dharmasaṁgrahaḥ

dharmasaṁgrahaḥ

dharmasaṁgrahaḥ|

|| namo ratnatrayāya||

ratnatrayaṁ namaskṛtya sarvasattvahitodayam|

kathyate mohanāśāya dharmasārasamuccayaḥ||

1. tatra prathamaṁ tāvat trīṇi ratnāni| tathadyā- buddho dharmaḥ saṁghaśceti||

2. trīṇi yānāni| [tadyathā-] śrāvakayānam, pratyekabuddhayānam, mahāyānaṁ ceti||

3. pañca buddhāḥ| tadyathā-vairocanaḥ, akṣobhyaḥ, ratnasaṁbhavaḥ, amitābhaḥ, amoghasiddhiśceti||

4. catasro devyaḥ| tadyathā- rocanī, māmakī, pāṇḍurā, tārā ceti||

5. pañca rakṣā| tadyathā- pratisarā, sāhasrapramardanī, mārīcī, mantrānusāriṇī, śīlavatī ceti||

6. sapta tathāgatāḥ| tadyathā-vipaśyī, śikhī, viśvabhūḥ, krakucchandaḥ, kanakamuniḥ, kāśyapaḥ, śākyamuniśceti||

7. catvāro lokapālāḥ| tadyathā-dhṛtarāṣṭraḥ, virūpākṣaḥ, virūḍhakaḥ, kuberaśceti||

8. aṣṭau lokapālāḥ| tadyathā-indraḥ, yamaḥ, varaṇaḥ, kuberaḥ, īśānaḥ, agniḥ, nairṛtaḥ, vāyuriti||

9. daśa lokapālāḥ| aṣṭalokapālādhikamūrdhvaṁ brahmā adhaḥ kṛṣṇaḥ||

10. caturdaśa lokapālāḥ| tadyathā-daśalokapālasakalam, candraḥ, sūryaḥ, pṛthvī, asuraḥ||

11. daśa krodhāḥ| tadyathā-yamāntakaḥ, prajñāntakaḥ, padmāntakaḥ, vighnāntakaḥ, acaraṭarkirājaḥ, nīladaṇḍaḥ, mahābalaḥ, uṣṇīṣaḥ, cakravartī, sambharājaśceti||

12. aṣṭau bodhisattvāḥ| tadyathā-maitreyaḥ, gaganagañjaḥ, samantabhadraḥ, vajrapāṇiḥ, mañjuśrīḥ, sarvanivaraṇaviṣkambhī, kṣitigarbhaḥ, khagarbhaśceti||

13. ṣaḍyoginyaḥ| tadyathā-vajravārāhī, yāminī, saṁcāraṇī, saṁtrāsanī, cāṇḍikā ceti||

14. saptavidhā anuttarapūjā| tadyathā-vandanā, pūjanā, pāpadeśanā, anumodanā, adhyeṣaṇā, bodhicittotpādaḥ, pariṇāmanā ceti||

15. trīṇi kuśalamūlāni| bodhicittotpādaḥ, āśayaviśuddhiḥ, ahaṁkāramamakāraparityāgaśceti||

16. catvāro brahmavihārāḥ| maitrī, karuṇā, muditā, upekṣā ceti||

17. ṣaṭ pāramitāḥ| dānapāramitā, śīlapāramitā, kṣāntipāramitā, vīryapāramitā, dhyānapāramitā, prajñāpāramitā ceti||

18. daśa pāramitāḥ| ṣaṭpāramitāsakalam, upāyam, praṇidhiḥ, balam, jñānaṁ ceti||

19. catvāri saṁgrahavastūnī| dānam, priyavacanam, arthacaryā, samānārthatā ceti||

20. pañcābhijñāḥ| divyacakṣuḥ, divyaśrotram, paracittajñānam, pūrvanivāsānusmṛtiḥ, ṛddhiśceti||

21. catvāryāryasatyāni| tadyathā-duḥkham, samudayaḥ, nirodhaḥ mārgaśceti||

22. pañca skandhāḥ| rūpam, vedanā, saṁjñā, saṁskārā, vijñānaṁ ceti||

23. lokottarapañcaskandhāḥ| śīlasamādhiprajñāvimuktivimuktijñānadarśanaskandhā iti||

24. dvādaśāyatanāni| cakṣuḥśrotraghrāṇajihvākāyamanaāyatanāni rūpagandhaśabdarasasparśadharmāyatanāni ceti||

25. aṣṭādaśa dhātavaḥ|| cakṣuḥśrotraghrāṇajihvākāyamanorūpagandhaśabdarasasparśadharmadhātavaḥ cakṣurvijñānaśrotravijñānaghrāṇavijñānajihvāvijñānakāyavijñānamanovijñānaghātavaśceti||

26. tatraikādaśa rūpaskandhāḥ|| cakṣuḥ, śrotram, ghrāṇam, jihvā, kāyaḥ, rūpam, śabdaḥ, gandhaḥ, rasaḥ, sparśaḥ vijñaptiśceti||

27. vedanā trividhā| sukhāḥ, duḥkhā, aduḥkhāsukhā ceti||

28. saṁjñāskandhaḥ| nimittodgahaṇātmikā||

29. saṁskārā dvividhāḥ| tatra cittasaṁprayuktasaṁskārāḥ, cittaviprayuktasaṁskārāśceti||

