakena nirvārya kena vīreṇa sad vano|

sugandhikusumaiḥ sarvai yoṣṭāvapi samarcayat||126||

sa śrīmān subhago dhīmān bhavetsaugandhitāśraye|

divyātisundaraḥ kāntā bhadraśrī sadguṇāddhimān||127||

puṣpaiḥ patraiḥ phalamūlaistotrai rvā yo'rcayecchivān|

sa devālayamāsādya bhuktvā divyasukhaṁ caret||128||

yaśca pradakṣiṇāṁ kṛtvā bhajennityaṁ samādarāt|

rūpavānsa bhavedante saṁprayāyācchivālayaṁ||129||

yaśca stotraiḥ prasannātmā bhajetetānmaheśvarān|

sa tu pitrālayaṁ gatvā mahānanda sukhaṁ labhet||130||

yaścanāma samuccārya japitvā ca samāhitaḥ|

so'pi śrīmān mahābhijñaḥ prānte yāyācchivālayaṁ||131||

aṣṭāṁgaiḥ praṇatiṁ kṛtvā yo bhajet tān maheśvarān|

sa yāyāt saṅgatāveva durgatiṁ na kadācan||132||

smṛtvā dhyātvā samuccārya nāmapi yo bhajat sadā|

sa divyāmṛtabhuṁjāno ramed divi yathāsukhaṁ||133||

yaśca dṛṣṭā prasannātmā praṇamet sāṁjalirmudā|

so'pi divyāmṛtaṁ bhuktvā ramet svarge suraiḥ saha||134||

ityeṣāṁ vītarāgāṇāmaṣṭānāṁ bhajanād dhruvaṁ|

viśeṣaphalamājñāya bhajasvaināṁ yathecchayā||135||

tadatra bhūtale śuddha vidhāya puramāśrayan|

sarvāllokān pratiṣṭhāpya pālayansarvadā vasa||136||

tadātra sarvadigbhyo'pi sarvalokāḥ pramoditāḥ|

āgatya saṁsthiti kṛtvāni vaseyuḥ sadā mudā||137||

tadā jānapadāścātra grāmāścanagarāṇyapi|

nirgama paktanaṁ cāpi pravarkteyuḥ samantataḥ||138||

tathā devā surendrāścaṁ sarve lokādhipā api|

āgatyātra samālokya dharmadhātoḥ svayaṁbhuvaḥ||139||

gandharvā guhyakā yakṣāḥ kinnarā rākṣasā api|

kumbhāṇḍā garuḍā nāgāḥ siddhā vidyādharā api||140||

sādhyāśca mātṛkā ścāpi sa bhairavagaṇā api|

ṛṣayo yoginaścāpi yataya stīrthikā api||141||

śrāvakā bhikṣavo'rhanta ścailakāścāpyupāsakāḥ|

bodhisattvā mahāsattvāḥ śaiva kaulāśca vaiṣṇavāḥ||142||

āgatyātra samālokya dharmmadhātoḥ svayaṁbhuvaḥ|

devyāḥ khagānanāyāśca mañjudevasya saṅguroḥ||143||

eṣāṁ ca vītarāgānāṁ tīrthānāṁ cānubhāvatāṁ|

prasāditāḥ samāśritya bhajeyuḥ sarvadā mudā||144||

tadātra sarvadaiteṣāṁ sarvā puṇyānubhāvataḥ|

subhikṣaṁ maṁgalotsāhaṁ nirutpātaṁ bhaveddhruvraṁ||145||

ityādiṣṭaṁ munīndreṇa krakuchandena sapratuḥ|

dharmmākara samākarṇya tatheti pratibudhyata||146||

tataḥ saḥnṛpa utthāya sāñjalistaṁ munīśvaraṁ|

krakucchanda sa saṁghaṁ ya praṇatvevaṁ nyavedayata||147||

bhagavan bhavatāmājñāṁ dhṛtvāhamatra sarvadā|

puraṁ vidhāya lokānāṁ hitārthe nivase khalu ||148||

tad bhavān kṛpayālokya sarvadātra himālaye|

sasaṁgho dharmmamādiśya viharaṁtu jagaddhite||149||

iti saṁprārthite tena bhagavān sa munīśvaraḥ|

dharmmākaraṁ mahāsattvaṁ taṁ paśyannevamavravīt||150||

nāhaṁ sadātra tiṣṭheyaṁ careyaṁ sarva bhūtale|

sarvasattva hitārtha hi bhavāmi dharmmadikṣiṇaḥ||151||

ityādiśya munīndreṇa krakuchandaḥ sa sāṁdhikaḥ|

tataḥ saṁprasthito' nyatra deśeṁ saṁbhāṣayan yayau||152||

tato dharmākaraḥ so'tra vidhāya nagaraṁ tathā|

rājyāṁgāni pratisthāpya rājyaṁ kṛtvādhyatiṣṭhata||153||

tadātra sarve āgatya mandireṣu samantataḥ|

āśritya saṁsthitiṁ kṛtvā nivasanto mudā caran||154||

tato'nyepi samāyātāḥ sarvadigbhyo'tra sarvataḥ||

jānapade purenekaṁ grāmeṣu nyavasan mudā||155||

tathā devā surādyāśca sarve lokādhipā api|

svasvaparijanaiḥ sārddhaṁ āgatyātra mudā vasan||156||

tathā maharṣayaścāpi yatayo brahmacāriṇaḥ|

yogino bhikṣavo'rhanto vratinaścāpyupāsakāḥ||157||

bodhisattvā mahāsattvā ścailakāḥ śrāvakā api|

yathābhilaṣite deśe kṛtvā śramaṁ samāśrayan||158||

tathānya tīrthikāḥ śaivā vaiṣṇavāḥ kaulikā api|

yathābhilaṣite sthāne kṛtvāśramaṁ samāśrayan||159||

pratyeka sugatāścāpi samāgatya samantataḥ|

vivikte āśrame ramye samāśritya mudā vasan||160||

munīndrā api cāgatya vihṛtyātra sasāṁdhikāḥ|

prārya sambodhi saddharmmaṁ samādeśyan tvarāgatāḥ||161||

evaṁ puṇyatamā bhūmīriyaṁ himālayāhavayā|

sukhāvatinibhāramyā bodhisattva samāśraya||162||

vahūni cātra tīrthāni sarvapāpaharāṇyapi|

jātāni santi sarvārtha samṛddhi siddhidāṇyapi||163||

tadeteṣu ca tīrtheṣu snātvā carata sadvrataṁ|

pāpaṁ hantuṁ śubhaṁ prāptuṁ samīchantyatra ye narāḥ||164||

ye'tra tīrtheṣu sarveṣu snātvā nityaṁ samāhita|

japa yajñādi karmmāṇi kṛtvā caranti samvaraṁ||165||

pitṛñcāpi samabhyarcya devāñca śraddhayādarāt|

datvā dānaṁ samādhāya dhyātvāpīśaṁ bhajanti ca||166||

te'pi sarve vikalmāṣāḥ pariśuddha trimaṇḍalāḥ|

śrīmantaḥ siddhi mantaśca bhaveyuḥ sadguṇāśrayāḥ||167||

tataste sarva sattvānāṁ hitārthe dharma sādhakāḥ|

bodhisattvā mahāsattvāḥ bhaveyuḥ sugatātmajāḥ||168||

tataste bodhisambhāraṁ pūrayitvā yathākramaṁ|

triratna bhajanaṁ kṛtvā saṁcarerañjagaddhite||169||

tataste vimalātmāno niḥkleśā vijitendriyāḥ|

arhanta strividhāṁ bodhiṁ prāpyeyuḥ saugataṁ padaṁ||170||

evaṁ matvātra tīrtheṣu sarveṣu bodhivāṁchibhiḥ|

nātvā dānādi karma karttavya sarvadā bhave||171||

ityādiṣṭaṁ munīndreṇa samādiṣṭaṁ nisamya te|

sarva sabhāśritā lokāḥ prābhyanandan pravodhitāḥ||172||

iti śrī svayaṁbhū caitya samutpatti kathā vītarāgatīrtha rāṣṭra pravarttano nāma caturtho'dhyāyaḥ samāptaḥ|

Technical Details

Text Version: 

Romanized

Input Personnel: 

DSBC Staff

Input Date: 

