pañcaskandhaprakaraṇam

ācārya vasubandhuviracitam
pañcaskandhaprakaraṇam

prathamādhikāraḥ - skandhoddeśanirdeśakaḥ

pañcaskandhāḥ

rupaskandhaḥ vedanāskandhaḥ saṁjñāskandhaḥ saṁskāraskandhaḥ vijñānaskandhaśca||1||

rupasya dvau bhedau

rupaṁ katamat| yat kiñcid rupaṁ sarvaṁ taccatvāri mahābhūtāni catvāri ca mahābhūtānyupādāya||2||

mahābhūtanāmāni

katamāni catvāri mahābhūtāni | pṛthivī dhātuḥ abdhātuḥ tejodhātuḥvāyudhātuśca||3||

mahābhūtalakṣaṇāni

tatra pṛthivīdhātuḥ katamaḥ| kaṭhinatā||4||

abdhātuḥ katamaḥ| niṣyandatā||5||

tejodhātuḥ katamaḥ uṣṇatā||6|

vāyudhātuḥ katamaḥ| paunaḥ punyakampanatā||7||

upādāyarupanāmāni

upādayarupaṁ katamat| cakṣurindriyam, śrotrendriyam, ghraṇendriyam, jihvendriyam, kāyendriyam, rupam, śabdaḥ, gandhaḥ, rasaḥ, spraṣṭavyaikadeśaḥ, abijñaptiśca||8||

upādāyarupalakṣaṇāni

cakṣurindrayaṁ katamat| varṇabiṣayo rupaprasādaḥ||9||

śrotrendrayaṁ katamat| śabdaviṣayo rupaprasādaḥ||10||

ghrāṇendriyam katamat| gandhaviṣayo rupaprasādaḥ ||11||

jihvendriyam katamat| rasaviṣayo rupaprasādaḥ ||12||

kāyendriyam katamat| spraṣṭavyaviṣayo rupaprasādaḥ ||13||

rupaṁ katamat| cakṣurgocaraḥ| varṇaḥ saṁsthānam bijñaptiśca||14||

śabdaḥ katamaḥ| śrotragocaraḥ| niṣpannḥ aniṣpannaḥ ubhayaḥ| upāttacatumarhābhutahetukaḥ anupāttacaturmahābhūtahetukaḥ ubhayacaturmahābhūtahetukaśca||15||

gandhaḥ katamaḥ |ghrāṇagocaraḥ| surabhiḥ asurabhiḥ tadanyaśca||16||

rasaḥ katamaḥjihvāgocaraḥ| madhuraḥ amalaḥ lavaṇaḥ kaṭuḥ tiktaḥ kaṣāyaśc||17||

spraṣṭavyaḥ katamaḥ| kāyagocaraḥ | mahābhūtānyupādāya ślakṣṇatvam karkasatbam gurutvam laghutvam śītatvam jighatsā pipāsā ca ||18||

abijñaptirupaṁ katamat |vijñaptisamādhisaṁbhūtaṁ rupam anidarśanam apratigham ||19||