30. cittasaṁprayuktasaṁskārāścatvāriṁśat| tadyathā-vedanā, saṁjñā, cetanā, chandaḥ, sparśaḥ, matiḥ, smṛtiḥ, manaskāraḥ, adhimokṣaḥ, samādhiḥ, śraddhā, apramādaḥ, prasrabdhiḥ, upekṣā, hrīḥ, apatrapā, alobhaḥ, adveṣaḥ, ahiṁsā, vīryam, mohaḥ, pramādaḥ, kausīdyam, aśrāddhyam, styānam, auddhatyam, ahrīkatā, anapatrapā, krodhaḥ, upanāhaḥ, śāṭhyam, īrṣyā, pradānaḥ, mrakṣaḥ, mātsaryam, māyā, madaḥ, vihiṁsā, vitarkaḥ, vicāraśceti||

31. tatra cittaviprayuktasaṁskārāsrayodaśa| prāptiḥ, aprāptiḥ, sabhāgatā, asaṁjñikam, samāptiḥ, jīvitam, jātiḥ, jarā, sthitiḥ, anityatā, nāmakāyaḥ, padakāyaḥ, vyañjanakāyaśceti||

32. trīṇyasaṁskṛtāni| tadyathā-ākāśaḥ, pratisaṁkhyānirodhaḥ, apratisaṁkhyānirodhaśceti||

33. ṣaḍ viṣayāḥ| tadyathā-rūpam, śabdaḥ, gandhaḥ, rasaḥ, sparśaḥ, dharmaśceti||

34. tatra rūpaṁ viṣayasvabhāvam| nīlam, pītam, lohitam, avadātam, haritam, dīrgham, hrasvam, parimaṇḍalam, unnatam, avanatam, sātam, visātam, accham, dhūmaḥ, rajaḥ, mahikā, chāyā, ātapaḥ, ālokaḥ, andhakāraśceti||

35. aṣṭāviṁśatividhaḥ śabdaḥ| sapta puruṣavākśabdāḥ, sapta puruṣahastādiśabdāḥ| eta eva (manojñā)manojñabhedenāṣṭāviṁśatiḥ||

36. rasaḥ ṣaḍvidhaḥ| tadyathā-madhuraḥ, amlaḥ, lavaṇaḥ, kaṭuḥ, tiktaḥ, kaṣāyaśceti||

37. catvāro gandhāḥ| tadyathā-sugandhaḥ, durgandhaḥ, samagandhaḥ, viṣamagandhaśceti||

38. ekādaśa spraṣṭavyāni| pṛthvī, āpaḥ, tejaḥ, vāyuḥ, ślakṣṇatvam, karkaśatvam, laghutvam, gurutvam, śītam, jighatsā pipāsā ceti||

39. pañca mahābhūtāni| pṛthvī, āpaḥ, tejaḥ, vāyuḥ, ākāśceti||

40. pañca bhautikāni| rūpam, śabdaḥ, gandhaḥ, rasaḥ, sparśaśceti||

41. viṁśatiḥ śūnyatāḥ| tadyathā-adhyātmaśūnyatā, bahirdhāśūnyatā, adhyātmabahirdhāśūnyatā, śūnyatāśūnyatā, mahāśūnyatā, paramārthaśūnyatā, saṁskṛtaśūnyatā, asaṁskṛtaśūnyatā, atyantaśūnyatā, anavarāgraśūnyatā, anavakāraśūnyatā, prakṛtiśūnyatā, sarvadharmaśūnyatā, lakṣaṇaśūnyatā, alakṣaṇaśūnyatā, bhāvaśūnyatā, abhāvaśūnyatā, svabhāvaśūnyatā, abhāvasvabhāvaśūnyatā, parabhāvaśūnyatā ceti||

42. dvādaśāṅgapratītyasamutpādaḥ| avidyā, saṁskārāḥ, vijñānam, nāmarūpam, ṣaḍāyatanam, sparśaḥ, vedanā, tṛṣṇā, upādānam, bhavaḥ, jātiḥ, jarāmaraṇam, śokaparidevaduḥkhadaurmanasyopāyāsāśceti||

43. saptatriṁśadbodhipākṣikā dharmāḥ| catvāri smṛtyupasthānāni||4|| catvāri samyakprahāṇāni||8|| catvāra ṛddhipādāḥ||12|| pañcendriyāṇi||17|| pañca balāni||22|| sapta bodhyaṅgāni||29|| āryāṣṭāṅgikamārgaśceti||37||

44. tatra katamāni smṛtyupasthānāni ? tadyathā-kāye kāyānudarśasmṛtyupasthānam, vedanāyāṁ vedanānudarśasmṛtyupasthānam, citte cittānudarśasmṛtyupasthānam, dharme dharmānudarśasmṛtyupasthānam||

45. katamāni catvāri samyakprahāṇāni ? tadyathā-utpannānāṁ kuśalamūlānāṁ saṁrakṣaṇam| anutpannānāṁ samutpādaḥ| utpannānāmakuśalānāṁ dharmāṇāṁ prahāṇam| anutpannānāṁ punaranutpādaśceti||