2008

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

pañcama adhyāyaḥ

pañcama adhyāyaḥ

svayambhūtpatyaneka tīrthasaṁjātapuṇyamahātmyavarṇano nāma

athāsau ca mahāsattva maitreya sāñjalirmudā|

bhagavantaṁ tamānasya prārthayedevamādarāt||1||

bhagavan tatra tīrthānāṁ snātvā dānādi karmmajaṁ|

puṇyaphala viśeṣatvaṁ samādiśatu sāmpratam||2||

iti saṁprārthite tena bhagavānsa munīśvaraḥ|

maitreyaṁ taṁ mahāsattvaṁ sampaśyannevamādiśat||3||

sādhu śrṛṇu mahāsattva tīrtha sevā phalodbhavaṁ|

puṇyaṁ tad viśeṣatvaṁ vakṣāmi sarva bodhane||4||

tadyathā mūlatīrthāni kathyante dvādaśātra hi|

mahāpuṇyāni sarveṣāṁ tīrthānāṁ yāni bhūtale||5||

amogha phaladāyinyāṁ vāgmatyāṁ yatra saṁgame|

tattīrtha śodhanaṁ khyātaṁ daśapāpaviśodhanāt||6||

tatra nāgādhipā raktastakṣakākhyaḥ sukāntimān|

samujvalanmahāratnaṁśrīmatphaṇā vibhūṣitaḥ||7||

yenarā śraddhayā tatra puṇyatīrthe yathāvidhiḥ|

snānaṁ kuryumudā yāvadeka viṁśati vāsaraṁ||8||

japa yajñādi karmmāṇi kuryuḥ saptadinānyapi|

pitṛn devāñca saṁpūjya kuryuḥ saṁtṛptamoditān||9||

dadyurdānānicārthibhyo yathepsitaṁ samādarāt|

śuddhaśīlāḥ samādhāyaiścareyuśca vrataṁ tathā||10||

etatpuṇyaviśuddhāste niḥkleśā nirmmalendriyāḥ|

bodhisattvā mahāsattvā bhaveyuḥ śrī guṇāśrayāḥ||11||

tataste bodhisambhāraṁ pūrayitvāyathākramaṁ|

trividhāṁ bodhimāsādya saṁvuddha padamāpnuyuḥ||12||

tataśca māradāyiṇyo vāgmatyā yatra saṁgamaḥ|

tacchāntatīrthamākhyātaṁ kleśa doṣa viśodhanaṁ||13||

tatranāgādhipaḥ śuklaḥ soma śikhītiviśrutaḥ|

vilasanmaṇiratnaśrīphaṇāmaṇḍala bhūṣitaḥ||14||

tatrāpi śānta tīrtha ca ye kleśa duḥṣitā narāḥ|

kuryu snānaṁ sadā yāvadekaviṁśati vāsaraṁ||15||

japa yajñādika kuryuścareyuścādhi poṣadhaṁ|

pitṛn devāñca saṁpūjya kuryuḥ saṁtuṣṭananditān||16||

dadyurdānāṁni cārthi bhyo yathābhilaṣitaṁ mudā|

śuddhaśīlā samācārāḥ dhyātvā bhajeyurīśvaraṁ||17||

etatpuṇyābhiliptāste pariśuddha trimaṇḍalāḥ|

bodhisattvā mahāsattvā bhaveyuḥ śrīguṇālayāḥ||18||

tataste bodhi sambhāraṁ pūrayitvā yathākramaṁ|

arhanta strividhāmbodhi prāpyeyuḥ saugataṁ padaṁ||19||

tataśca maṇirohiṇyā vāgmatyā yatrasaṁgame|

tatrorddhaniḥsṛtā śuddha sphaṭikādārasaṁnnibhāṁ||20||

rudradhārā mṛtākhyātā tayā ca tatra saṁgame|

triveṇī saṁgame tena śaṁkara tīrtha mucyate||21||

tatra nāgādhipa śaṁkhapālo gaurāti sundaraḥ|

maṇirasmi samuddipta śrīmatphaṇā vibhūṣitaḥ||22||

tatra śaṁkara tīrthe ye mānavāśca yathāvidhiḥ|

snānaṁ kuryurmudā yāvadekaviṁśativāsaraṁ||23||

japa yajñādikarmmāṇiḥ kuryuśca saptavāsaraṁ|

pitṛndevāñca saṁpūjya tarppayeyuryathāvidhi||24||

dadyurdānāni cārthibhya śraddhayā bodhimānasāḥ|

dhyātvā bhajeyurīśaṁ casaṁcareñcapoṣaḍhaṁ||25||

etatpuṇya viśuddhātmā niḥkleśāḥ nirmmalendriyāḥ|

labheyuḥ śrī mahāpuṣṭiśānti guṇā ca śāntyapi||26||

durggati tena yāyuśca saṁjātāḥ saṅgatau sadā|

bodhisattvā mahāsattvā bhaveyu bhadracāriṇaḥ||27||

tataste bodhisaṁbhāraṁ pūrayitvā yathākramaṁ|

arhanta strividhāṁ bodhi prāpyeyuḥ saugataṁ padaṁ||28||

tataśca rājamañcaryā vāgmatyā yatra saṁgamaṁ|

tadrājatīrthamākhyātaṁ rājyārogyasukhapadaṁ||29||

tatra nāgādhipaḥ śuklaḥ surupākhyātisundaraḥ|

maṇiratna mahādīpti śrīprabhā maṇḍitāśrayaḥ||30||

tatra ye mānavāyā vadeka viṁśativāsaraṁ|

snāna dāna japa dhyānaṁ kuryu dadyuśca saṁvaraṁ||31||

etatpuṇya viśuddhāste nirdoṣā vimalendriyāḥ|

rājyaśvarya sadārogya bhadra saukhyama vāpnuyuḥ||32||

te'pi na durggati yāyuḥ sadāsadgati saṁbhavāḥ|

bodhisattvā mahāsattvā bhaveyuḥ śrīguṇāśrayāḥ||33||

tataste bodhisambhāraṁ pūrayitvā yathākramaṁ|

arhanta strividhāṁ bodhi prāpyayāyu jinālayaṁ||34||

tathātra vimalāvatyā keśāvatyā ca saṁgameḥ|

manorathaṁ tadākhyātaṁ svecchālaṁkāra saṁpradaṁ||35||

tatra nāgādhipo bhīmaḥ kulikākhyo'tikarvuraḥ|

phaṇāmaṇi samuddīpta śrīprabhāmaṇḍitāśrayaḥ||36||

tatra manorathe tīrthe manujā ye yathāvidhiḥ|

snāna dānādikaṁ kuryurekaviśati vāsaraṁ||37||

te'pi na durgatiṁ yāyuḥ sadā sadgatisaṁbhavāḥ|

bodhisattvā mahāsattvā bhadraśrī sadguṇāśrayāḥ||38||

paṭṭasuvastraratnādi svecchālaṁkārabhūṣitāḥ|

sarvasattva hitādhāna careryurbodhisavaraṁ||39||

tataste bodhisaṁbhāraṁ pūrayitvā yathākramaṁ|

trividhāṁ bodhimāsādya saṁbuddha padamāpnuyuḥ||40||

tataśca kusumāvatyā keśāvatyāpi saṁgame|

nirmmalatīrthamākhyātaṁ kalpanāvighnanāśanaṁ||41||

tatra nāgo palālākhyaḥ pītavarṇṇo mahākṛtiḥ|

divyaratna prabhojjvāla śrīmatphaṇā vibhūṣitaḥ||42||

tatra ye mānavā yāvadekaviṁśativāsaraṁ|

snānadānādikaṁ kuryustathāsarve ca pūrvavat||43||

te'pi na durgatiṁ yāyuḥ sadā saṅgatisaṁbhavāḥ|

bodhisattvā mahāsattvā bhadraśrīsadguṇāyāḥ||44||

kali vighna mala kleśa nirmukta bhadracāriṇaḥ|

sarvasattva hitāraktā bhaveyu brahmacāriṇaḥ||45||

tataste bodhisaṁbhāra purayitvā yathākramaṁ|

arhanto bodhimāsādya sambuddhapadamāpnuyuḥ||46||

tataḥ suvarṇṇavatyā ca bāgamatyā yatra saṁgame

nidhānatīrthamākhyātaṁ sarva sampatidāyakaṁ||47||

tatra nāgau haritavarṇau nandaupanandanāvubhau|

nānā ratna prabhāddīptiḥ śrī matphaṇāvibhūṣitau||48||

tatra ye manujā yāvadeka viṁśativāsaraṁ|

snānādi pūrvavatsarva karmmaṁ kuryuryathāvidhiḥ||49||

te'pi na durggatiṁ yāyuḥ sadā saṅgatisaṁbhavāḥ|

bodhisattvā mahāsattvā bhadraśrī sadguṇāśrayāḥ||50||

sarvasattvārtha sampannā bhaveyuḥ dharmmacāriṇaḥ|

tepyaivaṁ bodhisaṁbhāraṁ pūrayitvā yathākramaṁ||51||

arhanto bodhimāsādya saugataṁ padamāpnuyuḥ|

tataśca pāpa nāśinyā keśavatyābhisaṁgame||52||

jñānatīrthaṁ tadākhyātaṁ divyabhoga sukhapradaṁ|

tatra nāgādhipaḥ śukla vāśukirnāma bhīṣaṇaḥ||53||

divya ratna prabhāśrī matphaṇālaṁkāramaṇḍitaḥ|

tatra yemānavā yā vadekaviṁśativāsaraṁ||54||

snāna dānādi karmmāṇi kuryuḥ sarvāṇi purvavat|

te'pi na durggati yāyurjātāḥ sadāpi saṅgatau||55||

sarva bhoga mahāsampatsukhavanto nirāmayāḥ|

bodhisattvā mahasattvāścaturbrahma vihāriṇaḥ||56||

bhadraśrīsadguṇādhārā bhaveyu bodhicāriṇaḥ|

tathā te bodhisaṁbhāraṁ pūrayitvā yathākramaṁ||57||

arhanto bodhimāsādya sarvajña padmāpnuyuḥ|

bhadśrī sadguṇādhārāḥ sambuddhaguṇasādhinaḥ||58||

tataśca yatra vāgmatyāḥ keśāvatyā ca saṁgameḥ|

taccintāmaṇimākhyātaṁ sarvakāmārtha saṁpadam||59||

gaṁgā ca yamunācāpi tathā devī sarasvatī|

parva pratyāgatā tatra tena pañca samāgamā||60||

tatra nāgādhipaḥ śuklo varuṇā sarva nāgarāt|

divyaratna prabhāśrīmatphaṇāmaṇḍala bhūṣitaḥ||61||

tatra ye mānavā yāvadekaviṁśati vāsaraṁ|

snānadānādikaṁ sarve kuryuḥ pūrvavadādarāt||62||

te'pi na durggatiṁ yāyuḥ sadā sadgatisaṁbhavāḥ|

saṁpūrṇṇa paramāyuṣkāḥ vidyādhipā vicakṣaṇāḥ||63||

susantānā mahābhogā dhammārtha kāmabhoginaḥ|

bodhisattvā mahāsattvā ścaturbrahmavihāriṇaḥ||64||

bhadraśrī sadguṇādhārā bhaveyuḥ bodhicāriṇaḥ|

tataste bodhisaṁbhāraṁ pūrayitvā yathākramaṁ||65||

arhanto bodhimāsādya saṁbuddha padamāpnuyuḥ|

tataśca yatra vāgmatyā ratnāvatyāḥ samāgame||66||

pramodatīrthamākhyātaṁ ratiprītivaśārthadaḥ|

tatra nāgādhipaḥ padmo dhavaladivya sundaraḥ||67||

divyaratna mahākānti phaṇāmaṇḍala bhūṣitaḥ

tatra ye mānavā yāvadekaviṁśativāsaraṁ||68||

snāna dānāni sarvāṇi kuryuḥ karmmāṇi pūrvavat|

te'pi nadurgatīṁ yāyuḥ sadā sadgati saṁbhavāḥ||69||

rati prīti vaśānanda mahāsaukhya samanvitā|

bodhisattvo mahāsattvoḥ pariśuddha trimaṇḍalāḥ||70||

bhadraśrī sadguṇādhārā bhaveyuḥ bodhisādhinaḥ|

tataste bodhisaṁbhāraṁ pūrayitvā yathākramaṁ||71||

arhanta śtrividhāṁ bodhiṁprāpya yāyu rjinālayaṁ|

tatraścayatra vāgmatyā cārumatyā samāgame||72||

tatsulakṣaṇamākhyātaṁ śrī tejo bhāgyasampadaṁ|

tatra nāgo mahāpadmo'ti dhavalo'ti sundaraḥ||73||

divyaratna prabhāśrī matphaṇāmaṇḍalamaṇḍitaḥ|

tatra ye mānavā yāvadekaviṁsativāsaraṁ||74||

snāna dānaṁ japa dhyānaṁ kuryuryajñaṁ ca pūrvavat|

te'pina durgatiṁ yāyuḥ sadā sadgati saṁbhavāḥ||75||

śrītejo bhogyasaṁpannā surupālakṣaṇānvitā|

bodhisattvā mahāsattvāḥ bhadraśrīsadguṇāśrayāḥ||76||

sarvasattva hitodyuktāḥ bhaveyuḥ bodhicāriṇaḥ|

tataste bodhisaṁbhāraṁ pūrayitvā yathākramaṁ||77||

arhanta trividhāṁ bodhi prāpyeyuḥ saugataṁ padaṁ|

tataśca yatra vāgmatyā prabhāmatyā samāgameḥ||78||

jayatīrtha samākhyātaṁ sarvaśatrubhayāntakṛt|

tatra nāgādhipaḥ śukraḥ śrīkānti divya sundaraḥ||79||

divyaratna prabhāśrī matphaṇāmaṇḍalamaṇḍitaḥ|

tatra ye mānavā yāvadeka viṁśativāsaraṁ||80||

snātvā yajñādi karmmāṇi kuryuḥ sarvāṇi pūrvavat|

te'pi na durggatīṁ yāyuḥ sadā sadgati saṁbhavāḥ||81||

nirbhayā striguṇotsāhājayino nirjitārayaḥ|

bodhisattvā mahāsattvāścaturbrahma vihāriṇaḥ||82||

bhadraśrī sadguṇācārā bhaveyu bodhicāriṇaḥ|

tataste bodhisaṁbhāraṁ pūrayitvā yathākramaṁ||83||

arhantastrividhāṁ bodhiprāpyeyuḥ saugatapadaṁ|

dvādaśaitāni nāmāni tīrthāni mahāntyatra himālaye||84||

anyānyapi ca saṁtyatra tāni vakṣyāmyahaṁ śṛṇu|

tadyatho pari vāgmatyāḥ śrotasiddhārasaṁnidhau||85||

saundarya tīrthamākhyātaṁ saundarya guṇasaṁpadaṁ|

tatra yemānavā yāvadekaviṁśativāsaraṁ||86||

snāna dānāni karmmāṇi kuryuḥ sarvāṇi pūrvavat|

te'pina durggatiṁ yāyuḥ sadā sadgatisaṁbhavāḥ||87||

surūpā lakṣaṇopetāḥ śrīmanta sadguṇānvitāḥ|

bodhisattvā mahāsattvā caturbrahma vihāriṇaḥ||88||

sarvasattva hitādhānaṁ careyu rbodhisaṁmvaraṁ|

tataste bodhisaṁbhāraṁ pūrayitvā yathākramaṁ||89||

arhanta strividhāṁ bodhisaṁprāpyeyuḥ jinālayaṁ|

taduparicayattīrtha agastyo na maharṣiṇā||90||

nityasnānaṁ japa dhyānaṁ kṛtvā yajñaṁ ca sevitaṁ|

tenāgastyaṁ mahattīrtha tadā khyāntaṁ munīśvaraiḥ||91||

tatra ye manujā snāyūste yāyuḥ paramāṁ gatiṁ|

dāna yajña japādiśca kuryu dhyātvāyi ceśvaraṁ||92||

toṣayayustathāpittṛndadyurdānaṁ yathepsitaṁ|

te sarve vimalātmānaśca caturbrahmavihāriṇaḥ||93||

bodhisattvā mahāsattvā bhaveyuḥ śrīguṇāśrayāḥ|

tathā te bodhisaṁbhāraṁ pūrayitvā yathākramaṁ||94||

arhanta strividhāmbodhiṁ prāpya buddhatvamāpnuyuḥ|

tatraivānantanāgena yadāśritaṁ mahāhradaṁ||95||

tena tadahradamākhyātaṁ anantatīrthamarthadaṁ|

tatra ye manujāyāvadekaṁviṁśati vāsaraṁ||96||

snāna dāna japa dhyānaṁ kuryuryajñaṁca pūrvavat|

te'pi na durgatiṁ yāyuḥsadā sadgatisambhavāḥ||97||

bodhisattvā mahāsattvā rbhaveyuḥ śrīguṇāśrayāḥ|

tathā te bodhisambhāraṁ pūrayitvā yathākramaṁ||98||

arhanto bodhimāsādya sarvajñapadamāpnuyuḥ|

tatraiva ca mahattīrtha āryatārāniṣevitam||99||

tenedaṁ prāthitaṁ prāryatārā tīrtha subhāgyadaṁ|

tatrāpi ye narā ryāvadekaviṁśativāsaraṁ||100||

snānadānajapa dhyānaṁ yajñaṁ kuryu ryathāvidhi|

te'pi na durgatiṁ yāyuḥ saṁjātāḥ sadgatau sadā||101||

bodhisattvā mahāsattvāḥ pariśuddhatrimaṇḍalāḥ|

saubhāgyaśālino dhīrā bhadraśrīsadguṇāśrayāḥ||102||

sarvasattvahitotsāhā bhaveyu rbodhicāriṇaḥ|

tathā te bodhisaṁbhāraṁ pūrayitvā yathākramaṁ||103||

arhanta strividhāṁ bodhiṁ prāpyeyuḥ saugataṁpadaṁ|

arddhaurddhañca vāgmantyāḥ prabhavatīrthamuktamaṁ||104||

sarveṣāmapi tīrthānāṁ pradhānamagramucyate|

tatraikasnāna mātreṇa gaṁgā snāna śatādhikaṁ||105||

puṇyaṁ mahattaraṁ siddhaṁ vāñchitārtha sukhapradaṁ|

tatra ye mānavā yāvadekaviṁsativāsaraṁ||106||

snāna dāna japa dhyānaṁ yajñaṁ kuryuryuyathāvidhiḥ|

śuviśuddha trikāyāste yathākāma sukhāśina ca||107||

dhamārthaṁ śrīsamṛddhāḥ syuścaturbrahmavihāriṇaḥ|

kvacinna durggatiṁ yāyuḥ saṁjātā sadgato sadā||108||

svaparātmahitaṁ kṛtvā saṁcarensadā śubhe|

tataste vimalātmāno suviśuddhendriyāśayāḥ||109||

bodhisattvā mahāsattvāḥ bhaveyuḥ sadguṇākarāḥ|

tathā te bodhisaṁbhāraṁ pūrayitvā yathāvidhiḥ||110||

arhantastrividhāṁ bodhi prāpyeyuḥ saugataṁpadaṁ|

taṁ śaṁkhaparvata nāma sarva śiloccayottamaṁ||111||

samārohaṇa mātreṇa niṣṇā yeḥ siddhimān bhavet|

tatrāpi ye samāśritya snātvā dhyātvā samāhitaḥ||112||

japa yajñādi dānaṁ ca kuryuḥ saṁbodhimānasāḥ|

te'pi na durgatiṁ yāyuḥ sadāsadgati saṁbhavāḥ||113||

bodhisattvā mahāsattvāḥ pariśuddha trimaṇḍalāḥ|

niḥkleśā vimalātmānaḥ sarva sattva hitāśayāḥ||114||

bhadraśrī sadguṇādhārā bhaveyu rbrahmacāriṇaḥ|

tataste bodhisaṁbhāraṁ pūrayitvā yathākramaṁ||115||

arhanto bodhimāsādya saṁbuddhapadamāpnuyuḥ|

vahūni copa tīrthāni vidyante'tra himālaye||116||

tāni tīrthāni sarvāṇi bhukti mukti pradānyapi|

yatra yatra śravantīnāma nyeṣāṁ ca samāgame||117||

tatra tatrāpi tīrthāni puṇya phala pradāni hi|

teṣāṁ cāpyupa tīrthānāṁ pṛthakpṛthatphalaṁ mahat||118||

pāpa saṁśodhanaṁ puṇyaṁ saddharmmasukhasādhanaṁ| |

teṣvapi ye narāḥ snātvā careyu poṣaḍhaṁ vrataṁ||119||

dadyurdānāni cārthibhyaṁ kuryuryajñāni ca ye mudā|

pitṛsaṁtarpya yeyuśca pūjayeyuḥ surānapi||120||

smṛtvā dhyātvā triratnānāṁ bhajeyunemijalyanaiḥ|

evaṁ lokādhipānāṁ ca smṛtvā dhyātvā samāhitāḥ||121||

japitvā nāma mantrāṇi sādhayeyu ryathāvidhiḥ|

tāni sarvāni sidhyeyuḥ sādhitāni jagaddhite||122||

dadyuśceha śubhotsāhaṁ paratra nirvṛtaṁ padaṁ|

te'pi na durgatiṁ yāyuḥ sadā sadgatisaṁbhavāḥ||123||

niḥkleśā vimalātmānaḥ pariśuddhā trimaṇḍalāḥ|

bodhisattvā mahāsattvāścaturbrahma vihāriṇaḥ||124||

bhadraśrī sadguṇādhārā bhaveyuḥ bodhicāriṇaḥ|

tataste bodhisambhāraṁ pūrayitvā yathākramaṁ||125||

arhanta bodhiṁ prāpyayāyu rjinālayaṁ|

ekaṁ vijñāya sarveṣāṁ tīrthānāmapisatphalaṁ||126||

bhadraśrī sadguṇātsāhaṁ saukhyasaṁbodhi sādhanaṁ|

sarveṣveteṣu tīrtheṣubhadraśrī guṇa vāṁchābhiḥ||127||

snāna dānādikaṁ karma karttavyaṁ bodhi prāptaye|

ye ye eteṣu tīrtheṣu snātvā nityaṁ yathāvidhiḥ||128||

datvā dāna vrataṁ dhṛtvā dhyātvā bhajeyurīśvaraṁ|

te te sarve vikalmāṣāḥ pariśuddha trimaṇḍalāḥ||129||

niḥkleśā vimalātmāno bhaveyurbodhibhāginaḥ|

iti lokādhipaiḥ sarve rbrahmendra pramukhairapi||130||

sarvānyetāni tīrthāni saṁsevitāni sarvadā|

tathā ca munibhiḥ sarvestāpa sairbrahmacāribhiḥ||131||

yatibhiryogibhiścāpi tīrthikaiḥ śrāvakai rapi|

brāhmaṇai vaiṣṇavaiḥ śaivaiḥ kaulikairapi śaktikairapi||132||

devaiśca dānavaiścāpi yakṣagandharvakinnaraiḥ|

guhyaka siddhasādhyai śca grahaiḥ vidyādharairapi||133||

apsarobhiśca sarvābhiḥ sadā saṁsevitāni hi|

nāgendrai rgaruḍaiścāpi kumbhāṇḍai rākṣasairapi||134||

evamanyairapripretya sevitāni śubhārthibhiḥ|

grahaiścaḥ sāṁdhikaiścāpi vratiścāpyupāsakaiḥ||135||

bodhisattvai rmunīndraiśca sevitāni jagaddhite|

ahamapitathaiteṣu tīrtheṣu samupāśrayan||136||

snātvā dānāni datvā ca kṛtvā yajñaṁ yathāvidhi|

pitṛnsatarpayitvāpi samabhyarcya surānapi||137||

triratnabhajanaṁ kṛtvā prācaraṁ poṣadha vraṁtaṁ|

dharmmadhātuṁ samārādhya smṛtvā dhyātvā samāhitaḥ||138||

japitvā dhāraṇī mantraṁ pracaranbodhisamvaraṁ|

etat puṇyānubhāvena pariśuddha trimaṇḍalāḥ||139||

niḥkleśo nirmmalātmohaṁ caturbrahmavihāriṇaḥ|

bodhisattvā mahāsattvāḥ bhadraśrī sadguṇāddhirmān||140||

āśu saṁbodhiṁ saṁbhāra pūrayitvā yathākramaṁ|

jitvā māragaṇānsarvān kalāvapi jagaddhite||141||

travidhabodhimāsādya saṁbuddho dharmmarātbhuve|

thuyamapijñātvāni vighna bodhi prāptaye||142||

sarveṣu teṣu tīrtheṣu pravadhvaṁ yathāvidhiḥ|

dharmmadhātuṁ sadābhyarcya smṛtvā dhyātvā samāhitāḥ||143||

japitvā dhāraṇīmantraṁ saṁbhajadhvaṁ jagaddhite|

etpuṇyu prabhovaṇa pariśuddhatrimaṇḍalāḥ||144||

durggatinnaivagacheta jāyadhvaṁ saṁdgatau sadāṁ|

tatra sadā triratnāno śaraṇe samupasthitāḥ||145||

satkārai rbhajana kṛtvā saṁcaradhvaṁ jagaddhite|

teṣāṁ hi vimalātmānaścaturbrahma vihāriṇaḥ||146||

bodhisattvā mahāsattvā bhaveyu bhadracāriṇaḥ|

tataḥ śrī sadguṇādhārāḥ sarvavidyāvicakṣaṇāḥ||147||

sarva sattvāhitādhānaṁ saṁcaradhva jagaddhite|

tataḥ saṁbodhiṁ saṁbhāraṁ pūrayitvā yathākramaṁ||148||

āśu tribodhimāsādya prāpsyatha saugataṁ padaṁ|

ityādiṣṭaṁ munīndreṇa śrutvā sarve pravodhitāḥ||149||

maitreyādi sabhālokāḥ prāpyananda pravodhitāḥ|

iti śrī svayaṁbhū samutpatti kathāyāṁ aneka tīrtha saṁjāta puṇya mahātmya varṇano nāma pañcamo'dhyāya|

Technical Details

Text Version: 

Romanized

Input Personnel: 

DSBC Staff

Input Date: 