rupaskandhaḥ soniddeśaḥ pariniṣṭhitaḥ |

atha vedanā salakṣaṇaprabhedā

vedanā katamā| trividho'nubhavaḥ | sukhaḥ duḥkhaḥ aduḥkhāsukhaśca ||20||

sukho yasmin nirudhde saṁyogecchā jāyate ||21||

duḥkho yasminnutpanne viyogecchā jāyate ||22||

aduḥkhāsukho yasminnutpanne nobhayecchā jāyane ||23||

vedanaskandhaḥ sonideśanirdeśaḥ parinisṭhataḥ |

atha saṁjñā lakṣaṇa prabhedā

saṁjñā katamā | viṣayanimittod grahaṇam ||24 ||

sā tridhā parittā mahadgatā apramāṇā ca ||25||

saṁjñā skandhaḥ soddeśanirdeśaḥ parinisṭhitaḥ |

saṁskārāṇāṁ dvaubhedau

saṁskārāḥ katame | vedanāsaṁjñābhyāmanye caitāḥ cittaviprayuktāśca ||26||

tatra caitadharmāḥ katame | ye dharmārścittena saṁprayuktāḥ ||27||

caitaparisaṁkhyānam

te katame| sparśaḥ manaskāraḥ vedanā saṁjñā cetanā chandaḥ adhimokṣaḥ smṛtiḥ samādhiḥ prajñā śradhdā hrīḥ apatrapā alobhaḥ kuśalamūlam adveṣaḥkuśalamūlam amohaḥkuśalamūlam vīryam praśrabdhiḥ apramādaḥ upekṣā avihiṁsā rāga pratighaḥ mānaḥ avidyā dṛṣṭiḥ vicikitsā krodha upanāhaḥ mrakṣaḥ pradāśaḥ īrṣyā mātsaryarm māyā śāṭhyam madaḥ ahiṁsā āhrikyam anapatrāpyam styānam, auddhatyam, āśraddhyam, kauśīddhyam pramādaḥ muṣitāsmṛti, bikṣepaḥ, aprasajanyam, kaukrityam, middham,vitarkaḥ, vicāraśca ||28||

eteśāṁ paśca sarvatragāḥ | pañcapratiniyataviṣayā |ekādaśakuśalāḥ |ṣaṭkleśāḥ| śiṣṭā upakleśāḥ| catvāro'nyatrāpi bhavantītyaniyatāḥ||29||

caittalakṣaṇāni

sparśaḥkatamaḥ| trikasaṁnipāte indriyavikāraparicchedaḥ||30||

manaskāraḥ katamaḥ| cetasa ābhogaḥ||31||

cetanā katamā |guṇadoṣānubhayeṣu cittābhisaṁskāro manaskarma ||32||

chandaḥ katamaḥ | abhiprete vastunyabhilāṣaḥ ||33||

adhimokṣaḥ katamaḥ | niścite vastuni tathaivāvadhāraṇam ||34||

smṛtiḥ katamā |saṁstute vastunyasaṁpramoṣaḥ ||35||

samādhiḥ katamaḥ |upaparīkṣye vastuni cittasyaikāgratā ||36||

prajñā katamā |tatraiva pravicayo yogāyogavihito'nyathā ca ||37||

śraddā katamā | karmafalāsatyaratneṣvabhisaṁpratyayaḥ | cetaso'bhilāṣaḥ cetasaḥ prasādaḥ ||38||

hrīḥ| katamā ātmānaṁ dharmaṁ vādhipatiṁ kṛtvā svayamavayena lajjā ||39||

apatrapā katamā |lokamadhipatiṁ kṛtvā parato'vadhena lajjā ||40||

alobhaḥ katamaḥ |lobha pratipakṣaḥ | cetaso dānakṣetrāparigrahaḥ||41||

adveṣaḥ katamaḥ |dveṣapratipakṣaḥ | maitri||42||

amohaḥ katamaḥ | mohapratipakṣaḥ | yathābhūtasaṁpratipattiḥ ||43||

vīryaṁ katamat kausīddyapratipakṣaḥ kuśale cetaso'bhyutsāhaḥ ||44||

praśrabdhiḥ katamā | dauṣṭhulyapratipakṣaḥ kāyacittakarmaṇyatā ||45||

apramādaḥ katamaḥ | pramādapratipakṣaḥ | alobhādīn vīryāntān niśritya akuśalānāṁ dharmāṇāṁ prahāṇam |tatpratipakṣāṇāṁ kuśalānāṁ dharmāṇāṁ bhāvanā ||46||

upekṣā katamā | alobhādīn vīryantān niśritya cittasamatā | cittapraśastā | cittānābhogatā |yayākliṣṭadharmānavakāśenā'kliṣṭeṣu sthitiḥ ||47||

avihiṁsā katamā | vihiṁsāpratipakṣaḥ karuṇā||48||

rāgaḥ katamaḥ |upādānaskandheṣvabhyarthanā | adhyavasānam ||49

pratighaḥ katamaḥ | satveṣvāghātacittatā ||50||

mānaḥ katamaḥ | mānaḥ saptavidhaḥ | atimānaḥ , mānātimānaḥ asmimānaḥ , abhimānaḥ , ūnamānaḥ ,mithyāmānaśca ||51||

atimānaḥ katamaḥ | hīnāt śreyānahamasmi sadṛśena vā sadṛśo'smīti cintayato yā cittasyonnatiḥ||53||

mānātimānaḥ katamaḥ | śreyaso'hameva śreyāniti cintayato yā cittasyonnatiḥ ||54||

asmimānaḥ katamaḥ | pañcasūpādānaskandheṣvātmānamātmīyaṁ vā paśyato yā cittasyonnati ||55||

abhimānaḥ katamaḥ | aprāpta uttare viśeṣādhigame prāpto mayeti cintayato yā cittasyonnatiḥ ||56||