46. catvāraḥ ṛddhipādāḥ| tadyathā-chandasamādhiprahāṇāya saṁskārasamanvāgata ṛddhipādaḥ| evaṁ cittaṛddhipādaḥ| vīryaṛddhipādaḥ| mīmāṁsāsamādhiprahāṇāya saṁskārasamanvāgataṛddhipādaśceti||

47. pañcendriyāṇi| tadyathā- śraddhāsamādhivīryasmṛtiprajñendriyaṁ ceti||

48. pañca balāni| śraddhāvīryasmṛtisamādhiprajñābalaṁ ceti||

49. sapta bodhyaṅgāni| tadyathā-smṛtisaṁbodhyaṅgam, dharmavicayasaṁbodhyaṅgam, vīryasaṁbodhyaṅgam, prītisaṁbodhyaṅgam, prasrabdhisaṁbodhyaṅgam, samādhisaṁbodhyaṅgam, upekṣāsaṁbodhyaṅgamiti||

50. āryāṣṭāṅgikamārgaḥ|| samyagdṛṣṭiḥ, samyaksaṁkalpaḥ, samyagvāk, samyakkarmāntaḥ, samyagvyāyāmaḥ, samyaksmṛtiḥ, samyaksamādhiśceti| ete saptatriṁśabdodhipākṣikā dharmāḥ||

51. catasraḥ pratisaṁvidaḥ| tadyathā-dharmapratisaṁvit, arthapratisaṁvit, niruktipratisaṁvit, pratibhānapratisaṁvicceti||

52. catasro dhāraṇyaḥ| tadyathā-ātmadhāraṇī, granthadhāraṇī, dharmadhāraṇī, mantradhāraṇī ceti||

53. catvāri pratiśaraṇāni| tadyathā-arthapratiśaraṇatā na vyañjanapratiśaraṇatā| jñānapratiśaraṇatā na vijñānapratiśaraṇatā| nītārthapratiśaraṇatā na neyārthapratiśaraṇatā| dharmapratiśaraṇatā na pudgalapratiśaraṇatā ceti||

54. ṣaḍanusmṛtayaḥ| buddhānusmṛtiḥ, dharmānusmṛtiḥ, saṁghānusmṛtiḥ, tyāgānusmṛtiḥ, śīlānusmṛtiḥ, devānusmṛtiśceti||

55. catvāri dharmapadāni| tadyathā-anityāḥ sarvasaṁskārāḥ| duḥkhāḥ sarvasaṁskārāḥ| nirātmānaḥ sarvasaṁskārāḥ| śāntaṁ nirvāṇaṁ ceti||

56. daśākuśalāni| tadyathā-prāṇātipātaḥ, adattādānam, kāmamithyācāraḥ, mṛṣāvādaḥ, paiśunyam, pāruṣyam, saṁbhinnapralāpaḥ, abhidhyā, vyāpādaḥ, mithyādṛṣṭiśceti||

57. gatayaḥ ṣaṭ| tadyathā-narakaḥ, tiryak, pretaḥ, asuraḥ, manuṣyaḥ, devaśceti||

58. ṣaḍ dhātavaḥ| pṛthvī, āpaḥ, tejaḥ, vāyuḥ, ākāśaḥ, vijñānaṁ ceti||

59. aṣṭau vimokṣāḥ| tadyathā-rūpī rūpāṇī paśyati śūnyam| ādhyātmārūpasaṁjñī bahirdhārūpāṇi paśyati śūnyam| ākāśānantyāyatanaṁ paśyati śūnyam| vijñānānantyāyatanaṁ paśyati śūnyam| ākiṁcanyāyatanaṁ paśyati śūnyam| naivasaṁjñānāsaṁjñāyatanaṁ paśyati śūnyam| saṁjñāvedayitanirodhaṁ paśyati śūnyaṁ ceti||

60. pañcānantaryāṇi| tadyathā-mātṛvadhaḥ, pitṛvadhaḥ arhadvadhaḥ, tathāgataduṣṭacittarudhirotpādaḥ, saṁghabhedaśceti||

61. aṣṭau lokadharmāḥ|| lābhaḥ, alābhaḥ, sukham, duḥkham, yaśaḥ, ayaśaḥ, nindā, praśaṁsā ceti||

62. navāṅgapravacanāni| tadyathā-sūtram, geyam, vyākaraṇam, gāthā, udānam, jātakam, vaipulyam, adbhutadharmaḥ, upadeśaśceti||

63. dvādaśa dhūtaguṇāḥ| paiṇḍapātikaḥ, traicīvarikaḥ, khalupaścādbhaktikaḥ, naiṣadyikaḥ, yathāsaṁstarikaḥ, vṛkṣamūlikaḥ, ekāsanikaḥ, ābhyavakāśikaḥ, āraṇyakaḥ, śmāśānikaḥ, pāṁśūkūlikaḥ, nāmantikaśceti||

64. daśa bhūmayaḥ| pramuditā, vimalā, prabhākarī, arciṣmatī, sudurjayā, abhimukhī, dūraṁgamā, acalā, sādhumatī, dharmameghā ceti||

65. samantaprabhā, nirupamā, jñānavatī| etāḥ sahitāsrayodaśa bhūmayaḥ||

66. pañca cakṣūṁṣī| māṁsacakṣuḥ, dharmacakṣuḥ, prajñācakṣuḥ, divyacakṣuḥ, buddhacakṣuśceti||