2008

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

ṣaṣṭhama adhyāyaḥ

ṣaṣṭhama adhyāyaḥ

svayambhūdharmadhātuvāgīśvarābhidhānaprasiddhapravartano nāma

athāsau ca mahāsattvo maitreyaḥ sugatātmajaḥ

munīndraṁ śrīghanaṁ natvā sāñjalirevamabravīt||1||

yadasya bhagavan dharmmadhātu vāgīśvarābhidhaṁ|

prasiddha hetunā kena tatsamādeṣṭumarhati||2||

iti saṁprārthite tenaḥ maitreyeṇa sa sarvavit|

bhagavānstaṁ mahāsattvaṁ saṁpaśyannidamādiśat||3||

yenāsya hetunā dharmmadhātu vāgīśvarābhidhaṁ|

prasiddhiṁ tatpravakṣāmi śṛṇu maitreya sādaraṁ||4||

tadyathāyuryadā nṛṇāṁ triṁśadvarṣa sahasrike|

śobhāvatyāṁ mahāpūryāmudapādi tadā jinaḥ||5||

saṁbuddho'rhañjagacchāstā dharmmarājo munīśvaraḥ|

kanaka munīrityākhyāstathāgato vināyakaḥ||6||

tadāhaṁ kulaputro sa sudharmmākhya ātmavit|

bodhisattvo mahāsattvo dharmmaśrī sadguṇārthabhṛt||7||

sa kanakamuneḥ śāstuḥ śāsane samupāśritaḥ|

triratnabhajanaṁ kṛtvāḥ prācaram bodhisaṁvaraṁ||8||

yadā ca bhagavāñchāstā śobhāvatyā upāśrame|

vihāre śobhitārāme vijahāra sa sāṁghikaḥ||9||

tadā tatra sabhāloke brahmendra pramukhāḥ surāḥ|

sarvalokādhipāścāpi dharmmaṁ śrotumudāgatāḥ||10||

sarve grahāśca tārāśca sarvā vidyādharā api|

siddhāḥ sādhyāśca rudrāśca munayo'pi maharṣayaḥ||11||

gandharvāḥ kinnarā yakṣā guhyakā rākṣasā api|

kumbhāṇḍā garuḍā nāgā daityāścāpi samāgatāḥ||12||

yatayo yoginaścāpi tīrthikāśca tapasvinaḥ|

pākhaṇḍāśca parivrājako nirgranthā brahmacāriṇaḥ||13||

śramaṇāḥ śrāvakāścāpi vratinaścāpyupāsakāḥ|

tatsaddharmmāmṛtaṁ pātuṁ sādaraṁ samupāgatāḥ||14||

brāhmaṇā kṣatriyā ścāpi vaiśyāśca mantriṇojanāḥ|

gṛhādhipāśca śreṣṭāścaḥ bhṛtyāḥ sainyādhipā api||15||

śilpino vaṇijaścāpi sārthavāhā mahājanāḥ|

paurā jānapadā grāmyāḥ kārpaṭikāśca śairikāḥ||16||

tathānya vāsinaścāpi sarvalokāḥ prasāditāḥ|

tatsaddharmmāmṛtaṁ pātuṁ sādaraṁ samupāgatāḥ||17||

tānsarvānsamupāyātān dṛṣṭvā sa bhagavānmudā|

sabhā madhyāsanāsīnastasthau dhyātvā prabhāsayan||18||

taṁ munīndraṁ prabhākāntaṁ dṛṣṭvā sarve'pi sāṁdhikāḥ|

śravaṇāḥ śrāvakāḥ sarve bhikṣavo brahmacāriṇaḥ||19||

bhikṣuṇyo brahmacāriṇyo upāsikāśca cailikāḥ|

cailakā vratinaścāpi dharmakāmā upāsakāḥ||20||

sarve'pi te samāgatya praṇatvā taṁ munīśvaraṁ|

parivṛtya pariskṛtya dharmma śrotumupāśrayan||21||

tato brahmadayo devāḥ sarve lokādhipā api|

taṁ munīndraṁ samabhyarcya praṇatvā ca yathākramaṁ||22||

parivṛtya puraskṛtya tatsabhāyāṁ samantataḥ|

saṁpaśyantaṁ munīndraṁ taṁ upatasthuḥ samāhitāḥ||23||

tataste mānavāḥ sarve ṛṣi vipranṛpādayaḥ|

taṁ munīndraṁ samabhyarcya saṁpraṇatvā yathākramaṁ||24||

tatsabhāṁ samupāśritya parivṛtya samantataḥ|

puraskṛtya samudvīkṣya saṁtasthire samāhitāḥ||25||

tatastān samupāsīnān dṛṣṭvā sa bhagavān mudā|

āryasatyaṁ samārabhya saddharmma samupāsadit||26||

kramena bodhicaryāgamāryāṣṭāṁṅga ca satpathaṁ|

ādiśya bodhimārge tān sarvāllokān yojayet||27||

tatsaddharmmāmṛtaṁ pītvā sarve lokāḥ pravodhitāḥ|

saddharmma sādhanā yuktā babhūvu rbodhimānasāḥ||28||

tadā vikramaśīlākhye vihāre bhikṣurātmavit|

sasaṁghā vyaharad dharmmaśrīmitrākhyaḥ sudhīryatiḥ||29||

sa tatra sarvalokānāṁ hitārthena samāśritaḥ|

sa saṁghā nāmasaṁgītiṁ vyākhyātumabhyavāñchata||30||

tataḥ sa satmatiḥ sarvān saṁghā nāma prasādaraṁ|

sabhāmadhyāsanāsīnastasthau dhyānasamāhitaḥ||31||

taṁ sabhāsana āsīnaṁ dṛṣṭvā sarve'pi sāṁghikāḥ|

tatsaddharmmāmṛtaṁ pātumicchataḥ samupāgatāḥ||32||

tatra ye yatiṁ natvā parivṛtya samantataḥ|

puraskṛtya samīkṣanta upatasthuḥ samāhitāḥ||33||

tatrā'nye'pi samāyātā lokadvijanṛpādayaḥ|

vaiśyāśca mantrino'mātyāḥ bhṛtyā sainyādhipā api||34||

śilpino vanijaścāpi sārthavāhā mahājanāḥ|

paurā jānapadāgrāmyāstathānyadeśavāsinaḥ||35||

sarve te samupāgatya praṇatvā taṁ yatiṁ mudā|

parivṛtya puraskṛtya sapaśyantamupāśrayan||36||

tataḥ sa yatirālokya sarvānstānsamupāśritān|

mañjuśrīnāma saṁgītiṁ samākhyātaṁ yathātkramāt||37||

tatsamādiṣṭamākarṇyaṁ sarve lokāḥ sabhāśritāḥ|

saṁbuddha guṇamahātmyaṁ matvānandapravodhitāḥ||38||

tataḥ sarve'pi lokāste brāhmaṇa bhūmipādayaḥ|

natvā taṁ yatimāmantrya svasvālayaṁ mudāyayuḥ||39||

tataste śrāvakā vijñā yatayo brahmacāriṇaḥ|

dvādaśākṣara guhyārthaṁ samyak śrotuṁmamīcchire||40||

tataste yoginaḥ sarve kṛtāñjali puṭā mudā|

śāstāraṁ taṁ yatiṁ natvā samāmatryaivamavruvan||41||

bhadanta dvādaśānāṁ yadakṣarāṇāṁ viśeṣataḥ|

viśuddhiṁ śrotumicchāmastatsamādeṣṭumarhati||42||

iti tai rprārthitaṁ dharmmaśrī mitraḥ sasudhīrapi|

dvādaśākṣara guhyārthaṁ viśuddhiṁ na samādiśat||43||

taṁ viśuddhā nabhijñātā viṣaṇṇātmā sa utthitaḥ|

dhyānāgāraṁ samāsīno dhyātvaivaṁ samacintayan||44||

naitadakṣaraṁ guhyārthaṁ viśuddhirjñāyate mayā|

tatkathaṁ upadekṣyāmi hāhā kutra bhrameyahi||45||

iti cintā viṣarṇṇo'tmā lajjā saṁmohitāśayaḥ|

smṛtvā ratnatrayaṁ dhyātvā tasthau dhairyasamāhitaḥ||46||

tatkṣaṇe sa triratnānāṁ smṛti puṇyānubhāvataḥ|

evaṁ matiṁ mahāvīrya mahotsāhinimāptavān||47||

tatastatmati śauṇḍau'sauḥ puna dhyātvā samāhitaḥ|

manasā sarva lokeṣu vicārayan vyalokayan||48||

tadāpaśyanmahācīne uttarasyāṁ nagottame|

mañjuśrīyaṁ mahābhijñaṁ sarva vidyādhipeśvaraṁ||49||

bodhisattvaṁ mahāsattvaṁ sarva dharmmādhipaprabhuṁ|

sarva guhya viśuddhārtha vijñānajñānadāyakaṁ||50||

taṁ paśyan manasā dharmmaśrī mitraḥ samutsukaḥ|

sahasotthāya tānsaṁghān sabhāmantryaivamavravīt||51||

bho bhadanto gamiṣyāmi mahācīne nagottame|

mañjuśrīyaṁ mahāsattvaṁ draṣṭumicchāmi sāṁprataṁ||52||

etasyā nāmasaṁgītyā guhya viśuddhi vistaraṁ|

pṛṣṭā samyak vijñāya āgamiṣyāmyahaṁ drutaṁ||53||

yāvannāhamihāyāta stāvatsarve samāhitāḥ|

triratna bhajanaṁ kṛtvā tiṣṭhata mā viṣīdata||54||

ityuktvā sa mahābhijñastataḥ saṁprasthito drutaṁ|

sañcarannatra nepālaviṣaye samupāyayau||55||

tamāyātaṁ yatiṁ natvā mañjudevaḥ sa sarvavit|

svāntike samupādraṣṭumecchat ṛddhiṁ pradarśayan||56||

tataḥ maṁjudevo'pi bhūtvā kṛṣikaraḥ svayaṁ|

śārdūla mṛgarājābhyāṁ halenākarṣayan mahīṁ||57||

taṁ dṛṣṭvā dūrato dharmmaśrīmitro ativismitaḥ|

kimetat mahadāścaryamitidraṣṭumuyācarat||58||

tataḥ samupāśritya dṛṣṭvā tanmahadadbhutaṁ|

kṛṣikaraṁ tamāmantryapapracchaiva vyavalokayan||59||

bho sādho ito deśānmahācīna nagoktamaḥ|

pañcaśīrṣaḥ kiyaddūre tadupadeṣṭumarhati||60||

iti saṁprārthitaṁ tena śrutvā sa halavāhakaḥ|

suciraṁ taṁ yatiṁ paśyansādaramevamavravīt||61||

yattvaṁ kuta ihāyāsi kimarthamuktarāpathe|

mahācīnasya dūrato gantuṁ tvaṁ paripṛccha se||62||

adya pravartate sāyaṁ tad vihāre mamāśrame|

uṣitvā prāta rutthāya gaccha maddeśitātpathaḥ||63||

iti tenoditaṁ dharmaśrī mitro niśaṁmya saḥ|

tathetyanumataṁ dhṛtvā tūṣṇīṁ bhūtvā vyatiṣṭhataḥ||64||

tataḥ saṁbodhitaṁ bhikṣu matvā sa halavāhakaḥ|

tau śārdula mṛgendro dvautatraivāntavyardhāpayet||65||

halaṁ tu sarvalokānāṁ saṁpravodhana hetunā|

tatraivocca sthala kṣetre yūpa vadavaropayat||66||

adyāpi tatmahīsthānaṁ mañjuśrībhūḥ prasidhyate|

sāvāceti prasiddhā ca yatrāvaropitaṁ halaṁ||67||

tatastaṁ yatimāhuya sāyaṁ sa halavāhakaḥ|

tatra praviśya dharmaśrīmitra saṁprati vismitaḥ||68||

tato mūlaphala skandha patrādi bhogamādarāt|

datvā tasmai svayaṁ bhuktvā tasthau sa halavāhakaḥ||69||

tataḥ sa vividhāṁ dharmmaśrīmitrorajanī kathāṁ|

bhāṣitvā taṁ mahābhijñaṁ kṛṣikaraṁ vyanodayan||70||

tataḥ sa mañjudevastaṁ yati chātrālaye niśi|

preṣayitvā svayaṁ gahvāgāre śayyāṁ samāśrayat||71||

tatra praviśya dharmmaśrī mitra saṁprati vismitaḥ|

suptvākṣaṇaṁ samutthāya manasaivaṁ vyacintayat||72||

nādyātra śayanīyaṁ yadayaṁpumānmaharddhikaḥ|

bhāryāyā sahasākathyaṁ kiṁkiṁ kuryād vinodayaṁ||73||

iti dhyātvā sadharmmaśrīmitra yatirutthitaḥ|

saṁvara nibhṛtaṁ tasya dvāramūlamupāśrayet||74||

tatkṣaṇe mañjudevaṁ taṁ keśinī supriyā satī|

śayāsanasamāsīnā bharktāramevamavravīt||75||

svāminko'yaṁ yati rdhīmānkimarthamasmadāśrame|

iha kutaḥ samāyāta statsamādeṣdumarhati||76||

iti saṁprārthitaṁ devyā mañjudevo niśamya saḥ|

keśinīṁ tāṁ priyāṁ bhāryāṁ sampaśyannevamavravīt||77||

sādhu śṛṇu priye devī yadartha yamimihāgataḥ|

tadartha hi mahaddhetuṁ vakṣyāmi te vicārayat||78||

ayaṁ bhikṣu mahābhijño bodhisattvo mahāmatiḥ|

vikhyāto yo mahādharmmaśrīmitrobhidho yati||79||

vikramaśīla ākhyāte vihāre sa nivāsakaḥ|

nāmasaṁgīti vyākhyānaṁ śikṣebhyo vistaraṁ vyadhāt||80||

dvādaśākṣara guhyārtha viśuddhi jñāna vistaraṁ|

nāma samyagupākhyātuṁ śaknoti na sudhīrapi||81||

tadāyaṁ ca viṣaṇṇātmāḥ dhyānāgāre samāśritaḥ|

dhyātvā lokeṣu sarvatra vilokyaivaṁ vyacintayan||82||

mañjuśrī reva jānīyātsarva guhya viśuddhivit|

dvādaśākṣara guhyārtha viśuddhiṁ samupādiśat||83||

iti dhyātvā samutthāya sarvān śiṣyānsa sāṁghikān|

bodhayitvā mahotsāhaḥ vīryeṇa pracāraktataḥ||84||

uktarasyāṁ mahācīne pañcaśīrṣesmadāśrame|

gantumanena mārggeṇa carannīha samāgataḥ||85||

tamiha samayāyātaṁ dṛṣṭvā samṛddhibhāvataḥ|

bodhayitvaivamāhuyoḥ nayāmi svāśrame'dhunā||86||

iti bhaktā samādiṣṭaṁ śrutvā sā keśinī priyā|

svāminaṁ taṁ samālokya papracchaivaṁ samādarāt||87||

svāminahaṁ na jānāmi śṛṇomi na kadācana|

kathametadviśuddhyarthaṁ samupādiśa me'dhunā||88||

iti saṁprāthitaṁ devyā mañjudevo niśamya saḥ|

keśinīṁ tāṁ priyāṁ bhāryā sampaśyannevamavravīt||89||

sādhu devī tava prītyā sāmpratamupadiśyate|

etadartha mahāguhyaṁ gopanīyaṁ prayatnataḥ||90||

ityuktvā mañjudevo'sau tasyai devyai yathāvidhiḥ|

dvādaśākṣara guhyārthaṁ viśuddhi samupādiśat||91||

etatsarva samākhyātaṁ vistaraṁ sa mahāmatiḥ|

dharmaśrīmitra ākarṇya prātyananda pravodhitaḥ||92||

tata samudito dharmmaśrī mitra utthite mudā|

mañjuśrīrayameveti niścayaṁ samupāyayau||93||

tataḥ sasuprasannātmā dvāramūle kṛtāñjaliḥ|

aṣṭāṁga praṇatiṁ kṛtvā tasthau tadgata mānasaḥ||94||

tataḥ prātaḥ samutthāya keśinī mokṣadāyanī|

dvārakapāramudadhāṭayaḥ vahirgantumupākramat||95||

tatra taṁ yatimālokya dvāramūle vyavasthitaṁ|

bhītā sā keśinī devī drutamupācaratprabhoḥ||96||

tāṁ pratyāgatāṁ dṛṣṭvā mañjudevaḥ sa sarvavit|

vibhinnāsyāṁ samālokya papracchaivaṁ adhīravat||97||

devī kiṁdvāramudhyāṭya sattvaraṁ tvamupāgatāḥ|

dṛṣṭvā kiṁ tatra bhītāsi tatsatyaṁ vada me puraḥ||98||

iti pṛṣṭe jagacchāstā bharktā sā keśinī virāt|

svāminaṁ taṁ samālokya śanairevaṁnyavedayet||99||

svāminyati namaskṛtvā dvāramūle nipātitaḥ|

jīvito vā mṛtau vāsau mayā na jñāyate khalu||100||

ityuktaṁ bhāryayā śrutvā mañjudevaḥ sa utthitaḥ|

upetya dvāramūle taṁ saṁdadarśa nipātitaṁ||101||

dṛṣṭvā sa mañjudevastaṁ yatiṁ dhyātvā jitendriyaṁ|

hastaṁ dhṛtvā samutthāya saṁpaśyannevavravīt||102||

yate kimarthamatraivaṁ dvāraṁ dhyātvāvatiṣṭhasi|

tatmamapurataḥ sabhyaṁ vadaya te samāhitaṁ||103||

ityuktvā mañjudeveṁna dharmaśrīmitra unmanāḥ|

mañjuśriyantamaṣṭāṁgainatvaivaṁ prārthayanmudā||104||

bhagavannātha sarvajña sarvavidyādhipa prabho|

bhavatpādāmbuje bhaktyā śaraṇe samupāśraye||105||

bhavāneva jagacchāstā mañjuśrīrbhagavānapi|

jñāyate dṛśyate hyatra jñānaratnanidhi rmayā||106||

tad bhavāhni vijānīte yadarthehamihā vraja|

tatmebhivāṁcchitaṁ śāstāḥ saṁpūrayitumarhati||107||

iti saṁprārthitaṁ tena mañjudeva niśamya sa|

vijñāya taṁ mahābhijñaṁ saṁpaśyannevamavravīt||108||

kathaṁ vinā abhiṣekaṁ te mantrārthamupadeśyate||109||

tāvadatrabhiṣeka tvaṁ gṛhvāṇhedaṁ yadīcchasi|

ityuktaṁ mañjudevena niśamya sa yatiḥ sudhīḥ||110||

mañjudevaṁ namostasya sāñjalirevamavravīt|

sarvajña bhagavāñchāstā nirdhano'hamakiṁcanaḥ||111||

kiṁ dāsye bhavataṁ śāstre dakṣiṇāṁ guru bhaktimān|

iti tenoditaṁ śrutvāḥ mañjudevaḥ sasanmatiḥ||112||

saṁpaśyansteyatī dharmaśrīmitramevamavravīt|

yataḥ kiṁ dhanasaṁpatyā śraddhā te yadi vidyate||113||

tuṣyante guruvo bhaktimātreṇātra dhanenatu|

ityuktvā mañjudevena dharmaśrīmitra unmatāḥ||114||

aṣṭāṁgestaṁ guruṁ natvā prārthayadevamādarāt|

bhagavanyadi bhaktyaiva tuṣyate'tra bhavān mama||115||

bhavatāṁ suśrūṣāmeṣa karomi bhaktimānahaṁ|

iti me kṛpayā śāsta abhiṣeka yathāvidhiḥ||116||

datvā dvādaśa mantrārthaṁ viśuddhi dātumarhasi|

iti saṁprārthitaṁ tena mañjudevaṁ sa sarvavit||117||

bhaktimanta tamālokya paṇyamevamabhāṣata|

dāsyāmi te mahābhāga bhakti śraddhāsti te yadi||118||

abhiṣeka prasannātmā samādatsva samāhitaḥ|

tataḥsa mañjudevaḥ śrī vajrācārya yathāvidhi||119||

saṁsthāpya maṇḍalaṁ dharmadhātuvāgīśvarābhidhaṁ|

tanmaṇḍalaṁ samārādhya samabhyarcya yathāvidhiṁ||120||

abhiṣekaṁ prasannāya tasmai dadau sa vajradhṛk|

tatastān maṇḍale devān saṁdarśayaṁ yathākramāt||121||

pūjayitvā yathāśakti śaraṇe samayojayet|

tatastasmai prasannāya mañjudevo yathāvidhi||122||

dvādaśākṣara guhyārtha viśuddhisamupādiśat|

tato labdhābhiṣeko'sau dharmaśrīmitra utmanā||123||

dvādaśabhūmi guhyārtha viśuddhijñānamāptavān|

tasmai śāstre sabhāryāya svamātmānaṁ sa dakṣiṇāṁ||124||

saṁkalpya śraddhayā bhaktyā natvaivaṁ prārthayan mudā|

bhagavan nātha sarvajña bhavat kṛpā prasādataḥ||125||

saṁprāptapūrṇa saṁkalpo bhavāmi śrīguṇārthabhṛt|

tat sadāhaṁ bhavatpādaśaraṇe samupāśritaḥ||126||

yathātra bhavādiṣṭaṁ tathaiva saṁcare bhave|

tat me'nujñādi datvātra saṁbodhijñānasādhanaṁ||127||

sarvasattva hitārthena careyaṁ bodhisaṁvaraṁ|

iti saṁprārthya dharmaśrī mitra sa samupāśritaḥ||128||

śraddhābhakti prasannātmā gurusevā paro'bhavat|

tataḥ sa mañjudevastaṁ mahāsattvaṁ vicakṣaṇaṁ||129||

matvā saṁbodhi caryāyāṁ niyoktuṁ saṁvyanodayan|

sādhu sādhu mahābhāgaḥ saṁcaratvaṁ jagaddhite||130||

saṁbodhi sādhanaṁ bodhicaryā vrata sadā bhava|

etatpuṇyābhi liptātmā pariśuddha trimaṇḍalāḥ||131||

bodhisattvā mahābhijñā bhaveḥ śrī sadguṇāśrayāḥ|

tatastvaṁ bodhisaṁbhāraṁ pūrayitvā yathākramaṁ||132||

niḥkleśo bodhiprāpto'haṁ sambuddhapadamāpnuyāḥ|

iti me śāsanaṁ dhṛtvā smṛtvā dhyātvā samāhitaḥ||133||

triratnaṁ samupāśritya saṁcarasva jagaddhite|

yadi jagaddhitaṁ kartuṁ saṁbodhiṁ prāpnumicchasi||134||

saddharmaṁ samupādiśya sarvān lokān pravodhaya||

tatastān bodhitān sarvān kamena bodhisādhanaṁ||135||

bodhimārge pratiṣṭhāpya cārayasva jagaddhite|

tatasteṣāṁ samālokya cittaṁ saṁbodhi niścitaṁ||136||

triyānaṁ samupādiśya paramārthe niyojaye|

evaṁ kṛtvā mahaddharmamāśu sambodhisādhanaṁ||137||

bhadraśrī sadguṇāpannāṁ samāpnuyā jagacchubhe|

tenāśuḥ pariśuddhātmā sambuddhapadamāptavān||138||

jagaddharmmamayaṁ kṛtvā jinālayaṁ samāpnuyāḥ|

iti bhadravrataṁ dhṛtvā gatvā tvaṁ svāśrame punaḥ||139||

vyākhyāya nāma saṁgītiṁ saddharmmaṁ saṁpracāraye|

ahamapi mahāsattva śrotuṁ tvad dharmmadeśanāṁ||140||

sāṁghikāṁścāpi tāndruṣṭumāyāsyāmi tavāśrame|

iti śāstā samādiṣṭaṁ niśaṁmya sa mahāmatiḥ||141||

dharmaśrī mitra ālokyaḥ taṁ gurumevamavravīt|

maharddhiko bhagavāñchāsta vijñāsya te kathaṁ mayā||142||

iti cihnaṁ samādhāya tatrāgantuṁ samarhati|

iti tenoditaṁ śrutvā mañjudevaḥ sa sanmati||143||

dharmaśrī mitramālokyaḥ punarevamabhāṣata|

vatsāhamutpalaṁ dhṛtvā samāyāsyāmi te sabhāṁ||144||

tena cihnena māṁ yāta saṁjānīṣva samāgataṁ|

iti satyaṁ samādhāya dhṛtvānuśāsanaṁ mama||145||

saddharmma samupādeṣṭuṁ pravāhi testu maṁgalaṁ|

iti śāstā samādiṣṭaṁ śrutvā sa yatirutsukaḥ||146||

śāstāraṁ taṁ samālokya praṇatvaivamabhāṣataḥ|

prasīdatu bhagavāñchāstāḥ kṣantumarhati cāgasaṁ||147||

bhavatprasādataḥ sarve sidhyate me samīhitaṁ|

tadanuśāsanaṁ dhṛtvā bhavatāṁ tatra jagaddhite||148||

vyākhyātuṁ nāmasaṁgīti saṁcare sāmprataṁ guroḥ|

iti saṁprārthya dharmmaśrī mitra saḥ saṁprāsāditaḥ||149||

śāstustasya padāmbhojaṁ natvā saṁprasthito tataḥ|

mātrorācārya yāścāpi mokṣadā varadākhyayoḥ||150||

pādāmvujeṣu saṁnatvā saṁprasthitaḥ pramoditaḥ|

tataḥ sa sanmati dharmmaśrīmitraḥ sahasāvrajan||151||

āśu svāśramamāsādya vihāraṁ samupāviśat|

tatra taṁ yatimāyātaṁ dṛṣṭvā sarve'pi sāṁghikāḥ||152||

praṇatvā kuśalaṁ pṛṣṭavā praveśayan nijālaye|

tataḥ paredyurāmantraya sarvānsaṁghānsa sanmatiḥ||153||

vyākhyātuṁ nāmasaṁgīti sabhāsanaṁ samāśrayat|

taṁ sabhāsanamāsīnaṁ dṛṣṭvā sarve'pi sāṁdhikāḥ||154||

divja bhūpādayaścāpi sarve lokāḥ samāgatāḥ|

tatra sarve'pi te lokāḥ praṇatvā taṁ yati kramāt||155||

parivṛtya puraskṛtya samantata upāśrayat|

tān sarvānsamupāsīnān dṛṣṭvā sa yatirātmavit||156||

vyākhyāya nāmasaṁgītiṁ sa viśuddhi samādiśat|

tadā tatra manastasya jijñāsituṁ sa mañjuvāk||157||

dhṛtvotpalaṁ vinidyāṁgaḥ kucīvaramupācarat|

tatra sa makṣikān kāye utpalena nivārayan||158||

samāgatya sabhaikānte paśyallokānupāśrayet|

samāśritaṁ sa dharmmaśrīmitro dṛṣṭvātmanā guruṁ||159||

utpalena parijñāya manasaivaṁ vyacintayat|

aho nūnamayaṁ śāstā mano jijñāsituṁ mama||160||

kucarā durbhagākāro dhṛtvotpalamihāgataḥ|

tatkathamahamutthāya pratyuṅgamya na meya hi||161||

atha paśyannamaskāraṁ nakuryāḥ gurave kathaṁ|

yadyatrāhaṁ samutthāya na meyamenamādarāt||162||

dṛṣṭvā lokā ime māṁ dhikkuryuḥ sarve vicārataḥ|

ete na jñāyate yaṁ hi mañjuśrī ṛddhimānapi||163||

īdṛgevāsya śāstā yaṁ miti me syād vihāsyatāṁ|

iti dhyātvā sa dharmmaśrīmitro lajjābhimohitaḥ||164||

manasaivaṁ namaskṛtvā śāstārantamamānayet|

tataḥ sa vimukhī bhūya paśyannapya vibhāvitaḥ||165||

ajñāta vānnivāpaśyan padamātramupādiśat|

tataḥ sarve'pi te lokāḥ śrutvā tatsaddharmmadeśanāṁ||166||

utthāya taṁ yatiṁ natvā svasvālayamupācaran|

tata loke gate dharmmaśrī mitraḥ sa samutthitaḥ||167||

śāstāraṁ taṁ samālokya vandituṁ samupācarat|

taṁ dṛṣṭvā mañjudevo'sau vandituṁ samupāgataṁ||168||

apaśyan vimukhī bhūya tataḥ saṁprasthito'carat|

taṁ dṛṣṭvā vimukhī bhūta dharmmaśrī mitra ātmanaḥ||169||

aparādha mahatpāpamanusmṛtvāpatadbhuvi|

nipatantaṁ tamālokya mañjuśrīḥ sa kṛpānidhiḥ||170||

sahasā pāṇinā dhṛtvā samutthāya tathācarat|

tatra sa utthito dharmmaśrī mitrastaṁ mahāmatiṁ||171||

pracarantaṁ samālokya natvāhaivaṁ mṛṣā punaḥ|

bhagavanna mayā dṛṣṭo bhavānatra samāgataḥ||172

paścādutpalacihnena jñāyate'tra samāśritaḥ|

ityuktvā sa mṛṣāvādaṁ sāñjalistasya saṅguroḥ||173||

mañjudevasya pādābje praṇanāma rudan punaḥ|

tatra tasya mṛṣā vaktuṁ rubhe'pi nayane mukhāt||174||

śāstuḥ pādābjayo ragre nipetaṁtu mahītale|

tatpatita sa dharmmaśrīmitro vihatamānasaḥ||175||

cirādrudaṁ samutthāyaḥ śāstāramevamavravīt|

bhagavan yatmayājñānādaparādhaṁ kṛtaṁ gurau||176||

bhavati tad bhavāñchāstā kṣantuṁmarhati durmateḥ|

iti saṁprārthitaṁ tena mañjuśrīḥ sa kṛpānidhiḥ||177||

vicakṣuṣkaṁ tamālokyaḥ kṛpādṛśaivamavravīt|

yadabhilajjayā karmma jñātvāpi duṣkṛtaṁ tvayā||178||

tasyedaṁ phalamāsādya bhokta anyaṁmeva bhujyate|

tathāpi jñāna dṛṣṭvā tvaṁ sampaśya ddṛṣṭimān yathā||179||

jñānaṁ hi te'sti yattena jñānaśrī mitra ucyase|

ityuktyaiva sa mañjuśrīḥ kṣaṇādantarhita stataḥ||180||

ākāśāt pakṣivad gatvā svāśrame samupāyayau|

atraitatsarvavṛttāntaṁ bhāryayoḥ puratormudā||181||

samākhyāya sa mañjuśrī stasthau lokahitārthabhṛt|

tataḥ prabhṛtisa jñānaśrīmitro jñānacakṣuṣā||182||

paśyan saddharmmamākhyāya prācaracca jagaddhite|

tadā maitreya tenāsya dharmadhātoḥ svayaṁbhuvaḥ||183||

abhutprasiddhitaṁ dharmadhātuṁ vāgīśvarābhidhaṁ|

iti matvātra ye dharmadhātu vāgīśvara narāḥ||184||

śraddhayā vidhinābhyarcya bhajanti śaraṇāśritāḥ|

abhiṣekaṁ ca saṁprāpya bodhicittā samāhitāḥ||185||

saddharmma dhāraṇī vidyāmantrāṇi dhārayanti ye|

te sarve vimalātmānaḥ pariśuddha trimaṇḍalāḥ||186||

bodhisattvā mahāsattvāścaturbrahma vihāriṇaḥ|

bhadraśrī sadguṇādhārāḥ sarva vidyā vicakṣaṇāḥ||187||

ṛddhi siddhi mahābhijñā bhaveyurbhadracāriṇaḥ|

āśuḥ sambodhi saṁbhāraṁ pūrayitvā yathākramaṁ||188||

arhantastrividhāṁ bodhiṁ prāpya yāyu jiṁnālayaṁ||189||

iti matvā'bhivāchanti prāptuṁ ye saugataṁ padaṁ|

te'tra bauddhālaye dharmmadhātu vāgīśvare sadā||190||

śraddhayā bhajanaṁ kṛtvā prāpyābhiṣekamādarāt|

sadharmmadhāraṇī vidyāmantra sādhāratatparāḥ||191||

yathāvidhi samabhyarcya saṁbodhi nihitāśrayāḥ|

bodhicaryā vrataṁ dhṛtvā saṁcarate jagaddhite||192||

āśu te vimalātmānaḥ pariśuddha trimaṇḍalāḥ|

bodhisattva mahāsattvaścaturbrahma vihāriṇaḥ||193||

bhadraśrī sadguṇādhārāḥ sarvavidyā vicakṣaṇāḥ|

ṛddhisiddhi mahābhijñā bhaveyu bhardracāriṇaḥ||194||

tataḥ saṁbodhisaṁbhāraṁ pūrayitvā drutaṁ kramāt|

arhantamtrividhāṁ bodhiṁ prāpya yāsyatha nivṛtiṁ||195||

ityādiṣṭaṁ munīndreṇa niśamya te sabhāśritāḥ|

sarve tatheti vijñāya prābhyanandan pravodhitāḥ||196||

itiśrī svayaṁbhū dharmmadhātu vāgīśvarābhidhāna prasiddha pravartano nāma ṣaṣṭho'dhyāyaḥ|

Technical Details

Text Version: 

Romanized

Input Personnel: 

DSBC Staff

Input Date: 