ūnamānaḥ katamaḥ |bahṛvantaraviśiṣṭādalpāntarahino'smīti cintayato yā cittasyonnatiḥ ||57||

mithyāmānaḥ katamaḥ | aguṇavato guṇavānahamasmīti cintayato yā cittasyonnatiḥ||58||

aviddhyā katamā | karmafalasatyaratnānāmajñānam | sā punaḥ sahajā parikalpitā ca ||59||

rāgacaritasya rāgapratighayoḥ rāgacaritasyāviddyāyāścetyakuśalānāṁ trīṇī mūlāni | lobho'kuśalamūlaṁ ddheṣo'kuśalamūlaṁ , moho'kuśalamūlaṁ ca||60||

dṛṣṭiḥ katamā pañcadṛṣṭyaḥ - satkāyadṛṣṭiḥ, antargrāhyadṛṣṭiḥ, mithyādṛṣṭiḥ , dṛṣṭiparāmarśaḥ, śīlavrataparāmarśaśca ||61||

satkāyadṛṣṭiḥ katamā| pañcopādāna - skandhānātmata ātmīyato vā paśyato yā kliṣṭā prajñā ||62||

antargrāhyadṛṣṭiḥ katamā |tānevādhipatiṁ kṛtvā śāśvatata ucchedato vā paśyato yā kliṣṭā prajñā ||63||

mithyādṛṣṭiḥ katamā | hetuṁ vā falaṁ vā kriyāṁ vāpavadataḥ sadāvastu vināśayato yā kliṣṭā prajñā ||64||

dṛṣṭiparāmarśaḥ katamaḥ | tā eva tikhro dṛṣṭistadāśrayāṁśca skandhān śreṣṭhataḥ paramataśca paśyato yā kliṣṭā prajñā ||65||

śīlabrataparāmarśaḥ katamaḥ | śīlaṁ vrataṁ tadāśrayāṁśca skandhānaśuddhito muktito naiyāṇikataśca paśyato yā kliṣṭā prajñā ||66||

vicikitsā katamā | satyādiṣu yā dvikoṭikā matiḥ ||67||

eteṣāṁ kleśānāṁ paścimāstistro dṛṣṭayaḥ vīcikitsā ca parikalpitāḥ | śiṣṭāḥ sahajāḥ parikalpitāśca ||68||

krodhaḥ katamaḥ | vartaṁmānamapakāramāgamya yā cetasa āghātacetanā ||69||

upanāhaḥ katamaḥ| vairānubandha ||70||

mrakṣaḥ katamaḥ ātmano'vaddhapracchādanā ||71||

pradāśaḥ katamaḥ caṇḍavacodāśitā ||72||

īrṣyā katamā parasaṁpattau cetaso vyāropa ||73||

mātsarya katamat |dānavirodhī cetasa āgrahaḥ ||74||

māyā katamā | paravaścanābhūtārthasadarśanatā ||75||

śāṭhyaṁ katamat |svadoṣapracchādanopāyasaṁgṛhitaṁ cetasaḥ kauṭilyam ||76||

madaḥ katamaḥ | svasaṁpattau raktasyoddharṣaḥ | cetasaḥ paryādānam ||77||

vihiṁsā katamā |satveṣu viheṭhanā ||78||

āhrīkyaṁ katamat | avadyena svayamalajjā ||79||

anapatrāp katamat | avadyena parato'lajjā ||80

satyānaṁ katamat | cittākarmaṇyatā |staimityam ||81||

auddhatyaṁ katamat | cittasyāvyupasamaḥ ||82||

āśraddhyaṁ katamat | karmaphalasatyaratneṣvanabhisaṁpratyayaḥ | śraddhāvipakṣaścetaso'prasādaḥ ||83||

kauśiddyaṁ katamatṁḥ kuśale cetaso'nabhyutsāho vīryavipakṣa ||84||

pramādaḥ katamaḥ | yā lobhadveṣamohekauśīddyaiścitasyānārakṣā kuśalasyābhāvanā ||85||

muṣitāsmṛtiḥ katamā | kliṣṭāsmṛtiḥ | kuśalāpratipatiḥ ||86||

vikṣepaḥ katamaḥ | rāgadveṣamohāṁśikaḥ pañcakāmaguṇeṣu cittasya visāraḥ ||87||

aprasajanyaṁ katamat kleśasaṁprayuktā prajñā | tayā kāyavākcittacaryā asaṁviditeva pravartate ||88||