67. ṣaṭ kleśāḥ| rāgaḥ, pratighaḥ, mānaḥ, avidyā, kudṛṣṭiḥ, vicikitsā ceti||

68. pañca dṛṣṭayaḥ| satkāyadṛṣṭiḥ, antagrāhadṛṣṭiḥ, mithyādṛṣṭiḥ, dṛṣṭiparāmarśaḥ, śīlaparāmarśaḥ||

69. catuviṁśatirupakleśāḥ| tadyathā-krodhaḥ, upanāhaḥ, mrakṣaḥ, pradāśaḥ, īrṣyāḥ, mātsaryam, śāṭhyam, māyā, madaḥ, vihiṁsā, hrīḥ, anapatrapā, styānam, aśrāddhyam, kausīdyam, pramādaḥ, muṣitasmṛtiḥ, vikṣepaḥ, asaṁprajanyam, kaukṛtyam, middham, vitarkaḥ, vicāraśceti||

70. pañcāhārāḥ| dhyānāhārāḥ, kavalīkārāhārāḥ, pratyāhārāḥ, sparśāhārāḥ, saṁcetanikāhārāśceti||

71. pañca bhayāni| ājīvikābhayam, śokabhayam, maraṇabhayam, durgatibhayam, parṣadasādyabhayaṁ ceti||

72. catvāri dhyānāni| tadyathā-savitarkaṁ savicāraṁ vivekajaṁ prītisukhamiti prathamadhyānam| adhyātmapramodanātprītisukhamiti dvitīyam| upekṣāsmṛtisaṁprajanyaṁ sukhamiti tṛtīyam| upekṣāsmṛtipariśuddhiraduḥkhāsukhā vedaneti caturthaṁ dhyānamiti||

73. trayo vimokṣāḥ| śūnyatā, animittaḥ, apraṇihitaśceti||

74. bodhisattvānāṁ daśa vaśitāḥ| āyurvaśitā, cittavaśitā, pariṣkāravaśitā, dharmavaśitā, ṛddhivaśitā, janmavaśitā, adhimuktivaśitā, praṇidhānavaśitā, karmavaśitā, jñānavaśitā ceti||

75. bodhisattvānāṁ daśa balāni| tadyathā-adhimuktibalam, pratisaṁkhyānabalam, bhāvabalam, kṣāntibalam, jñānabalam, prahāṇabalam, samādhibalam, pratibhānabalam, puṇyabalam, pratipattibalaṁ ceti||

76. tathāgatasya daśa balāni| tadyathā-sthānāsthānajñānabalam, karmavipākajñānabalam, nānādhātujñānabalam, nānadhimuktijñānabalam, sattvendriyaparāparajñānabalam, sarvatragāminīpratipattijñānabalam, dhyānavimokṣasamādhisamāpattisaṁkleśavyavadānavyutthānajñānabalam, pūrvanivāsānusmṛtijñānabalam, cyutyutpattijñānabalam, āsravakṣayajñānabalaṁ ceti||

77. catvāri vaiśāradyāni| tadyathā-abhisaṁbodhivaiśāradyam, āsravakṣayajñānavaiśāradyam, nairvāṇikamārgāvataraṇavaiśāradyam [antarāyikadharmānanyathātvaniścitavyākaraṇavaiśāradyaṁ] ceti||

78. pañca mātsaryāṇi| dharmamātsaryam, lābhamātsaryam, āvāsamātsaryam, kuśalamātsaryam, varṇamātsaryaṁ ceti||

79. aṣṭādaśāveṇikā buddhadharmāḥ| tadyathā-nāsti tathāgatasya skhalitam| nāsti ravitam| nāsti muṣitasmṛtitā| nāstyasamāhitacittam| nāsti nānātvasaṁjñā| nāstyapratisaṁkhyāyopekṣā| nāsti chandaparihāṇiḥ| nāsti vīryaparihāṇiḥ| nāsti smṛtiparihāṇiḥ| nāsti samādhiparihāṇiḥ| nāsti prajñāparihāṇiḥ| nāsti vimuktiparihāṇiḥ| nāsti vimuktijñānadarśanaparihāṇiḥ| sarvakāyakarmajñānapūrvagamajñānānuparivṛttiḥ| sarvavākkarmajñānapūrvaṁgamajñānānuparivṛttiḥ| sarvamanaskarmajñānapūrvaṁgamajñānānuparivṛttiḥ| atīte'dhvanyasaṅgamapratihatajñānam| pratyutpanne'dhvanyasaṅgamapratihatajñānadarśanaṁ ceti||

80. catvāro mārāḥ| tadyathā-skandhamāraḥ, kleśamāraḥ, devaputramāraḥ, mṛtyumāraśceti||

81. catvāri śraddhāṅgāni| tadyathā- āryasatyam, triratnam, karma, karmaphalaṁ ceti||

82. navānupūrvasamādhisamāpattayaḥ| tadyathā-catvāri dhyānāni, catasra ārūpyasamāpattayaḥ, nirodhasamāpattiśceti||