2008

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

saptama adhyāyaḥ

saptama adhyāyaḥ

svayambhūdharmadhātuvāgīśvaragutikṛtapravartano nāma

atha bhūyaḥ sa maitreyo bodhisattvo mahāmatiḥ|

bhagavanta ta mānasya sāñjalirevamavravīt||1||

bhagavacchilayāchādya dharmmadhātumimaṁ kadā|

kenaiva hetunā stūpaṁ ko vyadhādīṣṭikāmayaṁ||2||

bhagavantatsamālokya sarvvāllokānsakautukān|

etaddhetu samādiśya vinodayitumarhati||3||

iti saṁprārthitaṁ tena maitreyena munīśvaraḥ|

bhagavānsa mahāsattvaṁ sampaśyannevamādiśat||4||

śṛṇu maitreya yenāyaṁ guptikṛto prakāśane|

etaddhetuṁ samākhyāsi sarve lokābhibodhane||5||

tadyathā nivṛtiṁ yāte saṁbuddhe kanakamunau|

viṁśati varṣa sāhasra nṛrṇāmāyu yadā bhavet||6||

tadābhū bhagavāṁñchāstā dharmmarājo munīśvaraḥ|

sarvajño'rhamahābhijñaḥ kāśyapākhyastathāgataḥ||7||

sa saṁbuddho mahāpuryā vārāṇasyāmupāśrame|

mṛgadāve jināvāse vijahāra sasāṁdhikaḥ||8||

tadā saṁbodhisattvo'haṁ jyotirājā bhidhaḥkila|

kāśyapasya jagacchāmtuḥ śaraṇastha upāsakaḥ||9||

yadā sa kāśyapaḥ śāstā sarvatraidhātukādhipaḥ|

saddharmmaṁ samupādeṣṭuṁ sabhāsane samāśrayet||10||

tatsaddharmmāmṛtaṁ pātuṁ sarve lokāḥ samāgatāḥ|

brahmaśakrādayo devāḥ sarve lokādhipā api||11||

grahāstārāgaṇaścāpi vidyādharāścasāpsarāḥ|

siddhāsādhyāśca rudrāśca yakṣa guhyaka kinnarāḥ||12||

kumbhāṇḍā rākṣasāścāpi nāgāśca garuḍā api|

ṛṣayastāpasāścāpi tīrthikā brahmacāriṇaḥ||13||

yatayo yoginaścāpi tathānyecāpyupāsakāḥ|

brāhmaṇā kṣatriyāścāpi rājānopi mahībhṛtaḥ||14||

vaiśyāśca mantriṇo'mātyā bhṛtyā sainyādhipāgaṇā apiḥ

śilpino vaṇijaścāpi sārthavāho mahājanāḥ||15||

paurā jānapadā grāmyānaigamāḥ pārvatā api|

tathonya deśikā lokā api sarvve samāgatāḥ||16||

tatra sabhāsanāsīnaṁ saṁbuddha staṁ munīśvaraṁ|

bhagavantaṁ samālokya sarve saṁghāḥ samāyayuḥ||17||

bhikṣavaḥ śrāvakāḥ sarve yatayo yogino'piḥ|

cailakāvratinaścāpi sarve upāsakā api||18||

bhikṣuṇyopi tathā sarvāścailikāḥ vratiṇyaḥ|

śrāvikāścāpiḥ tathānyāḥ samupāgatāḥ||19||

bodhisattvā mahāsattvā ṛṣayo brahmacāriṇaḥ|

tīrthikā vaiṣṇavāḥ śaivārnirganthāśca tapasvinaḥ||20||

tathānye'pi samāyātāḥ saddharmaguṇalālasāḥ|

sarve'pi te munīndra staṁ dṛṣṭvā yayau pramoditāḥ||21||

tatra sarve'pi te lokāstaṁ munīndraṁ yathākramaṁ|

abhyarcya vidhinā natvā tatsabhāyāmupāśrayan||22||

tatra sarve'pi te lokāḥ parivṛtya samantataḥ|

puraskṛtya munīndrantaṁ saṁpaśyantaḥ samāhitāḥ||23||

tatsaddharmmāmṛtaṁ pātuṁ tṛṣārttā iva sāgaraṁ|

sāñjalayaḥ prasannāsyāḥ samātasthu yathākramaṁ||24||

tāṁlokānsamupāsīnānsarvānsaghānsurānapi|

sarvāllokādhipāṁścāpi dṛṣṭvā sa bhagavāñjinaḥ||25||

āryasatyaṁ samārabhya saṁbodhi jñānasādhanaṁ|

ādi madhyānta kalyāṇaṁ saddharmma samupādiśat||26||

tatsaddharmmāmṛtaṁ pītvā sarve'lokāḥ pravodhitāḥ|

sadā bhadrasukhaṁ prāpnu samīcchire susaṁvaraṁ||27||

tataḥ sarve'pi te lokāḥ saṁbuddha guṇavāñchinaḥ|

bodhicaryā vrataṁ dhṛtvā saṁcarire sadā śubhe||28||

tadā sarvāṇi kāryāṇi kṛtvā vajrī sa yogavit|

mañjudevaḥ sa bhāryānte svayaṁ nirvṛtimāyayau||29||

tato gatvā mahācīne sa mañjuśrī jināśrameṁ|

svadivyavapurādhāya taṁsthau bhāryā samanvitaḥ||30||

atra teṣāṁ śarīrāṇi śiṣyāḥ sarve'pi pāvake|

saṁskṛtya vidhināsthīni gṛhitvā samaśodhayan||31||

tataste'tra tadasthīnigarvyasthāpya yathāvidhi|

caityaṁ kṛtvā pratisthāpya samabhyarcya sadābhajana||32||

yeyīdaṁ caityamabhyarcya bhajanti śraddhayā sadā|

te tasya mañjudevasya saddharmmaguṇamāpnuyuḥ||33||

matvaivaṁ yebhivāñchanti mañjuśrī dharmmasadguṇaṁ|

atra mañjuśrī yaścaitya sarvadā prabhajantu te||34||

ityādiṣṭaṁ munīndreṇa niśamya te sabhājanāḥ|

sarve tatheti śrutva prātyanandatpravodhitāḥ||35||

athā'sau bhagavān bhūyaḥ śākyasiṁho munīśvaraḥ|

maitreya staṁ sabhāṁcāpi samālokyaivamādiśat||36||

tata ścirāṅgate kāle gauḍarāṣṭre narādhipaḥ|

abhūtpracaṇḍa devākhyaḥ śrīmān vajradharāṁśajaḥ||37||

sa rājā suciraṁ rājyaṁ nītidharmmeṇa pālayan|

sarvāllokāñchubhe dharme niyujya samacārayat||38||

etaddharmmānubhāvena sadā tatra samantataḥ|

subhikṣaṁ maṁgalotsāhaṁ nirutpātanavarktata||39||

tadā sarve'pi te lokāḥ saddharmaguṇalālasāḥ|

kuladharma samācārā dānaśīlavratāratāḥ||40||

satyasaṁghā nikādhīrāścaturbrahmavihāriṇaḥ|

kuleśabhajanaṁ kṛtvā prācaranta mitho hite||41||

dṛṣṭvā sa nṛpatī rājā sarvāllokāñchubhārthinaḥ|

muditastānsamāmantraya sampaśyannevamādiśat||42||

bho lokāḥ paurikāḥ sarve saddharma yadi vāñchatha|

triratna bhajanaṁ kṛtvā carata bodhisamvaraṁ||43||

tena yūyaṁ śubhātmānaḥ pariśuddhatrimaṇḍalāḥ|

bodhisattvā mahāsattvā bhavata bodhicāriṇaḥ||44||

tataste nirmalātmāno niḥkleśo vimalendriyāḥ|

arhantā bodhimāsādya sambuddhapadamāpsyathaḥ||45||

ityādiṣṭaṁ narendreṇa sarve lokā niśaṁmyate|

tatheti prativijñapya prābhyanandatpravodhitāḥ||46||

tataḥ sarve'pi te lokā dhṛtvā rājñānuśāsanaṁ|

triratnabhajanaṁ kṛtvā prācaranta śubhācariṁ||47||

dṛṣṭvā tānsakalāllokān bodhicaryā vratāratān|

mahānanda prasannātmā punareva vyacintayan||48||

saphalaṁ jīvitaṁ janma mamayecchāsanāratāḥ|

sarve'lokāḥ samādhāya pracaranti sadā śubhe||49||

atha pracaṇḍadevau'sau dṛṣṭvā rājyaṁ mahotsavaṁ|

saṁsāre'nartha saṁdṛṣṭvā cintayāmāsa sātmavat||50||

atrāhaṁ jalasāṁkrānto'nu nasyāṁ jirṇṇitendriyaḥ|

tadārogābhibhūto'pi vrajeyaṁmaṇaṁ dhruvaṁ||51||

tadatraiva kiyatkālaṁ tiṣṭheyaṁ sansukhānvitaḥ|

avaśyaṁ bhāvino bhāvā bhavanti bhavacāriṇāṁ||52||

sadā bhave bhaved bhadrameva saddharmmacāriṇāṁ|

duḥkhameva sadā kāmacāriṇāṁ bhavacāraṇe||53||

tasmādahaṁ parityajya kāmāśraya gṛhāśramaṁ|

nirjane vana ekākī vihareyaṁ samāhitaḥ||54||

smṛtvā ratnatrayaṁ dhyātvā saṁbodhinihitāśayaḥ|

bodhicaryāvrataṁ dhṛtvā saṁcareyaṁ jagaddhite||55||

iti niścitya sa prājñaḥ pracaṇḍadeva ātmavit|

nṛpatimantriṇaḥ sarvānsamāmantryaivamādiśat||56||

bho sarva mantriṇo yūyaṁ śṛṇudhvaṁ me vaco hitaṁ|

atha mayākhyātaṁ tathā caritumarhatha||57||

tadyathā jarāsākrānto vṛddhosyāṁ jīrṇitendriyaḥ|

tathā rogābhibhūto'pi grasiṣye mṛtyunā dhruvaṁ||58||

iti me trasyate cittaṁ durgati bhayaśaṁkitaṁ|

avaśyaṁ bhāvino bhāvā bhavacāriṇāṁ||59||

bhave bhavet sadā bhadrameva saddharmacāriṇāṁ|

duḥkhameva sadākāmacāriṇāṁ bhavacāriṇe||60||

anartharājyaṁ viṣayopabhogyaṁ bhayaṁkaraṁ sarpabhayākulaṁ yat|

anityamasāreti vicintya tatra āgāramadhyāvasituṁ na rocate||61||

iti matvāhamutsṛjya kāmāśrayaṁ gṛhāśramaṁ|

vanāśrame śubhārāme vihartumutsahe'dhunā||62||

tadahaṁ svātmajaṁ putraṁ śaktidevaṁ nṛpāsane|

pratiṣṭhāpya nṛpaṁ kartumicchāmi sāṁprataṁ khalu||63||

tad bhavanto niśamyātra sarve'pi mama śāsanaṁ|

abhiṣiṁcya nṛpaṁ kṛtvā bhajatainaṁ mamātmajaṁ||64||

ityādiṣṭaṁ narendreṇa śrutvā te mantriṇo janāḥ|

pramāṇaṁ śāsanaṁ bharturityevaṁ pratiśuśruvaḥ||65||

tadā sa rājā putraṁ śaktidevamāmantrayaivamāha|

bhedo daṇḍaḥ sāmadānamityatyupāyacatuṣṭayaṁ||66||

atrāhaṁ jarasābhikrāntaṁ nūnaṁ syād nirjitendriyaṁ|

tadā rogābhibhūte'pi vajreyaṁ maraṇaṁ dhuvaṁ||67||

tad vanāśrayamicchāmi śreyaḥ ślāghena yatmanā|

puro mṛtyu ripuṁ hanti gṛhasaṁraktameva vā||68||

tasmāt saṁsārabhīto me vahudhā bhayaśaṁkayā|

nātra sthātuṁ manoreme gacchāmi nirjanaṁ vanaṁ||69||

tasmāt mayā yathā proktaṁ tathā caritumarhasi|

prajānāṁ pālanaṁ kṛtvā dharmanītyā samācara||70||

lokān mā khekha yattāpaiḥ kuladharmma samācara|

pareṣvapi dayāyuktairdānaṁ hi śraddhayā kuru||71||

prāṇātipātādattādāna kāmamithyādiṁ mā kuru|

mā mṛṣāvāda paiśūnyaṁ pāruṣyaṁ saṁbhinnameva ca||72||

mābhidhyā vyāpādadoṣairmithyādṛṣṭyādi saṁtyaja|

etāni tāni sarvāṇi dhāraya dṛḍhacetasā||73||

pāpānāṁ mūla eṣo hi sugateneti deśitaḥ|

itthaṁ kṛte'pi nṛpateritayo na bhaviṣyati||74||

tatkasmāt dharmmeṇa prāpyate rājyaṁ dharmmeṇa dhanavarddhanaṁ|

dharmmeṇa dhanasādhyante dharmmeṇa kāma sidhyate||75||

kāmasidhyena mokṣaṁ ca prāpyate nātra saṁśayaḥ|

anena jñānamārgeṇa saśāsa nṛpatiḥ sutaṁ||76||

tataḥsa janako rājā śaktidevaṁ mamātmajaṁ|

abhiṣiṁcya pratisthāpya nṛpāsane nṛpaṁ vyadhāt||77||

jñānāṁkuśabhayenaiva kuṁcitaḥ sagajo yathāniva|

tatra sa janakaḥ sarva putrāya sarvamarppayet||78||

tyaktvā parigrahān sarvān punarevamabhāṣata|

adyārabhyāsi sarveṣāṁ lokānāmadhipaḥ prabhuṁ||79||

sarvadharmānuśāstā ca sarvasattvahitārthabhṛt|

namāma pitaraṁ tena śrutvā vākyaṁ rasāniva||80||

dhṛtvājñāṁ te yathā tāta prajānāṁ pratipālane|

iti praśāśya tato bhūpaḥ pracaṇḍadeva sanmatiḥ||81||

prabodhya putrapatnyādiṁ eko yayau vanāśrame|

tṛṇāsanasa tatra sa nirjaneraṇye vivikte utajāśraye||82||

tṛṇāsanasamāsīna tasthau dhyāna samāhitaḥ|

tatraikaṁ viharan kaṁcitkālaṁ sa ṛṣidharmmabhṛt||83||

sarvasattvahitotsāhī manasaivaṁ vyacintayat|

kimevaṁ nirjjane'raṇye dhyātvaiko viharanniha||84||

kasmai samupadekṣyāmi saddharmma bodhisādhanaṁ|

dānaśīlakṣamāvīryadhyānaprajñāsamudbhavaṁ||85||

puṇyaṁ sattvahitārthāya samākhyātaṁ munīśvaraiḥ|

tadevaṁ nirjjane sthitvā kiṁ me dharmārthasādhanaṁ||86||

vinā sattvahitārthena nirartha tapasāpi hi|

kimatra duṣkareṇāpi tapasā siddhisādhanaṁ||87||

kevalaṁ sadgatau śrīmatsaukhyalābhārthameva yat|

vinā sattvahitārthena niṣphalaṁ siddhisādhanaṁ||88||

tadatra nirjjane sthitvā tapasā niṣphalaṁ mama|

yatsattvānāṁ hitārthāya dharmmaśrīguṇasādhanaṁ||89||

vidyāsiddhiḥ samṛddhiśca kṣaṇaṁ vīryabalaṁ śubhaṁ|

tat mamaitāni sarvāṇi saṁsiddhi saṁmitānyapi||90||

vinā sattvahitārthena nirarthāni paśoriva|

tadidaṁ vratamṛsṛjya duṣkaraṁ bodhimānasaḥ||91||

bodhicaryāvrataṁ dhṛtvā care'haṁ jagaddhite|

tasmāt tīrtheṣu tīrtheṣu pīṭheṣu puṇyabhūmiṣu||92||

saddharmmadeśanāṁ kurvan sattvebhyaḥ pracarāṇyahaṁ|

etatpuṇyaviśuddhātmā pariśuddhatrimaṇḍalaḥ||93||

āśu bodhiṁ samāsādya saṁbuddhapada māpnuyāṁ|

iti niścitya sa prājñaḥ pracaṇḍadeva utthitaḥ||94||

tataḥ sattvahitārthena pracacāra samāhitaḥ|

evaṁ saḥ pracaran dharmmamupadeśya samantataḥ||95||

puṇyakṣetreṣu tīrtheṣu pīṭheṣu prāgraman mudā|

evaṁ bhraman sa sarvatra bhūtaleṣu yathākramaṁ||96||

krameṇa saṁcarannatra himālaye samāyayau|

atrāyātaḥ sa saṁvikṣya sarvatra saṁpramoditaḥ||97||

aho hīdaṁ mahāpīṭhamitiproktābhyanandata|

tataḥ sa idamālokya dharmmadhātuṁ jinālayaṁ||98||

jyotirūpyaṁ prasannātmā praṇatvaiha samāyayau|

atra sa samupāgatya saṁmikṣyenaṁ jinālayaṁ||99||

yathāvidhi samabhyarcya śraddhābhakti prasannadhīḥ|

naikapradakṣiṇīkṛtya stutvā gītairmanoharaiḥ||100||

aṣṭāṁgai praṇatiṁ kṛtvā dhyātvā japtvā bhajan mudā|

tataścedaṁ sa saṁvīkṣya mañjudevasya nirmmitaṁ||101||

caityamabhyarcya saṁstutvā gītairnatvā bhajan mudā|

tato'sau ca mahādevī yonirūpāṁ khagānanāṁ||102||

samālokya prasannātmā yathāvidhi samarccayet|

tatrāpi sa mahāsattva stutvā gītairmanoharaiḥ||103||

aṣṭāṅgaiḥ praṇatiṁ kṛtvā pradakṣiṇātyanekaśaḥ|

śraddhayā śaraṇaṁ gatvā smṛtvā dhyātvā samāhitaḥ||104||

tad vidyā dhāraṇīmantraṁ japitvā prābhyanandata|

tato'sau ca mahāsattvo vāgmatīpramukhānyapi||105||

tīrthānyetāni sarvāṇi sa samīkṣya prābhyanandata|

tata sa teṣu tīrtheṣu sarveṣvapi yathākramaṁ||106||

snātvā dānavratādīni kṛtvā bhajan pramoditaḥ|

tato'ṣṭau vītarāgāṁśca dṛṣṭvā sa saṁpraharṣitaḥ||107||

yathāvidhi samabhyarcya stutvā natvā bhajan kramāt|

tataḥ pracaṇḍadevaḥ sa bodhisattvaḥ prasāditaḥ||108||

atraiva sarvadāśritya vrataṁ caritumaicchata|

tataḥ sa vimalālokya himālaye samantataḥ||109||

saddharma paramānandaṁ bhuktvotsahe sunivṛttau|

tataḥ sa mañjudevasya śiṣyaṁ śāsana sambhṛtaṁ||110||

sadguruṁ samupāśritya prārthayadevamānataḥ|

bhadantātra puṇyakṣetre mahāpīṭhe himālaye||111||

prabrajyāsambaraṁ dhṛtvā saṁsthātumutsahe sadāḥ|

tad bhavān kṛpayā mahayaṁ saṁbodhijñānasādhanaṁ||112||

prabrajyāsamvaraṁ dātuṁ samarhati jagaddhite|

iti saṁprārthitaṁ tena niśamya sa guṇākaraḥ||113||

bodhisattvaṁ suvijñaṁ taṁ sampaśyannevamabravīt|

ehi bhadra samīcchā te yadyasti bauddhasambare||114||

pravajyā vratamādhāya saṁcarasva samāhitaḥ|

ityuktvā sa mahābhijñaḥ pravrajitaṁ vidhāya taṁ||115||

bodhicaryāvrataṁ datvā pracārayejjagaddhite|

tatra sa muṇḍitapātrī surakta cīvarāvṛtaḥ||116||

brahmacārī yatirbhikṣuniḥ kleśorhan sudhīrabhūt||

śāntaśrībhikṣuriti nāmo'bhūt|

tataḥ sa sarvavicchāstā bodhisattvā hitārthadik||117||

sa devāsuralokānāmapi vandyārcito'bhavat|

tadārabhya sa śāntaśrīdharmadhāto jinālaye||118||

triratnabhajanaṁ kṛtvā tasthau bodhivrataṁ caran|

sa ekasmin dine cemaṁ jyotīrūpaṁ prabhāsvaraṁ||119||

ratnapadmāsanāsīnaṁ paśyannevaṁ vyacintayet|

aho hyayaṁ svayaṁ jāto jyotirūpo prabhāsvaraḥ||120||

ratnapadmāsanāsīnaḥ saṁtiṣṭhate jagaddhite|

kiyatkālamayaṁ śrīmān dharmmadhāturjinālayaḥ||121||

evaṁ saṁbhāṣayan lokān saṁsthāsyate jagaddhite|

yataḥ kalau samayā te loka pañcakaṣāyite||122||

sarve lokā durācārā bhaviṣyanti durāśayāḥ|

madābhimānino duṣṭā lobhinaḥ kāmacāriṇaḥ||123||

īrṣyālavaḥ pramattāśca mātsaryavyākulāśayāḥ|

kleśāhaṁkāragarvāndhā nirvivekāḥ pramādinaḥ||124||

kāmabhogātisaṁraktā daśākuśalacāriṇaḥ|

tadā kathamayaṁ śrīmān jyotīrūpaḥ prabhāsvaraḥ||125||

ratnapadmāsanāsīna evaṁ tiṣṭhejjagaddhite|

nūnaṁ ye lobhino duṣṭāḥ kleśavyākulamānasāḥ||126||

imaṁ caityaṁ pratikṣipya ratnāni saṁharet tadā|

duṣṭā ca tathānye'pi duṣṭāḥ kleśābhimāninaḥ||127||

jyotīrūpamimaṁ caityaṁ dhvaṁsayiṣyanti sarvathā|

evaṁ tadā kalau kāle dhvaṁsite'smin jinālaye||128||

mahāpātakasaṁbhūtaṁ mahotpātaṁ bhaved dhruvaṁ|

iti hetorahaṁ dharmadhātorasya surakṣaṇe||129||

guptikarttu śilāchādya caityaṁ kuryā mahochrayaṁ|

tadā sarve'pi lokāste imaṁ stūpaṁ mahochritaṁ||130||

samīkṣya śraddhayā bhaktyā bhajiṣyanti prasāditāḥ|

tadaitat puṇyabhāvena sarvadātra samantataḥ||131||

subhikṣaṁ maṅgalotsāhaṁ nirutpātaṁ bhaved dhruvaṁ|

iti dhyātvā sa śāntaśrīḥ śāstāraṁ taṁ punarmudā||132||

upetya sāñjalirnatvā prārthayadevamādarāt|

bhadanta sadgurośāstaryadicchāmiha sāmprataṁ||133||

dharmmādhātumimaṁ caityaṁ gupti karttuṁ surakṣaṇe|

tadūrddha śilayāchādya svīṣṭikābhiḥ samuchritaṁ||134||

stūpaṁ kṛtvā pratiṣṭhāpya sthirīkarttuṁ samutsahe|

ityatra me bhavāñchāstā gupti kṛtvābhirakṣaṇe||135||

dharmmadhātoḥ jagadbhartturanujñāṁ dātumarhati|

iti saṁprārthite tena śāntaśriyā niśamya saḥ||136||

mahāmatirmahāsattvaṁ taṁ paśyannevamabravīt|

bhadrasvaṁyambhūvāṁstasya guptikarttuṁ yadīcchasi||137||

pratyekaṁ śrāvakaṁ yānaṁ muktvā mahati saṁśritaḥ|

vajrābhiṣekamādāya cara vajravrataṁ punaḥ||138||

tato mārān vinirjjitya samārādhya jineśvaraṁ|

saṁprārthya śilayācchādya kuru stūpaṁ samuchritaṁ||139||

iti śāstā samādiṣṭaṁ niśamya sa pramoditaḥ|

śāstāraṁ taṁ praṇatvā ca prārthayadevamādarāt||140||

sadgururme bhavāñchāstā dharmmadhātusurakṣaṇe|

vajracaryāvrataṁ datvā cāraya māṁ jagaddhite||141||

iti saṁprārthite tena śāntaśriyā niśamya saḥ|

mahāmatirmahāsattvaṁ taṁ samīkṣyaivamabravīt||142||

yadi śraddhāsti te bhadra vajracaryā mahāvrataṁ|

yathāvidhi pradāsyāmi tad gṛhāṇa jagaddhite||143||

ityuktvā sa mahācāryastasmai śāntaśriye kramāt|

sābhiṣekaṁ mahāyāne vajracaryāvrataṁ dadau||144||

śāntaśrīvajrācārya iti sthāpitaḥ tatkṣaṇe'rye cādhijñaprāpto'bhūt|

tataḥ prāptābhiṣekaḥ sa śāntaśrī vajrayogavit||145||

sa svātmā dakṣiṇāṁ tasmai gurave pradadau mudā|

tataḥ sa vajradhṛg yogī mahābhijñaḥ susiddhimān||146||

svakuleśaṁ samārādhya sagaṇaṁ prābhajan mudā|

tataḥ sa vajradhṛg yogī mahābhijñaḥ susiddhimān||147||

saddharmmasādhanotsāhī sarvavidyādhipopyabhūt|

tataḥ sāsturanujñāṁ sa samāsādya prasāditaḥ||148||

dharmadhātuṁ samārādhya prārthayadevamānataḥ|

bhagavan nātha sarvajña bhavatāṁ rakṣaṇāya yat||149||

jyotīrūpaṁ samācchādya caityaṁ karttumihotsahe|

tad bhavān trijagannātha kṛpayā me prasīdatu||150||

yada trāpyaparārdha me tatsarva kṣantumarhati|

iti saṁprārthya sa prājña jyotīrūpaṁ jinālayaṁ||151||

sa ratnapadmāchādya śilayā samagopayat|

taduparīṣṭikābhiśca vidhāya caityamucchritaṁ||152||

yathāvidhi pratiṣṭhāpya mahotsāhaiḥ sadābhajat|

tata idañca pucchāgraṁ mañjudevasya nirmmitaṁ||153||

caityaṁ sa śilayāchādya stūpaṁ vyadhāttathottamaṁ|

idaṁ stūpaṁ ca sa śāntaśrīḥ pratiṣṭhāpya yathāvidhi||154||

sarvadā śraddhayā bhaktyā mahotsāhairmudābhajat|

tataścāsau mahācāryaṁ ārādhya pañcadevatāḥ||155||

pañca sutāḥ pureṣvevaṁ pratiṣṭhāpya sadābhajat|

tad yathā devatā pañca prathamaṁ vāyudevatā||156||

vāyupure pratiṣṭhāpya vahnipuro'gnidevatā|

nāgapure ca nāgendro vasupure vasundharāṁ||157||

śāntipure mahāśrīmatsambaraṁ sugaṇaṁ tathā|

etān sarvān samārādhya sa ācārya yathāvidhi||158||

mahotsāhaiḥ samabhyarcya prābhajan sarvadā mudā|

evaṁ kṛtvā sa ācārya śāntaśrīḥ kṛtakṛtyau maharddhikaḥ||159||

bhadraśrīmantrasaṁsiddhaḥ sarvavidyādhipo'bhavat|

tato bhūyaḥ sa ācāryo bodhisattvā mahāmatiḥ||160||

sarvasattvahitotsāhī dhyātvaivaṁ samacintayat|

atraivamahamārādhya sarvān devān yathāvidhi||161||

pratiṣṭhāpya samabhyarcya mahotsāhairbhaje mudā|

tathātra sarvadā dharmmadhātuvāgīśvaraṁ sadā||162||

smṛtvā dhyātvā samārādhya saṁtiṣṭheyaṁ jagaddhite|

iti dhyātvā sa śāntaśrīrācāryastriguṇārthabhṛt||163||

sarvasattvahitārthena tathāvatraiva nanditaḥ|

evaṁ tā devatā bhaktyā bhajanti ye yathāvidhi||164||

te bhadraśrīguṇāpannā bhaveyurbodhicāriṇaḥ|

tad viśeṣaphalaṁ cāpi śṛṇu maitreya sāṁprataṁ||165||

sarva sattvānubodhārtha vakṣyāmyatra samāsataḥ|

tadyathā ye samārādhya sagaṇāṁ vāyudevatāṁ||166||

yathāvidhi samabhyarcya saṁbhajante samādarāt|

teṣāṁ vātamahotpātabhayaṁ kvāpi na vidyate||167||

nīrogyaṁ śrīsamāpannaṁ kāmabhojyaṁ sadā bhave|

ye cāpyevaṁ samārādhya sagaṇāṁ vahnidevatāṁ||168||

yathāvidhi samabhyarcya sambhajante samādarāt|

teṣāṁ vahnimahotpātaṁ bhayaṁ kvāpi na vidyate||169||

paripuṣṭendriyārogya mahāsaukhyaṁ sadā bhave|

ye cāpyevaṁ samārādhya sagaṇāṁ nāgadevatāṁ||170||

yathāvidhi samabhyarcya prabhajante sadā mudā|

teṣāṁ na vidyate kvāpi durbhikṣotpātajaṁ bhayaṁ||171||

bhadraśrīratnasaṁpattikāmabhojyaṁ sadā bhave|

ye cāpyevaṁ samārādhya sagaṇāṁ śrībasundharāṁ||172||

yathāvidhi samabhyarcya saṁbhajante samādarāt|

teṣāṁ dāridrayaduḥkhādi bhayaṁ nāsti kadācana||173||

bhadraśrīsadguṇāpannamahāsaṁpatsukhaṁ sadā|

ye cāpyevaṁ samārādhya sagaṇaṁ sambaraṁ jinaṁ||174||

yathāvidhi samabhyarcya saṁbhajante sadādarāt|

teṣāṁ mārāpasargga ca bhayaṁ kvāpi na vidyate||175||

saddharmmaratnasaṁpattimahaiśvaryasukhaṁ sadā|

ye cedaṁ caityamārādhya mañjudevasya nirmmitaṁ||176||

yathāvidhi samabhyarcya saṁbhajante samādarāt|

taddurbhbhagā durācārā duṣṭā syurna kadācana||177||

sarve dharmādhipā nāthā bhaveyuḥ śrīguṇākarāḥ|

ye cāpīdaṁ samārādhya dharmmadhātuṁ jinālayaṁ||178||

yathāvidhi samabhyarcya sambhajante samādarāt|

te sarvve vimalatmāno bhadraśrīsadguṇāśrayāḥ||179||

bodhisattvā mahābhijñā bhaveyu bodhicāriṇaḥ|

ya etā devatāḥ sarvāḥ smṛtvā dhyātvāpi sarvadā||180||

nāmāpi ca samuccārya saṁbhajante samādritāḥ|

te'pi sarve na yāsyanti durggatiṁ ca kadācana||181||

sadā sadgatisaṁjātā bhaveyuḥ śrīguṇāśrayāḥ|

tataste sukṛtāraktāḥ sadharmmaguṇalālasāḥ||182||

triratnaśaraṇaṁ kṛtvā saṁcareran sadā śubhe|

tataste vimalātmānaḥ pariśuddhendriyāśayāḥ||183||

bodhisattvā mahāsattvāścaturbrahmavihāriṇaḥ|

sarvasattvahitādhānaṁ careyurbodhisambaraṁ||184||

tataste bodhisaṁbhāraṁ purayitvā yathākramaṁ|

daśabhūmīśvarā nāthā bhaveyuḥ sugatātmajāḥ||185||

tataste nirmmalātmānaḥ saṁsāragati niḥspṛhāḥ|

arhantaḥ savala māraṁ nirjitya syurniraṁjanāḥ||186||

trividhāṁ bodhimāsādya saddharmmaguṇabhāskarāḥ|

sarvasattvahitārthena saṁbuddhapadamāpnuyu ||187||

yepyetadguṇamāhātmyaṁ śrutvāpyatyanumoditāḥ|

tathā tatpuṇyamāhātmyaṁ praśasanti samādarāt||188||

te'pi sarve vikalmāṣāḥ pariśuddhitrimaṇḍalāḥ|

śrīmantaḥ sadguṇādhārā bhaveyu bodhimānasāḥ||189||

na yāyurdugatiṁ kvāpi sadā sadgatisambhavāḥ|

sarvasattvahitaṁ kṛtvā saṁcarerañjagaddhite||190||

tataḥ sarvādhipāste syu rdhammārthi saṁprapūrakāḥ|

bodhisaṁbhāraṁ saṁpūrya saṁbuddhapadamāpnuyuḥ||191||

iti satyaṁ parijñāya bauddhaṁ padaṁ yadīcchatha|

etān devān samārādhya bhajadhvaṁ sarvadā bhave||192||

etatpuṇyānubhāvena yūyamapyevamābhavaṁ|

durggatiṁ naiva yāyāta kadācin kutracid dhruvaṁ||193||

sadā sadgatisaṁjātā bhadraśrīsadguṇāśrayāḥ|

bodhisattvā mahāsattvā bhavata bodhicāriṇaḥ||194||

tataḥ saṁbodhisaṁbhāraṁ pūrayitvā yathākramaṁ|

trividhāṁ bodhimāsādya saṁbuddhapadamāpsyatha||195||

iti matvātra ye lokā rvāñchanti saugataṁ padaṁ|

sa devān sagaṇāṁ sarvān samārādhya bhajantu te||196||

ityādiṣṭaṁ munīndreṇa niśamya te sabhāśritāḥ|

sarve tatheti vijñapya prābhyanandan prabodhitāḥ||197||

tadā śāntaśriyā yaṁssaṁ guptikṛto jinālayaḥ|

ityādiśya munīndro'pi samādhiṁ viddhekṣaṇaṁ||198||

iti śrīsvayaṁbhūdharmmadhātuvāgīśvara guptikṛta pravarttano nāma saptamo'dhyāyaḥ samāptaḥ|

Technical Details

Text Version: 

Romanized

Input Personnel: 

DSBC Staff

Input Date: 