kaukṛtyaṁ katamat | cetaso vipratisāraḥ ||89||

middhaṁ katamat | asvataṁtravṛtticetaso'bhisaṁkṣepaḥ ||90||

vitarkaḥ katamaḥ paryeṣako manojalpaḥ cetanāprajñāviśeṣaḥ yā cittasyaudārikatā ||91||

vicāraḥ katamaḥ | paryeṣako manojalpaḥ tathaiva yā cittasya sūkṣmatā ||92||

|ittaviprayuktaparisaṁkhyānam||

cittaviprayuttasaṁskārāḥ katame |ye rupacitacaittadhikāre prajñaptāḥ , ta evānyatrāprajñaptāḥ ||93||

te katame | prāpti, asaṁjñisamāpattiḥ , nirodhasamāpattiḥ , āsaṁjñikam , jīvitendriyam, nikāyasabhāgatā, jāti , jarā, sthitiḥ, anityatā, nāmakāyaḥ, padakāyaḥ, vyañjanakāyaḥ, pṛthagjanatvamityevamādibhedasamādānāḥ ||94||

|ittaviprayuktalakṣaṇāni||

tatra prāptiḥ katamā | pratilambhaḥ samanvāgamaśca | bījam , vaśitā,abhimukhībhāvaśca yathāyogam ||95||

asaṁjñisamāpattiḥ katamṁ| śubhakṛtsnavītarāgasyoparyavītarāgasya niḥsaraṇasaṁjñāpūrvakeṇa manasikāreṇāvasthāvarāṇāṁ cittacaittadharmāṇāṁ yo nirodhaḥ ||96||

nirodhasamāpattiḥ katamā | ākiñcanyāyatanabītarāgasya bhavāgratāduccalitasya śāntavihāra - saṁjñāpūrvakeṇa manasikāreṇāsthāvarāṇāṁ cittacaittadharmāṇāṁ tadekatyānāṁ ca sthāvarāṇāṁ yo nirodhaḥ ||97||

āsaṁjñikaṁ katamat | asaṁjñisatvanikāyadeveṣupapannasyāsthāvarāṇāṁ cittacaittadharmāṇāṁ nirodhaḥ ||98||

jīvitendriyam katamat | nikāyasabhāgeṣu pūrvakarmānuviddhyeṣu yaḥ saṁskārāṇāṁ sthitikālaniyamaḥ ||99||

nikāyasabhāgaḥ katamaḥ | yā satvānāmātmabhāvasadṛśatā ||100||

jātiḥkatamā | nikāyasabhāge saṁskārāṇāmabhūtvā yo bhāṣaḥ ||101||

jarā katamā | tathā teṣāṁ prabandhānyathātvam ||102||

sthiti katamā |tathā teṣāṁ prabandhanvayaḥ ||103||

anityatā katamā | tathā teṣāṁ prabandhavināśaḥ ||104||

nāmakāyaḥ katamaḥ |dharmāṇāṁ svabhāvādhivacanam ||105||

pādakāyaḥ katamaḥ | dharmāṇāṁ viśeṣādhivacanam ||106||

vyañjanakāyaḥ katamaḥ| akṣarāṇi | tadubhayābhivyañjanatāmupādāya ||107||

vākyāni tāni | nāmapadāśreyeṇārthavacanatāmupādāya ||108||

akṣaraṁ punaḥ paryāyākṣaraṇatāmupādāya ||109||

pṛthagjanatvaṁ katamat | āryadharmāṇāmapratilambhaḥ ||110||

iti saṁskāraskandho nāma ||

saṁskāraskandhaḥ soddyeśanirdeśaḥ pariniṣṭhitaḥ ||111||

||vijñānalakṣaṇam ||

vijñānaṁ katamat | ālambanaṁbijñaptiḥ ||112||

cittamanasī vijñānaparyāyau sanirvacano taccitaṁ mano'pi citrīkāratā manoniśrayatāṁ ca upādāya ||113||

||salakṣaṇacittanirdeśaḥ||

mūlacittamālayavijñānaṁ tadyathedaṁ sarvasaṁskārāṇāṁ saṁcitaṁ bījam ||114||

tatpunarālambanamapyuparichinnamekasantānavarti | yathā nirodhasamāpatyasaṁjñisamāpatyā - saṁjñikebhyovyutthitasyāsmād viṣayavijñaptikaṁ nāma pravṛtti vijñānaṁ jāyate | ālambanapratyayamapekṣya bhinnākāreṣu vṛttitāmucchiddya punarjātatāṁ saṁsāre pravṛttinivṛtitāṁ copādāya tadālambanaṁ nāma vijñānam ||115||