83. dvātriṁśallakṣaṇāni| tadyathā-cakrāṅkitapāṇipādatalatā| supratiṣṭhitapāṇipādatalatā| jālābalabaddhā(vanaddhā ?)ṅgulipāṇipādatalatā| mṛdutaruṇahastapādatalatā| saptotsadatā| dīrghāṅgulitā| āyatapārṣṇitā| ṛjugātratā| utsaṅgapādatā| urdhvāgraromatā| aiṇejayaṅghatā| pralambabāhutā| koṣagatabastiguhyatā| suvarṇavarṇatā| śuklacchavitā| pradakṣiṇāvartaikaromatā| ūrṇālaṁkṛtamukhatā| siṁhapūrvāntakāyatā| susaṁvṛttaskandhatā| citāntarāṁsatā| rasarasāgratā| nyagrodhaparimaṇḍalatā| uṣṇīṣaśiraskatā| prabhūtajivhatā| siṁhahanutā| śuklahanutā| samadantatā| haṁsavikrāntagāmitā| aviraladantatā| samacatvāriṁśaddantatā| abhinīlanetratā| gopakṣanetratā ceti||

84. aśītyanuvyañjanāni| tadyathā-tāmranakhatā| srigdhanakhatā| tuṅganakhatā| chatrāṅgulitā| citrāṅgulitā| anupūrvāṅgulitā| gūḍhaśiratā| nigranthiśiratā| gūḍhagulphatā| aviṣamapādatā| siṁhavikrāntagāmitā| nāgavikrāntagāmitā| haṁsavikrāntagāmitā| vṛṣabhavikrāntagāmitā| pradakṣiṇagāmitā| cārugāmitā| avakragāmitā| vṛttagātratā| mṛṣṭagātratā| anupūrvagātratā| śucigātratā| mṛdugātratā| viśuddhagātratā| paripūrṇavyañjanatā| pṛthucārumaṇḍalagātratā| samakramatā| viśuddhanetratā| sukumāragātratā| adīnagātratā| utsāhagātratā| gambhīrakukṣitā| prasannagātratā| suvibhaktāṅgapratyaṅgatā| vitimiraśuddhālokatā| vṛttakukṣitā| mṛṣṭakukṣitā| abhugnakukṣitā kṣāmakukṣitā| pradakṣiṇāvartanābhitā| samantaprāsādikatā| śucisamudāratā| vyapagatatilakagātratā| tūlasadṛśasukumārapāṇitā| snigdhapāṇilekhatā| gambhīrapāṇilekhatā| āyatapāṇilekhatā| nātyāyatavacanatā| bimbapratibimboṣṭhatā| mṛdujivhatā| tanujivhatā| raktajihvatā| meghagarjitaghoṣatā| madhuracārumañjusvaratā| vṛttadaṁṣṭratā| tīkṣṇaṁdaṁṣṭratā| śūkladaṁṣṭratā| samadaṁṣṭratā| anupūrvadaṁṣṭratā| tuṅganāsatā| śucināsatā| viśālanayanatā| citrapakṣmatā| sitāsitakamaladalanayanatā| āyatabhrūkatā| śuklabhrūkatā| susnigdhabhrūkatā| pīnāyatabhujalatā| samakarṇatā| anupahatakarṇendriyatā| avimlānalalāṭatā| pṛthulalāṭatā| suparipūrṇottamāṅgatā| bhramarasadṛśakeśatā| citrakeśatā| guḍākeśatā| asaṁmuṇitakeśatā| aparuṣakeśatā| surabhikeśatā| śrīvatsamuktikanandyāvartalakṣitapāṇipādatalatā ceti||

85. cakravartināṁ sapta ratnāni| tadyathā-cakraratnam, aśvaratnam, hastiratnam, maṇiratnam, strīratnam, khaṅgaratnam, pariṇāyakaratnaṁ ceti||

86. tatra trayo'dhvānaḥ| tadyathā-atīto'dhvā, anāgato'dhvā, pratyutpanno'dhvā ceti||

87. catvāraḥ kalpāḥ| tadyathā-antarakalpāḥ, mahākalpāḥ, śūnyakalpāḥ, sārakalpāśceti||

88. catvāri yugāni| tadyathā-kṛtayugam, tretāyugam, dvāparam, kaliyugaṁ ceti||

89. lokadvayam| tadyathā-sattvalokaḥ, bhājanalokaśceti||

90. catvāro yonayaḥ| tadyathā-aṇḍajaḥ, saṁsvedajaḥ, jarāyujaḥ, upapādukaśceti||

91. pañca kaṣāyāḥ| tadyathā-kleśakaṣāyaḥ, dṛṣṭikaṣāyaḥ, sattvakaṣāyaḥ, āyuḥkaṣāyaḥ, kalpakaṣāyaśceti||

92. trayaḥ sattvādhyāḥ| tadyathā-pūrvāntakoṭiparijñāyāḥ, aparāntakoṭiparijñāyāḥ, caturmārakoṭiparijñāyāśceti||

93. daśa jñānāni| tadyathā-duḥkhajñānam, samudayajñānam, nirodhajñānam, mārgajñānam, dharmajñānam, anvayajñānam, saṁvṛtijñānam, paracittajñānam, kṣayajñānam, anutpādajñānaṁ ceti||