2008

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

aṣṭama adhyāyaḥ

aṣṭama adhyāyaḥ

svayambhūcaityāśramanāma sādhanāsuvṛṣṭicaraṇo nāma

atha sa bhagavāñchāstā sa samādherutthitaḥ punaḥ|

maitreyaṁ taṁ sabhāṁ cāpi samālokyaivamādiśat||1||

śṛṇu maitreya bhūyo syā etad devānubhāvataḥ|

siddhabhūmeḥ pravakṣāpi mahatsiddhi prabhāvatāṁ||2||

tadyathātropachandohe siddhaloka himālaya|

nepāla iti vikhyāte etaddevānubhāvataḥ||3||

sadā bhadramahotsāhaṁ subhikṣaṁ nirupadravaṁ|

sarvadravyasamāpanna samṛddhādhamavarttata||4||

tadā sarvatra lokāśca daśakuśalacāriṇaḥ|

triratnabhajanāraktāḥ prācarantaḥ sahāśubha||5||

etatpuṇyānuliptāste caturbrahmavihāriṇaḥ|

bhadraśrīsadguṇādhīrā babhūvurbodhicāriṇaḥ||6||

evameṣāṁ prasiddhābhūdṛddhisiddhiguṇārthadā|

ṛddhāsphītā subhikṣā śrīsamāśrayābhiśobhitāḥ||7||

tenātra yogino vijñā yatayo brahmacāriṇaḥ

smṛtvā dhyātvā kuleśānaṁ samārādhya samāśrayan||8||

tathānye'pi sulokāśca samāgatya prasāditāḥ|

dharmadhātumimaṁ bhaktyā bhajamānāḥ samāśrayan||9||

sarvaṣvapi ca tīrtheṣu snānadānādi saṁbaraṁ|

kṛtvāṣṭau vītarāgāṁśca bhajanta samupāśrayan||10||

etāśca devatāḥ pañca samārādhya yathāvidhi|

bhajamānā sadotsāhaiḥ prācaranta samāhitāḥ||11||

tadā khagānanādevīṁ samārādhya yathāvidhi|

bhajamānā mahotsāhaiḥ prācaranta sadā śubhaṁ||12||

evamimaṁ ca pucchāgraṁ caityaṁ mañjuśriyāpi te|

sarve lokāḥ samārādhya prābhajanta prasāditāḥ||13||

evaṁ sarve'pi lokāśca saddharmmābhiratā mudā|

sadā bhadrāṇi karmmāṇi kṛtvātra sarvvadāśrayan||14||

evameṣāṁ mahāsiddhi bhūmiḥ śrīsaṁpraśobhitāḥ|

mahājana samākīrṇṇā sarvabhūmyuttamā vabhau||15||

tataḥ kālāntareṇātra rājā bhūmi yatirnṛpaḥ|

śrīguṇakāmadevākhya śāstā lokādhipābhavat||16||

tadā sa nṛpatiḥ prauḍhā yuvā kāmātilālasaḥ|

yathā kāmarasaṁ bhuktvā prācaran svecchayāraman||17||

tataḥ sa kṣatriyāpyevaṁ kāmabhāgābhimohitāḥ|

pramadā guṇasaṁraktā nītidharme nirādaraḥ||18||

dṛṣṭvā sa sundarīṁ kāntāmagamyāmapi mohitaḥ|

balenāpi samākṛṣya vubhuje svecchayā mudā||19||

evaṁ sa nṛparājāpi kāmadharmmātilālasaḥ|

mantriṣu sarva rājyāṅga niveśya svecchayā ramet||20||

tataḥ ste mantriṇaḥ sarve nṛpaṁ taṁ pramadā vaśe|

pratiṣṭhāpya yathākāmaṁ bhuktvā caran yathecchayā||21||

tathā bhṛtyā janāścāpi sarve'pi kleśitāśayāḥ|

saddharmmāṇi pratikṣipya prācaran kāmabhāginaḥ||22||

brāhmaṇāśca tathā sarve daśākuśala cāriṇaḥ|

svakuladharmmamaryādaṁ tyaktvā caran yathecchayā||23||

vaiśyāścāpi tathā dharmmadravyasaṁgrahalālasāḥ|

svakulavṛttimutsṛjya bhuktvā caran yathepsitaṁ||24||

mahājanāstathā sarvepyanyāyadravyasādhinaḥ|

svakuladharmamutsṛjya bhuktvaiva prācaran sukhaṁ||25||

vaṇijo'pi tathā sarve mithyārthasādhanodyatāḥ|

satyadharma pratikṣipya ceruḥ kleśābhimānitāḥ||26||

śilpino'pi tathā sarve kavalabhṛtilālasāḥ|

avidhijñāḥ pramādāndhāścakruḥ karmma yaṁthecchayā||27||

tathā nārījanāścāpi kāmakleśāḥ kulāśayāḥ|

svakuladharmamṛtsṛjya prācaranta yathepsitaṁ||28||

evaṁ sarve'pi lokāśca daśākuśalasaṁratāḥ|

svakulācāramutsṛjya prācaranta yathecchayā||29||

tīrthikāścāpi ye duṣṭāste dṛṣṭvaivaṁ jinālayaṁ|

ninditvā paribhāṣantaḥ prācaranta yathecchayā||30||

tadātra vahavo duṣṭā caurā dhūrttāḥ pragalbhikāḥ|

sādhujanāḥ pratikṣipya ceru mattadvīpā iva||31||

sādhavaḥ sajjanāścāpi nīcakarmānucāriṇaḥ|

saddharmmaviratotsāhāśceru bhuktvaiva nīcavat||32||

tadaivaṁ pāpasaṁcārāt sarvatrāpyacarat kaliḥ|

saddharmmo durvalī bhūto nīcavadvilayaṁ yayau||33||

tadātra pravarībhūte kalisaṁcāra varttate|

dṛṣṭvā lokādhipāḥ sarve bhavanruṣṭaparānmukhāḥ||34||

tato'tra vimukhībhūya sarvalokādhipā api|

dhignṛpamiti bā danto draṣṭumapi na cecchire||35||

tadātra lokapālānāṁ sudṛṣṭiviratotsave|

ītayaḥ samupākramya prāvarttitumupācarat||36||

tato devā api krūrā ye duṣṭā mārapākṣikāḥ|

sarve tatra rūpālokya mahotpātaṁ pracakrire||37||

vahnirapi tathālokya duṣṭavat kopitāśayaḥ|

dhūmākulārciṣā dagdhā mahotpātaṁ vyadhādiha||38||

dharmarājāpi ruṣṭābhūn nirdayāṁ nirujānapi|

nihantuṁ prāṇinaḥ sarvān mahāmārīmacārayat||39||

naiṛtyā rākṣasendro'pi prakopitātinirdayaḥ|

sarvatrāpi praviṣṭo'tra mahotpātaṁ vyadhātsadā||40||

varuṇo nāgarājāpi praduṣṭaḥ krūracakṣuṣā||

dṛṣṭvā vārivahān meghān sarvān vṛṣṭiṁ nyavārayet||41||

maruto'pi tathālokya praruṣṭā nirdayā sthitāḥ|

asādhyaṁ pracarantātra mahotpātaṁ pracakrire||42||

tathā yakṣāśca ye duṣṭāḥ kinnarā guhyakā api|

gṛhe gṛhe praviśyāpi rogotpātaṁ pracakrire||43||

tathā bhūtāḥ piśācāśca vetālāḥ kaṭapūṭināḥ|

ḍākiṇyaḥ pramathāścāpi śākinyaḥ sagaṇā api||44||

rudrā api sagandharvā kumbhāṇḍā garuḍā api|

sarvatra pracaranto'tra mahotpātaṁ pracakrire||45||

mātṛkā api sarvāśca sagaṇā aprasāditāḥ|

suduṣṭavālokya sarvān stān drakṣituṁ na samāhire||46||

grahāstārāgaṇāḥ sarve viruddhā aprasāditāḥ|

anusaṁdarśanaṁ vāpi kartu naivāvavāṁñchire||47||

kuleśā api sarvāśca devatā aprasāditāḥ|

saṁtrāta samarthāstān paśyaṁtya eva tasthire||48||

evamanyepi devāśca sarvatrāṇaparāṅmukhāḥ|

teṣāṁ saṁdarśanaṁ kartumapi naiva vāṁchire||49||

teṣāṁ trātuṁ tadekāpi na śaśāka kathaṁcana|

evamatra mahotpātaṁ prāvarttata samantataḥ||50||

evamatra mahotpātaṁ prarvarttate'pi sarvataḥ|

sarvakleśā hatātmānaḥ pracakru vigrahaṁ mithaḥ||51||

tadevaṁ kalisaṁraktān sarvān lokān vilokya saḥ|

nṛpatiḥ suciraṁ dhyātvā manasaivaṁ vyacintayat||52||

hā kaṣṭaṁ pāpajaṁ dhoraṁ jāyate'trādhunā mama|

tatpāpaśamanāyāyaṁ ko dadhānmahitāśayaḥ||53||

kathamiha mahadduḥkhaṁ śamīkarttuṁ vidhāsyate|

paśyannevamupekṣyaiva rameyaṁ sāmprataṁ ca kiṁ||54||

yo hi rājā prajāduḥkhamupekṣya ramate sukhaṁ|

sa kiṁ rājā prabhurbhattāṁ duṣṭāhivadvigarhyate||55||

yatra rājā prajāduḥkhamupekṣya na vicārayet|

svayameva sukhaṁ bhuktvāramaṁścareyathecchayā||56||

tatra sarvaprajā lokāḥ kleśavyākulamānasāḥ|

satyadharmakulācāraṁ hitvā careyurauddhaṭāḥ||57||

tataste duritāraktā daśakuśalacāriṇaḥ|

mahāpāpe'pi nirlajjāḥ saṁcareran yathecchayā||58||

etat sarva mahatpātaṁ rbhujīyānnṛpatirdhruvaṁ|

iti satyaṁ samākhyātaṁ nītivijñairmaharṣibhiḥ||59||

ityetatpāpavaipākyaṁ bhoktavyaṁ hi mayā bhava|

tadatra kiṁ kariṣyāmi yadupāyaṁ na manyate||60||

dhig janma me'tra saṁsāre yasya rājye sadā kaliḥ|

durbhikṣādi mahātpātaṁ pravarttate divāniśaṁ||61||

dhanyāste puruṣā ye hi niḥkleśā vimalāśayā|

vimukta bhava saṁcārā bhikṣavo brahmacāriṇaḥ||62||

kiṁ me'tra janma saṁsāre sukulamapi prabhornṛṇāṁ|

yadahaṁ paśuvad bhuktvā kāmameva rame gṛhe||63||

tadetatapāpalipto'haṁ kleśavyākulamānasaḥ|

narakeṣu bhraman duḥkhaṁ bhuṁjīyāṁ vividhaṁ sadā||64||

tadā ko me suhṛt mitraṁ saṁrakṣitumupācarat|

dharmameva tadā trāṇaṁ sarvaduḥkhāpahaṁ bhave||65||

dharmāṇāṁ pravaraṁ bauddhaṁ dharmaṁ sarvabhayāpahaṁ|

sarvārthasādhanaṁ siddhamityākhyātaṁ jagaddhitaṁ||66||

ityahaṁ sāmprataṁ gatvā gośṛṅge parvate sthitaṁ|

śāntaśriyaṁ mahācāryaṁ prārthayeyaṁ samādarāt||67||

sa eva hi mahācārya etadutpātaśāntaye|

vidhānaṁ samupādiśya kuryānme'tra hitaṁ sadā||68||

iti niścitya bhūpālaḥ purohitaṁ samantriṇaḥ|

mahājanāna sapaurāṁśca samāmantrayaivamādiśat||69||

bho bhavanto yadatraivaṁ mahotpātaṁ pravarttate|

tacchāntikaraṇaṁ dharmaṁ karttumicchāmi sāṁprataṁ||70||

tadācārya mahābhijñaṁ śāntiśriyaṁ samādarāt|

prārthayitvā tadā deśād dharttumicchāmi sadṛśaṁ||71||

iti sarve vayaṁ tatra gośṛṅge'gre samādarāt|

śāntaśriyaṁ mahācārya saṁprārthituṁ vajrāvahai||72||

ityādiṣṭaṁ narendraṇa śrutvā purohitādayaḥ|

sarve tatheti vijñapya prābhyanandan prabodhitāḥ||73||

tataḥ sa nṛpatī rājā samantrijanapaurikāḥ|

purohitaṁ purodhāya gośṛṅge'gre mudācarat||74||

tatra dṛṣṭvā tamācārya nṛpatiḥ saṁpramoditaḥ|

sametya sāñjalirnatvā pādābje samupāśrayat||75||

tathā sarve'pi lokāśca samīkṣyenaṁ prasāditāḥ|

sametya pādayornatvā samupatasthire mudā||76||

tān sarvān samupāsīnān samīkṣya sa mahāmatiḥ|

śāntaśrīstaṁ mahīpālaṁ sampaśyannevamādiśat||77||

rājan sadāstu vo bhadraṁ sarvatrāpi nirantaraṁ|

kimarthamiha prāyāsi tat me'gre vaktuṁmarhasi||78||

iti śāntaśriyā prokte nṛpatiḥ sa kṛtāñjaliḥ|

praṇatvā taṁ mahācārya paśyannevaṁ nyavedayet||79||

bho śrīśāstayadarthe'haṁ bhavaccharaṇamāvraje|

tadartha prārthayāmyatra me samupādeṣṭumarhati||80||

yat me'tra pāpato rājye mahotpātaṁ pravarttate|

tacchāntikaraṇopāyaṁ samupādeṣṭumarhati||81||

iti saṁprārthite rājñā śāntaśrī mantravit sudhīḥ|

nṛpate taṁ mahāsattvaṁ samālokyaivamādiśat||82||

nṛpate pāpato'traivaṁ mahotpātaṁ pravarttate|

tatpāpaśamanopāyaṁ vakṣāmi te śṛṇuṣva tat||83||

yatvamatra nṛpā rājā sarvadharmānupālakaḥ|

nītidharmmānusāreṇa saṁpālayasi na prajāḥ||84||

mantriṇo'pi tathā sarvanītidharmaparāṅmukhāḥ|

bhuktvā kāmasukhānyeva pracaranti yathecchayā||85||

tathā bhṛtyā janāścāpi paurāścāpi mahājanāḥ|

svakuladharmamutsṛjya pracaranti yathecchayā||86||

evaṁ sarve'pi lokāśca daśākuśalacāriṇaḥ|

saddharmāṇi pratikṣipya pracaranti pramādataḥ||87||

tadaitat pāpavaipākyaṁ bhoktavyaṁmeva hi bhava|

yenaiva yatkṛtaṁ karmma bhoktavyaṁ tena tatphalaṁ||88||

evaṁ matvā nṛpaḥ svāmī svayaṁ nītyā vicārayan|

bodhayitvā prayatnena lokān saṁpālayat sadā||89||

yadyatra nṛpatiḥ samyaga vicārya pramādataḥ||

svayaṁ kāmasukhānyeva bhuktvā caradyathecchayā||90||

tathā sarve'pi lokāśca nṛpacaryānucāriṇaḥ

bhuktvā kāmasukhānyeva pracareyuryathecchayā||91||

tadā tatra mahotpātaṁ pravarttat pāpato dhruvaṁ|

pravarttite mahotpāta lokā syuḥ pāpaduḥkhitāḥ||92||

tatra tān nṛpatiḥ paśyannupekṣyaṁ nirdayaścarat|

lokasaṁrakṣaṇe asaktaḥ sa sarvapāpabhāg bhavet||93||

sarvāṇyapi hi pāpāni sarvalokaiḥ kṛtānyapi|

patitvā nṛpateragre pradadyustatphalāni hi||94||

iti satyaṁ samākhyātaṁ sarvairapi munīśvaraiḥ|

natvā rājā svayaṁ nītyā vicārayan samācaret||95||

iti tena samādiṣṭaṁ śāntaśriyā sumantriṇā|

śrutvā sa nṛpatīrbhītyā saṁtāpatāpitāśayaḥ||96||

śāntaśriyaṁ tamācārya samīkṣya śaraṇaṁ gataḥ|

natvā pādāmbuje bhūyaḥ prārthayadevamādarāt||97||

śāstaḥ sadā cariṣyāmi bhavadājñāṁ śirāvahan|

tat me yaducitaṁ dharmma tat samādeṣṭumarhati||98||

iti saṁprārthitaṁ rājñā śrutvācāryaḥ sa satmatiḥ|

nṛpatiṁ taṁ mahāsattvaṁ sampaśyannevamādiśat||99||

rājañchṛṇu samādhāya vakṣyāmi śubhakāraṇaṁ|

yadyasti te kṛpā loka tat kuru yanmayoditaṁ||100||

tadyathaiteṣu tīrtheṣu snātvā nityaṁ yathāvidhi|

śuciśīlasamācāraḥ samāhitaḥ trimaṇḍalaḥ||101||

sambodhiṁ praṇidhānena sarvasattvahitārthabhṛt|

triratnabhajanaṁ kṛtvā carasva poṣadhaṁ vrataṁ||102||

tata imaṁ jagannāthaṁ dharmadhātuṁ jinālayaṁ|

yathāvidhi samārādhya saṁbhajasva sadādarāt||103||

tathā sarvā imā pañca devatāśca yathāvidhi|

samārādhya samabhyarcya saṁbhajasva sadādarāt||104||

imaṁ mañjuśrīyaṁścāpi caityamārādhya sarvadā|

yathāvidhi samabhyarcya saṁbhajasva mahotsavaiḥ||105||

tathāṣṭau vītarāgāṁśca samārādhya yathāvidhi|

samabhyarcya mahotsāhaiḥ saṁbhajasva sadādarāt||106||

tathā māheśvarīṁ devī khagānanāṁ samādarāṁ|

samārādhya samabhyarcya saṁbhajasva yathāvidhiṁ||107||

ete sarve'pi devā hi sarvalokādhipeśvarāḥ|

sarvasattvahitārthena prādurbhūtāḥ svayaṁ khalu||108||

tadatraiteṣu deveṣu sarveṣu śraddhayā sadā|

vidhinā bhajanaṁ kṛtvā saṁcarasva jagaddhite||109||

lokāṁścāpi tathā sarvān bodhayitvā prayatnataḥ|

sarveṣveteṣu tīrtheṣu snānadānādikaṁ sadā||110||

kārayitvā mahatpuṇyaṁ jagadbhadrasukhārthadaṁ|

saṁbuddhaguṇasatsaukhyaṁ cāraya poṣadhaṁ vrataṁ||111||

eteṣāṁ ca triratnādidevānāṁ bhajanaṁ sadā|

kārayitvā mahotsāhairbodhimārge pracāraya||112||

tadaitatpuṇyabhāvena sarvatrāpi caracchubhaṁ

tadā sarvamahotpātaṁ sarvatra vilayaṁ vrajet||113||

tadā brahmamarendrādyāḥ sarve lokādhipā api|

sudṛśātra samālokya pālayeyuḥ sadā mudā||114||

tadā saṁpālite'smiṁna taiḥ savairlokādhipaiḥ punaḥ|