ālayavijñānaṁ hi sarvabījālayatāmātmabhāvālayahetutāmātmabhāve sthititāṁ copādāya ||116||

ādānavijñānamapi tat | ātmabhāvādānatāmupādāya ||117||

||salakṣaṇamanonirdeśaḥ||

mūlamana ālayavijñānamāśritya nityamātmamohātmadṛṣṭyātmamānātmasnehaiḥ saṁprayuktaṁ vijñānamekajātīyasantānavarti arhatvāryamārganirodhasamāpattikāle vyāvartate ||118||

vijñānaskandhaḥ soniddeśanirdeśaḥ pariniṣṭhitaḥ||

||skandhanirvacanam||

kimarthaḥ skandhaḥ rāśyarthaḥ| kālagotrākāragativiṣayabhinnānāṁ rupādīnāmabhisaṁkṣepatāmupādāya ||119||

skandhoddyeśanirdeśakaḥ prathamādhikāraḥ pariniṣṭhitaḥ||

dvitīyādhikāraḥ

āyatanoddyeśanirdeśakaḥ

dvādaśāyatanāni | cakṣurāyatanam , rupāyatanam , śrotrāyatanam, śabdāyatanam , ghrāṇāyatanam , gandhāyatanam , jihvāyatanam , rasāyatanam , kāyāyatanam , spraṣṭavyāyatanam, mana āyatanam,dharmāyatanaṁ ca ||120||

|'ayatanānāṁ salakṣaṇaprapañcaḥ ||

cakṣurādīni rupaśabdagandharasāyatanāni yathoktapūrvāṇi ||121||

spraṣṭavyāyatanaṁ catvāri mahābhūtāni uktaśca yaḥ spraṣṭabyaikadeśaḥ ||122||

mana āyatanaṁ yo vijñānaskandhaḥ ||123||

dharmāyatanaṁ vedanā , saṁjñā , saṁskārāḥ , avijñaptiḥ , asaṁskṛtāśca ||124||

|'saṁskṛtāḥ salakṣaṇaprabhedāḥ||

asaṁskṛtā katame | ākāśam , apratisaṁkhyānirodhaḥ , pratisaṁkhyānirodhaḥ tathatā ca ||125||

tatrākāśaṁ katamat | rupāvakāśaḥ ||126||

apratisaṁkhyānirodhaḥ katamaḥ |yo nirodho na visaṁyogaḥ ||127||

sakleśā'pratipakṣeṇa skandhānāmātyantiko nirodhaḥ ||128||

pratisaṁkhyānirodhaḥ katamaḥ | yo nirodho visaṁyogaḥ ||129||

sakleśapratipakṣeṇa skandhānāmātyantiko nirodhaḥ ||130||

tathatā katamā | yā dharmāṇāṁ dharmatā | dharmanairātmyam ||131||

|'ayatananirvacanam||

kimupādāyāyatanamiti | vijñānotpādadvāratāmupādāya ||132||

āyatanoddyeśanirdeśako dvitīyādhikāraḥ pariniṣṭhitaḥ |

tṛtīyādhikāraḥ

dhātūddeśanirdeśakaḥ

||dhātunāmāni||

aṣṭadaśa dhātavaḥ | cakṣurdhātuḥ, rupadhātuḥ, cakṣurvijñānadhātu , śrotradhātuḥ, śabdadhātuḥ, śrotravijñānadhātuḥ, ghrāṇa-dhātuḥ, gandhadhātuḥ, ghrāṇavijñānadhātuḥ, jihvādhātuḥ, rasadhātuḥ, jihvāvijñānadhātuḥ , kāyadhātuḥ , spraṣṭavyadhātuḥ , kāyabijñānadhātuḥ , manodhātuḥ , dharmadhātuḥ , manovijñānadhātuśca ||133||

||dhātuprapaścaḥ||

cakṣurādayo dhātavo rupādayo dhātavaśca yathāyatanāni ||134||

ṣaḍvijñānadhātavaścakṣurāddyāśrayā rupādyālambanāvijñaptayaḥ ||135||

manodhātusteṣāmeva samanantaranirudhyaṁ ṣaḍvijñānadeśanāśrayatāmupādāya ||136||

||dhātuvyavasthanam||

ebamaṣṭādaśadhātuvyavasthānam | yo rupaskandhastāni daśāyatanadhātavaḥ||137||

dharmāyatanaṁ dharmadhātvekadeśaḥ ||138||

yo vijñānaskandhastanmana āyatanam , saptama manodhātavaśca ||139||

anye ye trayaḥ skandhā rupadhātvekadeśaśca , te'saṁskṛtai sahitā dharmāyatanaṁ dharmadhātuśca ||140||