94. pañca jñānāni| tadyathā-ādarśanajñānam, samatājñānam, pratyavekṣaṇājñānam, kṛtyānuṣṭhānajñānam, suviśuddhadharmadhātujñānaṁ ceti||

95. dve satye| tadyathā-saṁvṛtisatyam, paramārthasatyaṁ ceti||

96. caturāryasatyeṣu ṣoḍaśa kṣāntijñānalakṣaṇāḥ| tadyathā-duḥkhe dharmajñānakṣāntiḥ, duḥkhe dharmajñānam, duḥkhe'nvayajñānakṣāntiḥ, duḥkhe'nvayajñānam| samudaye dharmajñānakṣāntiḥ, samudaye dharmajñānam, samudaye'nvayajñānakṣāntiḥ, samudaye'nvayajñānam| nirodhe dharmajñānakṣāntiḥ, nirodhe dharmajñānam, nirodhe'nvayajñānakṣāntiḥ, nirodhe'nvayajñānam| mārge dharmajñānakṣāntiḥ, mārge dharmajñānam, mārge'nvayajñānakṣāntiḥ, mārge'nvayajñānaṁ ceti||

97. tatra duḥkhasatye catvāra ākārāḥ| tadyathā-anityataḥ, duḥkhataḥ, śūnyataḥ, anātmataśceti||

98. samudayasatye catvāra ākārāḥ| tadyathā-hetutaḥ, samudayataḥ, prabhavataḥ, pratyayataśceti||

99. nirodhasatye catvāra ākārāḥ| tadyathā-nirodhataḥ, śāntataḥ, praṇītataḥ, niḥsaraṇataśceti||

100. mārgasatye catvāra ākārāḥ| tadyathā-mārgataḥ, nyāyataḥ, pratipattitaḥ, nairyāṇika(ta)śceti||

101. catvāraḥ samādhayaḥ| tadyathā-ālokasamādhiḥ, vṛtāsamādhiḥ, ekādaśapratiṣṭhasamādhiḥ, ānantaryasamādhiśceti||

102. tatrāṣṭau [puruṣa]-pugdalāḥ| tadyathā-srotaāpannaphalapratipannakaḥ, srotaāpannaḥ, sakṛdāgāmiphalapratipannakaḥ, sakṛdāgāmī, anāgāmiphalapratipannakaḥ, anāgāmī, arhatphalapratipannakaḥ, arhaṁśceti||

103. tathāṣṭau pratipugdalāḥ| tadyathā-śraddhānusārī, dharmānusārī, srotaāpannaḥ, devakulaṁkulaḥ, manuṣyakulaṁkulaḥ, sakṛdāgāmiphalaḥ, śraddhavimuktirdṛṣṭiprāpta ekavīcīko'nāgāmyantarāparinirvāyī upahatyaparinirvāyī abhisaṁskāraparinirvāyī pluto'rddhaplutaḥ sarvāstānapluto dṛṣṭadharmasamaḥ kāyasākṣī khaṅgaśceti||

104. [tadanu dvādaśākaradharmacakrapravartakaṁ(naṁ) katamat ? tadyathā-idaṁ duḥkhamāryasatyamiti bhikṣavaḥ pūrvamanuśrutya teṣu dharmeṣu yoniśo manasiṁgavataḥ(?) cakṣurudapādi| jñānamutpādi cintotpādi| cutrirudapādi| ityekaparicatakaḥ 1 idaṁ duḥkhamārya sa tatra khalvabhijñātaṁ iti bhikṣavaḥ| ityādi pūrvavaditiyaḥ|| idaṁ duḥkhasamudayamāryasatvaṁ tava khalvabhijñāya prahīṇamiti hityādi tṛtīyaḥ| tathā idaṁ duḥkhanirodha āryasatyamiti hipratyekaḥ|| idaṁ duḥkhanirodhaāryyasatyaṁ tatra khalvabhijñāya śākṣāt kartavyamiti hitya dvitīyaḥ| idaṁ duḥkhanirodhaāryasatya tatra khalu bhijñāya śākṣāt dvitīya| tadyathā idaṁ duḥkhamārgagāminī pratipadāryasatyemiti tyeka|| idaṁ duḥkhamokṣagāmini pratipa ityāryyasatyaṁ tatra khalu bhijñāya bhāvayitavyamiti hi bhikṣava ityādi tṛtīyaḥ| parivarta ityeva dvādaśākāradharmacakrapravarttanamiti||]

Ms. C.

tadanu dvādaśākāradharmacakrapravartakaḥ| katamat| idaṁ duḥkhamāryasatyamiti bhikṣavaḥ| pūrvamanuśrutya teṣu dharmeṣu yoniśo manasigavataḥ cakṣurudapādi| jñānamutpādi cittotpādi| cutrirutpādi|| ityekaparivartaka idaṁ duḥkhamāryasatyaṁ tatra khalvabhijñāya parijñātamiti hi bhikṣavaḥ| pūrvamanuśruya teṣu yoniso manasiṅgarvutaḥ|| iti dvitīyaḥ|| idamāryasatyaṁ tatra khalvabhijñātaṁ iti bhikṣavaḥ| ityādi pūrvavaditi yaḥ||