subhikṣaṁ śrīśubhotsāhaṁ pravarttayeddhi sarvadā||115||

tadā sarbe'pi lokāśca nīrogāḥ śrīguṇāśrayāḥ|

viramya pāpamārgebhyaḥ saṁcareran sadā śubhe||116||

evaṁ dhṛtvā sadā rājan mahāpuṇya prabhāvataḥ|

ante bodhiṁ samāsādya saṁbuddhapadamāpnuyuḥ||117||

evaṁ mahattaraṁ puṁṇyaṁ triratnabhajanād bhavaṁ|

vijñāyādau triratnānāṁ bhajasva śraddhayā smaran||118||

tataḥ sarveṣu tīrtheṣu snātvā śuddhendriyāśayaḥ|

triratnaṁ śaraṇaṁ gatvā bhajasva poṣadhaṁ vrataṁ||119||

tataḥ sarvānimān devān dharmmadhātumukhān sadā|

yathāvidhi samārādhya saṁbhajasva samarcayan||120||

lokānapi tathā sarvān bodhayitvā prayatnataḥ|

sarveṣveteṣu tīrtheṣu snāpayitvā yathāvidhiṁ||121||

triratnaśaraṇe sthāpya saṁbodhijñānasādhanaṁ|

bhadśrīsatguṇādhāraṁ cāraya poṣadhaṁ vrataṁ||122||

eteṣāmapi devānāṁ kārayitvā sadārcanaṁ|

bodhimārge pratiṣṭhāpya cāraya pālayañchubhe||123||

evaṁ kṛtvā mahatpuṇyaṁ prāpya śrīsadguṇāśrayaḥ|

bodhisattva mahāsattva mahābhijñā bhaveddhruvaṁ||124||

tataḥ saṁbodhisaṁbhāraṁ pūrayitvā yathākramaṁ|

arhan bodhiṁ samāsādya saṁbuddhapadamāpnuyāḥ||125||

iti śāntaśriyā śāstā samādiṣṭaṁ niśamya saḥ|

nṛpastatheti vijñapya kartumevaṁ samaicchata||126||

tataḥ sa nṛpatiḥ sarvān mantriṇassacivāñjanān|

paurān mahājanāścāpi samāmantrayaivamādiśat||127||

bho mantriṇo janāḥ sarve'mātyāḥ paurā mahājanāḥ|

ācāryena yathādiṣṭaṁ tathā caritumarhatha||128||

ahamapi tathā dhṛtvā sarvadā bhadrakāraṇaṁ|

triratnaśaraṇaṁ kṛtvā vrataṁ caritumutsahe||129||

ityādiṣṭaṁ narendreṇa śrutvā te mantriṇo janāḥ|

paurā mahājanāḥ sarva tatheti pratiśuśruvuḥ||130||

tataḥ sa nṛpatiḥ sarveḥ sapurohitamantribhiḥ|

amātyaiḥsacivaiḥ paurairmahājanaiḥ samanvitaḥ||131||

sarveṣveteṣu tīrtheṣu snātvā yathāvidhi kramāt|

śuddhaśīlaḥ samādhāya prācarat poṣadhaṁ vrataṁ||132||

tatassa vimalātmāna triratnaśaraṇaṁ gatāḥ|

dharmadhātuṁ samārādhya samabhyarcyabhijanmudā||133||

tathā vāyupure vāyudevatāṁśca yathāvidhi|

agnipure'gnidevaṁ ca nāgapure phaṇeśvarān||134||

vasupure vasundhārāṁ saddharmmaśrīguṇapradāṁ|

śāntapure maheśānaṁ sambaraṁ sagaṇaṁ kramāt||135||

yathāvidhi samabhyarcya śraddhayā samupāśritaḥ|

tathā mañjuśrī yaścaityaṁ samabhyarcyābhajan sadā||136||

tathāṣṭau vītarāgāṁśca śrīdevīṁśca khagānanāṁ|

yathāvidhi samārādhya samabhyarcyābhajat sadā||137||

tathā sarve'pi lokāste nṛpavṛttānucāriṇaḥ|

snātvā sarveṣu tīrtheṣu śuddhaśīlā samādarāt||138||

triratnaśaraṇaṁ kṛtvā carantaḥ poṣadhaṁ vrataṁ|

dharmmadhātumukhān sarvān devāṁścābhyarcya prābhajan||139||

tadaitatpuṇyabhāvena sarvatra śubhamācarat|

tataḥ sarva mahotpātaṁ krameṇa praśamaṁ yayau||140||

tadā sarve'pi te lokā nīrogāḥ puṣṭitendriyāḥ|

mahānandaṁ sukhaṁ prāpya babhūvu dharmmalālasāḥ||141||

tad dṛṣṭvā na nṛpo rājā pratyakṣaṁ dharmasatphalaṁ|

aho saddharmamāhātmyamityuktvā nanditācarat||142||

tadā suvṛṣṭirevātra na babhūva kathaṁcana|

tad dṛṣṭvā na nṛpaścāsīd durbhikṣaśaṁkitāśayaḥ||143||

tataḥ sa karuṇāviṣṭahṛdayaḥ sa nṛpaḥ punaḥ|

śāntaśriyaṁ tamācārya natvaiva prāha sāñjaliḥ||144||

ācārya kṛpayā te'tra carate śubhatādhunā|

sarvadāpi mahotpātaṁ saṁśāmyata samantataḥ||145||

suvṛṣṭireva nādyāpi pravarttate kathaṁcana|

suvṛṣṭikaraṇopāyaṁ tat samādeṣṭumarhati||146||

iti saṁprārthitaṁ rājñā śrutvācāryaḥ sa satmatiḥ|

nṛpatiṁ taṁ mahāsattvaṁ saṁpaśyannevamabravīt||147||

sādhu rājañchṛṇuṣvātra sadā subhikṣakāraṇaṁ|

suvṛṣṭikaraṇopāyamupadekṣyāmi sāṁprataṁ||148||

likhitvā maṇḍalaṁ nāgarājānāṁ yadyathāvidhi|

tatra nāgādhipān sarvānāvāhyārādhayevahi||149||

tadatra tvaṁ mahāvīrā bhavasvāttaraḥ sādhakaḥ|

yathā māyopadiṣṭāni tathā sarvāṇi sādhaya||150||

ityācārya samādiṣṭaṁ śrutvā sa nṛpatirmudā|

tatheti prativijñapya tathā bhavitumaicchata||151||

tataḥ sa vajradhṛg vārā nāgapuraṁ yathāvidhi|

likhitvā maṇḍalaṁ ramyaṁ pratiṣṭhāpya samārccayat||152||

tatra nāgādhipān sarvānācāryaḥ sa yathākramaṁ|

samārādhya samāvāhya pūjayituṁ samālabhat||153||

tatra nāgādhipāḥ sarve samāgatya yathākramaṁ|

svasvāsanaṁ samāśritya saṁtasthire prasāditāḥ||154||

karkoṭako'hirāḍeka eva na lajjayāgataḥ|

tatsamīkṣya sa śāntaśrīrmahācāryā maharddhimān||155||

nṛpatiṁ taṁ mahāvīraṁ mahāsattvaṁ maharddhikaṁ|

mahābhijñaṁ samālokya samāmantrayaivamādiśat||156||

rājan nāgādhipāḥ sarve samāgatā ihādhunā|

eka karkkoṭako nāgarāja eveha nāgataḥ||157||

virūpo'haṁ kathaṁ nāgarāja mahāsabhāsane|

gatvā tiṣṭheyamityevaṁ dhyātvā nāyāti lajjayā||158||

atastaṁ sahasā rājan gatvā tatra mahāhrade|

karkkoṭakaṁ tamāmantraya saṁprārthyeha samānaya||159||

yadi saṁprārthyamānāpi nāgachediha so'hirāṭ|

tadā balena dhṛtvāpi sarvathā taṁ samānaya||160||

ityācārya samādiṣṭaṁ śrṛtvā sa nṛpatiḥ sudhīḥ|

śāntaśriyaṁ tamācārya paśyannevaṁ nyavedayat||161||

ācārya kathamako'haṁ tatrāgāḍhamahāhrade|

gatvā balena nāgendraṁ dhṛtvā netuṁ praśaknuyāṁ||162||

iti nivedya taṁ rājñā śrutvācāryaḥ sa mantravit|

nṛpatiṁ taṁ mahāvīraṁ sampaśyannevamabravīt||163||

haridaśvaṁ samāruhya puṣpamatmantraśodhitaṁ|

dhṛtvā braja praśaknoṣi mama mantrānubhāvataḥ||164||

durvākuṇḍamidaṁ puṣpaṁ tatrādau kṣipa māṁ smaran|

bhraman yatra caren puṣpaṁ tat yathānusaran baja||165||

ityupadeśya duvīkaṁ kuṇḍaṁ mantrābhiśodhitaṁ|

puṣpaṁ datvā narendrāya punarevamupādiśat||166||

gatvaivaṁ nṛpate tatra nāgapure sametya taṁ|

karkoṭakaṁ samāmantraya madgiraivaṁ nivedaya||167||

bho karkkoṭaka nāgendra yadarthedamihāvraja|

tadbhavānapi jānīyāt tathāpi vakṣyate mayā||168||

gośṛṅge mahācāryaḥ śāntaśrī rvajrabhṛt kṛtī|

durbhikṣaśamanaṁ karttuṁ suvṛṣṭicāraṇe sadā||169||

tatra nāgapure sarvān nāgādhipān yathāvidhi|

samārādhya samāvāhya pūjayituṁ samārabhat||170||

sarve nāgādhipāstatra varuṇādyāḥ samāgatāḥ|

tvameva nāgataḥ kasmāt sahasā gantumarhati||171||

evaṁ saṁprārthyamāno'pi nāgachet so'hirāḍ yadi|

valenāpi samākṛṣya sahasā nīyatāṁ tvayā||172||

iti śāntaśriyā śāstā samādiśya samādarāt|

preṣito'haṁ tadarthetra tat samagantumarhati||173||

ityādiśya sa ācāryaḥ puṣpaṁ mantrābhiśodhitaṁ|

datvā taṁ nṛpatiṁ vīraṁ preṣayat tatra satvaraṁ||174||

ityācārya samādiṣṭaṁ niśamya sa mahāmatiḥ|

durvāmuṇḍaṁ samādāya tathetyuktvā tato'carat||175||

tataḥ sa nṛpatirvīraḥ śāstu rājñāṁ śirāvahan|

haridaśvaṁ samāruhya saṁcaranstad hadaṁ yayau||176||

tatra tīraṁ samāsādya paśyaṁ nṛpaḥ sa taṁ hadaṁ|

natvācāryamanusmṛtvā durvvākuṇḍaṁ jale'kṣipat||177||

tanprakṣiptaṁ jale'gāḍhe bhraman nāgapure'carat|

rājāpyaśvaṁ samāruhya tatpuṣpānusaran yayau||178||

evaṁ nāgapure gatvā nṛpatiḥ sa vilokayan|

karkoṭaka mahīndraṁ taṁ sahasā samupācarat||179||

tatra sametya sa vīrastaṁ karkoṭakamahīśvaraṁ|

yathācāryāya saṁdipṭaṁ tathā sarvaṁ nyavedayat||180||

tat sanniveditaṁ sarva śrutvā nāgādhipāpi saḥ|

kiñcidapyuttaraṁ naiva dadau tasmai mahībhuje||181||

tataḥ sa nṛpatiścaivaṁ nivedya taṁ mahīśvaraṁ|

saṁpaśyan samupāmantraya prārthayadamādarāt||182||

nāgendro'tra prasīda tvaṁ śāsturājñāṁ śirovahaṁ|

tvadāmantra na evāhaṁ prāgatastat samāvraja||183||

iti saṁprārthyamāno'pi rājā sa bhujagādhipaḥ|

kiñcitprāpyuttaraṁ naiva dadau tasmai mahībhuje||184||

tato'sau nṛpativīraḥ śāstrādiṣṭaṁ yathā tathā|

sarva nivedya tasyāgre punarevamabhāṣata||185||

nāgendra nāparādhaṁ me yattvayā na śrutaṁ vacaḥ|

tanme śāstrā yathādiṣṭaṁ tathā nūnaṁ careya hi||186||

ityuktepi narendreṇa karkoṭako hi yo'pi saḥ|

kiñcidapyuttaraṁ naiva dadau rājñe mahībhṛte||187||

tataḥ sa nṛpativīraḥ śāsturājñāṁ śirovahan|

dhṛtvā tamahimākṛṣya gurutmāniva prācarat||188||

tato hayāt samānītāḥ guṇakāmadevena saḥ|

ānīte tena mārgeṇa vaśikācala ucyate||189||

evaṁ dhṛtvā samākṛṣya sa vīrastaṁ mahīśvaraṁ|

sahasā nāgapure nītvā śāsturagre samācarat||190||

ācārya bhavadādeśāt tathā karkkoṭako'hirāṭ|

dhṛtvākṛṣya mayānītastaṁ samīkṣya prasīdatu||191||

iti niveditaṁ rājñā śrutvācāryaḥ samāditaḥ|

nṛpatiṁ taṁ mahāvīraṁ sampaśyannevamādiśat||192||

sādhu rājan mahāvīra yadānītastvayāhirāt|

tadenamāsane nītvā saṁsthāpaya yathākramaṁ||193||

ityācārya samādiṣṭaṁ śrutvā sa nṛpatistathā|

nāgarājaṁ tamāmantraya svāsane saṁnyaveśayat||194||

taṁ dṛṣṭvā svāsanāsīnāṁmācāryaḥ sa yathāvidhiṁ|

nāgendrān stān samāvāhya samārādhya samārcayat||195||

tataḥ sa vrajadhṛkājña ācāryaḥ sa mahīpatiḥ|

sarvān nāgādhipān stutvā prārthayuccaivamādarāt||196||

bho bhavanto mahānāgarājāḥ sarve mayāgrataḥ|

samārādhya samāvāhya yathāvidhi samarcitāḥ||197||

tanme sadā prasīdantu dātumarhanti vāñchitaṁ|

sarvaloka hitārtheva ārādhyayāmi nānyathā||198||

yadatra pāpasaṁcārād durbhikṣaṁ varttate'dhunā|

tena sarve'pi duḥkhārttā lokaścaranti pātakaṁ||199||

taddurbhikṣābhiśāntyartha subhikṣakāraṇaṁ sadā|

suvṛṣṭicaraṇopāyaṁ karomīdaṁ jagaddhite||200||

te bhavanto'tra sarve'pi sarvasattvābhirakṣaṇe|

cārayituṁ samarhanti suvṛṣṭimatra sarvadā||201||

iti saṁprārthitaṁ tena śāntaśriyā niśamyata|

sarve nāgādhipāstasya tatheti pratiśuśruvuḥ||202||

taistatheti pratijñātaṁ nāgarājairniśamya saḥ|

śāntaśrī nāgarājān stān prārthayadevamādarāt||203||

bhavanto me prasīdantu yadahaṁ prārthaye punaḥ|

sarvasattvahite dātuṁ tadapyarhanti vāñchitaṁ||204||

iti saṁprārthite tena śāntaśriyā niśamyate|

sarvvanāgādhipā tasmai tatheti pratiśuśruvuḥ||205||

sarve nāgādhipaistaiḥ sampratijñātaṁ niśmya saḥ|

ācāryastānahīndrāṁśca prārthayedevamādarāt||206||

bhavantaḥ śrūyatāṁ vākyaṁ yat mayā prārthyate punaḥ|

tadbhavadbhiḥ pratijñātaṁ saṁdhātavyaṁ tathā sadā||207||

yadātra pāpasaṁcārād durvaṣṭiśca bhaved dhruvaṁ|

tadā suvṛṣṭisaṁsiddhirsādhanaṁ tat pranīyatāṁ||208||

tadyathā bhavatāṁ paṭṭe likhitvā maṇḍalaṁ śubhaṁ|

yathāvidhi pratiṣṭhāpya saṁsthāpituṁ samutsahe||209||

durvṛṣṭiḥ syādyadāpyatra tadevaṁ paṭṭamaṇḍalaṁ|

prasārya vidhinārādhya samāvāhya samarcayat||210||

evaṁ prasārya paṭṭesmin saṁpūjite yathāvidhi|

suvṛṣṭiratra yuṣmābhiḥ saṁbharttavyā jagaddhite||211||

iti saṁprārthite tena śāntaśriyā niśamyate|

sarvanāgādhipāstasmai tatheti pratiśuśruvuḥ||212||

tataḥ sa mantravit prājñaḥ sarvanāgādhipājñayā|

likhitvā maṇḍalaṁ paṭṭe pratiṣṭhāpya yathāvidhi||213||

paścāt kāle'tra durvṛṣṭivṛtte suvṛṣṭisādhane|

nāgapure'tra saṁsthāpya nirdagdha saṁpragopitaṁ||214||

tato vajrī sa ācāryaḥ sarvān stān bhujagādhipān|

saṁprārthya vinayaṁ kṛtvā visasarjja vinodayan||215||

tataḥ sarve'pi te nāgarājāḥ svasvālayaṁ gatāḥ|

meghamālāṁ samutthāpya sarvatra samavarṣayan||216||

tadā suvṛṣṭisaṁcārād durbhikṣaṁ vilayaṁ yayau|

subhikṣamaṁgalotsāhaṁ prāvarttata samantataḥ||217||

tadā sarve'pi lokāste mahānandapramoditaḥ|

triratnabhajanaṁ kṛtvā prācaranta sadā śubhe||218||

tataḥ sa nṛpati rājā dṛṣṭasatyaḥ prasāditaḥ|

śāntiśriyaṁ tamācāryaṁ samabhyarcya yathāvidhi||219||

natvāṣṭāṅgaiḥ prasannātmā kṛtvā pradakṣiṇāni ca|

kṛtāñjalipuṭaḥ paśyan prārthayaccaivamādarāt||220||

bho bhagavan mahācārya bhavaddharmmānubhāvataḥ|

sarvotpātaṁ śamībhūta suvṛṣṭiḥ saṁpravarttate||221||

tadatra sarvadā nūnaṁ nirutpātaṁ samantataḥ|

dharmaśrīmaṁgalotsāhaṁ bhavadeva nirantaraṁ||222||

evaṁ sadā kṛpā dṛṣṭayā saṁpaśyan viṣaye mama|

nirutpātaṁ śubhotsāhaṁ kartumarhati sarvathā||223||

sāmprataṁ saphalaṁ janma saṁsārajīvitaṁ ca me|

yallokāśca sukhībhūtāḥ saṁcaranta sadā śubhe||224||

tadahaṁ sāmprataṁ śāstarbhavadājñāṁ śirāvahan|

svarājyāśramamāśritya careyaṁ pālayañjagat||225||

tanmenugrahamādhāya kṛpayā saṁprasāditaḥ|

saṁbodhisādhane cittaṁ sa sthitiṁ karttumarhati||226||

iti vijñapya bhūpālasta sya śāstuḥ padāmbuje|

natvānujñāṁ samāsādya mahotsāhaiḥ puraṁ yayau||227||

tatra sa nṛpa āśritya samantri sacivo mudā|

bodhicaryāvrataṁ dhṛtvā tasthau kurvan sadā śubhaṁ||228||

iti svayambhū caityāśramanāmasādhanasuvṛṣṭicāraṇo nāmāṣṭamo'dhyāyaḥ|

Technical Details

Text Version: 