||dhātunirvacanam||

kimupādāya dhātava iti| ākārakātmalakṣaṇadhāraṇatāmupādāya||141||

||skandhāyatanadhātukrameṇa dharmadeśanāyāḥ prayojanam||

kimartha skandhādikrameṇa deśanā | trividhātmagrāhapratipakṣeṇāyaṁ kramaḥ ||142||

ātmagrāhastrividhaḥ ekātmagrāhaḥ , vedakātmagrāhaḥ, kārakātmagrāhaśca ||143||

|'ṣṭādaśadhātuvikalpāḥ||

aṣṭādaśadhātuṣu kati rupiṇaḥ| ye rūpaskandhasvabhāvāḥ ||144||

katyarupiṇaḥ| śiṣṭāḥ||145||

kati sanidarśanāḥ | rupadhāturekaḥ sanidarśanaviṣayaḥ||146||

katyanidarśanāḥ| śiṣṭāḥ||147||

kati sapratidhāḥ | daśa rupiṇaḥ | yatra yatpratidhātastatra tat sapratigham ||148||

katyapratighāḥ | śiṣṭāḥ||149||

kati sāsravāḥ | pañcadaśa paścimānāṁ trayāṇāmekadeśaśca | te kleśotpādapratyakṣacaryāviṣayatāmupādāyaṁ ||150||

katyayanāstravāḥ | paścimānāṁ trayāṇāmekadeśaḥ ||151||

kati kāmapratisaṁyuktāḥ |sarva ||152||

kati rupapratisaṁyuktāḥ | caturdaśa sthāpayitvā gandharasaghrāṇajihvāvijñānadhātūn ||153||

katyārupyasaṁprayuktāḥ | paścimāśrayaḥ||154||

katyapratisaṁyuktāḥ |trayāṇāmekadeśaḥ ||155||

kati skandhasaṁgrahītāḥ | asaṁskṛtān sthāpayitvā ||156||

katyupādānaskandhasaṁgṛhītāḥ ye sāsravāḥ||157||

kati kuśalākuśalāvyākṛtāḥ | daśa trividhāḥ | sapta manodhātavaḥ, rupaśabdadharmadhātavaśca | śiṣṭā avyākṛtāḥ ||158||

katyādhyātmikāḥ | dvādaśa| sthāpayitvā rupaśabda gandharasaspraṣṭāvyadharmadhātūn ||159||

kati bāhyāḥ| ṣaṭ | ye sthāpitāḥ ||160||

kati sālambanāḥ |saptacittadhātavaḥ dharmadhātvekadeśo'pi yaścaittaḥ||161||

katyanālambanāḥ | śiṣṭā daśa dharmadhātvekadeśaśca||162||

kati savitarkāḥ | manodhātuḥ manovijñānadhātuḥ dharmadhātvekadeśaśca ||163||

kati niṣpannāḥ| pañcādhyātmikāḥ | caturṇāmekadeśaḥ ||164||

katyaniṣpannāḥ śiṣṭā daśa, caturṇāmekadeśaśca ||165||

kati sabhāgāḥ | ādhyātmikāḥ pañca rupiṇaḥ | svavijñānasahitaviṣayasadṛśatāmupādāya ||166||

kati tatsabhāgāḥ | ta eva svavijñānavirahitasvānvayasadṛśatāmupādāya ||167||

dhātūddyeśanirdeśakastṛtīyādhikaraḥ pariniṣṭitaḥ |

ācāryavasubandhuviracit pañcaskandhaprakaraṇaṁ samāptam |

pañcaskandhaprakaraṇaṁ śāstriṇā śāntibhikṣuṇā |

bhoṭānuvādamāgamya saṁskṛte punaruddhṛtam

yadatra sukṛtaṁ sarva tadācāryasya dhīmataḥ|

yat kukṛtaṁ tadāgo me kṣantavyaṁ sādhusūribhiḥ||

Technical Details

Text Version: 

Romanized

Input Personnel: 

DSBC Staff

Input Date: 

2007

Proof Reader: 

Milan Shakya

Supplier: 

Nagarjuna Institute of Exact Methods

Sponsor: 

University of the West

Chapter: 

0