idaṁ duḥkhasamudayamāryasatyaṁ tava khalvabhijñāya prahīṇamiti hītyādi tṛtīyam||

tathā idaṁ duḥkhanirodha āryasatyamiti hi pratyekaḥ|| idaṁ duḥkhanirodha āryasatyaṁ tatra khalvabhijñāya sākṣāt kartavyamiti hityādi| dvitīyaḥ| idaṁ duḥkhanirodha āryasatyaṁ tatra khalvabhijñāya sākṣāt kṛtamiti dvitīyaḥ|

tathā idaṁ duḥkhamārgagāmini pratipadāryasatyamiti pratyeka| idaṁ duḥkhamokṣagāminī pratipat|| ityāryasatyaṁ tatra khalvabhijñāya bhātavyamiti hi bhikṣavaḥ ityādi tṛtīyaḥ| parivartta ityevaṁ dvādaśākāradharmacakrapravartanamiti|| ||

Restored Text.

tadatra dvādaśākāradharmacakrapravartakaṁ (naṁ ?) katamat ? idaṁ duḥkhamāryasatyamiti (me) bhikṣavaḥ pūrvamananuśruteṣu dharmeṣu yoniśo manasikurvataḥ cakṣurudapādi jñānamudapādi vidyodapādi bhūrirudapādītyekaṁ parivartakam| idaṁ duḥkhamāryasatyaṁ tatra khalvabhijñāya parijñātamiti hi (me) bhikṣavaḥ pūrvamananuśruteṣu dharmeṣu yoniśo manasikurvata iti dvitīyam| idaṁ duḥkhamāryasatyaṁ tatra khalvabhijñāya parijñātamiti bhikṣavaḥ ityādi pūrvavaditi tṛtīyam||

[tathedaṁ duḥkhasamudayamāryasatyamiti pratyekam| idaṁ duḥkhasamudayamāryasatyaṁ tatra khalvabhijñāya prahātavyamiti dvitīyam|] idaṁ duḥkhasamudayamāryasatyaṁ tatra khalvabhijñāya prahīṇamiti hītyādi tṛtīyam|

tathedaṁ duḥkhanirodhamāryasatyamiti hi pratyekam| idaṁ duḥkhanirodhamāryasatyaṁ tatra khalvabhijñāya sākṣātkartavyamiti hītyādi dvitīyam| idaṁ duḥkhanirodhamāryasatyaṁ tatra khalvabhijñāya sākṣātkṛtamiti tṛtīyam||

tatheyaṁ duḥkhamārgagāminī pratipadityāryasatyamiti pratyekam| iyaṁ duḥkhamokṣagāminī pratipadityāryasatyaṁ tatra khalvabhivijñāya bhāvayitavyamiti hi bhikṣava ityādi dvitīyam|

[idaṁ duḥkhamokṣagāminī pratipadityāryasatyaṁ tatra khalvabhijñāya bhāvitamiti tṛtīyam||]

105. tatra dānaṁ trividham| tadyathā-dharmadānam, āmiṣadānam, maitrīdānaṁ ceti||

106. śīlaṁ trividham| tadyathā- saṁbhāraśīlam, kuśalasaṁgrāhaśīlam, sattvārthakriyāśīlaṁ ceti||

107. kṣāntistrividhā| tadyathā-dharmanidhyānakṣāntiḥ, duḥkhādhivāsanākṣāntiḥ, paropakāradharmakṣāntiśceti||

108. vīryaṁ trividham| tadyathā-saṁnāhavīryam, prayogavīryam, para(ri)niṣṭhāvīryaṁ ceti||

109. dhyānaṁ trividham| tadyathā-sadoṣāpakarṣadhyānam, sukhavaihārikadhyānam, aśeṣavaibhūṣitadhyānaṁ ceti||

110. prajñā trividhā| tadyathā-śrutamayī, cintāmayī, bhāvanāmayī ceti||

111. upāyastrividhaḥ| tadyathā-sarvasattvāvabodhakaḥ, sattvārthābhāvakaḥ, kṣiprasukhābhisaṁbodhiśceti||

112. praṇidhānaṁ trividham| tadyathā-susthānaprābandhikam, sattvārthaprabandhikam, buddhakṣetrapariśodhakaṁ ceti||

113. balaṁ trividham| tadyathā-karmavyāvartakam, kleśāpakarṣakam, mānapramādādivyāvartakaṁ ceti||

114. jñānaṁ trividham| tadyathā-avikalpakam, vikalpasamabhāvabodhakam, satyārthopāyaparokṣaṁ ceti||

115. tatrāvaraṇe dve| tadyathā-kleśavaraṇam, jñeyāvaraṇaṁ ceti||

116. nairātmyaṁ dvividham| tadyathā-dharmanairātmyam, pugdalanairātmyaṁ ceti||

117. saṁbhāro dvividhaḥ| tadyathā-puṇyasaṁbhāraḥ, jñānasaṁbhāraśceti||

118. tatra ṣaṭ samādhyāvaraṇāni| tadyathā-kausīdyam, mānam, śāṭhyam, auddhatyam, anābhogaḥ, satyābhogaśceti||

119. tatra pratipattyāṣṭau prahāṇasaṁskārāḥ| tadyathā-śraddhā, buddhaḥ(ddhiḥ), vyāyāmaḥ, prasrabdhiḥ, smṛtiḥ, saṁprajanyam, cetanā, upekṣā ceti||