Romanized

Input Personnel: 

DSBC Staff

Input Date: 

2008

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

navama adhyāyaḥ

navama adhyāyaḥ

śrīmahācārya śāntikaraguṇasaṁsiddhimahātmyānubhāva prakathanapravartano nāma

atha maitreya ālokya samutthāya kṛtāñjaliḥ|

bhagavantaṁ tamānamya prārthayaccaivamādarāt||1||

kadā śāntikaraṁ nāma tasyābhavat kathaṁ punaḥ|

taddhetuṁ śrotumicchāmi samupādeṣṭumarhati||2||

iti saṁprārthite tena maitreyeṇa sa sarvavit|

bhagavāstaṁ mahāsattvaṁ sampaśyannevamādiśat||3||

śṛṇu maitreya vakṣyāmi śāntaśriyāṁ mahadguṇaṁ|

saddharmmasādhanotsāhaṁ bhadraśrīsadgurṇārthadaṁ||4||

yo'sau rājā mahāsattvaḥ sadharmmaguṇalālasaḥ|

tyaktvā kāmasukhaṁ rājyaṁ tīrthayātrāmupācarat||5||

sa sarveṣvapi tīrtheṣu snātvā dānaṁ vidhāya ca|

trisamādhisamācāraḥ saṁcara poṣadhaṁ vrataṁ||6||

evaṁ sarveṣu pīṭheṣu bhraman saddharmmamānasaḥ|

yogacaryāvrataṁ dhṛtvā pracacāra samāhitaḥ||7||

puṇyakṣetreṣu sarveṣu bhramannaivamihāgatāḥ|

dṛṣṭvaimaṁ maṇḍalaṁ ramye vismitaṁ samupāyayau||8||

atraimaṁ dūrato dṛṣṭvā dharmmadhātuṁ jinālayaṁ|

mudāṣṭāṅgaiḥ praṇatvāśuḥ saṁdraṣṭuṁ samupāyayau||9||

sametya saṁmahāsattvā jyotīrūpaṁ jinālayaṁ|

dharmmadhātumimaṁ dṛṣṭvā praṇatvā samupāśrayat||10||

tataḥ samudito rājā nepāle'tra manorame|

sarvatrāpi ca saṁdraṣṭuṁ pracacāra vilokayan||11||

teṣu sarveṣu tīrtheṣu snātvā datvā yathepsitaṁ|

yathāvidhi samādhāya vrataṁ cara samāhitaḥ||12||

tatoṣṭau vītarāgāṁśca dṛṣṭvā sa saṁpramoditaḥ|

yathāvidhi samārādhya samabhyarcya sadābhajan||13||

tataścāsau mahādevī khagānanāṁ maheśvarīṁ|

yathāvidhi samārādhya samabhyarcyābhajanmudā||14||

tato mañjuśriyaścaityaṁ samīkṣya sa pramoditaḥ|

yathāvidhi samabhyarcya prābhajat samupasthitaḥ||15||

tataḥ ścaitatmahatpuṇyaiḥ śāntiśrīśubhitendriyaḥ|

pravajyā saṁvaraṁ dhṛtvā brahmacārī babhūva saḥ||16||

yattasya supraśāntaśrīśobhitānīndriyāni ṣaṭ|

taṁ nanāma prasiddhaṁ ca śāntaśrīrityabhūdyataḥ||17||

tato'sau satmatirvijño bodhisattvo jagaddhite|

vajracaryāvrataṁ gṛhaya pracacāra samāhitaḥ||18||

tataśca śilayāchādya dharmmadhātuṁmimaṁ jinaṁ|

iṣṭikābhirmahatstūpaṁ vidhāya samagopayat||19||

tataḥ pañcapureṣvatra sthāpitā pañca devatāḥ|

mañjuśrīyāmidaṁ caityamanena ca mahatkṛtaṁ||20||

evaṁ kṛtvātra kāryāṇi sarvāṇi sa mahāmatiḥ|

bodhisattvā mahābhijñaḥ pracacāra jagaddhite||21||

tataścātra mahatpātaṁ śamīkṛtya samaṁtataḥ|

bhadraśrīmaṅgalotsāhaṁ na śāntaśrīḥssadā vyadhāt||22||

tataścāsau mahābhijño durvṛṣṭi parivarttate|

nāgarājān samārādhya suvṛṣṭi samacārayat||23||

evaṁ sa triguṇābhijñāṁ mahotpāta praśāntikṛt|

śubhaṁkara sadā tena śāntikare iti smṛtaḥ||24||

īdṛgmantrī mahābhijño vajrācāryā mahāmatiḥ|

samṛddhisiddhisaṁpannā na bhūtā na bhaviṣyati||25||

evaṁ vidhāya sarvatra nirutpātaṁ śubhotsavaṁ|

bodhisattva sa śāntaśrīstrailokyamahitobhavat||26||

evamasya mahatpuṇyaṁ bhadraśrīguṇasādhanaṁ|

vijñāya śaraṇaṁ gatvā savitavyaṁ śubhārthibhiḥ||27||

yadyasya śaraṇaṁ gatvā śraddhayā samupāśritāḥ|

yathāvidhi samārādhya bhajeyuḥ sarvadā mudā||28||

te sarve vimalatmāno niḥkleśā vijitendriyāḥ|

bhadraśrīguṇasaṁpattiṁ sarddhisiddhiṁ samāyayuḥ||29||

ye ca tasya sadā smṛtvā dhyātvāpi ca samāhitāḥ|

nāmāpi ca samuccārya bhajeyuḥ śraddhayā sadā||30||

te'pi sarve vikalmāṣāḥ pariśuddhatrimaṇḍalāḥ|

tadguṇaśrīsamāpannā bhaveyu bodhicāriṇaḥ||31||

ityevaṁ tatmahatpuṇyaṁ vijñāya tadguṇārthinaḥ|

tasyaiva śaraṇaṁ gatvā bhajantu te sadā mudā||32||

ityādiṣṭaṁ munīndreṇa sarve'pi te sabhāśritāḥ|

lokāstatheti vijñapya prābhyanandan prabodhitāḥ||33||

evamasau mahāsattvo bhadraśrīsadguṇārthabhṛt||

sarvasattvahitaṁ kṛtvā saṁtasthe suciraṁ tathā||34||

tataḥ kāle gate rājā vṛddhobhijīrṇṇitendriyaḥ|

niḥkleśo viratābhāgo dhyātvaiva samacintayat||35||

ahaṁ vṛddhotijīrṇṇāṅgaḥ sthāsyāmyevaṁ kiyāccaraṁ|

avaśyaṁ daivayogeṇa yāsyāmi maraṇaṁ dhruvaṁ||36||

tadatrāhaṁ svaputrāya yūne lokānupālane|

sābhiṣekamidaṁ rājyaṁ dātumarhāmi sāmprataṁ||37||

iti dhyātvā sa bhūpālo narendradevamātmajaṁ|

abhiṣiṁcya nṛpaṁ kṛtvā bodhayannevamaṁnvaśāt||38||

rājan putra samādhāya dharmanītyā samācaran|

triratnabhajanaṁ kṛtvā saṁcarasva sadā śubhe||39||

adyārabhyāsi sarveṣāṁ lokānāmadhipaḥ prabhuḥ|

sarvadharmānuśāstā ca sarvasattvahitārthabhṛt||40||

tadatra sakalān lokān dharmanītyānupālayan|

triratnabhajanaṁ kṛtvā saṁcaraṁsva sadā śubhe||41||

ityanuśāsya tanputraṁ pitā sa bhavanispṛhaḥ|

sarvaparigrahānstyaktvā vanaprasthasamāśrayan||42||

tatrasthāsau mahābhijñaḥ pariśuddhitrimaṇḍalaḥ|

samādhinihitaḥ svāntaḥ sasaṁcare bahmasaṁbaraṁ||43||

tataḥ kāle gate mṛtyusamaye sa samāhitaḥ|

triratnaṁ sa smaraṁstyaktvā dehaṁ yayau sukhāvatīṁ||44||

tataḥ sa nṛpatī rājā narendradeva indravat|

saṁbodhayan prayatnena sarvān lokānapālayat||45||

so'pi rājā viśuddhātmā saddharmmaguṇalālasaḥ|

śāntikaraṁ tamācārya sametya śaraṇaṁ yayau||46||

tatra sa samupāśritya śāsturājñāṁ śirovahan|

triratnabhajanaṁ kṛtvā prācarat sarvadā śubhe||47||

sadā sarveṣu tīrtheṣu snānaṁ kṛtvā yathāvidhi|

pitrebhyaḥ pradadau piṇḍaṁmarthibhyo'pi yathepsitaṁ||48||

tathāṣṭau vītarāgāṁśca kṣatralokādhipāmapi|

yathāvidhi samārādhya samārcayat sa parvasuḥ||49||

tathā ca śrīmahādevīṁ khagānanāṁ yathāvidhi|

samārādhya samabhyarcya mahotsāhairmudābhajat||50||

tathā mañjuśrīyaścaitye pṛcchāgresminnupāśrayat|

yathāvidhi samārādhya samabhyarcyābhajat sadā||51||

tathā vāyupure vāyudevatāḥ sagaṇā api|

yathāvidhi samārādhya samabhyarcyābhajat sadā||52||

tathā vahnipure vahnidevatāḥ sagaṇā api|

yathāvidhi samārādhya samabhyarcyābhajat sadā||53||

tathā nāgapure nāgadevatāḥ sagaṇā api|

yathāvidhi samārādhya samabhyarcyābhajat sadā||54||

tathā vasupure devīṁ vasudhārāṁ samaṇḍalām|

yathāvidhi samārādhya samabhyarcyā sadābhajat||55||

tathā śāntipure śrīmatsambaraṁ sagaṇaṁ jinaṁ|

yathāvidhi samārādhya samabhyarcyā sadābhajat||56||

tathā tasya dharmadhātoḥ sa narendraḥ samupāśritaḥ|

yathāvidhi samārādhya prābhajan sarvadārcayan||57||

evaṁ sa nṛpatī rājā saddharmaguṇalālasaḥ|

triratnabhajanaṁ kṛtvā saṁprācarat sadā śubhe||58||

evaṁ sa nṛpa eteṣu tīrthayātrādikarmasu|

bodhayitvā prayatnena sarvān lokān yayā jayat||59||

tathā sarve'pi te lokā dhṛtvā nṛpānuśāsanaṁ|

eteṣu tīrthayātrādikarmasu saṁpracerire||60||

tathāṣṭau vītarāgāṁśca devīṁ khagānanāmapi|

pañcaitā devatāścāpi caityaṁ mañjuśriyo'pi ca||61||

jagadīśaṁ jagannāthaṁ dharmadhātuṁ jinālayaṁ|

yathāvidhi samabhyarcya prābhajanta sadā mudā||62||

etaddharmānubhāvena sarvadātra sumaṅgalaṁ|

nirutpātaṁ mahotsāhaṁ prāvarttata samantataḥ||63||

evaṁ sa nṛpatī rājā narendra deva ātmanaḥ|

bodhicaryāḥ vrataṁ dhṛtvā saṁpracara jagaddhite||64||

parānapi tathā sarvān lokān yatnena bodhayan|

bodhimārge samāyujya prācārayajjagaddhite||65||

evaṁ sa indravad rāja bodhisattvā jagatprabhuḥ|

sarvasattvahitaṁ kṛtvā tasthau ciraṁ śubhe raman||66||

tataḥ śrīmān sa ācāryaḥ śāntikaro maharddhikaḥ|

kṛtakṛtyaḥ pravṛddho'pi nirvātuṁ nābhivāṁchati||67||

sarvasattvahitākāṁkṣī śāntipurāgratādhasi|

dhyānāgāre mahoddāre yājanaika pramāṇike||68||

āropya śrīmahojvāle cintāmaṇi mahādhvajaṁ|

sa prājñaḥ sa mahāsattvo bodhisattvā jinātmajaḥ||69||

samādhidhāraṇīvidyāyogadhyānasamāhitaḥ|

sambodhipraṇidhiṁ dhṛtvā tasthau niścaramānasaḥ||70||

yadā saddharmmahīṇe'tra lokapaṁca kaṣāyite|

tadotthāya samādheḥ sa saddharmma deśayiṣyati||71||

yadā yadātra satmitraḥ śāstrā vidyādhipā na hi|

tadā tadā na sanmitraḥ śāstrāvidyādhipobhavan||72||

sarvānlokān prayatnena nivārya pāpamārgataḥ|

bodhimārge pratiṣṭhāpya cārayiṣyati saddharme||73||

evaṁ dhyātvā sa ācāryaḥ śāntikaraḥ samādhibhṛt|

sarvasattvahitārthena tasthau yogasamāhitaḥ||74||

evaṁ sa triguṇācāryaḥ sarvasattvahitārthabhṛt|

bodhisattvamahābhijña tiṣṭha tatra jagaddhita||75||

ye tasya śaraṇaṁ gatvā smṛtvā dhyātvā samādarāt|

nāmāpi ca samuccāryaṁ bhajanti śraddhayā sadā||76||

te'pi sarve mahābhijñā bodhisattvā vicakṣaṇāḥ|

bhadraśrīguṇasaṁpannā bhaviṣyanti sadā bhave||77||

tataste vimalātmānaścaturbrahmavihāriṇaḥ|

bodhicaryāvrataṁ dhṛtvā cariṣyanti jagaddhite||78||

tataste bodhisaṁbhāraṁ pūrayitvā yathākramaṁ|

arhanto bodhimāsādya prāpsyanti saugataṁ padaṁ||79||

ye ca tadguṇamāhātmyaṁ śṛṇvanti śraddhayā mudā|

te'pi tadguṇa saṁpatti saṁsiddhiṁ samavāpnuyuḥ||80||

iti vijñāya vāñchanti yastasya guṇasaṁpada|

te sadguṇamāhātmyaṁ śrotumarhati sādaraṁ||81||

ityādiṣṭaṁ muṇīndrena śrutvā sarvasabhāśritāḥ|

lokāstatheti saṁśrutya prābhyanandan prabodhitāḥ||82||

iti śrīmahācāryaśāntikaraguṇasaṁsiddhimāhātmyānubhāvaprakathanapravṛtto nāmādhyāya navamaḥ|

Technical Details

Text Version: 

Romanized

Input Personnel: 

DSBC Staff

Input Date: 

2008

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0

daśama adhyāyaḥ

daśama adhyāyaḥ

śrī dharmmadhātusvayambhūtpattidharmmamāhātmyasubhāṣitasūtraṁ nāma

athāsau bhagavān bhūyo maitreyaṁ taṁ mahāmatiṁ|

samālokya sabhāṁ cāpi samāmantryaivamādiśat||1||

śṛṇu maitreya vakṣyāmi mañjuśriyo jagadguroḥ|

saddharmaguṇamāhātmyaṁ saṁbodhijñānadāyakaṁ||2||

yadiyaṁ bhikṣuṇī cūḍā suśīlā brahmacāriṇī|

idaṁ mañjuśriyaṁ ścaityaṁ śraddhayā samupāśritā||3||

śuddhotpalasrajo nityaṁ samabhyarcya yathāvidhi|

smṛtvā dhyātvā samārādhya sabhaktyā śraddhayā sadā||4||

ādyāṁ cale cule vande svāheti navamākṣaraṁ|

dhāraṇī paramāvidyāṁ paṭhantī bhajane sadā||5||

etanpuṇyānubhāvena cūṁḍeyaṁ bhikṣuṇī satī|

pañcābhijñāvatī varṣairdvādaśabhirbhaved dhruvaṁ||6||

tataśceyaṁ mahābhijñā śrīsamṛddhiguṇāśrayā|

sarvasattvahitaṁ kṛtvā pracared bodhisaṁvaraṁ||7||

tato'rhantī mahāprājñā pariśuddhatrimaṇḍalā|

trividhāṁ bodhimāsādya saṁbuddhapadamāpsyati||8||

evamanyepi lokāśca caityamañjuśriyo traye|

paṭhantī dhāraṇīmenāṁ bhajanti śraddhayā sadā||9||

te'pi sarve vikalmāṣāḥ pariśuddhatrimaṇḍalāḥ|

bhadraśrīsadguṇādhārā bodhisattvā jitendriyāḥ||10||

pañcābhijñapadaprāptāścaturbrahmavihāriṇaḥ|

sarvasattvahitādhārā careyurbodhisambaraṁ||11||

tataste bodhisaṁbhāraṁ pūrayitvā yathākramaṁ|

jitvā māragaṇān sarvān niḥkleśā vimalendriyāḥ||12||

arhanto'pi mahābhijñāḥ saṁbodhisādhanāratāḥ|

trividhāṁ bodhimāsādya saṁbuddhapadamāpnuyuḥ||13||

yūyamapiti matvātra caityamañjuśriyastathā|

paṭhanto dhāraṇīmenāṁ bhajadhvaṁ bodhimānasāḥ||14||

etatpuṇyābhiliptā hi pariśuddhatrimaṇḍalāḥ|

yūyamapi tathā sarve bhaveta sugatātmajāḥ||15||

bodhisattvā bhadraśrīsadguṇāśrayāḥ|

mahābhijñā jagannāthā bhaveta bhadracāriṇaḥ||16||

tataḥ saṁbodhisaṁbhāraṁ pūrayitvā yathākramaṁ|

jitvā māragaṇān sarvāścaturbrahmavihāriṇaḥ||17||

arhantastrividhāṁ bodhiṁ prāpya buddhā bhaviṣyatha|

iti satyaṁ parijñāya yadi saṁbodhimicchatha||18||

asmin mañjuśriyaścaityaṁ bhajadhvaṁ sarvadā mudā|

ityādiṣṭaṁ munīndreṇa niśamya te sasāṁdhikāḥ||19||

sarvalokāstathetyuktvā prābhyanandat prabodhitāḥ|

tataḥ sarve'pi te lokā brahmāśakrādayo'marāḥ||20||

sarve lokādhipāścāpi sārddhaṁ parijanairmudā|

bhagavantaṁ munīndraṁ taṁ sasaṁgha saṁprasāditāḥ||21||

natvā pradakṣiṇī kṛtvā svasvālayaṁ mudā yayuḥ|

sarve martyā nṛpādyāśca samantrijanapaurikāḥ||22||

sasāṁdhikaṁ munīndraṁ taṁ natvā svasvālayaṁ yayuḥ|

hārīti yakṣiṇīśāpi sātmajā bauddharakṣaṇī||23||

triratnabhajanaṁ kṛtvā dharmadhātorūpāśrayat|

tataḥ sa bhagavāṁścāpi samutthāya sasāṁdhikaḥ||24||

prabhāsayañjagadbhāsā jaṭodyānāśrame yayau|

tatra sa trijagannātho vihāre sahasāṁdhikaiḥ||25||

saddharmmasamupādiśya vijahāra jagaddhite|

iti te guruṇādiṣṭaṁ śrutaṁ mayā tathocyate||26||

śrutvāpyetanmahārājā śraddhayābhyanumodaya|

iti śāstrārhatādiṣṭaṁ niśamya sa narādhipaḥ||27||

prasāditastamarhanta natvā prāhaivamādarāt|

bhadantohaṁ samicchāmi saṁdraṣṭuṁ taṁ svayaṁbhuvaṁ||28||

tannaipāle pragacchāmi tadanujñāṁ pradehi me|

iti saṁprārthitaṁ rājñā śrutvā sorhanyatirmudā||29||

nṛpatiṁ taṁ mahāsattvaṁ saṁpaśyannevamādiśyat|

sādhu rājan samicchā te yadyasti taṁ svayambhuvaṁ||30||

draṣṭuṁ gaccha samārādhya bhaja śraddhāsamanvitaḥ|

sarvatīrtheṣu ca snātvā datvā dānaṁ yathepsitaṁ||31||

vītarāgāṁ samārādhya samabhyarcyabhijādarāt|

dharmodayāṁ mahādevīṁ khagānanāṁ jineśvarīṁ||32||

śraddhayā samupāśritya samabhyarcya bhajādarāt|

pañcapurāsthitāḥ pañca devatāśca yathāvidhi||33||

samārādhya samabhyarcya bhaja bhaktyā samādarāt|

mañjudevasya caityaṁ ca samālokya yathāvidhi||34||

samārādhya samabhyarcya bhajenāṁ dhāraṇīṁ paṭhan|

ācārya ca guhāsīnaṁ samādhidhyānasaṁsthitaṁ||35||

dhyātvārādhya samabhyarcya natvā bhaja samādarāt|

evamanyān mahāsattvān dharmmadhātorūpāsakān||36||

sarvānapi samārādhya samabhyarcya praṇāmaya|

etatpuṇyaviśuddhātmā bhadraśrī sadguṇāśrayaḥ||37||

bodhisattvā mahāsattvā jagadbharttā bhavedapi|

tataḥ saṁbodhisaṁbhāraṁ pūrayitvā yathākramaṁ||38||

arhansaṁbodhimāsādya saṁbuddhapadamāpsyasi|

iti satyaṁ parijñāya saṁbodhi yadi vāñchasi||39||

gatvā tatra mahotsāhairdharmmadhātuṁ vilokya taṁ|

yathāvidhi samārādhya bhajasva samupāśritaḥ||40||

gaccha te maṅgalaṁ bhuyāt sidhyatu te samīhitaṁ|

yathecchayā samālokya samāyāhi pramoditaḥ||41||

iti śāstrā samādiṣṭaṁ śrutvā sa nṛpatirmudā|

taṁ guruṁ sāñjalirnatvā prāpyānujñāmanandataḥ||42||

tataḥ sa nṛpatī rājā samantrijanapaurikāḥ|

rājarddhi maṁgalotsāhaiḥ saṁprasthito mudācarat||43||

tatra mārge sa rājendraḥ sarvān lokān prasādayan|

mahotsāhaiścarannāśu naipālaṁ samupāyayau||44||

tatra prāptaḥ samālokya dūrāt taṁ śrīsvayaṁmbhuvaṁ|

sāñjali praṇatiṁ kṛtvā pramanāḥ sahasā caret||45||

tatra sarvatra saṁvīkṣya śubhotsāhapravarttitaṁ|

vismayānanditānsā sa nṛpatiḥ samupāsaret||46||

tatra sarveṣu tīrtheṣu krameṇa sa narādhipaḥ|

snātvārthibhyo yathākāmaṁ dadau dānaṁ caran vrataṁ||47||

tato'ṣṭau vītarāgān sa nṛpatirvīkṣya harṣitaḥ|

yathāvidhi samārādhya bhajatyarcya yathāvidhi||48||

tato mudācaran vīkṣya dharmmadhātuṁ jinālayaṁ|

yathāvidhi samārādhya samabhyarcyābhajan kramāt||49||

tato vāyupure vāyudevatāṁ sagaṇāṁ mudā|

yathāvidhi samārādhya samabhyacyanitobhajata||50||

tataścāgnipure vahnidevatāḥ sagaṇāmapi|

yathāvidhi samārādhya saṁpūjyābhajadādarāt||51||

tato nāgapure nāgadevatāḥsagaṇā api|

yathāvidhi samārādhya samabhyarcyā mudābhajat||52||

tato vasupure devīṁ sagaṇāṁ śrīvasundharāṁ|

yathāvidhi samārādhya bhajatyarcya samādarāt||53||

tataḥ śāntipure śrīmatsambaraṁ sagaṇaṁ tathā|

yathāvidhi samārādhya samabhyarcya mudābhajat||54||

tataḥ śāntikarācārya samādhidhyānasaṁsthitaṁ|

dhyātvārādhya samabhyarcya prābhajan saṁpramoditaḥ||55||

tato dharmmodayā devī khagānanāṁ maheśvarīṁ|

yathāvidhi samārādhya samabhyarcya mudābhajat||56||

sambuddhaṁ puṇḍarīkākṣaṁ sarvajña karuṇāspadaṁ|

samantabhadraśāstāraṁ śākyasiṁhaṁ namāmyahaṁ||57||

śrīghanaṁ śrīmatiṁ śreṣṭhaṁ śīlarāśiṁ śivakaraṁ|

śrīmantaṁ śrīkaraṁ śāntaṁ śāntimūrti namāmyaham||58||

nairātmavādinaṁ siṁhaṁ niravadyaṁ nirāśravaṁ|

nītijñaṁ nirmalātmānaṁ niṣkalaṁkaṁ namāmyaham||59||

nirdvandvaṁ nirahaṁkāraṁ nirvikalpaṁ tathāgataṁ|

nirddhūtanikhilakleśaṁ niṣprapaṁcaṁ namāmyahaṁ||60||

viśveśvaraṁ viśeṣo'haṁ viśvarūpaṁ vināyakaṁ|

viśvalakṣaṇasaṁpūrṇṇa vītarāgaṁ namāmyahaṁ||61||

vidhāvareṇa saṁpannaṁ viśveśamvimalaprabhaṁ|

vinītavegaṁ vimalaṁ vītamohaṁ namāmyahaṁ||62||

dudantidamakaṁ śāntaṁ śuddhaṁ pañcajinālayaṁ|

sugatiṁ suśrutaṁ saumyaṁ śubhrakīrtti namāmyahaṁ||63||

yogīśvaraṁ daśabalaṁ lokajñaṁ lokapūjitaṁ|

lokācārya lokamūrtiṁ lokānāthaṁ namāmyahaṁ||64||

kalaṁkamuktiṁ kāmāriṁ sakalaikaṁ kalādharaṁ|

kāntamūrti dayāpātraṁ kanakābhaṁ namāmyahaṁ||65||

tato mañjuśriyaścaityaṁ dharmadhātumupāśrayan|

yathāvidhi samārādhya samabhyarcyānatobhajat||66||

tato mudā caran vīkṣya dharmadhātuṁ jinālayaṁ|

yathāvidhi samārādhya samabhyarcyābhajan mudā||67||

bhaktyā paramayāstauṣījinālayaṁ svayaṁbhuvaṁ|

jyotīrūpāya caitanyaṁ rūpāya bhavate namaḥ||68||

murādinidhanāya śrīdātre praṇavarupiṇe|

viśvatomukharupāya bhaktavatsala te namaḥ||69||

pṛthvyādibhūtanirmātre jagadvaṁdyāyate namaḥ|

jagatsraṣṭe jagatpātre jagaddhartre namo namaḥ||70||

dhyānagamyāya dhyeyāya cartuvargapradāyine|

evaṁ stutvā aśokaḥ sa punaḥ kṣamāpanaṁ vyadhāt||71||

evaṁ sa nṛpatiḥ sarvān dharmadhātorupāsakān|

mahāsattvān samabhyarcya satkṛtya samatoṣayat||72||

evaṁ sa nṛparājaḥ śrī dharmadhatorūpāśritaḥ|

triratnabhajanaṁ kṛtvā prācarad bodhisambaraṁ||73||

tataḥ sa nandito rājā samantrijanapaurikaḥ|

natvā pradakṣiṇīkṛtya dharmmadhātuṁ mudācarat||74||

tataścaran sa bhūmīndro mahotsāhaiḥ pramoditaḥ|

sahasā puramāsādya vihāra samupācarat||75||

tatropetya tamarhantamupaguptasasāṁdhikaṁ|

samīkṣya sañjalirnatvā sabhaikāntaṁ samāśrayat||76||

taṁ samāyātamālokya so'rhe śāstā prasannadṛk|

svāgataṁ kuśalaṁ kaccinnṛpatiṁ paryapṛcchata||77||

tacchutvā sa mahīpālaḥ śāstāraṁ taṁ kṛtāñjaliḥ|

praṇatvā suprasannāsyaḥ saṁpaśyannevamabravīt||78||

samāgatosmyahaṁ śāstarbhavatkṛpānubhāvataḥ|

kuśalaṁ me kathaṁ na syāt sarvatrāpi sadāpi hi||79||

bhavatkṛpānubhāvena nepāle'haṁ mudācaran|

dṛṣṭvā sarveṣu tīrtheṣu snātvā dānaṁ yathepsitaṁ||80||

tathāṣṭau vītarāgāśca samālokya pramāditaḥ|

yathāvidhi samārādhya samabhyarcyabhijaṁ kramāt||81||

tataḥ samīkṣya taṁ śrīmaddharmmadhātuṁ svayaṁbhuvaṁ|

yathāvidhi samārādhya samabhyarcyābhajan mudā||82||

tato vāyupure vāyudevatābhyarccitā mayā|

tataścāgnipure vahnirdevatāpi mayārccitā||83||

tathā nāgapure nāgarājāṁścāpi mayārccitā|

tathā tathā vasupure devī vasundharāṁ samarccitā||84||

tataḥ śāntipure śrīmatsambaraśca samarccitaḥ|

tataḥ śāntikarācāryaḥ samālokya mayārcitaḥ||85||

devīṁ khagānanāṁ cāpi samārādhya samarcitā|

mañjudevasya caityaṁ ca yathāvidhi samarcitaṁ||86||

evaṁ bhadanta tatropacchandohe puṇyabhūtale|

yathāvidhi samārādhya sarvadevā mayārcitāḥ||87||

etatpuṇyaṁ mayā labdhaṁ bhavatkṛpānubhāvataḥ|

tadatra janmasāphalyaṁ jīvitaṁ cāpi me'dhunā||88||

tathātra sarvadā śāsta dharmadhātuṁ jinālayaṁ|

smṛtvā nāma samuccārya dhyātvā bhajeya mā bhavaṁ||89||

iti rājñā samākhyātaṁ śrutvā so'rha prasāditaḥ|

nṛpati taṁ samālokya punarevaṁ samādiśat||90||

dhanyo'si yatmahārājadharmadhātuṁ jinālayaṁ|

smṛtvā dhyātvāpi saṁbhaktuṁmicchase'tra sadā bhaja||91||

etatpuṇyaviśuddhātmā bhadraśrīsadguṇāśrayaḥ|

bodhisattvo mahāsattvaḥ sarvadharmādhipo bhaveḥ||92||

tataḥ saṁbodhisaṁbhāraṁ pūrayitvā yathākramaṁ|

arhanstribodhimāsādya dhruvaṁ buddhapadaṁ labheḥ||93||

samutpattikathāṁ tasya dharmadhātoḥ svayaṁbhuvaḥ|

śrutvāpi yatmahatpuṇyaṁ saṁbodhisādhanaṁ labhet||94||

iti matvā samutpattikathāṁ tasya svayaṁbhuvaḥ|

satkṛtya śraddhayā martyāḥ śrotumarhanti sarvathā||95||

samutpattikathāṁ tasya dharmadhātoḥ svayaṁbhuvaḥ|

śṛṇvanti ye narā bhaktyā satkṛtya śraddhayā mudā||96||

durgatiṁ te na gacchanti kutrāpi hi kadācan|

sadā sadgatisaṁjātā bhadraśrīsadguṇāśrayāḥ||97||

sarvasattvahitādhānabodhicaryāvratāratāḥ|

mahābhijñā jagannāthā bhaveyuḥ sugatātmajāḥ||98||

krameṇa bodhisambhāraṁ pūrayitvā jagaddhite|

arhantatrividhāṁ bodhiṁ prāpyeyuḥ saugataṁ padaṁ||99||

iti matvā mahārāja śrotavyaṁ śraddhayādarāt|

svayambhūguṇamāhātmyaṁ durllabhaṁ bodhivāñchibhiḥ||100||

śṛṇvanti ye narā bhaktyā satkṛtya śraddhayā mudā|

svayaṁbhūguṇamāhātmyasaddharmaśrīguṇārthadaṁ||101||

te'pi na durgatiṁ yāyuḥ sadāsadgatisaṁgatāḥ|

bhadraśrīsadguṇādhārā bhaveyurbodhilābhinaḥ||102||

tasmādetatmahatpuṇyaṁ śrutvā dhyātvā sadādarāt|

smṛtvā nāma samuccārya saṁbhaktavyaṁ svayaṁbhuvaṁ||103||

ahamapi purā rājan dharmmadhātoḥ svayaṁbhuvaḥ|

śrutvā sadguṇasāṁkathyaṁ babhūva saṁpramoditaḥ||104||

tato'haṁ sahasā tatra nepāle samupācaraṁt|

snātvā sarveṣu tīrtheṣu dadau dānaṁ yathepsitaṁ||105||

aṣṭau tān vītarāgāṁśca samārādhya mayārcitāḥ|

devīṁ khagānanāṁ cāpi samārādhya samarcitā||106||

mañjudevasya caityaṁ ca samārādhya samarcitaṁ|

pañca purā sthitā pañca devatāśca samarcitāḥ||107||

tathā śāntikarācāryaḥ samālokya samarcitaḥ|

tataḥśaraṇamāśritya dharmadhāto svayaṁbhuvaḥ||108||

satkṛtya śraddhayā nityaṁ samārādhya mudā bhajaṁ|

evaṁ tatra sadāśritya dharmadhātorūpāsakaḥ||109||

triratnabhajanaṁ kṛtvā prācaran bodhisaṁbaraṁ|

etatpuṇyaviśuddhātmā pariśuddhatrimaṇḍalaḥ||110||

ahaṁ bodhiṁ samāsādya jinātmajā bhave'dhunā|

iti vijñāya mānuṣyā vāñchanti ye sunirvṛtiṁ||111||

dharmadhātuṁ samārādhya bhajantu te sadā mudā|

smṛtvā dhyātvā ca nāmāpi samuccārya samādarāt||112||

samālokya praṇatvāpi bhajantu taṁ jinālayaṁ|

ye bhajanti sadā smṛtvā dhyātvā natvā jinālayaṁ||113||

drutaṁ saṁbodhimāsādya saṁbuddhapadamāpnuyuḥ|

iti satyaṁ samākhyātaṁ sarvairapi munīśvaraiḥ||114||

śrutvānumodya taṁ dharmadhātuṁ smṛtvā bhajantvalaṁ|

subhāṣitamidaṁ yepi śrutvānumoditāśayāḥ||115||

dharmadhātumanusmṛtvā dhyātvā bhajanti sarvadā|

te'pi caitatmahatpuṇyapariśuddhatrimaṇḍalāḥ||116||

bhadraśrīsadguṇādhārāścaturbrahmavihāriṇaḥ|

bodhisattvā mahāsattvā mahābhijñāḥ śubhendriyāḥ||117||

drutaṁ saṁbodhimāsādya saṁbuddhapadamāpnuyuḥ|

iti me guruṇādiṣṭaṁ śrutaṁ mayā tathocyate||118||

tvamapīdaṁ sadā lokā śrāvayitvānumodaya|

etatpuṇyānubhāvena sarvatra sarvadāpi te||119||

nirutpātaṁ śubhotsāhaṁ bhavennūnaṁ narādhipaḥ|

iti tenārhatādiṣṭaṁ śrutvāśoko nṛpo mudā||120||

tatheti prativijñapya prābhyanandat sapārṣadaḥ|

tataḥ sarve'pi te lokā niśamyaitatsubhāṣitaṁ||121||

anumodya mahotsāhaiḥ saṁcerire śubhe sadā|

tadaitatpuṇyabhāvena sarvatra tatra sarvadā||122||

nirutpātaṁ śubhotsāhaṁ prāvarttata nirantaraṁ|

ityādiśya mahābhijño jayaśrīḥ sa mahāmatiḥ||123||

sarvānstān sāṁdhikān paśyan punarevaṁ samādiśat|

yatredaṁ dharmmasāṁkathyaṁ prāvarttayet kalāvapi||124||

bhāṣetya śṛṇuyādyaśca śrāvayedyaḥ pracārayet|

eteṣāṁ tatra sarveṣāṁ saṁbuddhāḥ sakalāḥ sadā||125||

kṛpā dṛṣṭyā samālokya prakuryurbhadramābhavaṁ|

sarvā pāramitā devyasteṣāṁ tatra sadā śivaṁ||126||

kṛtvā saṁbodhisaṁbhāraṁ pūrayeyuryathākramaṁ|

sarve'pi bodhisattvāśca pratyekasugatā api||127||

arhanto yoginasteṣāṁ prakuryurmaṅgalaṁ sadā|

sarve lokādhipāścāpi sarve cāpi maharṣayaḥ||128||

tatra teṣāṁ hi sarveṣāṁ kuryuḥ samīkṣya maṅgalaṁ|

sarve devādhipāścāpi sarvadaityādhipā api||129||

tathā sarve'pi gandharvāḥ sarvayakṣādhipā api|

garuḍā nāgarājāśca kumbhāṇḍādhīśvarā api||130||

samīkṣya sarvadā teṣāṁ rakṣāṁ kuryuḥ samantataḥ|

sarvāśca mātṛkā devyaḥ sabhairavagaṇā api||131||

kṛtvā rakṣāṁ sadā teṣāṁ kuryurbhadraṁ samantataḥ|

sarve grahāśca tārāśca siddhā vidyādharā api||132||

sādhyāścāpi sadālokya teṣāṁ kuryuḥ sumaṅgalaṁ|

bhūtapretapiśācāśca duṣṭā māragaṇā api||133||

vīkṣya teṣāṁ prasannāste rakṣāṁ kuryuḥ sadā mudā|

svayambhūguṇamāhātmya sāṁkathyaṁ yo'likhet mudā||134||

tenāpi likhitaṁ sarva mahāyānasubhāṣitaṁ|

lekhāpitaṁ ca yenedaṁ dharmadhātusubhāṣitaṁ||135||

tenāpi sakalaṁ sūtraṁ lekhāpitaṁ bhaved dhruvaṁ|

likhitaṁ cāpi yecedaṁ pratiṣṭhāpya yathāvidhi||136||

śuddhasthāne gṛhe sthāpya pūjāṅgaiḥ sarvadārcitaṁ|

tenārhanto jināḥ sarve pratyekasugatā api||137||

sasaṁghā bodhisattvāśca bhavanti pūjitāḥ khalu|

yaścāpīdaṁ svayaṁ dhṛtvā parebhyo'pi samādiśat||138||

bhāvayet satataṁ smṛtvā dhyātvāpi praṇamenmudā|

tasya sarvamunīndro hi pratyekasugatā api||139||

arhanto bodhisattvāśca tuṣṭā dadyuḥ samīhitaṁ|

yaścaitadupadeṣṭāraṁ sarvāśca śrāvakānapi||140||

yathāvidhi sa samabhyarcya bhājanaiḥ samatoṣayet|

tena sarve'pi saṁbuddhāḥ pratyekasugatā api||141||

arhanto bhikṣavaḥ sarve yogino brahmacāriṇaḥ|

bodhisattvāśca sarve'pi vratino yatayo'pi ca||142||

arcitā bhojitāstuṣṭā bhaveyuranumoditāḥ|

kimevaṁ vahunoktena sarve buddhā munīśvarāḥ||143||

sarvāstārāśca devyo'pi sarvasaṁghā jinātmajāḥ|

nityaṁ teṣāṁ kṛpā dṛṣṭayā samālokyānumoditāḥ||144||

rakṣāṁ vidhāya sarvatra varaṁ dadyuḥ samīhitaṁ||145||

sarve lokādhipāścāpi sarve devā surādhipāḥ|

rakṣāṁ kṛtvā varaṁ dadyusteṣāṁ saddharmasādhane||146||

rājāno'pi sadā teṣāṁ rakṣā kṛtvānumoditāḥ|

yathābhivāñchitaṁ datvā pālayeyuḥ sadādarāt||147||

mantriṇo'pi sadā teṣāṁ sāmātyasacivānugāḥ|

sabhṛtyasainyabhaṭṭāśca bhaveyurhitakāriṇaḥ||148||

sarve vaiśyāśca sarvārthabharttāraḥsyu suhṛnpriyāḥ|

śreṣṭimahājanāḥ sarve bhaveyurhitakāriṇaḥ||149||

dviṣopi dāsatāṁ yāyurdṛṣṭāśca syurhitāśayāḥ|

evamanyepi lokāśca servva syurmaitramānasāḥ||150||

paśavaḥ pakṣiṇaścāpi sarvakīṭāśca jantavaḥ|

naiva teṣāṁ viruddhā syuḥ bhaveyurhitaśaṁsina||151||

evaṁ sarvatra lokeṣu teṣāṁ saddharmasādhināṁ|

nirutpātaṁ śubhotsāhaṁ saumāṅgalyaṁ sadā bhavet||152||

evaṁ bhadrataraṁ puṇyaṁ svayabhūṁbhavanodbhavaṁ|

natvā taṁ trijagannāthaṁ bhajadhvaṁ sarvadā mudā||153||

ye tasya śaraṇe sthitvā smṛtvā dhyātvā samāhitāḥ|

nāmāpi ca samuccārya bhajanti śraddhayā sadā||154||

teṣāṁ trinyapi ratnāni suprasannāni sarvadā|

kṛpā dṛṣṭayā samālokya kṛtvā deyuḥ sadā śubhaṁ||155||

iti śāstrāsamādiṣṭaṁ jayaśriyā niśamyate|

jineśvarī pramukhāḥ saṁghā sarve nandanprabodhitāḥ||156||

sarvāvatī sabhā sāpi śrutvaitat saṁprasāditāḥ|

tatheti prativijñapya prābhyanandan prabodhitāḥ||157||

tataste sakalā lokāḥ samutthāya prasāditāḥ|

jayaśriya sasaṁghaṁ taṁ natvā svasvāśramaṁ yayuḥ||158||

tatra nityamupetyatyarddhyā sasaṁghaḥ sajinātmajā|

snātvā sarveṣu tīrtheṣu dhṛtvā vrataṁ yathāvidhi||159||

tato'ṣṭau vītarāgāṁśca devīṁ cāpi khagānanāṁ|

pañcamā devatāścāpi yathāvidhi samarccayan||160||

tathā śāntikarācārya caitya mañjuśriyo'pi ca|

dharmādhātuṁ samārādhya dhyātvābhyarcya sadābhajat||161||

tadaitatpuṇyabhāvena viṣaye tatra sarvadā|

nirutpātaṁ śubhotsāhaṁ prāvarttata samaṁtataḥ||162||

tataścāsau mahābhijñā jayaśrīḥ sugatātmajaḥ|

sarvānstān sāṁdhikān paśyan punarevaṁ samādiśat||163||

yatredaṁ dharmasāṁkathyaṁ pracāritaṁ svayaṁbhuvaḥ|

tatraittpuṇyabhāvena bhavatu sarvadā śubhaṁ||164||

saṁbuddhāstatra sarve'pi pratyekasugatā api|

arhanto bodhisattvāśca kurvantu maṁṅgalaṁ sadā||165||

sarve lokādhipāścāpi sarve cāpi maharṣayaḥ|

samālokya sadā tatra prakurvantu sumaṅgalaṁ||166||

kāle varṣantu meghāśca bhūyācchaśyavatī mahī|

nirutpātaṁ subhikṣyaṁ ca bhavantu tatra sarvadā||167||

rājā bhavatu dhārmmiṣṭho mantriṇo nīticāriṇaḥ|

sarve lokāḥsuvṛttiṣṭhā bhavantu dharmasādhinaḥ||168||

sarve sattvāḥ samācārāḥ saṁbodhivihitāśayāḥ|

triratnabhajanaṁ kṛtvā saṁcarantāṁ sadā śubhe||169||

iti jayaśriyādiṣṭaṁ śrutvā sarve'pi sāṁdhikāḥ|

evamastviti prābhāṣya prābhyanandanprasāditāḥ||170||

iti śrī dharmmadhātusvayambhūtpattidharmmamāhātmyasubhāṣitasūtraṁ daśama adhyāyaḥ samāptaḥ||

Technical Details

Text Version: 

Romanized

Input Personnel: 

DSBC Staff

Input Date: 

2008

Proof Reader: 

Miroj Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0