120. tatra catvāro dvīpāḥ| tadyathā-pūrvavidehaḥ, jambudvīpaḥ, aparagodāniḥ(nīyaḥ), uttarakurudvīpaśceti||

121. aṣṭāvuṣṇanarakāḥ| tadyathā-saṁjīvaḥ, kālasūtraḥ, saṁghātaḥ, rauravaḥ, mahārauravaḥ, tapanaḥ, pratāpanaḥ, avīciśceti||

122. aṣṭau śītanarakāḥ| tadyathā-arbudaḥ, nirarbudaḥ, aṭaṭaḥ, apapaḥ, hāhādharaḥ, utpalaḥ, padmaḥ, mahāpadmaśceti||

123. sapta pātālāni| tadyathā-dharaṇītalaḥ, acalaḥ, mahācalaḥ, āpaḥ, kāñcanaḥ, saṁjīvaḥ, narakaśceti|

124. dvau cakravālau| tadyathā-cakravālamahācakravālau ceti||

125. aṣṭāṅgaparvatāḥ| tadyathā-yugaṁdharaḥ, īśādharaḥ, khadirakaḥ, sudarśanaḥ, vinatakaḥ, aśvakarṇaḥ, nemiṁdharagiriḥ, sumeruśceti||

126. sapta sāgarāḥ| tadyathā-kṣāraḥ, kṣīraḥ, dadhi, udadhiḥ, ghṛtam, madhuḥ, surā ceti||

127. tatra ṣaṭ kāmāvacarā devāḥ| tadyathā-cāturmahārājakāyikāḥ, trāyastriṁśāḥ, tuṣitāḥ, yāmāḥ, nirmāṇaratayaḥ, paranirmitavaśavartinaśceti||

128. aṣṭādaśa rūpāvacarā devāḥ| tadyathā-brahmakāyikāḥ, brahmapurohitāḥ, brahmapārṣadyāḥ, mahābrahmāṇaḥ, parīttābhāḥ, apramāṇābhāḥ, ābhāsvarāḥ, parīttaśubhāḥ, śubhakṛtsnāḥ, anabhrakāḥ, puṇyaprasavāḥ, bṛhatphalāḥ, asaṁjñisattvāḥ, avṛhāḥ, atapāḥ, sudṛśāḥ, sudarśanāḥ, akaniṣṭhāśceti||

129. catvāro'rūpāvacarā devāḥ| ākāśānantyāyatanopagāḥ, vijñānānantyāyatanopagāḥ, ākiṁcanyāyatanopagāḥ, naivasaṁjñānāsaṁjñāyatanopagāśceti||

130. trividhā ālaṅghanāḥ| tadyathā-satyālaṅghanā, dharmālaṅghanā, anālaṅghanā ceti||

131. trividhā mahāmaitrī| tadyathā-satyālaṅgha(mba)nā, dharmalaṅgha(rmālamba)nā, anālaṅgha(mba)nā ceti||

132. trividhaṁ karma| tadyathā-dṛṣṭadharmavedanīyam, utpadyavedanīyam, aparavedanīyaṁ ceti||

133. trividhaṁ prātihāryam| tadyathā-ṛddhiprātihāryam, ādeśanāprātihāryam, anuśāsanīprātihāryaṁ ceti||

134. aṣṭāvakṣaṇāḥ| tadyathā-narakopapattiḥ, tiryagupapattiḥ, yamalokopapattiḥ, pratyantajanapadopapattiḥ, dīrghāyuṣadevopapattiḥ, indriyavikalatā, mithyādṛṣṭiḥ, cittotpādavirāgitatā ceti||

135. trividhā vikalpāḥ| tadyathā-anusmaraṇavikalpaḥ, saṁtirana(tīraṇa)vikalpaḥ, sahajavikalpaśceti||

136. catvāraḥ samādhayaḥ| tadyathā-śūraṁgamaḥ, gaganagañjaḥ vimalaprabhaḥ, siṁhavikrīḍitaśceti|

137. caturdaśāvyākṛtavastūni| tadyathā-śāśvato lokaḥ, aśāśvato lokaḥ, śāśvataścāśāśvataśca, naiva śāśvato nāśāśvataśca| antavāllokaḥ, anantavāllokaḥ, antavāṁścānantavāllokaśca, naivāntavānnānantavāṁśca| bhavati tathāgataḥ paraṁ maraṇāt, na bhavati tathāgataḥ paraṁ maraṇāt, bhavati na ca bhavati ca tathāgataḥ paraṁ maraṇāt, naiva bhavati na bhavati tathāgataḥ paraṁ maraṇāt| sa jīvastaccharīram, anyo jīvo'nyaccharīraṁ ceti||

138. trīṇi kuśalamūlāni| tadyathā-adveṣaḥ, alobhaḥ, amohaśceti||

139. etadviparyayāntrīṇyakuśalamūlāni| tadyathā-lobhaḥ, mohaḥ, dveṣaśceti||

140. tisraḥ śikṣāḥ| tadyathā-adhicittaśikṣā, adhiśīlaśikṣā, adhiprajñāśikṣā ceti||

iti nāgārjunapādaviracito'yaṁ dharmasaṁgrahaḥ samāptaḥ||